سكريبت♥️بقلم سولييه نصار♥️
-لا أنا مش هتجوزها .
قالها أدهم وهو بيقوم من الكرسي…بصتله بصدمة وانا مش فاهمة …لا هو أكيد بيهزر ….
-فيه ايه يا بني ايه اللي بيحصل ؟!
قالها المأذون بس بابا كان ساكت ومصدوم زيي …
ابتسم أحدهم بسخر ية وقال:
-قولت مش هتجوزها يا شيخ ..ايه اللي مش مفهوم من كلامي ..أنا مش هتجوز آيه …
بدأ صوت الناس اللي في الفيلا يعلى …فيه اللي مصدوم واللي شفقان واللي طبعا شمتا ن فيا …
قومت من الكرسي وانا بقرب منه وببصله بصدمة وقولت:
-ادهم ..ادهم.انت بتقول ايه ؟!أنا آية …آية حبيبتك !!!!
كانت الدموع متجمعة في عيني وكنت على آخرى …كنت ثانية واعيط …هو ليه بيعمل كده …معقول بيهزر …بس ده هزار سخيف أووي ..
دموعي نزلت وانا ببصله وبقول:
-ادهم بطل هزار ابوس إيديك ..
كان في قلبي خو ف غريب …بصيت في عينيه وانا كلي امل الاقي أي لمحة للهزار او حتى أي حب ليا ملقيتش خالص …اتصدمت بالبرود في عينيه…كان بيبصلي بقسو ة غريبة عليا …دي مش عيون حبيبي ادهم خالص …ابتسم بتريقة وقال:
-ايه يا ايوش ، يا حبيبتي افتكرتي اني ممكن فعلا أتجوزك ؟!
ضحك مرة تانية وقال:
-ياااه ده انتِ طلعتي طيبة اوووي …تفتكري بعد اللي عرفته عنك أتجوزك …
قام ابويا وزعق وقال:
-ايه اللي بيحصل ده …ايه اللي انت بتقوله.ده ؟!
زادت ابتسامة ادهم وقال:
-بنت حضرتك الملاك يا عمي ضحكت عليا فهمتني ان ابوها دكتور ومستواكم عالي…فضلت عايشة في وهم بنت الناس الهاي كلاس وهي متشر دة اصلا …
صوتي علي وانا بعيط…ادهم كد ب عليا هو مسامحنيش على كد بي عليه …كمل ادهم بنفس ابتسامته بس شوفت في عيونه الجر ح …كان مجر.وح زيي :(بقلم سولييه نصار)
-فضلت تكد ب وتكد ب عليا وانا الحما ر كنت بصدقها وحبيتها ولما طلبت اتقدملها قالتلي الحقيقة …حقيقتها الوا طية زيها انها لا غنية ولا حاجة وابوها مجرد ميكانيكي ….بس مش ادهم الغريب اللي يتضحك عليه يا آية أنا اقنعتك اني سامحتك وجيت واتقدملك عشان
اذ لك في اليوم ده عشان اكـ سر قلبك زي ما كـ سرتي قلبي …وانا عمري ما بسيب حقي يا آية عمري …
-ادهم ابوس إيديك كفاية (بقلم سولييه.نصار)
قولتها وأنا بعيط جامد فزعق فيا وقال:
-كفاية ايه مش دي الحقيقة …انتي اللي كد بتي وقولتي ان أبوكي دكتور …قولتيلي أنك عايشة في التجمع رسمتي نفسك عليا …استعارتي من اهلك ووضعهم …انتي فاكرة أنك لو قولتي من البداية ان أبوكي ميكانيكي مش هتجوزك؟!لا انتي عارفة كويس ان القصص دي متهمنيش …بس أنا بكر ه الكد.ب يا آية وانتي كد بتي وانا النهاردة اخدت حقي …
رجع ادهم شوية وبص للناس وقال:
-تقدروا تروحوا يا سادة مفيش كتب كتاب ..يالا ..
وبالفعل بدأت الناس تمشي وانا ببص عليهم وبعيط…كنت بشوف أحلامي بتتـ هد قدام عيوني …بصيت لادهم اللي كان بيبصلي بقسو ة وقولت بصوت مخنوق؛
-عمري…عمري ما هسامحك …
بصلي بقر ف وقال:
-ويالا انتي كمان اطلعي من بيتي ولا أجيب الأمن يرميكي برا …
-مفيش داعي يا بني احنا هنمشي ..
قالها ابويا وهو بيقرب منه ..حسيت ان ادهم اتكسف منه شوية فقال ابويا:
-مكانش فيه داعي تعمل الدراما دي كلها عشان تاخد حقك انت لو كنت جيت وقولت الحقيقة كنت هكـ.سرهالك لكن اللي عملته عيب اووي خصوصا أننا بينا عيش وملح …
مقدرش ادهم يتكلم وبص للارض ابويا شد ايدي وخرجنا من الفيلا ….
….
