اسكريبت كامل ياعمى ما يصحش كدا

لأ .. مش عايزة
اتنهد و قعد جمبى ع الكنبة
ليه بس يا بنت الناس .. ما انا اعتذرتلك امبارح و لا انتى غاوية عند و خلاص
اه هو انا غاوية عند بقا
يووه .. تعالى يا حج شوف بنتك
قام من جمبى و دخل المطبخ و بابا جه
ايه يا حبيبة بابا مالك
مفيش يا بابا بس انا مش عايزة اروح معاه
ليه
كدة .. انا مش عايزة اقعد مع الشخص الهمجى ده فى بيت واحد .. خلينى قاعدة هنا
يبنتى ما انتى قعدتى امبارح و النهاردة معايا ..

و بعدين مراد مش همجى و لا حاجة هو عمل كل ده عشان بيغير عليكى
و لو .. بردو شخص همجى و عصبى و ايده سابقة راسه و مش بعيد ارجعلك بعد كام يوم و انا وشى وارم و لا دراعى مكسور
لا لا نتكلم جد بقا .. مراد ميعملش كدة مراد متربى احسن تربية اه و انا واثق انه ميعملش كدة ابدا .. صحيح انا مبطيقهوش و بهزءه فى الرايحة و الجاية بس منكرش انه راجل محترم و جدع و هيصونك ..

و إلا مكنتش جوزتك ليه من الاول يا يارا
قولها يا حاج بالله عليك قولها
قالها مراد و هو طالع من المطبخ و ماسك خيارة فى ايده
اسكت انت يا حيوان
حاضر
رجع تانى ع المطبخ و بابا بصلى و قال
يلا يا حبيبتى استهدى بالله و قومى روحى مع جوزك
فجأة سمعنا صوت غطا حلة وقع ع الأرض
سيب حلة المحشى اللى جوة يا حيوان
جه صوت مراد من المطبخ
يا حاج بنتك مجوعانى و كل اللى طالع عليها مبعرفش اطبخ مبعرفش اطبخ ..

اومال الأكل ده كله ايه
شايف يا بابا .. يعنى مزعلنى و كمان بيشتكيلك منى ..
طب ايه رأيك بقا انا مش هطلع من البيت ده و مش رايحة معاه فى حتة
بعد خمس دقايق ..
قلل سرعة العربية شوية احنا مش فى سباق
حاضر
و وطى صوت الاغانى
حاااضر
انت بتجز على سنانك ليه .. مش كفاية جاية معاك بالعافية و كمان مش مستحملنى
يستى انا عملت حاجة انتى غاوية جر شكل و خلاص .. خفى شوية ها ..

خفى شوية انا منستش ندالتك امبارح بالليل
قلت ببرود و انا ببص من شباك العربية
احسن تستاهل
بصلى بغيظ ف الاول و بعدين سكت شوية قبل ما يبتسم
life is hard لكن چمييييلة
يا شيخ اتنيل
مستمتع حتى و انا broke حياتى نكتة joke دام معايا هالأميييرة
قرصنى من خدى فبعدت ايده
بس بقا يا مراد
خلاص بقا يا يارا متبقيش قفوشة كدة الله
انت رايح فين ده مش طريق البيت
هو انا مقلتلكيش ..

استأذنت النهاردة من الشغل بالعافية و الله بالعافية بس مش مهم
بصلى و ابتسم و كمل
عشان اخدك افسحك شوية
اشمعنا
عادى يعنى بقالنا كتير مخرجناش مع بعض
ماشى
كنت مبسوطة من جوايا انا فعلا بقالى كتير متفسحتش بس طبعا مبينتش روحنا السينما و دخلنا فيلم كوميدى غيرلى مودى الۏحش
عمي ميصحش
موقع أيام نيوز
و ضحكنا كتير و بعدين اتعشينا فى مطعم و فى اخر اليوم على الساعة 11 بالليل روحنا قعدنا اودام البحر
كنا قاعدين على صخرة كبيرة كدة و ساكتين لحد ما مراد اتكلم
اتبسطتى
ايوة

