مرت الايام والشهور وانتهت عدة آية وايضا انتهت جلسات العلاج وقد تعافت وتحسنت نفسيتها كثير لم يعكر صفو حياتها سوى انه تقطن بنفس المكان الذى يوجد به طليقها وتلك المدعوة دلال التى لم تتهاون فى ان تؤذى مشاعرها كلما صادفتها وتذكرها بتخلى زوجها عنها وانه فضلها عليها للاسف فهى تعانى من عقد نقص شديد نتيجة لنبذ جيرانها لها بسبب سوء سلوكها وعلى الرغم من انها ومجدى اعلنوا خطبتهم تحت سخط الجميع فهم يحتقرونهم ويروا انهم قد تسببوا بآذى كبير لعائلة عبد المحسن والذى يحملون له كل حب وتقدير حتى نعمة لم تحاول ان تتحدث مع ابنها على الرغم من محاولاته الكثيرة
لينال رضاها ولكنها كانت تأبى ذلك
ومع خوف عبد المحسن على ابنته من ان يحدث لها انتكاسة تراء له ان يقوم بالانتقال من تلك الحارة والتى عاش بها عمره كله لكن خوفه على ابنته قد اجباره على ذلك التفكير وبالفعل اصبح يبحث فى كل مكان لكى يجد منزل مناسب ينتقل اليه وقد قام ببيع قطعة ارض كان يدخرها للزمن وجمع كل مدخراته لكى يستطيع الانتقال الى مكان مناسب لابنته وبناتها وقد قام الاستاذ عادل بالتوسط له لدى احد اصدقائه ووجد له شقة مناسبة وبسعر مناسب بالقرب من مكان اقامته وقد قام بالانتقال بالفعل من تلك الحارة والتى شهدت الم وخذلان ابنته وخصوصا وان زوجها كان يعد لاتمام
زفافه واقامة حفل كبير بالحارة فقد تملك منه الحقد على آية بسبب طلاقها منه وكذلك رفضها الرجوع اليه عندما طلب ذلك قبل انتهاء مدة العدة بل واصرارها على ذلك ليستيقظ اهل الحى على انتقال هذة العائلة التى لم يروا منهم الا كل خير وقد حزن المقربون منهم وخصوصة نعمة فهى تعلم ان ببعدهم قد لا تستطيع المداومة على رؤية احفادها التى تعشقهم لكنها تعلم ان هذا خيرا لآية وبناتها لينتقلوا بالفعل وتغلق آية تلك الصفحة من حياتها بحلوة ومرها
وبمكتب الاستاذ عادل وبعد ان استقر عبد المحسن فى منزله الجديد كان يتحدث مع الاستاذ عادل بعرفان -والله يا استاذنا مش عارف اشكرك ازى الصراحة الشقة جميلة ومكانها راقى جدا وآية والبنات فرحنين لولا وساطة حضرتك لصاحب العمارة مكناش اخدناها بالسعر ده ابدا -متقولش كده يا عبده سبق وقولت لك انك اخ ليا ومفيش بين الاخوات شكر
-تسلم يا استاذنا آية فعلا من يوم ما اتنقلنا وهى وشها نور تانى بس مطلعة عينى كل يوم بتدور على شغل وكل ما اقول لها يا بنتى انا موجود وارتاحي علشان صحتك ترفض وتقول مش عايزة اتقل عليك يا بابا كفاية اللى دفعته فى الشقه ومهما افهمها ان الشقة دى فلوس متشالة وكده كده امان ليكى ولبناتك مش عايز تريحنى ولا تريح نفسها -خلاص يا عبده سبها فعلا تشتغل خليها تخرج وتقابل ناس و تتعامل علشان بردو قعدتها فى البيت مش حلوة على نفسيتها
