حنه بتوتر: انت ايه يا دياب
دياب: جعان يا حنه جعان
حنه بصدمه وهيا بتمسح دموعها: دياب انت مجنون
دياب: هاكل و اقولك
حنه: ماشي هجبلك تاكل بس ده ميمنعش اني مش هسيبك غير لما تقولي
هز دياب راسه بهدوء و حنه نزلت تجيب الاكل و بعد دقايق طلعت ب الاكل
دياب: يلا وكليني انتي
قربت منه حنه و بدأت تأكلو بكل حب
بعد شويه
حنه: يلا اهو خلصت اكل احكيلي
دياب: انا و سكت شويه
حنه: انت اي يا دياب قول
دياب: عايز شاي
حنه بعصبيه:
لا بقا انت هتجنني
دياب بحده: صوتك يا حنه
حنه ببكى: حرام كدا انا قلقانه و عايزه اعرف مالك
شدها دياب قعدها جنبه و اتكلم
دياب: اهدي يا حنه
حنه ببكى: مالك يا دياب
دياب بتنهيده: تعبان يا حنه
حنه: تعبان مالك
دياب:
المسكنات الي باخدها و حطتها هنا مش عارف مين بيبدلها و انا طبعاً كنت باخد منها
و لما بدأت احس بتعب طنشت و كنت باخد زياده من العلاج على اساس انه المسكنات الي بجيبها بس لما بدأت اتعب جامد روحت كشفت و كان لازم اعمل تحاليل و اشاعات و انهارده الصبح صحيت على رنة التليفون و الدكتور قالي ان التحاليل و الاشاعات ظهرت و طلعت باخد علاج يجبلي فشل كلوي
حنه بصدمه: ايه انت بتقول ايه
دياب:
الدكتور قالي ان حالتي متأخره و ممكن اخف في حالع واحده لو قدرت ابطل العلاج ده و بيقولي اني تسعين في الميه مش هقدر ابطل العلاج ده لاني هبقى متعصب على طول من غيره و حالتي هتبوظ بس مع الوقت هخف و لو مقدرتش مخدوش هيجيلي فشل كلوي
حنه ببكى: لا يا دياب انت هتبطل و هتخف و انا جنبك
دياب: هحاول ابطلوا هحاول
حنه ببكى: مش هسيبك غير لما تخف يا دياب لازم تخف