#
#البارت 9 إلياس مقدرش يتحكم في اعصابه اكتر من كده. مسكها من دراعها بقسوه. إلياس بغضب:عايزه تعرفي مين اللي قالي والدتك اللي قالت عايزاني اعمل اي اقرب واحده ليكي بتقول كده يبقا لازم اصدق. ميرا حاسة الدنيا بتلف بيها و رجليها مش شايلها… وإلياس ندم من تسرعه هو مكنش هيقول بس هي استفزته. إلياس قرب منها بخوف. لما لاقي شهقاتها بتعالي.. وكانت هتقع عالارض بس ايده لاحقتها. ميرا بصريخ: ابعد عني ازاي ماما تقول عني كده… والله انا مش وحشه ي إلياس
إلياس بخوف من حالة الهستيريا اللي دخلت فيها. ضمها لحضنه بقوه وحاول يهديها. إلياس: خلاص اهدي ارجوكي انا هردلك كرامتك ي ميرا اوعدك. ميرا بصتله: انت مصدقني إلياس وده وشه الناحيه التانيه… هو برضو مش قادر يصدقها. إلياس بجديه: ميرا علي ما اظن مفيش ام هتتبلي علي بنتها. ميرا: يعني انت مصدقها انا هثبتلك العكس وهتندم ي إلياس إلياس بصلها… ومكنش، عارف يقول اي هو عايز يصدقها ومش قادر. إلياس: انا شايف انك عايزه ترتاحي شويه ي ميرا.
ميرا جت تقوم كانت هتقع إلياس شالها ولسه بيحطها عالسرير، الباب اتفتح. ودخلت شاهيناز. شاهيناز بغضب: طب مانت كويس اهو ي إلياس بيه اشعنا عندي ومش عايز. إلياس بغضب: شاهيناز الزمي حدودك وامشي علي اوضتك. شاهيناز بزعيق: مش همشي غير وانت معايا… وانتي يلي عامله نفسك طاهره وشريفه عايزه تاخديه ليكي لوحدك. إلياس بغضب جحيمي: شاهيناز قولتلك امشي علي اوضتك. شاهيناز بحقد: انا مستنياك لو مجتش هجيلك تاني. ميرا بتريقه: روحلها مستني اي، ي إلياس بيه
إلياس بصلها بغضب: انا اكون في المكان اللي عايزه انتي فاهمه.