-عارف يا استاذنا بس بردوا هتشتغل ايه منه لله مخلهاش تكمل كليتها فاى شغل هيبقى مرهق ليها يعنى هتشتغل ايه بالثانوية العامة -طب سيب ليا الموضوع ده وانا هشوف لها شغل مناسب ليها ثم يصمت قليلا ويتحدث ممكن آية تشتغل فى الحضانة بتاعة سندس بنت اخويا اخت المرحومة سما ومرات دكتور ايهاب كمان ما انت عرفها وكانت دايما سما الله يرحمها بتحكى لها كتير عن آية ،انا هكلمها وان شاء الله يكون ليها شغل هناك سندس دايما بتساعد الغريب مش هتساعد القريب وبعدين هى متتخيرش عن ايهاب ودايما كانت متابعة حالتها معاه
-والله يا استاذنا مش عارف اقولك ايه الشكر بقى قليل على اللى بتعمله معايا انا وبنتى -هزعل يا عبده يلا على مكتبك علشان اول ميعاد للموكلين خلاص قرب ليتركه وهو يشعر بالعرفان لذلك الشخص الذى دائما ما يكون ضهر وسند له **************************************
نذهب الى الحارة التى كانت تقطن بها اية فبعد زواج مجدي ودلال استطاعت ان تسرق لبه بافعالها ودلالها عليه لقد اصبح يجلس بجوارها بالمنزل واهمل عمله بالورشه حتى والدته لم يزورها منذ اكثر من شهرين وللاسف نعمة كل يوم قلبها يغضب اكثر على ابنها فهو حتى لم يسأل على بناته اين انتقلوا ولا كيف يعيشون للاسف اصبح عبد لرغباته ورغبات دلال -مجدى ميجو حبيبي انا كان عجبنى خاتم انما ايه عند عم جورج الصايغ مش هتجيبه لدلال حببتك يهون عليك حبيبة قلبك تكون نفسها فى حاجة
-قلبي لا طبعا ميهونش بس اصبري علية كام يوم كده اكون جمعت مبلغ حلو انتى عارفة لسه خارجين من مصاريف جواز وسفر والشغل فى الورشة اليومين دول مش اد كده -قصدك ايه يعنى انى وشي وحش عليك -لايا روحي بس علشان مش بنزل الورشة كتير وبغيب عليها الزباين مش زى الاول -وانا يعنى اللى ضــ . ـربتك على ايدك علشان متنزلش الورشة ما انت اللى مش عايز تسيب العسل وتنزل -وهو حد بردوا يشبع من العسل ده دانا كانى ولا اتجوزت ولا عيشت قبلك يا جميل
ليقطع حديثهم صوت دقات على باب المنزل ليفتح الباب ويفاجئ بوالدته ليرحب بها بحرارة -اهل يا ست الحبايب نورتى بيت ابنك اخيرا حنيتى عليا ورضيتى عنى لترد باستنكار -انا لا حنيت ولا رضيت بس يابن بطنى انت بقالك اكتر من شهرين لا جيت ولا طليت عليا ايه الهانم نستك امك كمان زى ما نستك شغلك وعيالك لترد دلال بغضب -خير يا حماتى جاية وسنة سككينك علينا ليه -اسكتى يا دلال لترد نعمة بغضب -ونعم الرجالة يابن بطني اسكتى يا دلال ده اللى قدرت عليه وهى بتهزق امك ياخسارة يا مجدى بعت الدهب بالتراب
-فيه ايه بس يا امي اهدى عليا -ولا اهدى ولا متهديش انا كنت جاية اشوف ايه اللى منعك عننا لكن لقيتك ما شاء الله زى الفل ليرد عليها باستعطاف -والله كنت هاجى اشوفك يامى وانا رايح على الورشة -طب كويس انك فاكر ان عندك شغل والتزامات عقبال ما تسال على بناتك -ما اكيد امهم وجدهم قيمين معاهم بالواجب وبعدين مش هى اللى اصرت على الطلاق ومرضيتش ترجع اعمل لها ايه -لا الحمد لله فعلا لا آية ولا عبد المحسن مقصرين مع البنات وهما زي الفل بقوا احسن بعد ما بعدوا عنك
