3
كانت قاعدة نيرفانا في بلكونتها باين عليها السرحان كان فات حوالي تلت أيام من يوم لقاءها على التلفزيون وكان أخر يوم شافت فيه سيف وأخر مواجهة جمعتهم قبل ما يختفي
تنهدت بتعب وهي بتفتكر اللي حصل نفس كلام كل مرة وتوعداته وتهديداته
مسكت التاب بتاعها ومن غير شعور بحثت عن أخر أخبار رجل الأعمال سيف الدين عراب
من حفل زواج رجل الأعمال اليوم ظهر رجل الأعمال الشاب سيف الدين عراب وتصاحبه فتاة حسناء فهل تكون العروس المنتظرة
شافت صورته وجنبه بنت هي عارفة ملامحها كويس بنت عمه اللي مسافرة بلد أجنبية وباين إنها نزلت قريب
واللي معروف إنها ھتمـ,ـوت عليه والعيلة كلها متوقعة جوازهم
حست بالضيق إنها معرفتش خبر زي دا من البداية
وقفت وظهر الإصرار على ملامحها مش هتسيبها تاخده منها حتى لو مش عايزاه ولا حباه بس برضوا مش هتسمح لحد يقرب من حاجة أو حد ملكها
مسكت فونها وطلبت رقمه مع أول رنة جالها صوته انا شايفك قدامي دلوقتي
قالها وهو راكب عربيته وواقف في إشارة مرور وقدامه على برج يفطة كبيرة عليها صورة لنيرفانا وهي ماسكة منتج كانت عملاله أعلان قريب
هتيجي أمتى
بسخرية عارفة أن دي اول مرة تكلميني وتسأليني السؤال دا لأكون وحشتك
سيف لو سمحت
عموما مش هقدر أجي أنهاردة مشغول للأسف
بإندفاع مشغول لية عندك أية
اية كل الاهتمام دا يانيرفانا هانم انا كدا هتعود على الدلع دا وهعتبر إني متجوز بحق وحقيقي وعندي مراتي بتغير عليا وتهتم بيا
أنت لية مبتردش علطول على أسئلتي لية لازم تقطمني
بحب أعصبك بحب اشوفك في كل حالاتك بس المفضلة عندي وأنت متعصبة عموما عندي عشا عائلي
ااه قولتلي معمول طبعا على شرف جنى هانم وهتبدأ فقرة إبراز كل مميزات جنى هانم وقد اية هي بنت عظيمة وزوجة مناسبة و
لو الموضوع مضايقك للدرجادي انا ممكن أعدي عليكي
حالا وأخدك ونروح للعيلة وأعرفهم بيك إنك مراتي وإن كل محاولاتهم دي ملهاش لازمة عندي و
نيرفانا بتسرع ونفي لا طبعا أنت أتجننت مستحيل دا يحصل
أتحولت ملامحه للجمود وصوته طلع عصبي يبقى متلومنيش على حاجة بعد كدا طالاما انتي أخترتي تبقي في الضلمة متحاسبنيش على اللي بيحصل في النور
اية الكلام دا يعني انا كمان أمشي بمبدأك دا وأروح أتعرف على غيرك وأقول طالاما محدش عارف بجوازنا يبقى خلاص
الحقيقة انا مبقولش كدا خالص ولو فكرتي تعملي كدا هتشوفي اللي عمرك ما شوفتيه بس انتي عارفة كويس انا مين يانيرفانا وان الف واحدة غيرك تتمنى بس
أني أكلمها مش اتجوزها فأكيد الكل مستني خبر جوازي واللي مينفعش يستنى أكتر من كدا
نيرفانا بخشية قصدك اية بكلامك دا
بقسۏة قصدي لو موافقتيش نعلن جوازنا قريب فبراحتك بس هعلن جوازي من غيرك سلام علشان وصلت وأكيد مش عايزة حد يسمعني وانا بكلمك ويعرف اللي ما بينا
قفل في وشها وفضلت هي مكانها تبص للفون پصدمة
أول مرة يكلمها كدا ويهددها كدا وتحس إنه ممكن يحقق تهديداته!!!
