نرر. بردو مصمم ماشي يا باشا انا هنزل بس علشان شكلك متعصب وانا مش عاوزه ازعلك وسكرك يعلي
اسد. نعم
نور. جريت مع العسكري ونزلها الحجز وبس دخلت
عطيات. اهلا
نور. غوري يا وليه من وشي
عطيات. انتي بتقولي ايه يا بت
نور بقوه قالت بقولك غوري يا وليه من وشي بدل ما اعملها معاكي مش ناقصه بلاوي
عطيات. لا دا انتي زودتيها قوي وراحت عليها علشان تضـ,ـربها
نور. مسكت ايدها وقالتلها قسما بالله اشرحك
نبيله. مالك يا بت داخله كدا فارده عضلاتك علينا
نور. بقولك ايه انتي كمان
نبيله.
انا هنا اللي بقول ياروح امك
نور. استغفر الله العظيم وبصتلها
نبيله. هاتي يابت 50 جنيه
نور. نععععم يا عنيا ليه ان شاء الله
نبيله. علشان طولة لسانك دي هتجيبي 100
نور. اقسم بالله امـ,ـوتكم واروح فيكم ف داهيه
عطيات. ايه رأيك بقا هتجيبي 200 جنيه علشان صدعتيني
نبيله. لا علي قلة ادبك دي بقو 300
نور. اها حد قالكم اني بشتغل علشان اجري عليكم ولا ايه ومره واحده مسكت نبيله من شعرها ورزعتها ف الارض وطلعت من رجل بنطلونها مطوه وحطتها علي رقبتها وقالت حد له شوق ف حاجه
عطيات.
راحت عليها ولسه هتتكلم
نور. غوري بدل ما اغزك قبلها وبعدين قالت كل واحده هنا طلع 100جنيه وإلا تقول علي نفسها يارحمن يارحيم
العسكري. راح عند الظابط اسد وقاله يا باشا
اسد. في ايه يا بني
العسكري. يا باشا البت اللي لسه نازله الحجز عامله مشاكل ودوشه وصوتها عالي
اسد. بنت المجانين وقاله تعالي معايا وراح لقاها قاعده وكل الستات واقفين ف ركن بعيد
نور. اول ما شافته قالت نورت يا باشا
العسكري. قالها قومي يا بت اقفي
نور. ببرود وقفت وقالت خير
اسد.
قاله هاتها وتعالي ورايا وبس دخل مكتبه
العسكري. زئها دخلها
نور. ايه الغباء دا الله
اسد. روح انت يا عسكري واقفل الباب
نور. لا يا باشا باب ايه اللي يتقفل علينا
اسد . بصلها
نور. من غير ما تبصلي يا باشا الشيطان شاطر وانا زي ما انت شايف حلوه واموره وكيوت ومن عيله كبيره واكيد فيا الطمع يعني
اسد. بأرف حلوه وكيوت
نور. ومن عيله كبيره قوي قوي يا باشا
اسد. اسطوانه هي بقا
نور. انت بردو مش مصدقني ياباشا
اسد.
انا عاوز افهم انتي طلعتيلي منين اخرسي شويه وبطلي رغي ايه دا
نور. طلعتلك ف البخت يا باشا
اسد. هنهزر
نور. هو انت طول يا باشا تهزر معايا
اسد. نعم
نور. ايوا يا باشا اصل انا فرصه متعوضش انت مش واخد بالك ولا ايه
اسد. اقسم بالله اديكي بالبونيه ف وشك
نور. واهون عليك يا باشا وشي الكيوت دا بتشلفط
اسد. اخرصي ومش عاوز اسمع صوتك
نور. طيب وبالنسبه للنفس يا باشا ايه
اسد. بصلها ورفع حاجبه
نور.
قعدت عالكرسي المقابل ليه وقالت خلاص يا باشا انا كنت عاوزه ادردش معاك واغيرلك مودك لاني شيفاك عصبي
اسد. انا قولتلك اقعدي
نور. ما هو مش معقول يا باشا هفضل طول اليل واقفه
اسد. استغفر الله العظيم
نور. خليني امشي بقا يا باشا
اسد. ببرود قالها لأ
نور.ليه كدا بس يا باشا والله انا تعبانه طول النهار ونص اليل
اسد. بصلها وبيحاول يكتم ضحكته علي كلامها
نور. بالله عليك يا باشا مشيني بقا معتش قادره
اسد. لا كيفي كدا
نور. كيفك
اسد. ومزاجي كمان
نور.
