اتكلمت هنا ببأبتسامه مقدرتش تخفيها
= مش هي دي بنتك اللي مبتغلطش
قولتلك يا ماما يااما تحت الساهي دواهي و اهي ظهرت على حقيقتها الست غصون _ منى بصتلها بصدمه شديده
هي عارفه ان هنا بتغير من غصون بس مكنتش متوقعه انها ممكن توصل بيها انها تتمنالها الموـ,ـت… _رمى عواد غصون بقوه في المخزن لتصرخ من شده المها
انكمشت على نفسها بخوف شديد و هي بتستعد لتلقي مصيرها و اللي هيكون على ايد ابن عمها
فضلت تبكي بقوه و خوف
_في المساء
وصل يونس القصر بعد ما جده طلب منه من غير ما يعرفه
بمجرد ما دخل القصر لاقى مكالمات كتير من أمه
لاقى الكل متجمع و مرات عمه بتبكي بقوه و امه قاعدة بتترعش بخوف
اتكلم يونس باستغراب
= طلبتني يا جدي! كامل بحده و هو بيبص لحامد
= روح هاتها من المخزن _هز حامد راسه بشر و راح جاب غصون من المخزن
تحت نظرات يونس اللي مكنش فاهم اي من اللي بتحصل _خرج كامل الصور من جيبه و اداها ليونس
كور يونس الصور في ايديه بغضب مفرط و بص لغصون اللي كانت بتترعش بخوف شديد و بتبصله بتوسل
اتكلم كامل بغضب
= بنت عمك جابتلنا العار…
و انا جيتك هنا عشان انت كبير العيله من بعدي و انت اللي هتغسل عارنا… _ يونس بصله بصدمه كبيره
رجع بص للصور بغضب و كان موزع نظراته ما بين الصور و غصون
منى كانت بتبصله و بتتمنى انه يرفض و يقنع جده
لان كامل مش بيسمع من اي حد غير يونس
لكن خالف كل توقعاتها لما اتكلم بحده و هو بيمسك ايد غصون بكل قوته
= تحت امرك يجدي