= بجد يا يونس هز راسه بدموع و هو بيحاول يخليها متشوفش دموعه
لاول مره يحس بضعفه بالشكل دا و ان قلبه مسيطر عليه كليا غصون كانت قاعدة في البلكونه و شايله الكتاب في ايديها
اتكلمت بحده و هي بتبصلهم
= ماما انا هرجع المدرسه من بكره الامتحانات خلاص قربت منى بحنان
= مينفعش يحبيبتى عشان رجلك مش هتقدري تمشي عليها دلوقتي لما ترتاحي شويه ابقي روحي
اتنهدت بقله حيله و هي بتحاول تحرك ايديها بس مش قادره
اتكلمت بغضب و هو بتبص ليونس و مي
= هو ايه قلة الأدب… دي
هم مش واخدين بالهم انهم في الجنينه و فيه غفر
اي حد هيقف في بلكونته هيشوفهم منى بحده
= و انتي مالك بيهم
اتنين متجوزين و….. قاطعتها غصون و هي بتتكلم بدموع و حمقه
= طب ما هو جوزي انا كمان
بصتلها منى بحده
= لا يا غصون و مستحيل يبقى جوزك
الجواز مش بس مأذون و شهود
الجواز قبول ما بين الطرفين
الجواز حب و موده و رحمه
و دول مش موجودين معاكي انتي و يونس و متنسيش هو قال شهرين و يطلقك هزيت راسها بالم و اتكلمت بدموع و صوت متحشرج
= انا عايزه انام منى بحنان
= طب يلا يحبيبتي ننام غصون بهدوء
= روحي انتي نامي في اوضتك يا ماما انا هنام و لو صحيت و احتاجت حاجه هرن عليكي تجيلي
كانت لسه هتعترض بس وقفتها غصون و هي بتتكلم بترجي
= ارجوكي يا ماما
حاسه اني محتاجه ابقى لوحدي هزيت منى راسها بحزن و سندتها تعقد على السرير و فرديت رجليها و خرجت من الاوضه
بقلمي يارا عبدالعزيز
غصون فرديت جسمها على السرير
غمضت عينيها و هي بتفتكر قربه منها الصبح و استسلامها ليه و شكله و هو مع مي
اتكلمت بغضب
= واحد بوشين و بتاع بنات بيستغلني عشان انا صغيره و هو اصلا بيحبها
كنت المفروض اقول اللي هي عاملته معايا و ان هي اللي حرقتني…
بس هي عملت كدا من غلها اكيد مفيش واحدة هتقدر تستحمل تشوف جوزها و حبيبها في حـ,ـضن واحدة تانيه غيرها انتي اللي خدتيه منها بس لازم تحطي حدود للتعامل مع يونس بعد كدا الشهرين دول لحد اما تطلقوا
حاولت تهدي نفسها و ذهبت في نوم عميق و دموعها على خدها في الاسفل
طلعت مي من البيسين بعد ما سمعت صوت اشعار جاي لفونها
بصيت للفون لتنصدم بشده كبيره من محتوى الرساله اللي وصلتلها من جاسر
” مفكره انك لما تيجي سوهاج مش هعرف اجيبك ……. انا دلوقتي في سوهاج ربع ساعة و الاقيكي في الصيدليه اللي على اول الشارع و الا انتي عارفه انا ممكن اعمل فيكي ايه” بصيت للرساله بخوف شديد و مسحتها بسرعه قبل ما يونس ياخد باله
اتكلمت بهدوء منافي تماما للخوف اللي جواها
= يونس انا محتاجه حاجه ضروريه من الصيدليه
يونس بهدوء
= هقول لحد من الخدم يروح يجيبها مي بخوف
= لا اصل هم مش هيعرفوا انا عايزه ايه بالظبط انا عارفه اللي عايزاه
فيه صيدليه على اول الشارع انا شوفتها و انا جايه هروح على طول و اجاي يونس بهدوء
= تمام يلا انا هوصلك
اطلعي غيري هدومك و نروح مي بخوف شديد
= لا خليك انت انا هاخد السواق
متخافش مش هتأخر عليك يحبيبي و كمان هيبقى معايا السواق هطلع اغير هدومي بسرعه و هنزل
قالت كلامها و طلعت الجناح بسرعه و هي بتتهرب من نظراته و خديت عربيه من عربيات القصر و مشيت فيها
مكنش مهتم باي حاجه
يمكن لانه مديها الامان أو لان قلبه و عقله و كل تفكيره مع غصون
لاقى نفسه بيطلع و بيقف قدام باب اوضتها نفسه يدخل و يطمن عليها وصلت مي الصيدليه و شافت جاسر واقف على الباب و مستخبي ورا الازاز…
دخلت بسرعه و اتكلمت بهمس و خوف
= انت اتجننت جاي ورايا لحد هنا!!!
افهم بقى انا ست متجوزه
جاسر بسخريه
= ايه يختي!!
متجوزه
هو مش جوزك دا اللي كنتي بتستغلي غيابه و انه بيروح لاهله الصعيد و تقوليلي تعال الڤيلا انت وحشتني
دلوقتي جايه تقوليلي متجوزه
اوعي تفكري ان الكام شهر اللي سافرتهم دول هغيروا فيا اي حاجه انا لسه جاسر القديم مي بخوف
= انت عايز ايه يا جاسر اتكلم بسخريه
= عايز ليله من ليالي زمان تعالي معايا دلوقتي انا أجرت شقه هنا مي بخوف و غضب
= انت اتجننت
انا قايله ليونس اني رايحه الصيدليه اشتري حاجه ليا و هرجع على طول مش هينفع خالص دلوقتي
جاسر كان لسه هيتكلم بس قاطعه السواق اللي دخل
بعدت مي عن جاسر بسرعه و خوف شديد
و عملت نفسها متعرفهوش اتكلم السواق و باين على ملامحه الخوف
= ست مي بنتي تعبت اوي و لازم اروحلها المستشفى بسرعه ممكن حضرتك تخلصي بسرعه عشان ارجعك القصر و اروحلها مي بصيت لجاسر اللي كان واقف بيتكلم مع دكتور الصيدليه بتفكير و اتكلمت بهدوء
= بس انا لسه قدامي شويه على ما اخلص
اقولك روح انت و انا هاخد تاكسي
السواق بخوف
= ايوا يا هانم بس يونس بيه مي بهدوء
= متخافش انا هتصرف مع يونس المهم دلوقتي روح شوف بنتك هي أهم دلوقتي ابتسم السواق بخوف و مشي
بمجرد ما مشي مي خرجت و وراها جاسر
اتكلم جاسر ببأبتسامه
= تعجبني اوي كدا