طول الوقت كانت حاسة إنها ملكاه مش حب منه ليها بس يمكن رغبته فيها اللي ظاهرة من اول لحظة شافته فيها يمكن بسبب كلامه ونظراته اللي بتنطق بإعجابه الصارخ بيها وإنه مبهور
معقول إنبهاره خفت مبقيتش عارفة تسيطر عليه بسحرها
قلقت أن تفكيرها يطلع صح وقتها أخر اسلحتها اللي بتستخدمها ضده مبقاش ليها فايدة وكل خيوط اللعبة اللي بيلعبوها بقيت في أيده
عند سيف في قصر كبير جدا وفخم في أوضة صالون كان قاعد سيف مع افراد عيلته اللي كانت حواليه جنبه لازقة جنى وماسكة في دراعه وهو بيسمع لكلامها وكلامهم ببرود ظاهر على ملامحه
الجد عراب
ببسمة خفيفة وهو بيبص لأحفاده أية ياجنى هانم مفيش غير سيف اللي وحشك بس فينا ولا اية
جنى بضحكة حرج وهي بتسيب دراع سيف لا طبعا ياجدو كلكم وحشتوني بس
بصت لسيف وبخجل هو زيادة شوية
بصلها سيف ببسمة باردة وبعد عيونه عنها لجده اللي قال أعتقد أنت كمان وحشاه دا مكنش طايق القصر من غيرك ومبيبتش فيه يومين على بعض
بص لسيف و بس خلاص حجتك خلصت وجنى رجعت وأنت كمان ترجع
تدخلت والدته ونعلن أرتباطكم بقى ونعمل حفلة بسيطة عايزة أفرح بيكم يااولاد
بصت جنى لسيف بخجل وقبل ما ترد أتعدل سيف في
جلسته وببرود حفلة أية وأرتباط اية
أتغيرت ملامح الكل وظهر القلق عليها
لحد ما نطق عراب أرتباطك أنت وجنى بنت عمك ياسيف
بصلهم سيف وجمود غريب ملى ملامحه و
الساعة تلاتة الفجر الباب أتفتح دخل سيف الشقة كان الهدوء مالي المكان دخل أوضتهم لقاها نايمة هناك بصلها بغيظ من برودها قبل ما يتعمد وهو بيقلع ساعته يحطها پعنــ .
ــف على التسريحة علشان تعمل صوت
بالفعل حست بيه نيرفانا وأتململت في قعدتها بقلق لحد ما فتحت عيونها وشافته اتعدلت نص عدلة وهي بتبصله وتفرك عيونها و انت جيت
بصت في الساعة جنبها وبصتله و شكل السهرة كانت حلوة
كانت ناقصة وجودك ورأيك معانا وأحنا بنحدد معاد الخطبة
أتعدلت في قعدتها وبصتله پصدمة و خطوبة!!
أنت أكيد بتهزر
بنظرات قسۏة وهو بيبعد عيونه عنها بلامبالاة ويكمل خلع هدومه قولتلك انا مبهزرش يانيرفانا أنا خيرتك كتير ودي نتيجة أختيارك
هتتجوز عليا
قالتها وهي بتقوم من سريرها وتقرب منه تواجهه و يبقى تطلقني
ضحك بسخرية وكانه سمع أسخف نكتة في الكون و طلاق أية جاب سيرة الطلاق مين قال إني هطلقك في يوم!