-كده يا امى دا انا ابنك بردوا على طول بتحامى لآية -لانى بحامى للحق يابن بطنى والحمد لله آية مش مخلية بناتها محتجين حاجة وجدهم نقلهم وعيشهم فى مكان ايه زى الفل ومستوى تانى خالص ليرد باستهزاء -طب كويس وايه المطلوب منى لترد عليه نعمة بخذلان -ولا حاجة يا مجدي بس احب اقولك بكرة تندم ووقتها محدش هيقف جنبك لتغادر وقد زاد سخطها على ابنها وهي تعلم انه لم يعد ذلك الابن الذى افنت عليه شبابها
وبعد ان غادرت تحدثت دلال وهى تشعله اكثر على والدته وآية -ولا تزعل نفسك يا حبيبي انا معاك وعمري ما احب اشوفك زعلان تعالى معايا وانسى اى حاجة وبكرة ربنا يعوضك عن بناتك دول باولاد زى الفل يبقوا في ضهرك وسندك ليبتسم مجدي ويذهب معاها وهو يمنى نفسه باوقات من السعادة وانه سيكون له اولاد ذكور يفتخر بهم ونسى ان الله لا يضيع حق مظلوم. **************************************
مرت ثلاث اشهر على عمل آية بالحضانة وما ان تسلمت العمل بحضانة سندس حتى شعرت نحوها بالمحبة والراحة لما لمسته منها من طيبة وحسن خلق فهى تماما كشقيقتها سما والتى كانت آية تحبها كثيرا وكذلك سندس فهى وجدت فيها الصديقة والاخت على الرغم من معرفتهم القصيرة الا انها شعرت نحواها بالمحبة وقد سمحت لها باصطحاب آسيا معها لكى تطمن عليها فاريج كانت قد التحقت بمدرسة قريبة من المنزل ، وقد احبت سندس آسيا كثير فهى تتحدث بتلقائية محببة ومع وجود آية وآسيا تحسنت الحالة المزاجية والنفسية الخاصة بملك فهى كانت عنيدة وعدوانية وذلك لحرمانها من والدتها بسن صغير وعلى الرغم من
ان الجميع حاولوا ان يعوضوها غياب والدتها عنها لكن لا احد يستطيع تعويض حنان الام وعلى الرغم من ان سندس كانت تحاول ان تعوضها لكنها كانت تمتلك من العند الكثير ولم يستطع احد السيطرة على ذاك العناد الا آية فملك متشابهه فى تصرفاتها لآسيا فهى ايضا كانت تعنى حرمانها من عطف الاب عليها للاسف مجدى كان لا يعيرها اهتماما بل كل ما كانت تراه منه هو النهر والغضب عليهم وعلى والدتهم لذلك آية كانت تحاول اصلاح سلوكهم على فطرتها كام فكانت تغدق عليهم من حنانها ما جعلهم شديدي التعلق بها وببعضهم كانهما اختان تؤام اما اريج فكانت عندما تاتى الى الحضانة
مع والدتها فى ايام الاجازات كانت تهتم بملك وآسيا وتحتويهم فهى على الرغم من صغر سنها تمتلك عاطفة امومة اكتسبتها من حنان آية فكانت تلعب معهم وتحيطهم بالاهتمام وقد لاحظ الجميع بمنزل الاستاذ عادل تغير ملك وتحسين حالتها
