اتنهد وقال…. الوضع ده مش هينفع انا مش قادر امسك نفسي وانتي مش راضيه تحني طب لبس اهلك كده كمان مجنني اعمل ايه انهار ضحكت جامد ووقفت وهي بتتمايل بدلال وقالت ..مش مشكلتي انت السبب انت اللي ضيعت من ايديك كل ده راغب قرب عليها وقال… ما انا حكيت لك اللي حصل معايا انهار قالت بضيق …وتفتكر اللي حصل معاك ده يغير حقيقه اني كنت همـ,ـوت بسببك راغب اتنهد وقال…. لا طبعا…وحقك تزعلي بس انا عايز اعمل اي حاجه ارضيكي همـ,ـوت واراضيكي
انهار ضحكت جامد ومشت ايدها على صدره بخفه وقالت… للاسف مش هيحصل لاننا ببساطه هنطلق …ويكون في علمك انا عايزه اطلق قبل ما ترمل يعني قبل ما يلاقوك ويقـ,ـتلوك لازم تطلقني راغب اتسعت عينيه بدهشه من كلامها وقال… يا سلام هو ده اللي همك في الموضوع انهار بصت بعيد منه وهي عايز تضحك وقالت …اه طبعا
هو ده اللي هاممني…انت كده كده ميت…مش انت قولتلي كده امبارح …وكمان يا ريت اعرف هيدفنوك فين يعني لو دفنوك علشان اروح اقرالك الفاتحه
راغب قال بزهول …والله فيكي الخير كمان هتقري لي الفاتحه ده ايه الهنا اللي انا فيه ده و لسه هيمشي مسكه ايده وبصت لعيونه وقالت …. انا متاكده ان مش هيحصل لك حاجه …وسندت جيبينها على جبينه وقالت بهمس عند شفايفه… انت اسد …اسدي الشديد اللي يفوت في الحديد قبض على وسطها بقوه لما قالت كده وقال…. ايه لازمه الكلام اللي يولع الاعصاب ده انهار ضحكت برقه وقالت… ده علشان النيه عندك مش سليمه ما فيش سلكان خاااالص
راغب ضحك وحـ,ـضنها جامد وقال…. عارفه انا لو مت هبقى مبسوط علشان بالايام اللي قضتها معاكي حاسس ان هما اللي طلعت بيهم من الدنيا انهار اتملت عيونها دموع وبصت لعيونه وحطت ايديها على خدوده وقالت ….مش هيجرالك حاجه …انا متاكده ..رغم كل اللي حصل بس انا صدقت كل حرف قولتو ورغم ان قلبي اتحرق بعد اللي حصل لاكن مش هقدر استحمل انك تتأذي انت لو حصل لك حاجه انا ممكن اروح فيها راغب ابتسم وهو بيبص لعيانها وقال … ليه
انهار نزلت عيونها بارتباك وقالت….انت عارف ليه راغب رفع وشها ليه وقال…. نفسي اسمعها تاني ..علشان احس انك سامحتيني انهار دفعته ومشيت واخذت العبايه وقالت…. لسه بدري عليك على بال ما تسمعها تاني ..ده لو سمعتها اصلا ….يلا المضطر يركب الصعب هضطر البس العبايه بتاعه الاخت ….هي اسمها ايه صحيح راغب ضحك و قال ….مش فاكر الصراحه انهار قالت بغيظ …. طبعا وانت يا عيني هتفتكر مين ولا مين راغب ضحك جامد وقال…بهزر اسمها نونا…نونا كهربا
انهار لوت بقها بغيظ وقالت… نونا…اممم. تتربى في عزك ..ورفعت العبايه لفوق وقالت… مع ان شكلها مش نونا خالص واخدتها وراحت على الحمام وهو بيضحك من قلبه على كلامها وغيرتها الواضحه بعد شويه طلعت من الحمام وكانت لابسه العبايه ..كانت ضيقه وشكلها حلو جدا عليها
راغب صفر بوقاحه وقرب منها وبص لها من فوق لتحت وقال…. ضحكوا علينا يا بت نونا ما طلعتش كهربا ولا حاجه ….ده المحول كله قدامي اهو انهار ضحكت وقالت …طب اوعى تقرب لتتلسع
راغب ابتسم وشدها عليه بقت في حـ,ـضنه وقال….ما انا خايف لو بعدت اتحرق انهار ابتسمت بكسوف وقالت…. راغب وبعدين عايز ايه من الاخر راغب عض على شفته بوقاحه وقال.. عايز ابرد ناري ..واشوف المتداري انهار ضـ,ـربته في صدر بخفه وقالت…. بطل سفاله هو فيه حاجه لسه مداريه بلبس الرقصات ده راغب غمز وقال…طب ما ترقصي هو انا مش جوزك
انهار اتنهدت وقالت…وانبي فايق ورايق في الخيبه اللي احنا فيها دي….بقولك ايه انا عايزه اقول لك على حاجه
وخايفه تقول عليا ما عنديش دم
بقلم…زهرة الربيع
راغب ضحك وقال…. لا قولي كده كده بعد كل اللي بعمله معاكي ده وما فيش فايده ما عندكيش ولا نقطه انهار ضحكت وقالت ….بجد انا جعانه امبارح عملت عروسه وما رضيتش اكل..و بعد اللي حصل ما عرفتش اكل ابدا راغب ضحك بخفه وقال…من عنيا ما تقلقيش البيت هنا في اكل في الفريزر انا باجي هنا على طول لسه من يومين كنت هنا وعبيت التلاجه
انهار قالت بسعاده …بجد يعني هناكل راغب ابتسم وقال…هدخل بس اخد دش سريع و هنطلع نعمل مشاوي بره على البحر انهار فرحت جدا و اغب دخل استحمى وهيه بقت تجهز الاكل اللي هيحتاجوه وطلعوا سوا واخذوا الشوايه معاهم بقوا يعملوا كفته وكباب وكانت انهار بتساعده ومبسوطين جدا والجو جميل بعد ما جهزو الاكل حطو مفرش على على الرمل وقعدو ياكلو سوا انهار قالت بابتسامه ….الاكل تحفه انت طلعت فنان في الطبيخ راغب غمز وقال..انا فنان في حاجات كتير بس انت اللي مش راضيه تخليني اثبت لك فني