سيف متخلناش نلف وندور على بعض معروفة نهاية الجوازة دي من قبل ما تبدأ وأهو جه وقت النهاية ننفصل وكأن محصلش حاجة وكل واحد يشوف حاله
ملامحه قلبت لملامح حادة وهو بيمد يده يمسكها من معصمها يقربها منه لحد ما خبطت فيه و يبقى دا كان تفكيرك من الأول علشان كدا مانعة أي فرصة في أننا نعلن جوازنا مفكرة أنك بكدة تقدري تخلصي مني بسهولة ووقت ما تحبي دا في أحلامك يانيرفانا أنتي ملكيش خلاص مني وبعد حركتك دي انا هوريكي ازاي تفكري تلعبي بديلك على سيف الدين عراب انا هخطب جنى وهتجوزها قدامك وأنتي هتفضلي في الضلمة مراتي لحد
أخر لحظة في حياتي وحياتك مراتي وأم ولادي كمان
انت مشترتنيش علشان تعمل فيا كدا انا عايزة أطلق ياسيف ودلوقتي حالا كفاية لحد كدا انا مش قادرة استحمل
مش قادرة تستحملي اية على اساس إني معذبك معايا دا انتي عايشة هانم ياهانم مفيش حاجة بيتقالك عليها لا مفيش باب بيتقفل في وشك مفكرة دا بسبب انك ممثلة مشهورة تبقي بتحلمي دا علشان انا وراكي سيف الدين عراب
انت مقدمتش دا ببلاش دا كان اتفاقنا من الاول لو نسيت هتقف معايا في مقابل جوازنا واني أكون ليك اني اكون معاك هو التمن اللي دفعته علشان اوصل لهنا أنت خدت
مقابل لخدماتك دي كانت صفقة
بالنسبالك كانت كدا بالنسبالي هو جواز حقيقي عايز أخليه طبيعي من أول لحظة وحضرتك رافضة
علشان انا مش ضمناك انت في أي لحظة ممكن تفكر تسيبني أول ما تزهق مني
بتعجب أزهق منك
اه تزهق مني أية مفكرني هبلة ومصدقة أنك بتحبني والكلام الفاضي دا انا عارفة انك متجوزني لأني عجباك
بصلها للحظات بجمود قبل ما يومئ وهو بيسيب أيديها ويبعد عنها معاكي حق انا اتجوزتك لأنك مجرد واحدة عجباني أستني بقى لحد ما أكتفي منك وساعتها هفكر أسيبك
لحد ما الوقت دا يجي متخطبش أو تتجوز غيري
للأسف
ملكيش حق تقرري قرار زي دا انا بس اللي أقرر وأعمل اللي عايزه
حطت أيدها على وشها بتعب و وبس دا كل اللي حصل ودخل نام بعدها بمنتهى السهولة وسابني
قولتلك حوزك مش راجل سهل ومش هيعدي أفكارك الغبية دي لو عرف بيها وأهو عرف دا مش بعيد يعند معاكي ويرفض يطلقك حتى لو مش عايزك لمجرد انك طالبة كدا لمجرد انك رافضة تكوني معاه
انا دلوقتي مش هاممني كل دا دا هيتجوز ياجولي!!
بيقولي حددوا معاد الخطوبة
جولي وهي بتعمل لها شعرها وأنت أية اللي مضايقك مش يمكن لما يتجوز جنى دي ويتلهي بيها ويحبها متبقيش هماه ويطلقك بسهولة
رددت بدهشة يحبها
قالتها وطلعت من الأوضة وسابت نيرفانا تبص لإنعكاسها في المراية بشرود
هل هتتقبل فكرة إنه يحب غيرها ويتعامل مع غيرها زي ما بيعاملها كدا يحسسها إنها مميزة مفيش حد زيها في الكون
هل هتتقبل
كانت الحفلة بخصوص الترويج للفيلم الجديد حضرها معظم الفنانين المشاهير ورجال الأعمال اللي بيستثمروا بعض أموالهم في مجال الفن ومنهم سيف اللي بقى بيستثمر تقريبا من وقت معرفته بنيرفانا!