.. شكرا
ابتسملى و بعدين قال
الحمدلله اول
مرة متعترضيش على حاجة
ابتسمت و مردتش فكمل
مع انى عارف انك بتعترضى لمجرد انك تعاندينى و خلاص
بصتله و قلت
ببقى رخمة
أوى
كشرت فقال بسرعة
بس قمر
ابتسمت و بعدت عينى عنه
انتى لسة بتكابرى يا يارا .. مع انك لو اديتينى و اديتى نفسك فرصة مش هتخسرى حاجة
بردو مردتش .. و انا عارفة كويس إن سكوتى بيضايقه
ابتسامة صغيرة اترسمت على شفايفه و ضړب كتفى بكتفه و هو بيقول
خاېفة تحبينى
بصتله بحيرة .. ايوة خاېفة احبه .. و خاېفة اتعلق بيه ..

و خاېفة احس انى استسلمت للأمر الواقع و اتفرض عليا انى احبه و خلاص عشان اعرف اكمل معاه حياتى اللى مختارتهاش دى رفعت حاحبى و قلت
انت مش خاېف تحبنى
انا مبخافش من حاجة
كان بيتكلم بثقة .. بصراحة عجبتنى
و مش خاېف احبك .. ونتى تتحبى
عينيه مكانوش بيكدبوا .. و كان فيهم لمعة جميلة حسيت انى تايهة تانى ..

مش عارفة اسمع قلبى و لا عقلى
حتى بعصبيتى و عنادى دول اتحب
حتى بجنانك و لسانك اللى عايز قصه ده تتحبى
روحت وقفت اودام البحر ببص ع المية و هى بتلمس رجلى و جوايا الف شعور مش عارفة افسرهم .. و هو كان لسة قاعد على الصخرة مكانه و بيراقبنى ..

و اظن إن هو كمان حالته كانت زيى
_____________________
رجعنا البيت على نص الليل دخلت اخدت دش سريع و
طلعت كنت واقفة فى المطبخ بشرب فى أمان الله لما سمعت فجأة مراد پيصرخ من الحمام و حسيت بحاجة تقيلة بتقع ع الأرض جريت ع الحمام لقيت الباب مفتوح و مراد واقع ع الأرض
اااه يا ضهرى يانى
فى ايه
مش عارف فى حاجة كانت بتزحلق ع الأرض
وشى بهت و انا بفتكر الشامبو بتاعى اللى وقع منه شوية ع أرضية الحمام كتمت ضحكتى
و قال بعصبية
نسيت يا رمضان مبتنساش
و

ليكى عين تهزرى
سابنى و لقيته هيقوم روحت جريت ناحية الأوضة بتاعتى و انا بضحك بصوت عالى قفلت باب الأوضة بتاعتى و فضلت واقفة وراه و انا بضحك
افتحى يا بت
لأ
بقا انا مجرمين و رجالة بشنبات ركبهم بتخبط فى بعضيها لما يقفوا اودامى .. ونتى و ابوكى ماسحين بكرامتى الأرض كدة
صوت ضحكى علا اكتر فضړب الباب بايديه جامد و بعدين حسيته بيبعد ناحية اوضته
ربنا ع الظالم و المفترى … ااه يا ضهرى
نمت ع السرير بتاعى و انا بضحك ..

و بعدين حضنت المخدة و نمت
عمي ميصحش
موقع أيام نيوز
على وشى ابتسامة هبلة كدة معرفش ايه سببها ..
تانى يوم المغرب رجعت من القسم دخلت البيت لقيت يارا معاها واحدة صاحبتها فى الصالة سلمت عليهم و قلتلهم ياخدوا راحتهم انا هغير هدومى و انزل تانى علطول خلصت بسرعة و بلغت يارا انى ماشى و فتحت الباب عشان انزل بس بعدين افتكرت انى مخدتش موبايلى فقفلته تانى و دخلت اوضتى جيبت الموبايل و انا معدى ناحية الصالة سمعت يارا بتكلم صاحبتها ..

