عند عمر ووفــ,,ـاء
بعد مغادرة وفــ,,ـاء وعمر منزل عمها بعد تناولهم العشاء مع هذا الضيف
وفــ,,ـاء بقولك ايه شكل صاحب عمى دا راجل مقتدر
انت شايف عمى مرحب بيه ازاى وقال ايه حسان ابنه يبقي ايده اليمين …عايزاك كدا تشغل مخك ويكون لينا من الحب جانب ..
عمر يعنى عايزانى اعمل ايه
وفــ,,ـاء تقرب منه وتقدم ليه خدمــ,,ـاتك هو انا اللى هقولك تعمل ايه يا راجل …ولا عاجبك قاعدتنا هنا وشنا فى وش بعض ..
عمر بتنهيده ما كنت سيد زمانى ..ياريتنى ما سمعت كلامك انتى وسيف
عند نور
تصعد نور الى الحجرة المخصصه لها ..وتتذكر القليل من طفولتها ووالدتها الحنونه وخالتها التى عوضتها حنان امها وها هى هنا بين اشخاص اخرين ولا تدرى ماذا ينتظرها وسط تلك الاسرة …ظلت تفكر حتى راحت فى النوم …
عند ليلى ومصطفى فى حجرتهم
مصطفى انا ما حبيتش اتدخل ..بس ايه الداعى من جواز ادهم للبنت الغلبانه دى ..ليه تتحسب عليها جوازة وتبقي امام المجتمع مطلقه ..
ليلى بابتسامه ومين قالك انه هيطلقها
مصطفى انتى ما سمعتيش كلامه ولا ايه
ليلى دا مجرد كلام واضح جدا ان ادهم بن اخويا واقع لشوشته …
مصطفى انتى شايفه كدا
ليلى الحقيقه متأكده من كدا انت ما شوفتش كان بياكلها بعنيه …
مصطفى ربنا يقدم اللي فيه الخير
فى مكتب عمار الروبي
يجلس عمار بصحبه ادهم
عمار انت واثق من قرارك دا
ادهم ايوا يا بابا اطمن …
عمار احب اوضح ليك ان بنات الناس مش لعبه ومش علشان البنت غلبانه وملهاش حد تيجى عليها يا ابنى علشان مصلحتك
ادهم
حضرتك تعرفنى كويس ومتأكد ان مش دى اخلاقى وعمرى ما اقبل بالظلــ,,ـم ..
عمار طمنتنى وريحتنى ربنا يريح قلبك
عند سحر وحسان
بينما سحر وحسان يتناولان العشاء وتقص سحر له حكايتها منذ ان خرجت من الملجأ .وسيف وما حدث معها وكيف انقذها قبل ان يتم القــ,,ـبض عليها ..
حسان مش عارف ليه مش مستريح ل سيف دا وحاسس ان وراه حاجه غلط
سحر عندك حق بس انا مدينه ليه …هو اللى انقذنى ليرن هاتفها مكالمه ماسنجر..
بقلم منال عباس
سحر ابن حلال سيف وصل على السيرة
تضايق حسان وشعر بالغيرة وخصوصا انها ردت عليه
سيف پغضــ,,ـب انتى فين يا ست سحر
سحر فى ايه يا سيف انت بتكلمنى كدا ليه
سيف
—
علشان عرفت انك ماروحتيش مع السواق ..
سحر فعلا ..عندك حق ..حصل سوء تفاهم
سيف طب انتى فين
سحر انا ..انا …ليكتب لها حسان فى الصعيد
سيف باستغراب !!
وانتى ايه وداكى الصعيد
سحر الل حصل بقي
سيف طب ابعتى اللوكيشن واعملى حسابك هبعت ليكى السواق
سحر حاضر
وقامت بارسال اللوكيشن واغلقت الهاتف
حسان مستعجله اوووى على الرحيل
سحر هقعد هنا اعمل ايه ..ثم ما ينفعش افرض نفسي عليك
حسان وهو يركز بعيونها ان ماشالتكيش الارض تشيلك عنينا يا ست البنات
شعرت سحر بالاحراج من نظراته
لتتحدث بحديث اخر
سحر هى المسافه من هنا لمصر اد ايه
حسان حوالى 4 ساعات
سحر يااه دا احنا هنكون قربنا من الفجر
حسان انتى اللى مستعجله
سحر مش عارفه
اقولك ايه بس مصير الحى يتلاقى واشوفك تانى
حسان بحزن فى نفسه ليه كل ما احس بواحدة واتعلق بيها تسيبنى ..
سحر اسيبك علشان الم حاجتى تانى واجهز
حسان اه طبعا اتفضلى
اتصل سيف ب صفوان واخبره بمكانها وارسل له اللوكيشن
بعد عدة ساعات وصل السائق اليهم
ودعت سحر حسان واخذت حقيبتها ووضعتها بالسيارة وغادروا
وقف حسان للحظات …ثم قرر ان ……يتبع
الهروب بقلم منال_عباس
سكريبت 9
بعد عدة ساعات وصل السائق إليهم