دخلت مع عماد علشان كل العيون تروحلها ويعلى صوت التسقيف أبتسمت بخفة وهي بتومئ بترحاب للكل لحد ما أتوقفت أبتسامتها وهي بتلمحه واقف في ركن ما عند ترابيزة ومعاه جنى لازقة في دراعه رفع عيونها لمحها أبتسم بسمة ساخرة على جانب وشه قبل ما يبعد عيونه عنها ويبص لجنى بإهتمام
محستش بعماد اللي سابها ولا جولي اللي قربت تسحبها بخفة ناحية ترابيزة ما بعيدة عنه وهي بتهمس بصوت خاڤت جاد أعدلي ملامحك حالا وأبعدي وشك عنه
وأضحكي قبل ما حد ينتبه ليك
سمعت كلامها وأتعدلت في وقفتها ورجعت الضحكة لوشها قبل ما تهمس من بين أسنانها شايفة بيعمل
أية جايبها لحد حفلتي!
وهيلف بيها العالم كله بعد كدا لما تبقى مراته رسمي
جولي!!
اية انا مش هضحك عليك انا بقولك الحقيقة اللي هتحصل البنت دي هتاخد كل الإمتيازات اللي كان مديهالك سيف الدين ويمكن أكتر منها بكتير كمان
بإحتقار خليها تشبع بيه بس المهم يطلقني
بصتلها جولي برفعة حاجب وبسمة هازئة ومتكلمتش
لمحته نيرفانا بيقرب منها هو وجنى و
يتبع
ل زينب سمير
لمحت نيرفانا سيف الدين بيقرب منها هو وجنى لحد ما وصلوا لعندهم وقربت جنى منها وبأبتسامة خفيفة أنا مش مصدقة إني شيفاكي قدامي هنا أنا من أشد المعجبين بيك
بعدت عنها وقربت من سيف الدين تمسك دراعه وبصوت متحمس مصدقتش نفسي لما سيف قالي
إنك هتكوني هنا انا تقريبا مبسمعش التلفزيون المصري غير علشانك
رسمت نيرفانا بسمة خفيفة على
— وشها و مبسوطة بكلامك حبيبتي تسلميلي
بس أنت أجمل في الواقع أكتر بكتير كمان
رفعت نيرفانا عيونها فوقعت على سيف الدين اللي كان بيبصلها بعيون ساخرة بعدت عيونها عنه ورجعت تندمج في حوار بسيط مع جنى اللي مبطلتش كلام
أرتفع صوت موسيقى في المكان مد سيف أيده لجنى و تعالى نرقص
أبتسمت بسعادة وهي بتحط أيدها في أيده ويمشوا بعيد عنها بصت نيرفانا لجولي پغضــ . ــب و بصي!! جيبهالي لحد عندي
الله!
وهو عمل اية دي هي اللي كانت عايزة تتعرف عليك وهو محبش يضايقها أكيد
قالت جولي أخر كلماتها وهي بتكتم ضحكتها بصتلها نيرفانا بغيط وبعدت وشها عنها لمحت حد بيقرب منها كان الممثل ضياء أول ممثل بدأت معاه تمثيل
قرب وبسمة خفيفة على وشه و ناني مبروك على نجاح الفيلم قبل ما ينزل
غمز بعيونه وتابع مش انا قولتلك من اول عمل ليك انك هتوصلي بسرعة
أبتسمت بخجل وهي بتقول كله بفضلك انت ساعدتني كتير وشجعتني
أنت تستاهلي كل خير ها تسمحلي البرنسيس بالرقصة دي ولا مبقيتش قد المقام
أتصنعت الصدمة و ياخبر!!
حد يرفض يرقص مع ضياء!