وصلنا البيت …
وأول ما وصلنا زقني ابويا لجوا البيت لحد ما وقعت على الأرض …بصتله وقولت :
-ابوس ايديك يا بابا اسمعني بس أنا ….
رفع ايديه وقال:
-خلاص أسكتي وادخلي اوضتك بهدوء …
وفعلا مستنتش ودخلت اوضتي …
……….
تاني يوم
كنت قاعدة في اوضتي وانا بعيط …مخرجتش منها من الصبح حتى الشغل مرحتهوش ولا أكلت ….اتصالات كتير جاتلي من أصحابي عشان يعرفوا اللي حصل بس أنا مكنتش برد ..مكانش عندي طاقة اتكلم …
دخل ابويا عليا فجأة وقال:
-جهزي نفسك هنسافر البلد عند عمك!!
-ليه ؟!
قولتها وأنا بمسح دموعي فرد ببرود:
-عشان.خطوبتك هتكون على ابنه الاربع اللي جاي !!!
يتبع
#عروس_متمردة
#سولييه_نصار
الجزء التاني♥️شكرا على تفاعلكم السكر♥️بقلم سولييه نصار،♥️
-انت بتقول ايه يا بابا؟!
قولتها بصدمة ودموعي تنزل بس هو كان ملامحه باردة متأثرش بدموعي خالص …
-بابا أنا عارفة اني غلـ طت ..عارفة والله وبعتذر منك …
-كويس أنك عارفة غلـ طك بس أكيد مش عارفة ان اللي اكتشفته ده كـ سرني قد ايه ..مكسوفة من أبوكي يا آية …أنا بشتغل ليل نهار عشان بس اكفيكي …عشان محدش يكون احسن منك و ده جزاتي مكسوفة مني ومن شغلتي يا آية..خلتينا فرجة للي يسوى واللي ميسواش …
عيطت بصوت أعلى وقولت :
-انا اسفة …اسفة يا بابا ..
اتنفضت لما زعق فيا جامد وقال:
-وانا أعمل بأسفك ايه …أعمل بأسفك ايه انطقي!!!!
رجعت لورا من الخوف فمسكني من ذراعي وقال :
-انطقي يا آية اصرف اسفك من فين ؟!انسى ازاي اني اتهـ نت من واحد قد عيالي …وبقيت في وسط هدومي قدام الناس …مبقتش قادر ابص في وش الناس في الشارع الكل بيتريق عليا بيقولي اني معرفتش اربي بنتي …الكل شمتان فيه يا آيه …
صوته اتخنق وعينيه دمعة فوقعت على الأرض وانا ببوس رجله وبقول:
-انا اسفة والله اسفة ياريتني مـ ت قبل ما أعمل كده …سامحني يا بابا …
بعد شوية وبصلي وهو بيمسح دموعه اللي نزلت وقال:
-خلاص يا آيه انتهى الموضوع انتي هتتجوزي منذر ابن عمك …..لو عايزاني اسامحك فعلا اتجوزيه من غير أي نقاش …
بصتله بصدمة وانا بعيط فكمل :
-وكمان خلاص ملناش عيشة في البلد دي ..
بعد اللي حصل أنا مش هقدر اوري وشى للناس …
-بس أنا مشوفتش منذر ده خالص وبعدين أنا بحب أدهم يا بابا أنا …
-اسكتي يا آية خلاص انسي أدهم خالص لو كان بيحبك مكانش فضـ حك قدام الكل…اللي بيحب بجد عمره ما يعمل في اللي بيحبه كده …عمره ما يأ ذيه بالشكل ده ادهم محبكيش ومظنش ان ليكم فرصة بعد اللي حصل …لا هو هينسى أنك كد بتي عليه ولا انتي هتنسى انه فضـ حك …مفيش فرصة ليكم اسمعي الكلام وجهزي نفسك نرجع البلد وبعد الخطوبة هصفي كل شغلي هنا ونرجع البلد كده كده بعد ما أمك الله
يرحمها ما تت مبقتش حابب العيشة هنا انا كنت عايش هنا عشان خاطرها وهي راحت وبعد اللي حصل ده احسن حل…هنرجع ونعيش في البلد ..يالا
…..
من جوايا كنت رافضة الموضوع بس مقدرتش اعارض وخاصة بعد ما كـ سرت قلب بابا باللي عملته …
………
بالفعل كنا بالليل في الاتوبيس ورايحين البلد…
كنت ماسكة موبايلي ويتصفح فيه لما قررت ادخل اكونت ادهم اللي اكتشفت انه لغى الصداقة ما بيننا بس معملش بلوك الحمدلله وقررت اكلمه يمكن ترجع المياه لمجاريها ويسامحني ونتجوز بس فجأة اتجمدت وانا ببص في صفحته …كان متصور مع واحدة حلوة ولابس دبلة وكاتب انه خطب!!!!
يتبع
#عروس_متمردة
#سولييه_نصار