المغسله أم أحمد

احمد
بصي هو كان معايا في المسجد وكان بيعيط جامد على بنته وحكي لي ان البنت اتوفت وامها واخوها هي المفروض انها مراته مش امها بس عشان مربياها وكده فتعتبر امها الست دي بقا قبل ماهو يوصل دفنتها بعد ما جابت لها تـ,ـصـ,ـريح دفن واتدفنت حنان
طيب ولما هي اتدفنت هو عايز يخرجها ليه يا احمد مش المفروض انها خلاص اتدفنت

احمد
لأنهم يا حنان بيقولوا ان بنته كانت بتعمل حاجة غلط وبعدها اتوفت بسكتة قلبيه فهو عايز يثبت لهم ان هو مربي بنته كويس وعايز يخرجها ويكشف عليها عشان محدش في العيلة يتكلم عليها لان طبعا اللي هي مراتة دي مسكتتش وعرفت الكل ان البنت كان فيها حاجة ام احمد
لا حول ولا قوة الا بالله طيب وهو ازاى عايز يعمل كده في حرمة الميت ويخرج الجثة الموضوع يبقا شكله كبير اوي يا احمد يابني

احمد
بصي ياأمي انتي تعملي اللي عليكي وخلاص ياحبيبتي وان شاء الله انتي تعرفي الحقيقه فين بس عايز اقولك حاجة انا قلبي ان البنت دي في حاجة حصلت معاها من مرات ابوها دي ام احمد
طيب وانت ايه اللي يخليك تقول الكلام ده يابني احمد
عشان منين قالت له ان البنت دي كانت مش كويسة وبتعمل حاجات غلط وانها كانت شاكة فيها ومنين البنت راحت كده بسكتة قلبيه حنان
اكيد يا احمد ربنا هيظهر الحق وكل حاجة هتبان طبعا
وفي بيت أسامة اللي بنته اتوفت دخل لمراتة وقالها

أسامة
انا خلاص يا نهى هطلع البنت من القبر هعملها كشف عذرية عشان اعرف اذا كان كلامك صحيح ولا لا وادي تصريح استخراج الجثة معايا اهو نهى بتوتر
وانت ااا يعني ليه عايز تعمل كده ليه يا اسامة هو بعد كل اللي حكيت لك عنه ده مش مصدقني ده كفايه ان بنتك كانت عايشة في محافظه تانية لوحدها وراجعة منها بطنها ااد كده أسامة
بقولك ايه يا نهى انا مش عايز وجع دماغ وكلام كتير وبعدين انتي قلقانة ومتوترة ليه كده سبيني أظهر براءة بنتي اللي وسختي سمعتها وسط العيلة دي وانا مبقتش عارف ارفع راسي وسط اخواتي

نهى
بقولك ايه اعمل اللي انت عايزة انا خلاص زهقت من تصرفاتك مع بنتك ودلعك ليها حتى وهي ميتة مش عايز تصدق عليها حاجة ياخويا بلا هم
قالت كلامها وسابته ودخلت جوه
وبعدها فعلا أسامة ودي بنته الطب الشرعي وقالو انها لسه بنت ورجع بيها البيت وقال لنهي وهو بيعيط أسامة
شوفتي يا نهى مش قولت لك ان بنتي لسه بنت انا عارف اخلاقها كويس جدا ودلوقتي هبعت اجيب واحده تغسلها

نهى بارتباك
يعني ايه اللي كان في بطنها ده مكنش حمل ازاى وبعدين واحده مين دي اللي تغسلها انا هجيب لك واحده معرفتي انا تغسلها وخلاص خلصنا رد اخوه مدحت وقاله مدحت
والله انا مش عارف كان لزومو ايه انك تعمل كده في البت يا اسامة اييه انت كنت بتقول للي مايعرفش يعرف ولا ايه ولا انت شكلك دماغك اتلحست من بعد موت بنتك اللي حملت في الحرام وجابت لك العـ,ـار

أسامة
لا يا مدحت انا دماغي لسه زي ما هي انا بس كنت عايز أأكد لكم ان البنت زي الفل وانا مربيها كويس جدا وعمرها ماتعمل حاجة حرام غلط ولا حرام نهى
هو انت اصلا ربيتها ولا شوفتها يا أسامة ده البت دي كانت دايرة على حل شعرها اصلا