حطت أيدها في ايده بسرعة وبطرف عينها بتبص ناحية سيف خدها وراحوا لساحة الرقص يرقصوا مع بعض أنتبه ليهم سيف وظهر الڠضب على ملامحه ساب جنى من بين ايديه اللي بصت لملامحه اللي أتغيرت بتعجب وسألت بقلق سيف في حاجة
رجع يبصلها تاني و لا مفيش
خلصت الرقصة فسابها و هعمل مكالمة مهمة وأجي
وسابها قبل ما ترد وخرج برة ورا نيرفانا اللي خرجت هي وجولي وقفت في جنب مع جولي وهي بتاخد أنفاسها براحة و أوف الجو جوه خنقة كتير كنت حاسة إني ھمـ,ـوت جوه
ظهر سيف من وراهم شاور لجولي اللي لمحته إنها تمشي ظهر
الإرتباك والتوتر على ملامح جولي لفت نيرفانا تبص للي وترها لقيته في وشها بصتله ببرود و أنت بتعمل أية هنا مش خاېف جنى هانم تشوفك
متقلقيش عليا لو شافتني هعرف أتصرف
هتكدب عليها من أولها
مش عايز أجرحها علشان نزوة زي ما بتسميها
أتجمدت ملامحها ومردتش قرب منها هو خطوة وبعيون اتقلبت فجأة لحادة أياك في مرة تفكري إن طالاما جوازنا في السر إنه مش حقيقي وإنه طلاما محدش يعرف إنك مراتي يبقى تفكري إن مش من حقي أحاسبك أو أعترض على أفعالك
قرب خطوة كمان منها و اللي حصل جوه دا لو فكرتي تكرريه تاني
انا هكسرك أنتي واللي حط أيده عليك سامعة
لمحت خيال حد طالع من القاعة فقالت بتوتر نتكلم بعدين ممكن أمشي دلوقتي
قالتها وهي بتحاول تبعد عنه وتعديه مسك معصم أيدها فجأة پعنــ . ــف ومنعها تمشي وبعصبية طفيفة متجننيش وتعصبيني بدل ما والله أحلف لأعرف الكل دلوقتي عن علاقتنا
سيف أرجوك مش وقت عصبيتك دلوقتي مش هنا خالص
نفض أيده عنها بنوع من الإشمئزاز و انتي متستهليش حد يحارب علشانك انتي تستاهلي تتسابي وبس
قالها ومشى
يوم تاني بتستناه فيه على عكس أيام الماضي ويوم تاني يفاجئها فيه وميجيش أسبوع من غير ما يشوفها!
في سابقة محصلتش أبدا مهما كان إنشغاله طالاما هو جوه البلد مستحيل يبعد عنها الفترة دي كلها أزاي قدر يسيبها كل الفترة دي من غير إتصال واحد حتى!
للدرجة دي هانت عليه مبقيتش هماه!
عصرت الفون في ايدها بقالها ساعة مسكاه وبتشاور عقلها ترن ولا مترنش
خدت قرارها مش هترن مش هتضعف هي مش تبقى بقالها زمن بتطلب منه يبعد ولما يبعد تطلب هي القرب
كدا أصلا بقى أحسن دا اللي أقنعت بيه نفسها وهي بتسيب الفون بإصرار
تاني يوم كانت مع جولي في مركز تسوق بيشتروا طلبات ليهم و زي ما قولتلك في عرضين ليك دلوقتي انا شايفة العملين أحلى من بعض بصراحة بس فاضل أنتي تقري الورق وتقرري
انا مش قادرة خالص دلوقتي ياجولي مينفعش أخد راحة
مينفعش تختفي براحتك كدا وانتي عارفة دا كويس في المجال دا
اللحظة ممكن تكلفك كتير
فاهمة دا كويس ياجولي بس انا محتاجة أرتاح اخر فترة انتي عارفة كانت صعبة أزاي وعشتها في ضغط نفسي بسبب سيف وكنت بعاني ودلوقتي
دلوقتي اية اللي اعرفه ان حصل اللي بتتمنيه وسيف بعيد عن الصورة خالص
أتنهدت وبضيق ما دا اللي
سكتت وكملت جولي پصدمة متقوليش دا اللي معكننك!
