دخل الجناح بتاعهم. ولما ماشافهمش في الصالون دخل أوضة النوم بعد ماخبط. سناء بهمس / تعالى يا اسر دخل لقى سيلين نايمة على رجليها وهي بتملس على شعرها أسر بخفوت / هي سيلين نامت. سناء/ أيوة الظاهر كانت مرهقة اوى فبعد ما اخدت شور نامت تحب انزل علشان ترتاح انت كمان أسر / لا طبعا خليكي مرتاحة يا طنط أنا نازل تاني وخرج أسر وهو هيولع لأنه قرر يروح بدري علشان خاطر يقضي وقت مع سيلين بعد ماقالتله انها هترجع بدري.( و يا حرام. اخد بمبه 😂😂 )
أسر بضيق / لا بجد الموضوع ده جاي عليا بخسارة مش عارف اتنيل مع مراتي زي الناس
بس يلا كله يهون علشان خاطر دلوعتي مساءا في قصر مهاب العدلي مهاب وصل من شغله. كانت شمس قاعدة في الصالون مع العيلة. وداليا هي وجوزها وبنتها كمان اللي جايين علشان يتعشوا مع العيلة مهاب / سلام عليكم الكل / وعليكم السلام ورحمة الله وبركاته مهاب / منورين يا داليا انتي وعمر داليا / الله يخليك يا ابيه
عمر / اللي يخليك يا مهاب منور بيكوا طبعا مهاب بحنان مش قادر يخفيه / اخدتي العلاج يا شمس شمس وهي بتتهرب من بنظراتها / وقت ما انت اتصلت كنت باخد اللي بعد الغدا ولسه لما نتعشا هاخد آخر حاجة مهاب / طيب كويس اجهزي علشان بعد العشا هنروح المستشفى. علشان الفحص شمس بحيرة / بس لسه 5 أيام على ميعاد الفحص مهاب / لا هنعمله النهاردة أم داليا / ربنا يقومهالك بالسلامة يارب. ويطمنك عليها
داليا / ياااااارب وتجيبوا بنوتة تانية بقى علشان يبقى اسمها داليا مازن / سلام قولا من رب رحيم. حرام عليكي ليه كدة بس داليا / سامعة يا شمس بيقول ايه شمس كانت سرحانة وانتبهت لما سمعت اسمها / ايه يا داليا بتقولي حاجة مازن / شوفي اهي عملت نفسها ماسمعتش ( وفضلوا يهزروا شوية علشان يكسروا جو التوتر اللي مالي البيت من يوم خبر حمل شمس. وبعد شوية قاموا كلهم علشان يتعشوا ) ومهاب يترأس السفرة وعلى يمينه شمس و كل واحد قاعد جنبه مراته.
وشمس بتاكل كحت / كح كح مهاب ناولها كوباية مايه بسرعة / اشربي شمس شربت شوية / شكرا أم مهاب / ايه يا شمس شرقتي شمس / لا دا أنا بكح عادي مش شرقت مهاب بأهتمام / بتكحي. دي اول مرة ولا كحيتي الصبح شمس بتنهيدة / لا أول مرة مهاب / يعني ماكحتيش طول اليوم شمس / لااء مهاب / طيب كحة بس ولا حاسة بوجع في جسمك ولا قاطعته شمس / كحة بس يا مهاب ويمكن بس علشان بأكل بسرعة مــ,,ـاتقلقش
شمس لنفسها / وبدأنا مرحلة الهوس ربنا يسترها عليك يا حبيبي. انا اللي غلطانة. العيلة كلهم بصوا لبعض وكلهم بيفكروا زي شمس :- ها قد بدأ هوس العاشق على معشوقته في فيلا أنس سما كانت في أوضتها اللي في الفيلا. و لأنها طول اليوم كانت بتلعب مع الولاد تعبت وطلعت ترتاح شوية. ونامت. و نورسين نامت في حضـ,,ـنها مامتها دخلت علشان تصحيها وترجع علشان ما تتأخرش على جوزها
لقيتهم ناموا
ومارضيتش تصحيهم وقررت تتصل ب نور تستأذنه يباتوا معاهم
و نزلت تكلمه / الو. أيوة يا نور.عامل ايه يا حبيبي نور بأقتضاب/ كويس يا طنط أم سما / ماجتش ليه يا حبيبي النهاردة تتعشا معانا دا أنا بقالي كتير ماشوفتكش نور / كان عندي شغل والفترة دي مشغول جدا أم سما / ربنا يقويك يا حبيبي. طيب انا بكلمك علشان سما و نورسين ناموا من كتر الشقاوة طول اليوم وأنا بصراحة ماحبتش اصحيهم فقولت استأذنك يباتوا عندنا النهاردة نورسين وهي نازلة على السلم بتمسح عينيها / تيتة
أم سما / تعالى يا حبيبتي. اهي نورسين صحيت نورسين ماما صحيت معاكى نورسين / لاء نايمة بس انا صحيت وانتي بتغطينا أم سما / طيب قولت ايه يا نور نور بأقتضاب/ طيب. خليها سلام وقفل نور وبيفكر. وكعادته الفترة اللي فاتت بسوء الظن. أن دي كذبة من سما بسبب كلام الصبح
وكان خلت البنت تكذب زيها نور اتعصب من الفكرة دي وخرج من مكتبه وركب عربيته والحراسه وراه
وراحلهم ودخل وسلم على أنس ومديحة وسلوي و تالين
أنس / أهلا يا نور اتفضل نور / يعني شايفكوا كلكوا صاحيين نورسين / لا يا بابا دا ماما بس اللي نامت. كانت جنبي بتنيمني ونامت معايا وانا صحيت قبلها أنس بمرح / أصلهم طول اليوم نازلين لعب وشقاوة وغلاسة عليها. ( يقصد إياد و نورسين ) نور / طيب خلي سما نايمة براحتها. وأنا هاخد نورسين سلوى / طيب ليه كدة يا حبيبي ما تسيبهم والصبح يروحوا نور / لا علشان نورسين عندها مدرسة الصبح
أنس / عادي بقى ماجتش من يوم. أو تبقى تمشي مع اياد الصبح من هنا نور / لا مش هينفع سلوى بتنهيدة / طيب خلاص هقوم اصحي سما علشان تمشي معاك نور / لا خليها براحتها أنا هاخد نورسين وامشي أنس بضيق / طيب ومين اللي هيجهز نورسين للمدرسة الصبح يا ابو نورسين نور بأقتضاب/ عادي الخدم في البيت كتير. ولو مافيش أنا هجهزها الدنيا مش هتقف سما كمان كانت صحيت. ونازلة على السلم وسمعت كلام نور اللي كسر قلبها كسر زيادة على كسورها و ذود جروحها جرح جديد
سما / مافيش داعي الهدم يا نور. ولا لتعبك أنا صحيت اصلا نور بأبتسامة استهزاء / طيب اتفضلي على العربية خرجت معاه بعد ماودعت أهلها اللي اتضايقوا جدا من تصرفاته وكلامه وأسلوبه ادام العربية
نورسين / أنا هركب جنب بابا لأننا بقالنا كتير ماخرجناش مع بعض سما / اركبي يا حبيبتي. هتعرفي تربطي الحزام ولا اساعدك نورسين / لا يا ماما هعرف زي ما حضرتك علمتيني وركبوا العربية والحرس وراهم. ورجعوا على قصرهم بدون إي كلام
لكن القلوب ملياااااانة كتيييييييير
وسما هتقرر وترفع راية العصيان
يتبع ..