واتفاجئ بدخول جومانه من الباب بس المرادى كانت لابسه فستان تحفه احمر وطويل وبكمام وعليه طرحته وحاطه ميكب رقيق وكانت فى قمة الجمال جومانه :- هاى باسم وفارس :- بصو لبعض بأستغراب جومانه :- خير فى ايه مالكم باسم :- انتى الانسه جومانه اللى شوفتها الصبح فى الشركه جومانه :- برقه اه ليه فارس :- متنح ومش بيرد باسم :- لا بجد جومانه :- مالك يا استاذ باسم انا جومانه عز خير مالك باسم :- وانتى جيتى ازاى
جومانه :- فى العربيه باسم :- مش قصدى قصدى جيتى الحفله ازاى جومانه :- اه قصدك مين قالى اجى باسم :- ايوه جومانه :- استاذ فهد بعت لينا دعوه بابا مقدرش يجى وانا جيت مكانه باسم :- اه جومانه :- استاذ فارس خير فيك حاجه فارس :- ها ل.ل لا بس انتى ازاى كده جومانه :- كده ازاى فارس :- الصبح شخصيه وبليل شخصيه تانيه انتى عندك انفصام فى الشخصيه ولا ايه جومانه :- ضحكة برقه وقالت لا يا استاذ فارس بس انا فى الشغل معرفش ابويه لكن فى حياتى الشخصيه اختلف
فارس :- بص لباسم وقال انت مصدق الكلام ده باسم :- شهاده لله لا انا حاسس بتعامل مع حد تانى خالص جومانه :- طيب عن اذنكم يا جماعه هروح لمدام مليكه وسابتهم ومشيت فارس :- انا حاسس أن دماغى لفت حد يقنعنى أن دى جومانه بتاعة الصبح باسم :- مش لما انا اقتنع ابقى اقنعك انت فارس :- بس يخربيتها جامده جدآ باسم :- ايه النظام معاك وغمز ليه فارس :- ايه قصدك ايه باسم :- شايفه المشداد اللى ما بينكم حلوه وعينك كانت هتنط على البت وهى واقفه
فارس :- عادى يعنى باسم :- قولتلي عادى ربنا معاك يا ابو الفوارس فارس :- خف تعوم يا اخويه انت اكتر واحد عارف اللى عشته مع مروه باسم :- كلهم مش مروه اللى عوض فهد بمليكه يعوض عليك انت كمان بواحده بنت حلال فارس:- لا مش عايز انا عايش كده مرتاح ويلا بقى هوينى خلينى اخرج اشم شوية هوا باسم :- ابقى سلملى على الهوا فارس :- خفه وخرج بره فى الجنينه وكانت جومانه واقفه قال انتى واقفه بتعملى ايه هنا
جومانه :- عادى واقفه مليش فى جو الحفلات ده فارس :- انتى بنأدمه عجيبه الصبح بتبقى مشاغبه وعندك لسان طول كده ومسترجله وبليل بتبقى انثى رقيقه وهاديه وبتحبى الهدوء ازاى بتعمليها دى جومانه :- بضحكه رقيقه عادى بس انا قولت ليك فى شغلى ببقى حاجه تانيه خالص ومعرفش حتى ابويه لكن بليل برجع لطبيعتى فارس :- ياريت تفضلى على طبيعتك كده علطول ليل ونهار جومانه :- يبقى مش هعرف اشتغل وهقابل ملزقين كتير فى الشغل
فارس :- تعرفى انك جميله اوى جومانه :- لو سمحت انا اه ببقى هاديه بس برضه محتفظه بأدبى يعنى لو سمحت التزم حدودك فارس :- مش قصدى حاجه والله انا بقول رأى فيكى بأدب مش اكتر جومانه :- انا لا اعرفك ولا انت تعرفني علشان تقول رأيك فيا عن اذنك وسابته ومشيت وبعد وقت طويل انتهت الحفله والكل مشى من الفيلا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى اوضت نوم فهد ومليكه دخلو الاتنين من باب اوضت النوم فهد :- شد مليكه ليه وقال كل سنه وانتى معايه وفى حضنى
مليكه :- حطت راسها على صدره وقالت انت طيب يا قلبى بجد انا بحسد نفسى على السعاده اللى انا فيها فهد :- حط أيده تحت دقنها ورفع راسها ليه وبص فى عينها وقال السعاده الحقيقيه وجودك فى حياتى انتى الشمعه المنوره حياتى انتى معنى الحياه الحقيقى انتى نعمه من ربنا بعتها ليا ونزل على شـ,ـفايفها وبـ,ـسها مليكه :- قربت اكتر لفهد ومسكت فيه جامد وعمقت البوسه اكتر فهد :- مد أيده وفتح سوستة الفستان وقع الفستان فى الارض وشال مليكه وحطها على السرير وفتح زارير قميصه وقلعه ورما على الارض و(شهرزاد طفشت هنكمل من غيرها بقى 😂😂😂)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، الفصل الخامس والسادس اشرقت شمس صباح يوم جديد بنورها الساطع فى سماء الاسكندريه لتبدء العصافير بالتغريد مليكه :- فتحت عيونها ملاقتش فهد جنبها على السرير قامت من على سريرها ولبست الروب وخرجت من باب اوضتها نزلت من على السلم وراحت عند المكتب ولسه هتفتح الباب سمعت صوت فهد وهو بيقول فهد :- تمام هخلص شغل واجى ليكى على الشقه القديمه مليكه :- اتصدمت لما سمعت كده وحطت ايديها على بؤقها وطلعت تجرى على الاوضه وعملت نفسها نايمه