بعدت نيرفانا وشها عنها ومردتش ضحكت جولي بعدم تصديق و مش قولتلك حاجة زي دي هتحصل وانك هتحبيه في يوم و
قاطعتها نيرفانا بسرعة حب اية اللي بتتكلمي عنه!!
مفيش حاجة من الكلام دا انا اللي مضايقني انه بعد كدا فجأة وسايبني معلقة لا مني خلصت منه ولا مني لسة معاه وانا مبحبش كدا
بصتلها جولي برفعة حاجب قبل ما تأكدلها نيرفانا بهزة راس منها
عموما لو الموضوع كدا كلميه او أبعتيله رسالة وقوليله انت عايزة اية
بتأكيد هعمل كدا فعلا
بصت لفونها بضيق وهي شيفاه قرأ كل رسايلها من غير ما يفكر يرد حتى
كانت بعتت تلت رسايل لحد دلوقتي
محتواهم شبة واحد
سيف عايزة أطلق
سابت الفون وبدأ يظهر على ملامحها الخۏف لما حست بصوت خطوات برة شقتها فكرت إنه
ممكن يكون سيف بس دي صوت خطوات مترددة وسيف طول عمره خطواته ثابتة
خوف ملى قلبها مسكت الفون وبإرتعاش ضغطت على اول رقم واللي كان رقمه هو سيف الدين عراب
مع اول رنة جالها صوته ردت بصوت خاڤت خاېف سيف مش انت اللي برة صح
برة فين
انا سامعة صوت حد برة بيحاول يفتح الباب
وقف من قعدته وسط العيلة اللي بصتله بإهتمام وهو بيقول بصوت مليان قلق أدخلي أوضتك وأقفلي الباب عليك ومتطلعيش صوت وانا جاييلك حالا خليكي على الخط معايا ومتقفليش مهما حصل
قالها وهو بيطلع يجري من القصر غير مهتم بأصوات عيلته
اللي نادت بأسمه وبتسأله عن اللي حصل
دخلت نيرفانا أوضتهم زي ما قال وقفلت بابها سمعت صوت العربية ومحركاتها المزعج وهو بيسوق بيها بأقصى سرعة
مټخافيش انا في الطريق أهو
پخوف في صوت باب أتفتح
زود من سرعته أكتر وبقى بيسوق زي المچنون و من غير صوت حاولي تدوري على أي حاجة حادة أو تقيلة وأمسكيها في أيدك وأقفي ورا الباب
حاضر
كمل سواقته المچنونة وهي بتسمع صوت خطوات حوالين الشقة لحد ما وصلت عندها أيديها بقيت بترجف من الخۏف ببطء أيد اتحطت على أوكرة الباب شافتها بتتحرك قدامها واعصابها پتنهار لحد ما أتفتح الباب
وشافت سن جزمة بيقرب منها قبل ما تتصرف أو تصرخ حست بحاجة جامدة بتخبط والشخص وقع من طوله
وظهر قدامها سيف الدين وفي أيده مسډس ضړب بطرفه راس الراجل
اول ما لمحته اتنهدت براحة وجريت عليه تحـ,ـضنه وهي بتغمض عيونها بأمان و الحمدلله أنك هنا انا كنت ھمـ,ـوت
ملس على شعرها بحنان وقرب يبوسها فيه وهو بيغمض عيونه ويزفر براحة حس إن روحه كانت هتروح منه في الدقايق اللي فاتت دي
بعدت عنه و شاورت للراجل بقلق و شوفه كدا ليكون حصله حاجة
بقسۏة هو لسة شاف حاجة انا هخليه يتمنى إنه يكون ماټ على اللي
هيحصل فيه
مش لازم خالص الحمدلله جت سليمة
بصوت جاد وملامح جامدة لسة متولدش اللي يقرب من نقطة ضعفي وأسيبه من غير عقاپ يانيرفانا