و كلامها خلانى اقف ڠصب عنى اسمعها
مبحبهوش يا سلوى مبحبهوش و لا قادرة احبه .. انا بجد اتخنقت من العيشة دى .. و شغالة اټخانق معاه و اعاند فيه و ازهقه فى عيشته ياكش يتخنق و يطلقنى لكن البعيد مبيحسش .. لازقة
يتبع ..
اسكريبت
البارت التالت
مبحبهوش يا سلوى مبحبهوش و لا قادرة احبه .. انا بجد اتخنقت من العيشة دى .. و شغالة اټخانق معاه و اعاند فيه و ازهقه فى عيشته ياكش يتخنق و يطلقنى لكن البعيد مبيحسش ..

لازقة
لا و قال ايه ايام الخطوبة كنتى بتقولى مش هسكت إلا لما اطفشه .. أديكوا اتخطبتوا سنة و بقالكو 6 شهور متجوزين و بردو مش عارفة تخلصى منه
و ضحكت فى نهاية كلامها فردت يارا
اضحكى اضحكى يختى .. بجد نفسى افهم جايب البرود ده منين .. مش عارفة بقا هو عبيط و لا بيستعبط
ضحكت سلوى تانى بصوت عالى شديت على إيدى جامد و بلعت ريقى بصعوبة بعد ما سمعت اهانتها ليا .. لا و كمان اودام صاحبتها .. للدرجة دى انا مليش قيمة عندها ..

مقدرتش اسمع اكتر من كدة و اتحركت من اودام الصالة و روحت ناحية باب الشقة و خرجت
بسرعة و قفلت الباب براحة عشان
متحسش إنى كنت موجود
روحت الشغل و انا مش شايف اودامى و لا سامع حد … مفيش غير كلامها بس و ضحكة صاحبتها اللى بيترددوا فى ودنى .. ليه كدة .. انا عملتلها ايه لكل ده .. ده انا بتمنالها الرضى ترضى .. للدرجة دى مش طايقانى و مش متقبلة منى اى حاجة و لا فاكرالى اى لحظة حلوة أو حاجة كويسة عملتلها ..
لما اتخطبنا انا و يارا كنت عارف انها مبتحبنيش ..

و بصراحة انا كمان مكنتش بحبها او بمعنى أصح مكنش فى مشاعر من ناحيتى ليها بالنسبالى بنت عمتى و بنت كويسة و محترمة و الف حد يتمناها افتكر اول يوم خطوبة قعدت معاها و اتكلمت بهدوء
يارا انا عارف انك مبتحبنيش و مش عايزة الجوازة دى .. بس ممكن تدى نفسك و تدينى فرصة نعرف بعض اكتر يمكن نرتاح لبعض و نكمل .. انا عارف إن ده هياخد وقت بس مش مشكلة .. خلينا نفتح قلبنا لبعض و اوعدك انى هبذل جهدى فى انى احافظ عليكى و مزعلكيش
و من ساعتها و انا بحاول و بصبر و براعى ..

لكن هى دايما بتصدنى .. كل ما اقرب خطوة تبعد هى عشرة .. حتى لو فى يوم كانت بتلين كان يجى اليوم اللى بعده و ترجع زى الأول
و يمكن اكتر
و مش هنكر إن قبل ما نكتب الكتاب بشوية ابتديت احس انى معجب بيها .. حسيت انها مختلفة و قوية و غير باقى البنات .. حتى و هى بتتخانق معايا ليل نهار كدة اعجبت بيها
مرجعتش البيت
عمي ميصحش
موقع أيام نيوز
اليوم ده و بعت ليارا ع الواتس قلتلها انى هبات فى الشغل ..

