الحما
ياسلام يعني البت دي لسه شايفه نفسها وماشية على حل شعرها هي مش ناوية تجيبها لبر ولا ايه وفــ,,ـاء
لا وابنك بيحلم بيها لا وكمان بيكلمها في التليفون ده لسه بيحبها وعايزها وكمان بيقولي كده في وشي وانا لوما بحبه بحط في بوقي جزمة وبسكت الحما
والله انتي أصيلة يابت يا وفــ,,ـاء متزعليش وانا هتكلم معاه واجيب لك حقك منه ودخلت احمد وقال لهم
انتو بتتفقو عليا ولا ايه يا امي هو ايه الموضوع في ايه
الام
احنا اللي في ايه ولا انت اللي في ايه ياحبيبي انا عايزة اعرف هي البت دي عملالك ايه بالظبط عامله لك عمل ياروح امك ولا ايه بص لوفــ,,ـاء وقال لأمه
هو ايه الموضوع يا امي بالظبط هو في ايه يا وفــ,,ـاء انتي قولتي لها ايه الام
ملكش دعوة بوفــ,,ـاء بنت الأصول اللي لو لفيت الدنيا كلها مش هتلاقي واحدة محترمة زيها كده احمد
انتي عايزة ايه يا امي دلوقتي انا مش عارف انتي عايزة ايه بس
الام
انا عايزاك تخلي بالك من مراتك وبيتك انت ملكش الا هي وبلاش تكلم البت التانية اللي ماشية على حل شعرها دي احمد
انا عايز اعرف انتي جبتي الكلام ده منين على فكرة بقا سلمي دي مفيش في ادبها ولا اخلاقها ومتصدقيش كلام اي حد يا امي لو سمحتي وفــ,,ـاء
وانت مالك واثق فيها اوي كده ليه أن شاء الله شوفتي يا حمــ,,ـاتي شوفتي جالك كلامي احمد
يوووه وبعدين بقا في كلامك ده انتي مش ناوية تجبيها لبر ولا ايه
الام
سيبك منها وكلمني انا يابني انت ملكش حد في الدنيا إلا مراتك والبت بنت خالك دي انساها خالص وبلاش تفكر فيها دي واحده امها اول لما اخويا راح راحت اتجوزت علطول ودي اكيد برضو بتدور على راجل تخرب بيته وتاخده ليها احمد
انا مش هكمل كلام معاكي يا امي واضح ان الهانم مالية دماغك بكلام ملوش لازمة انا ماشي احسن وبعدها سابهم ومشي وفــ,,ـاء
شوفتي بيعمل ايه انتي عجبك كده الحما
خلاص بقا يابت هو اصلا مش هيقدر يستغنا عنك هو ليه غيرك اصلا
وبعدها خلصنا اليوم ورحت مع هاجر البيت عندها وفتح لنا جوزها سامح اللي لما شافني قال لها سامح
ايه ده ودي مين القمر اللي جايه معاكي دي يابت انتي بتعرفين ناس حلوه اوي كده سلمي
ايه ده جرا ايه يا جدع انت ده مــ,,ـاتلم نفسك لحسن والله أبلغ عنك وانا جايه مع هاجر عشان اقولك انك لازم تطلقها وتسيبها بدال اللي انت عامله فيها ده انت سامع سامح
لا والله خوفت انا بقا جرا ايه ياست هاجر انتي جايبه لي واحده محامية عنك ولا ايه
سلمي
سيبك منها وكلمني انا انت لازم تطلقها بدال ما اخليها تخلعك انت سامع ولا لا احنا مش في غابة هنا سامح
ما تتكلمي ياست هانم ردي علي صاحبتك هاجر
خلاص يا سلمى الله يخليكي امشي دلوقتي من هنا عشان خاطري امشي سلمي
بقا كده يا هاجر طيب انا ماشية ومعرفتش اتكلم وسبتها ومشيت وبعدها سامح قالها
سامح
بقا انتي بقا جايبه لي محامية مش كده ونزل فيها ضـ,ـرب وقال لها من النهاردة مفيش شغل تاني انتي فاهمة
وعدي يومين وانا كل لما اتصل بيها الاقي تليفونها مقفول وقولت لازم اروح اشوفها وفتح لي سامح وقال
سامح
اهلا وسهلا يا قمر اتفضلي سلمي
ممكن اعرف هاجر فين بعد اذنك سامح
دي هاجر نزلت بس بتجيب حاجة وجايه تعالي استنيها جوه سلمي
طيب من فضلك سيب الباب مفتوح ممكن بقا اعرف انت ليه بتعمل فيها كده سامح
على فكرة والله انا انسان كويس هي بس اللي بتستـ,ـفزني وتخليني اعمل فيها كده سلمي
دي هاجر طيبة جدا ومالهاش في اي حاجة خالص انا عارفاها من زمان
سامح عمل نفسه بيعيط وقال
اللي انتي شايفاها دي واحده تانية دي علطول بتتبلي عليا انتي متعرفيش عن اذنك انا هدخل اشرب شوية مايه بس وسابني ودخل وخرج في ايده كوباية عصير وانا قولت له سلمي
هي هاجر هتتاخر ولا ايه انا عايزة اطمن عليها وامشي
سامح
متقلقيش زمانها جايه دلوقتي اتفضلي اشربي ده على بال ما تيجي وبعدين انتي قاعده متوترة ليه كده على فكرة الباب مفتوح على العموم انا هخرج وانتي استنيها هنا عن اذنك وفعلا سابني وخرج وانا شربت العصير ولقيت الدنيا بتلف بيا واغمى عليا وهو دخل تاني وشالني ودخل بيا على السرير وصحيت لقيت هاجر بتصوت وبتقول هاجر
يلهوي يلهوي انتي يا سلمى انتي مع جوزى في سريري معقول اللي انا شايفاه ده سامح
والله يا هاجر هي اللي جات لي وفضلت تعاكسني وقالت انها محتاجة راجل وانها عايزاني يعني…… وانا راجل وضعفت
سلمي بتعيط
أخرس يا حيوان متصدقهوش يا هاجر ده هو اللي شربني حاجة والله ياهاجر هاجر
اخرسي بقا انتي تعملي كده مع جوزى ياواطية سلمي
لا متقوليش كده ارجوكي يا هاجر انا معملتش حاجة ولا اعرف ايه اللي حصل والله