إلياس: انا متجوزها مؤقت شاهيناز بغل: تطلقها ياما انا همشي إلياس ببرود: الباب قدامك شاهيناز بصتله بحقد وغضب وهو اخد هدوم و دخل الحمام اخد دوش وطلع. لاقي شاهيناز بتلم هدومها. تجاهلها ونزل تحت قعد علي السفره علشان يفطر. فوق شاهيناز لمت هدومها. وبصت بشر علي اوضة ميرا… راحت وفتحت الباب ودخلت. ميرا بغضب: انتي ازاي تدخلي اوضتي بالطريقه دي مفيش باب تخبطي عليه. شاهيناز بغل: جايه اعرف إلياس كان بيعمل عندك اي امبارح.. و ازاي انتي مراته.
ميرا ببرود: روحي اسأليه انا مليش دعوه شاهيناز بغل مسكتها من شعرها..وميرا بتحاول تفلت منها وبتصرخ. إلياس سمع الصوت وطلع لاقي شاهيناز فوق ميرا وعماله تشد في شعرها… جذابها من فوقها… وضربها بالقلم. إلياس بغضب: انتي اي اللي بتعمليه ده انتي اتجننتي. شاهيناز بحقد: ايوا اتجننت البت دي لازم تغور من هنا. إلياس بغضب: هي هنا قبلك انتي انا اتجوزتك عليها متجوزتهاش هي عليكي عجبك علي كده تمام مش عجبك الباب مفتوح. شاهيناز بصتلهم.. واخدت شنتطها وطلعت من الفيلا.
ميرا كانت بتبكي إلياس. قرب منها بدون وعي مسح دموعها.برقه وبعدين فاق واتكلم بجديه. إلياس ببرود: بصي انا اللي عملته ده مش علشانك ولا حاجه بس انا مينفعش اسيبك تمشي انتي ممكن تدمري سمعتنا. ميرا بصتله بكره: انت انسان غبي فعلا انت شوفتني بعنيك بعمل حاجه مين اللي قالك كده إلياس بغضب جذابها من دراعها بعـ,ـنف :ملكيش دعوه.مين اللي قالي انتي متساليش عن اي حاجه بتحصل نهائي. ساب دراعها اللي علم مكان قوة ايديه عليها وبصلها بغضب ومشي راح الشركه.