مكنتش قادر اشوفها دلوقتى نهائى و اليومين اللى بعد كدة بردو فضلت بايت فى الشغل مزاجى كان وحش جدا عشان كدة مكنش ينفع ارجع البيت خالص و انا كدة ..
اليوم التالت روحت البيت على العصر .. كنت ساكت طول اليوم مبتكلمش و سرحان و وشى باين عليه انه متضايق .. كنت قاعد على السفرة بقلب فى الموبايل بعدم اهتمام لما يارا جت وقفت اودامى
مالك
رديت ببرود
مالى
مش عارفة حساك فيك حاجة ..

من ساعة ما رجعت و انت قالب وشك كدة
مفيش
حصل حاجة فى الشغل
لأ
هزت كتفها باستسلام و راحت ناحية الكنب اللى اودامى .. كنت براقبها بصمت لحد ما قلت بصوت هادى بارد بعد ما بعدت نظراتى عنها
لما بكون براعى ربنا فيكى و مبيهونش عليا زعلك و بتغافل عن حاجات كتير عشان مش عايز اعمل مشاكل فانا لا عبيط و لا بستعبط ..
افندم
رجعت بنظرى ليها لقيتها بتبصلى بحيرة فكملت
هو أبوكى معلمكيش إن فى حاجة اسمها احترام الزوج ..

و إن عيب إنك تهزءيه اودام صحابك و تضحكيهم عليه
قمت وقفت و كملت و نبرتى ابتدت تبقى حادة شوية
أبوكى مقالكيش إنه مجوزك راجل مش بلياتشو
وشها بهت و ابتدت تفهم انا قصدى ايه
انت .. انت كنت سامعنا
هزيت راسى و قربت خطوة و قلت
طب كنتى راعى حتى إن اللى بتتكلمى عليه ده يبقى ابن خالك قبل ما يبقى جوزك .. ده المفروض إن كرامتى من كرامتك .. انا عملتلك ايه وحش .. ده انا طول الوقت بحاول ارضيكى و افهمك ..

بستحمل عنادك اللى مبيخلصش و عصبيتك و بقول معلش هى لسة مش متقبلاك و واحدة واحدة مع الوقت هتطمنلك و تلين .. لكن توصل انك تقلى منى و تخلينى مصدر للسخرية بالمنظر ده اودام صحابك فدى حاجة انا مستحملهاش
فضلت بصالى و مردتش … كان فى عنيها النظرة دى اللى عارفها كويس .. نظرة العند اللى بتقولك انا مغلطتش
عليت صوتى و قلت
ما تردى ليه كدة
زعقت
عشان مبحبكش ..

افهم بقا قلتلك مية مرة مبحبكش و مش عايزة ابقى معاك مش عايزة الجوازة دى … مش قادرة اتخطى فكرة انى اتغصبت على حاجة انا مش عايزاها .. من حقى اختار الشخص اللى عايزة اكمل معاه حياتى مش شخص اتفرض عليا و مضطرة احبه و خلاص عشان مقداميش حل غير كدة
متحبنيش .. لكن على الأقل احترمينى .. و دى حاجة اصلا مش
المفروض انى اطلبها منك ..

و كفاية بقا .. كل مرة تقوليلى نفس الكلمتين دول .. انا بردو بنى آدم و بحس .. انا من حقى احس انى عايش مع حد بيحبنى و عايزنى و بيهتم بيا .. مش كل شوية يفكرنى إنى مكروه و غير مرغوب فيا و مفروض عليه .. تعبت من انى بادى من غير ما باخد .. من حقى اكون مع حد بيقدر اللى بعمله عشانه و بيحاول عشانى زى ما بحاول .. بيفهمنى و يحس بيا مش من أقل حاجة يعمل معايا مشكلة و كأنه واقفلى على
عمي ميصحش
موقع أيام نيوز
غلطة