ابتسم واقترب … امال هتبقي مفاجاه ازاي بس اللي خابره اني جلبي هيجف ساعتها عشان جلبي هيرتاح .. كانت تحس بڼار داخلها بحبها يكويها.. ويقول بكره جمري هيوعي لحاجات بتحرجني حرج.. بكره ماعادش فيه الا الفرح كانت تذووب من افعاله وقلبها سيخرج من مكانه همس اخيرا.. مش جادر الله في سماه كتير عليا اكده لينهاااال عليها بحب ..
ليبتعد اخيرا.. جلبي هيجف وانت تعبانه يا رب جربلي بكره الا اكده خلاص الصبر اشتكي مني .. اما اجوم بدل مايجرالي حاجه من كتمتي دي.. سلام يا جلب عزيز.. خرج وتركها لتسيل دموعها علي حالها فهي ادركت انها تعش/قه تماما وانه اصبح روحها.. ولكن ليس بيدها شئ تفعله حيال ذلك فالقلوب بين يدي الرحمن وهو قلبه ليس معها. ماله بكره ومفاجاه ايه دي.. هو ماله انجلب اكده وبجي حنين جوي وبيعمل حاجات ټم\وتني.. هو ساب البت شكله اكده.. يا رب يسيبها مايرجعلها.. بس يا حزينه بعد ما يسيبها مالجيش الا انت يتسلي عليكي.. لتقطب..
طب ماني مرته ما جايز يحبنيالشعب هينشل رباعي يا شيخه ام غبائك تنهدت…. بطلي هبل بتمني نفسك بايه غلب يجولك كيف و رغبه وما عايزكيش.. بس رجع ويجول حديت حلو واني فرحانه بحديته.. لتنهر نفسها بتمني نفسك بايه هو راجل بيتسلي حاجه طريه كيف ما جال يتسلي ويجول وانت تحمري وتجطعي النفس جدامه فينبسط انه لعب بيكي ما هو انت هبله. جلبي ما جدراش بيدج كيف الطبل اعمل ايه فيه ده يا رب صبرني الا في يوم هجفش فيه. اجوله بحبك وساعتها هتذل ذل الكلاب..
اه يا جلبي يانا بحبه وهو والا هنا اشفي يلللي بتشفي ..بدات تمسد علي بطنها بحنان وتهتف هتاجي تنور حياتي يا جلب ورد وهتكون النور اللي هيضوي حياتي حته من عزيز جوايا انسعد بيك واحس ان ليا حد بدل مانا عايشه لوحدي اكده.. تاجي بالسلامه يا جلب امك وابوك يروح لحاله يسعد باللي يجيبها وانا هسعد بيك يا جلبي هديك حب عزيز ليك هديك حنان ماخدتوش وهاخد حبك هتبجي دنيتي اللي هعيشها.. الحمد لله انت حنين يا رب عليا ماسبتنيش في الدنيا لوحدي..
بعد فتره صعدت اليها سعيده لتدخل عليها وتجلس بجوارها لتقوم ورد لتهتف سعيده.. خليكي يا بتي عزيز جال انك تعبانه خير يا بتي حاسه بايه.. هتفت ورد بارتباك.. مفيش يا اماي حاسه بجسمي بيوجعني ممكن يكون شويه برد وهيروحو لحالهم.. هتفت سعيده.. بس وشك اصفر يا بتي اشيع للحكيمه تاجي تشوفك.. لتقول ورد مسرعه.. لاه لاه انى منيحه هريح بس شويه معلهش انهارده مش هنزل.. لتقول سعيده.. م\اتنزليش يا ورد انت من ستات الدار يا بتي تعملي ما بدك انت مرت الكبير وما حدش يجولك تعملي ايه غير جوزك يا بتي.. يا مرات الغالي..
لتدمع عينا ورد فسعيده اظهرت حنانها لها اخيرا لتري سعيده الدموع في عينها اقتربت منها ټحتضنها…. مالك يا بتي جولي اعتبريني امك م\اتكتميش اكده اني خابره اني كنت شديده بس الله يحرجه التار يا بتي خد جلبي خد زوجي ونور عيني خلاني کرهت الناس وجت فيكي يا بتي.. بس دلوك حاسه انك بتي واكتر والله.. انت طيبه وحنينه وماعرفش انت ازاي اكده كيف الملاك بعد اللي جرالك من الكل.. بس الزمن يا بتي هيداوي ويطبب.. اعرفي ان اللي جاي خير..
وهتنسعدي يا ورد زي ما سعدتي عيلتك كلها وهتسعدي دار الجباليه انا عارفه يا بتي وخابره انك هتبقي حاجه كبيره في البيت ده وافتكري كلامي ده يا بتي… انا هجوم وابعتلك الوكل ما تتحركيش وارتاحي وهبعتلك حاجه سخنه تريحلك بطنك.. وقبلتها سعيده وخرجت.. نزلت دموع ورد واحست بالقهر.. انا هكون حاجه اكبيره وهسعد الدار.. اسكتي يام عزيز سيبيني بجهرتي وغلبي.. ال اسعد الدار ال.. دانا بيني وبين السعاده جبال.. وزمن ايه اللي هيداويني دانا زمني هيمزع فيا من هنا وجاي.. يا رب صبرني علي حالي.
لتنزل سعيده وتدخل علي الخدم وجميله وزينات يجلسون هتفت…. فوزيه ستك ورد تعبانه الوكل يطلعلها لحدها وكل ساعه تطلعيلها تشوفيها مالها لتعوز حاجه فاهمه لتستجيب فوزيه. هتفت زينات ….ومالها المعدوله تعبانه من ايه كنا بنشغلها في الفاعل.
نظرت سعيده اليهم لتفكر قليلا لتبتسم وتهتف ….اصل مرت ولدي بطنها بتوجعها وبترجع ووشها اصفر وبتجول البتاعه ما جاتش يبقي حامل دا يوم المني والفرح اما بس ياجي عزيز هنعملو فرح بس هيا جالتلي ما اجولش لحد عايزه تخبر جوزها وتعمله مفاجاه عرفت انه هياخدها الناحيه الشرجيه وعامل جاعده ليهم جولتلها م\اتجوليش عشان تفرح ولدي دا مكلف الجاعده الوف,,ات جايبها من مصر مخصوص لورد ربنا يسعده.. بت يا فوزيه استني اما اجوم اجهز الوكل معاكي لمرات ولدي الغاليه اللي شايله الغالي افوتكو بقه تاكلو روحكو
وذهبت بعد ان كادتهم… عسل يام عزيز