سهير :- والولا المفعوص فريد كان واحشنى اوى طالع نسخه فى الشكل لجده فريد الله يرحمه الكل :- الله يرحمه مليكه :- كلى وبعد الاكل هجيبه ليكى ولو عايزه ينام معاكى خليه ولو تعبك نادى عليا اخده سهير :- انا اتعب من فريد استحاله مليكه :- خلاص بعد الاكل هجبهولك والكل اكل وجابت مليكه فريد لسهير الاوضه وكل واحد راح على اوضه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى فيلا اسر كان كلهم قعدين على الكنبه واسر واخد مها فى حضنه وبياكلو فشار وبيتفرجو على التلفزيون
يوسف :- ماما مها :- نعم يا حبيبى يوسف :- هو مينفعش نخلى تيلا تدخل المدرسه بتاعتى مها :- ليه يا حبيبى يوسف:- اصلها لوحدها فى المدرسه اللى هى فيها وكمان حكومى مش حلوه وانا عايزها جنبى علشان اقدر احميها مها :- بصت لأسر وكتمت ضحكتها وقالت وانت عايز تحميها من ايه بقى يوسف :- من اى حد انا عارف ان تيلا لسانها طويل وشقيه وبخاف حد يتعرض ليها اسر :- والبطل بتاعى خايف على تيلا ليه بقى
يوسف :- مش بنت خالتى وانا الراجل ولازم احميها اسر :- اممممم قولتلى بقى يوسف :- احم ايوه مها :- حضنته وقالت يسلملى البطل يا ناس ابنى بقى راجل وبيخاف على بنات خالته اسر :- مش عارف ليه حاسس أن تيلا هتقع فى قرعة يوسف مها :- اسر الولد قاعد اسر :- ده على اساس ان ابنك مش فاهم ولا عارف حاجه ده انا اتعلم من ابنك الطفوله دى الله يرحمها يا اما دلوقتى مفيش حاجه اسمها طفوله التكنولوجيه الحديثه نهت عليها خلاص
مها :- لاء بس ابنى يختلف عن الاطفال كلهم اسر :- امممم من انا عارف مها :- بصت لأسر بغيظ وقالت ليوسف ادخل يا حبيبى يلا نام وانا هشوف موضوع مدرسة تيلا ده يوسف :- هيييييا بحبك اوى يا احلى ماما وبسها فى خدها وطلع يجرى على اوضه اسر :- ههههههههههه الولا واقع لشوشته طالع لابوه مها :- اسر بلاش الكلام ده قدام الولا لسه صغير
اسر :- طيب انا كنت فى سنه كده وكنت بمـ,ـوت فيكى وكنت شبه ابنك كده عايز احميكى من الدنيا بحالها وعاش حبك فى قلبى طول السنين دى وكان بيزيد ومش بيقل ومحدش قدر يدخل قلبى غيرك مها :- هههههه ابن الوز عوام طالع حبيب لابوه اسر :- بس مهما يحب واحده مش هتكون فى جمالك وحلاوتك ومش هيحبه بعضهم زينا مها :- بحبك اوى يا اسو اسر :- بعشقك ياروح اسو مها :- مشت ايديها على صدره وقالت بدلع طب ايه مش ناوى تنام
اسر :- بص على ايد مها اللى على صدره وقال نوم ايه بقى وشالها وقال استعنا على الشقا بالله مها :- لفت ايديها حاولين رقبة اسر وحطت راسها على كتفه وطلعو الاوضه و(سكتت شهرزاد عن الكلام الغير مباح 😉😉) ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى فيلا فارس وصل فهد الفيلا و طلع على اوضه وفتح الباب ودخل وبص على جومانه اللى كانت نايمه على سريره قرب منها وقعد قصادها وقال
فارس :- اللى يشوفك وانتى نايمه يقول ملاك إنما انتى فى الحقيقه واحده شيطانه وشك مخادع زيك زى البنات كلهم كلكم كدابين وخداعين وجه يرفع شعرها من على وشها حس بوشها فى ميه بيبص لاقها نايمه وهى الدموع على خدها مسح دموعها بصبعه وشالها عدلها على السرير وغطها وراح نام على الكنبه وقعد يبصلها لحد ما نام ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى بيت عبدالرحمن فى اوضت مى كانت نايمه على سريرها ودموعها على خدها وبتعيط وتليفونها رن بصت لاقته رقم غريب فتحت وقالت
مى :- السلام عليكم باسم :- وعليكم السلام مى :- مين معايه باسم :- انا باسم يا مدام مى مى :- خير حضرتك متصل بيا فى الوقت ده ليه باسم :- انا اسف بس حبيت ابلغك أن احنا بعد بكره هنروح شرم مى :- ليه باسم :- تبع الشغل مى :- ومين حضرتك طالع معانا باسم :- فهد ومليكه وفارس ودعاء السكرتيره وانا وانتى مى :- ولو مش حابه اروح باسم :- لازم تروحى علشان انتى المساعده بتاعتى