بعد شوية كان أختفى الراجل وكل آثاره من المكان وهي قاعدة في الصالة بتشرب مشروب دافي وسيف بيعمل مكالمات مهمة
خلصها وقعد جنبها وهي بيتنهد بتعب أوف
قالت بصوت محرج أسفة شكلي عطلتك عن شغل مهم
مفيش حاجة عندي تيجي قبل منك أنتي الأولى وبعد كدا كل حاجة تتحط بعدك في القايمة
بصت للأرض بخجل قبل ما ترفع عيونها وتبصله بقلق لما لقيته وسع عيونه فجأة و البيت انا نسيته
بيت اية
بصلها وحكالها اللي حصل وازاي إنه كان قاعد وسط تجمع عائلي وأول ما جاله اتصال أتجنن وأتكلم قدامهم من غير تفكير وأنهى كلامه ب زمانهم دلوقتي هيتجننوا ويعرفوا مين دي اللي كلمتني وجننتني كدا
بصت للأرض بإحراج زيادة وهي بتعض على شفايفها و يعني انا مش جاية أخرب الدنيا وأعملك ضجة غير دلوقتي واحنا رايحين نطلق خلاص وأنت تتجوز بنت عمك
نطلق! اية الثقة اللي بتتكلمي بيها عن الطلاق دي وكأنك ضامنة موافقتي!
بصتله بجدية وهي بتتعدل في قعدتها و سيف انا عارفة اخر كام مرة اتكلمنا فيهم كنا متهورين وواخدين الموضوع بعناد وتحدي بس دلوقتي خلينا نتكلم بالعقل الطلاق هو الحل المثالي لحالتنا جوازنا بطبيعة الحل من بدايته كان غلط جوازنا كان غلطة ولازم نصلحها ودا أنسب وقت علشان نعمل كدا
أنهي كلمة في جملة انا مش هطلقك انتي مش فهماها
متعاندش لمجرد العند قولي أنت اية اللي يخليك متمسك بيا أوي كدا عندك معايا يخليك
قاطعها بصړاخ وهو بيقف من مكانه انتي اللي قوليلي اية اللي يخليني متمسك بيك كدا أقرر أتجوزك وانا عمري ما فكرت في الموضوع دا
بعد بس أول مرة أشوفك فيها أقبل بشروط غبية علشان تكوني راضية اتحمل أننا ندخل كل واحد فينا لوحده لكل مكان بنروح ليه سوا أتحمل أن مقابلتنا تكون بمواعيد أنتبه وأهتم ان محدش يشوفني وانا نازل وطالع من عندك اقبل بكل الحاجات الغبية دي علشانك وعلشان دي رغبتك لية انا ممكن أعمل كل دا أتجنن دلوقتي وسط عيلتي اللي عمرها ما شفتني بالحالة دي لمجرد أتصال منك أسيب شغلي لو حسيت انك وحشتيني علشان أجيلك جري انا اللي كل رحلات شغلي كانت بالشهر والاتنين بقيت مقدرش أسافر أكتر من أسبوع علشان أرجعلك انتي ردي كل دا بعمله لية علشان العناد بتجنن
من سيرة الطلاق واي فكرة
ممكن تبعدني عنك علشان العناد!! دا تفكيرك عني وعن مشاعري ناحيتك إني بعند معاكي ومخليكي معايا علشان بس بعند وأنك مجرد واحدة عجباني!! متوقعتش أنك غبية اوي كدا يانيرفانا ياأما انتي فاهمة كل حاجة وبتتظاهري بالغباء
قال أخر كلامه وهو بيبصلها بملامح فارغة كأنه فرغ كل مشاعره في الكلام اللي قاله
جالته اتصال رد لمدة دقيقة وقفل ورجع يبصلها و جهزي نفسك هتيجي معايا تعيشي في شقتي انا مستحيل أسيبك هنا بعد اللي حصل