كيفك ومزاجك انت طلعت منهم ولا ايه يا باشا طب قولي وانا اريحك
اسد. بمكر قالها وهتعرفي
نور لا يا باشا متفهمنيش غلط انا قصدي اجبلك مخـ,ـدرات وديتول للكـ,ـيف
اسد. ديتول
نور. ومخـ,ـدرات عدت عادي
اسد. عرفه لو
نور. والله يا باشا انا معرفه
اسد. هنستظرف
نور. طب اعملك ايه بس يا باشا ما انته مبهدلني معاك
اسد. الصوت شويه ممكن وبص ف الورق اللي قدامه
نور. بصتله وبعدين قالت تعرف يا باشا انا حسه اني اعرفك
اسد. بصلها ورفع حاجبه
نور. هو احنا متقبلناش قبل كدا
اسد.
بصلها بأرف علشان يغظها
نور. فهمته وقالت براحه علي نفسك شويه يا باشا دا اللي انا بشبهك بيه دا من عيله كبيره قوي اللي انا منها طبعا ومش اي حد دا اخويا وحبيبي وصاحبي وكل حاجه ليا وبعدين اتنهدت
اسد. بصلها وقال حبيبك
نور. ايه يا باشا هو طلع قريبك ولا ايه
اسد. نفسي اعرف انتي مش بتخرصي ليه ف ام الليله اللي مش فايته دي
نور. يا باشا صدقني انا من عيله كبيره ومينفعش اللي انته عامله فيا دا ورجوعي متأخر دا بسبب شغلي خليني امشي
اسد.
بنفاز صبر طيب انا عاوز اشوف حد من عيلتك الكبيره دي اتصلي بحد يجي يضمنك ويخرجك
نور. لا يا باشا انا احب اعتمد علي نفسي
اسد. اممم هنجيب ورا اهو
نور. لا طبعا بس انا محبش حد يتعب علشاني وكمان زي ما انته شايف الدنيا ليل واكيد نامو يرضيك اقلقهم ف وقت زي دا اكيد ميرضكش
اسد. بصلها قوي ومش بيتكلم
نور. ايه يا باشا عجبتك
اسد. بصلها بحده
نور. عادي يا باشا ما هو كل اللي يشوفني يعجب بيا وانا طبعا مش بعبر حد
اسد.
لا والله وبعدين قالها دا مين اصلا اللي يرضي يبوصلك ولا يعبرك انتي مش شايفه نفسك ولا ايه
نور. بصت لنفسها وقالت قمر يا نور قمر يا قلبي
اسد. ابتسم وبعدين قالها اسمك نور
نور. حلو صح
اسد. بعند فيها قالها زي الزفت
نور. شكلك غيران مني يا باشا اي نعم انت امور وموز وعنيونك تجنن بس بردو انا احلي منك
اسد. انتي بتعاكسيني يا بت ولا ايه
نور. بصراحه اه وانجز بقا عاوزه امشي الفجر هيأذن
اسد. مفيش خروج من هنا اللي لما تتعرضي علي النيابه
نور.
نيابة ايه يا باشا كل دا علشان معايا مطوه بحمي بيها نفسي اسمحلي يا باشا اقولك انك جاي عليا ومتطهدني
لسد. ليه هو انا اعرفك قبل كدا
نور. قلبي حاسس ياباشا وانا قلبي عمره ما كدب عليا ابدا
اسد. قام وقف وقالها خليكي هنا لحد ما ارجع
نور. هتروح فين يا باشا بعد كل الوعود اللي وعدتهالي كدا تخلي بيا كدا تغدر بيا مكنش العشم يا باشا
اسد. حلو قوي المشهد دا
نور. عجبك
اسد. جدا اجهزي بقا للي بعده علي ما اصلي الفجر وارجع
نور.
حقك بردو يا باشا تكفر عن غلطتك معايا
اسد. بصلها وقفل الباب
نور. قالت اااه ياني هو انا كنت ناقصه واتنهدت وقالت امته هترتاحي يا نور امته بس ومالت بدماغها عالمكتب
اسد. بعد شويه رجع
نور. اول ما شافته قالت بص بقا يا باشا انا لازم امشي دلوقتي ومن غير ولا كلمه منك
اسد. دا تهديد دا ولا ايه
نور. ايوا يا باشا علشان الساعه بقت خامسه والشمس قربت تطلع وانا مش مسؤله عن اللي هيحصل
اسد. عوج بوئه
نور. من غير عوجت بوئ انا لازم اختفي دلوقتي