وبيوم الجمعة بمنزل الاستاذ عادل وكما هو معتاد كان الجميع متواجد فهو يوم التجمع الاسبوعي للعائلة فكان متواجد سندس وزوجها وابنائها التؤام كريم وادم فهم فى نفس عمر ادهم تقريبا ومعه بالمدرسة كذلك اخت الاستاذ عادل سميرة وابنتها سمر التى لا تترك فرصة حتى تتقرب من عمر على امل ان يتزوج بها فهى ووالدتها يروا انهم احق بما يملكه عادل وعمر عن غيرهم للاسف لا يحركهم الا الطمع بالمال والمركز الاجتماعى وبعد ان تناولوا الغذاء اقترحت فريدة زوجة عادل ان يتناولوا القهوة بالحديقة لكى يلعب الاطفال امامهم فسالت فريدة سندس باستفسار
-سندس انتى مش ملاحظة ان ملك اتغيرت كتير لترد بمحبة وود -فعلا يا طنط من يوم ما آية اشتغلت فى الحضانة ومع وجود آسيا بنتها كمان ملك اتغيرت كتير انتى متعرفيش يا طنط بتحبها ازى وحنينة عليها اد ايه بتعملها زى آسيا واحسن كمان الصراحة آية فعلا آية وكل اللى فى الحضانة من مدرسات واطفال حتى اولياء الامور كمان بيحبوها جدا والصراحة هى ليها فضل كبير فى تغير حالة ملك -والله يا بنتى انا بحب البنت دى اوى حظها قليل بس اكيد ربنا هيبعت ليها الخير علشان هى طيبة ليرد عادل بتاكيد
-فعلا يا فريدة آية طيبة وربنا اكيد هيعوضها كفاية انها خلت ملك احسن واهدء من الاول كتير -تعرف يا عمى ان ملك وآسيا بيبقى فى مشكلة كل يوم علشان يسيبوا بعض ويمشوا وتقريبا اللى عرفته من آية انهم بيكلموا بعض طول الوقت فى البيت لترد فريدة بتاكيد -فعلا يا عادل انت عارف مستولية على التاب بتاع ادهم وتقعد تتكلم معاها فيديو كول ليضحك الجميع على افعال ملك وهم يشعرون بالسعادة على تحسنها لتاتى مسرعة وهى تنادى على جدتها
-نانا بليز عايزة اكلم آسيا اطلبيها ليا لتقوم فريدة بذلك ويشاهدون الفتاة وهى تحـ .ــادث آسيا واريج وآية وكم السعادة التى هى فيها كل هذا يحدث وعمر ينظر لابنته ويستمع لكل الحديث اما سمر فقد شعرت بالغيرة وخطورة ان يمدح الجميع فى آية وبناتها لتتحدث لتنهى هذا الحوار ولتحقر من عملها -خلاص بقى يا جماعة انتم مكبرين الموضوع ليه كده وحدة وشافت شغلها اللى بتقبـ . ــض عليه فلوس ايه يعنى معملتش معجزة بليز نتكلم على اي حاجة تانية مهمة
لتؤكد على كلامها والدتها -ايوة فعلا يا جماعة ثم تنظر لعمر مالك يا حبيبي ساكت ليه ها مش ناوى تفرحنا بيك ولا ايه لتنظر لها فريدة بعتاب وتهمس لها -سميرة انتى بتقولي ايه مش تراعي وجود سندس -جرى ايه يا فريدة ما سما الله يرحمها ماتت من سنتين وبعدين ما سما بردوا بنت اخويا وزعلانة عليها زى ما انا زعلانة على ابنك اللى هيضيع شبابه -خلاص يا سميرة اقفلى على الموضوع ده كل واحد بياخد نصيبه
كانت سندس تسمع حديثهم ولم تكن تعيره انتباه فهى تعلم عمتها ونواياها بداخل قلبها يوجد حزن على فقدان اختها لكنها مؤمنة وتعلم ان الحياة ستستمر وان عمر من حقه ان يكمل حياته لكن تتمنى ان يجد الانسانة المناسبة له والتى تكون ام حنون لاولاده لياتى على خاطرها آية فجاة لتبتسم وتصمت فهى تخشى من محاولات عمتها وبنتها لايقاع بعمر **************************************