فهد :- طلع على الاوضه وبص على مليكه لاقها نايمه دخل الحمام اخد شاور واتوضه وخرج لبس هدومه واده فرضه وباس مليكه فى خدها ونزل
مليكه :- اول ما فهد قفل الباب قامت قعدت على السرير وضمت رجليها لصدرها ودموعها نزلت منها وقالت مش معقوله ف.ف.فهد بيخونى ط.ط.طب ليه ا.ا.انا نقصتك ايه ليه بتعمل كده معايه وقالت لا مش مصدقه اللى سمعته ا.ا انا لازم اتأكد فى معاد خروجه من الشركه هروح وراه مش يمكن ظلماه اصل استحاله فهد يعمل فيا كده وقامت من على سريرها ودخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وراحت صحت الاولاد علشان مدرستهم ونزلت حضرت الفطار وحطته على السفره ونزلو عدى وجاكلين فطرو وراحو المدرسه وقامت مليكه تعمل اللى وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى شقة مازن ومى صحيت مى وعملت زى كل يوم صحت مازن وراحت صحت تيلا علشان مدرستها وحضرت الفطار على السفره وخرج مازن من الاوضه وتيلا وقعدو على السفره وبدوأه ياكلو مازن :- حط لقمه فى بؤقه وبعد كده طلعها وقال بعصبيه ايه ده الله يقرفك مالك مزوده الملح فى الاكل كده ليه مى :- مدت ايديها واخدت منه وقالت مفهوش حاجه يا مازن زى كل يوم مش مالح ولا حاجه مازن:- يعنى انا بكدب ولا بتبلا عليكى
مى :- ولا ده ولا ده بلاش تاكل فول عندك الجبنه كل منها يا مازن مازن :- هتأكلينى على مزاجك يعنى مى :- مقولتش كده كل اللى انت عايزه براحتك مازن :- مالك بتتكلمى كده ما تتكلمى عدل مى :- هو فى ايه يا مازن انت بتقول شكل للبيع على الصبح مازن :- قام وقف وقال بقيتى واحده نكديه كتك القرف ومشى وسبها مى :- حبست دموعها وبصت لتيلا وقالت قومى يا حبيبتى روحى مدرستك
تيلا :- ماما انا زعلانه اوى مى :- ليه يا حبيبتى تيلا :- علشان اللى بابا بيعملوا معاكى ده مى :- بصى يا حبيبتى بابا بيبقى مخنوق علشان مش معاه فلوس بدل ما يتخانق بره مع حد وتحصل مشكله بيجى يطلع قرفه هنا واحنا بقى لازم نستحمله مش كفايه شقيان طول النهار علشان يجيب لينا فلوس
تيلا :- بس بابا مش حنين حتى عليا ده عمره ما صحى الصبح وقلى صباح الخير ولا عمره اخدنى فى حضنه زى ما عمو فهد بياخد جاكى فى حضنه وعمو اسر بياخد يوسف ويلعب معاه ويشترى ليه حاجات حلوه ده قليل اوى لما كلمنى عمره ما سألنى عامله ايه فى المدرسه بابا مش بيحبينى يا ماما مى :- شدتها فى حضنها وقالت ايه الكلام العبيط ده اللى بتقوليه لا طبعآ بابا بيحبك بس هو بيبقى تعبان من الشغل بيجى ياكل اللقمه وينام ويقوم الصبح يروح الشغل علشان كده مش بيتكلم معاكى كتير
تيلا :- طيب يا ماما الناس كلها بتاخد اجازه الا بابا ليه مى :- لنفسها اه صح ازاى مأخدش بالى من الموضوع ده مازن بيروح فين يوم اجازته تيلا :- روحتى فين يا ماما مى :- ها معاكى يا حبيبتى مش عايزه اسمعك تقولى الكلام ده تانى بابا بيحبك ماشى تيلا :- حاضر يا ماما مى :- بستها وقالت يلا على مدرستك تيلا :- اخدت شنتطها ومشيت راحت على المدرسه
مى :- دموعها نزلت منها وقالت يارب هفضل فى الغلب ده لحد امته اهانه ومتقبلها ذل ومتقبله كل حاجه متقبلها الا وجع بنتى يارب اهديه واصلح حاله علشان خاطر بناته انا مستحمله كل ده علشان خاطر بناتى متوجعش قلبى عليهم يارب وبعدين مسحت دموعها وقامت من مكانها ولمت الاطباق وراحت تغسلهم ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى فيلا اسر صحى اسر من نومه وكانت مها لسه نايمه ملس على شعرها ومشى صوابعه على وشها وقال اسر :- حبى اصحى يلا
مها :- امممم سبنى شويه يا اسر