اتحرجت جدا من الي قالو وقالت بتوتر …لا انا همشي انت خليك… ولسه هتطلع مجد مسك ايدها وقال بسرعه..لا استني..انا حابب اتكلم معاكي ضروري..ارجوكي… وبص لعلي بغيظ وقال..هقوم اطلع عينك من قفاك
علي قال..طالعين ياعم..الله يسهلو
على مشي وجنه قالت بارتباك..انت بقيت زين دلوك ولا لسه پتتوجع
مجد ابتسم وقال..كنت بتوجع..ولما هلت عيونك خفيت
جنه ابتسمت ونزلت عبونها في الارض ومجد قال…لا بقى ما انا مقولتش كده علشان تحرميني منهم
جنه رفعت عيونها ليه وقالت..انا مش فهماك..انا في حياتي ماحد وقف جمبي كده ولا حتى اهلي…ليه…ده انت متعرفنيش واصل
مجد ابتسم وقال…الفة قلوب يا جنه..والفة
القلوب دي رابط من ربنا محدش يعرفلو اسباب
جنه ابتسمت وقالت…انا كنت جاية اشكرك..بس ملقتش كلام يكفي الي انت عملتو معاي يا ابن العم
مجد ابتسم وقال..انتي ليه بتناديني ابن العم
جنه قالت..علشان معرفاش اناديك بايه
مجد ابتسم ومد ايده وقال…انا مجد
جنه ضحكت وقفلتلو ايده وقالت..ما انا عارفه…بس مقدرش اناديك باسمك كده
مجد قال..ليه انا بناديكي جنه..وانتي تناديني مجد…بس كده..بسيطه قوي
جنه ابتسمتلو وقالت..حاضر يا مجد
مجد ابتسم وبص لعيونها بتوهان وقال..احلى مجد سمعتها
جنه بقت تحاول تتحاشى نظراتو وكانت متوتره جدا وقالت..زين اني اطمنت عليك …انا..انا هروح انام..تصبح على خير
جنه جريت بسرعه ومجد نام على السرير وقلبو بيدق واتنهد وقال بهمس..جنه…اسم على مسمى
في اليوم التاني جنه فضلت طول اليوم تهتم بمجد عملتلو اكل واخدت لبسو غسلتو وكانت بتحاول تساعدو يقوم وياكل وهو كان مبسوط جدا بوجودها معاه
بالليل كان الكل قاعدين بره رجاله صــ,,ـابر وعيلتو …علي ومجد طلعو قعدو معاهم عاملين جلسه حلوه وبيعملو اكل وشاي ومجموعين من كل البيوت زي ما يكونو بيت واحد
علي ومجد قعدو جمب صــ,,ـابر وصــ,,ـابر قال …ها ايه رأيكم في القعده عندنا..لو توافقو ..تكملو هنا
مجد ضحك وعلى قال… انا مش فاهم ايه الي عاجبك انت هنا
صــ,,ـابر
قال…ده مكاني ودول ناسي المكان هنا يرد الروح ولا زحمة المدينه وقرفها..ايه رايكم خليكم هنا وهجوزكم جوازات تحلف بيها البلد
مجد ضحك وقال…زي جوازتك.
صــ,,ـابر قال بضيق..ومالها يا اخوي جوازتي ..دي مروه دي القمر الي بيضوي بعد المغربيه
مجد ابتسم وقال… سيدي يا سيدي على الحب..قولي بقى اتقابلتو ازاي
صــ,,ـابر اتنهد وقال..كان يوم ميتنسيش كنت راجع من الغيط وشوفتها بتعدي الشارع كيف الهبله وفيه ترله هتخبطها
على قال…اوبا وبعدين
صــ,,ـابر قال..ولا قبلين اتصرفت طبعا..وجريت بعدتها
مجد قال ..الله وطبعا عشــ,,ـقتك بعدها
صــ,,ـابر اخد بق من كبايه الشاي الي في ايده وقال…عليك نور .هيه عشــ,,ـقتني وانا لبست الترله
مجد وعلى ضحكو جامد ومروه كانت جايه عليهم صــ,,ـابر قال..بس بقى الترله جات..قصدي مروه جات
مجد قام راح جمب جنه
كانت بتصب الشاي للناس وقاعده بهدوء قرب منها وقال…انا نفسي اكون زي الشاي ده
جنه ابتسمت وقالت..ليه..عايز تدلق
مجد ضحك وقال..لا ما انا كده كده ادلقت…بس كنت حابب ابقى زي كباية الشاي بالظبط