مى :- حضرتك ليه مستنتش تقولى بكره فى المكتب باسم :- ها ا.ا.اصل قولت ابلغك علشان لو مش عايزه تيجى بكره وتجهزى نفسك مفيش مشكله مى :- وانا اجهز نفسى ليه وانا طالعه رحله ده شغل يا استاذ باسم وعمومآ شكرآ حضرتك انا هاجى بكره الشغل فى معادى باسم :- تمام بس صوتك كأنك معيطه خير أن شاءالله مى :- لاء مش معيطه ولا حاجه وانا كويسه تصبح على خير وقفلت قبل ما تسمع منه ولا كلمه ودخلت الحمام غيرت هدومها ونامت على سريرها ودموعها على خدها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى فيلا باسم خلص المكلمه مع مى وكان قلقان عليها من صوتها وكان متأكد انها بتعيط باسم :- بقلق يا ترى مالك يا مى ويا ترى الدمعه دى سببها الحزن والكسره اللى فى عينيكى ولا حاجه تانيه اه لو اقدر اجى وامسحلك دموعك بأيديه وابدلها ليكى بضحكه وفى الوقت ده دخلت نورهان ولسه هتتكلم سمعت باسم وهو بيقول بصوت مسموع قلبى وجعنى عليكى يا مى نفس اعرف ايه سبب حزنك ده نورهان :- مين مى دى يا باسم اللى بتقول عليها وصعبانه عليك
باسم :- اتفاجئ بوجود نورهان وقال بتوتر د.د.دى اخت مليكه نورهان :- وصعبانه عليك ليه باسم :- ها ا.ا اصل بنتها ت.ت تعبانه شويه فصعبانه عليا نورهان :- بعدم اقتناع اه ماشى مش هتنام باسم :- ا.ا.اه يلا ومشى هو نورهان ودخلو الاوضه ونامو ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، الفصل (١٧)(١٨) اشرقت شمس صباح يوم جديد فى سماء الاسكندريه لتبدء جومانه بفتح عيونها بصت حواليها لحد ما عينيها جت على فارس اللى نايم على الكنبه افتكرت اللى حصل ما بنهم فى الليله السابقه دموعها نزلت منها وقعدت تبص على فارس وتقول لنفسها
جومانه :- ليه يا فارس بتعمل معايه كده ليه علطول بتقصد تجـ,ـرحنى ليه سعات تكون حنين وطيب ومره واحده تتغير وتبقى قاسى واللى تعبنى اكتر أن بدأت اتعلق بيك وبحاول اكرهك مش قادره ياريتنى ما كنت قبلتك ولا عرفتك كنت عايشه ومرتاحه اكتر من كده ليه ظهرت فى حياتى بدون سابق إنذار وبدأت تستحوذ على كل كيانى ليه وفى الوقت ده فتح فارس عينه جومانه:- مسحت دموعها بسرعه وعملت نفسها نايمه فارس :- قام بص يطمن على جومانه انها نايمه ومشى أيده على خدها لاقها كلها دموع نزل قرب من ودنها وقال انا عارف ومتأكد انك صاحيه فتحى عينك
جومانه :- فتحت عينيها وقالت ابعد عنى متلمسنيش فارس :- بتعيطى ليه جومانه :- مش بعيط فارس:- والدموع اللى على خدك دي ايه جومانه :- وانت شاغل بالك ليه اعيط او لاء فارس :- لو الدموع دى بسببى احب اعرف ليه انا مقولتش حاجه تجـ,ـرحك انا قولت اللى مفروض يتقال واللى مفيش اى راجل فى الدنيا دى يقبله أن مراته قلبها مع غيره
جومانه :- قامت وقفت وقالت بعصبيه انت ايه يا ابنى بتفهم ازاى ا ا.انت تعرف ايه عنى تعرف ايه عن شخصيتى عن حياتى ولا حاجه جيت دخلت حياتى ومتحكم فيها من غير حتى استأذن منعنى من الخروج ومعترضش واخد التليفون وبتخلينى اكلم بابا بمزاجك وقصادك ومعترضش معيشنى على مزاجك انت ومعترضش بتجـ,ـرحنى ومعترضش ومش من طبيعتى اكون مسلمه بالطريقه دى بس معاك وضعى بيختلف ليه الله اعلم انا معرفش السبب بس خلاص تعبت مش قادره اتأقلم على الوضع ده نفسى ارجع تانى لطبيعتى لجومانه اللى الناس كلها عارفها واللى انت جيت وغيرتها الصراحه مش قادره افهمك انت طيب ولا قاسى مرح
ولا جد مش عارفه حاسه ان عايشه مع واحد أفكاره وحركاته مشفره بالنسبالى ومش قادره افك الشفره ديه ارحمنى و سبنى فى حالى بقى فارس :- انا بتعامل مع كل إنسان بطريقته وانتى اللى وصلتينى لكده بحس معاكى أن شاب مراهق ومعندوش تحكمات فى تصرفاته بس الحاجز اللى بينى وبينك الشخص اللى بتحبيه مش محتاج اعرف حاجه عنك ولا عن شخصيتك لان فى الاخر مش هيفيد هو الأحق بمعرفة شخصيتك مش انا
جومانه :- اوقات كتير بتيجى للواحد الفرصه وبيضيعها بغباءه وفهمه الغلط بس على ما يفهم صح بيكون الفرصه راحت من بين ايديه وندم عن اذنك وسابته وخرجت من اوضه ونزلت تحت فارس :- استغرب كلام جومانه ومفهمش معناه بص على الباب مكان ما خرجت وبعدين دخل الحمام ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى بيت عبدالرحمن فى اوضت مى صحيت مى على صوت المنبه طفت المنبه وقامت من على السرير دخلت الحمام اخدت شاور واتوضت وخرجت لبست هدومها وأدت فرضها وبتاخد التليفون لاقت رساله ومكالمه
بصت على المكالمه لاقتها لباسم فتحت الرساله لاقتها من مازن وكان كاتب فيها(صباح الخير يا قلبى كان نفسى اقولهالك وانتى جنبى وفى حضنى بس قريب اوى أن شاءالله هترجعى مملكتك يا مى بحبك ) مى :- اتغاظت من الكلام وجت تقفل التليفون باسم اتصل بيها ردت وقالت مى :- السلام عليكم