فهد :- وهو بيضـ,ـرب فيه بقى مفكر نفسك ذكى وتعرف تهرب منى ده انا فهد المنشاوى يا ع****** امجد :- وهو بيطلع دـ,ـم من بؤقه ضحك وقال ههههههه انت لسه فيك الروح اهو وضـ,ـربه مكان الجـ,ـرح فهد :- اتوجع والجـ,ـرح نـ,ـزف باسم :- طلع يجرى على فهد وقال فهد انت كويس فهد :- ايوه كويس بس فى الوقت ده امجد جاب سـ,ـكينه ولسه هيضـ,ـرب فهد بيها باسم حط دراعه وجت السـ,ـكينه فى دراعه فهد:- باسم خلى بالك
باسم :- قع على الأرض والدم نزل من دراعه امجد :- رفع السـ,ـكينه تانى ولسه هينزل بيها على فهد فهد :- حاول يقوم من مكانه ومسك ايد امجد وحاول يوقع السـ,ـكينه من أيده امجد :- انت جيت النهارده لمـ,ـوتك يا فهد فهد :- عرف يوقع السـ,ـكينه من ايد امجد وراح علشان هو يمسكها امجد :- مسك فهد وقعد يضـ,ـربه تانى فى الجرح فهد :- الجرح بقى ينزل فى دم اكتر ويألمه اكتر واكتر بس اتحامل على نفسه وزق امجد من عليه وقعه الارض ومسك السكـ,ـينه ولسه هيضـ,ـرب بيها امجد حسام وصل ومسك ايد فهد
حسام :- بلاش يا فهد سيبوه للقانون فهد :- بعد عنه وقعد على الأرض وحط أيده على الجرح حسام :- شاف باسم بينزف من دراعه وقميص فهد كله دم بص للعسكرى وقال اطلب الإسعاف بسرعه العسكرى :- تمام يا فندم حسام :- مسك امجد وحط فى أيده الكلبشات وقال خدوه يلا امجد :- بص لفهد وقال لسه حسابك معايه منتهاش رجعلك وهنتقم منك أشد انتقام حسام :- خدوه يلا والعساكر اخدت امجد وجت عربية الإسعاف واخدت فهد وباسم وراحو على المستشفى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى النيابه وصل حسام وقفل ملف القضيه بعد اكتمال الادله وأمر ببرأت مليكه من التهمه المنسوبه ليها وحبس امجد ودعاء على ذمة القضيه مليكه :- عرفت باللى حصل وخرجت من النيابه وراحت هى واسر ومى وجومانه على المستشفى ودخلت تجرى على فهد فهد :- كان نايم على السرير وعريان وصدره ملفوف بالشاش مليكه :- دخلت تجرى عليه وحسست على صدره فهد :- حس بأيد على صدره وشم ريحة مليكه فتح عينه ومصدقش نفسه حاول يقوم
مليكه :- منعته يقوم من مكانه وقالت خليك نايم علشان خاطرى فهد :- مش مصدق نفسى انك رجعتى تانى لحضنى مليكه :- باسته فى صدره وقالت انا ملكك وبين ايديك يا عمرى بس زعلانه منك فهد :- ليه مليكه:- علشان واعدنى انك هتخلى بالك على نفسك ومع ذلك منفذتش واعدك ليا واذيت نفسك فهد :- انا عمرى كله فداكى يا مليكه لو كان تمن خروجك مـ,ـوتى مكنتش هتأخر عن كده مليكه :- قعدت تبـ,ـوس فى صدره وقالت انشالله انا يا قلبى يجعل يومى قبل يومك يارب
فهد :- مليكه انتى حب عمرى كله والحياه من غيرك متسواش ونفسى نفضل كده طول عمرنا منفرقش حضن بعض ابدآ مليكه :- مفيش روح بتفارق جسد الا ساعة المـ,ـوت وانا روح داخل جسدك مش هنفارق بعض الا ساعة المـ,ـوت فهد :- بحبك اوى يا مليكه مليكه :- وانا بعشقك يا فهد ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، عند باسم كان نايم على السرير ودراعه ملفوف بالشاش دخلت عليه مى وجومانه واسر باسم :- اول ما سمع الباب اتفتح وشاف التلاته داخلين ليه قام قعد
اسر :- حمدالله على السلامه يا بطل كده يا ابنى مفكرك سوبر مان طلعت محصلتش حتى سلاحف النينجا باسم :- ايوه يا عم ما انت خلعت بالبت وماصدقت تخلع من الليله اسر :- اسكت يا ابنى خساره البت دى فى الحبس دى طلقه بنت الايه مى :- ايه يا زرافه تحب اقول لمها اسر :- ها لا طبعآ ده اختك الخير والبركه يا اوزعتى مى :- ايوه كده اتظبط باسم :- كان قاعد وغيران من هزار مى مع اسر
جومانه:- بس تصدقو بحب انا جو الاكشن ده ياريت كنت هناك كنت صورتكم بالفون واو كانت هتجيب اعلى نسبة مشاهده باسم :- بت انتى عبيطه تصورى ايه ده كانت مطحنه هناك جومانه :- هههههه اه ما هو باين عليك انضـ,ـربت وجيت مى واسر :- هههههههههههههههه باسم :- مش احسن منك كنتى هتفضلى تقولى الحقنى يا بابا الحقونى يا لههههههههوى حد يلحقنى هيمـ,ـوتنى جومانه :- مين ده الكلام ده للعيال السيكى ميكى اللى زيك لكن أنا كنت اديتوه بالنفوخ جبته الارض
باسم :- ههههههههه عندك حق ما هقول ايه على رأى فارس برعى جومانه :- سمعت اسم فارس قلبها وجعها وقالت الف سلامه عليك يا باسم عن اذنكم باسم :- انب نفسه أن قال ليها كده وبص لأسر وقال معلش يا اسر ممكن توصل جومانه للفيلا عندهم اسر :- اه طبعآ عن اذنكم وخرج وساب مى مع باسم فى الاوضه مى :- على فكره انت جرحتها بكلامك اوى باسم :- عارف بس مكنتش اقصد والله كنت قصدى اهزر بس مش ازعلها
مى :- جومانه طيبه مش هتزعل منك بس هى اصلا سيرة فارس قدمها بتوجعها باسم :- لما اقوم من اللى انا فيه ده هبقى اقعد معاها واكلمها مى :- ربنا يصلح الحال عن اذنك باسم :- مسكها من ايديها وقال استنى رايحه فين مى :- بصت على ايد باسم باسم :- بعد أيده وقال انا اسف مش قصدى مى :- تمام بس ياريت كل واحد يلزم حدوده باسم :- ماشى بس خليكى قعده معايه شويه
مى :- عايزه اطمن على فهد باسم :- سبيه قاعد مع مليكه شويه اكيد واحشين بعض مى :- احم عندك حق باسم :- مى مى :- قعدت على الكرسى وقالت نعم باسم :- هو انتى يوم ما جيتى المستشفى لنورهان الله يرحمها وطلبت منى أن اسيبكم مع بعض كانت بتقولك ايه مى :- ها ب.ب بعدين ابقه اقولك باسم :- مش هضغط عليكى وقت ما تحبى تقولى قولى مى :- شكرآ ليك بس فين بنتك
باسم :- فرحه سيبها مع جدتها ام نورهان تنسيها شويه الحزن على بنتها مى :- عجبها موقف باسم وقالت جزاك الله خير هى فعلا محتاجه حد من ريحت بنتها تحسسها بوجودها جنبها باسم :- مى كنت عايز أسألك سؤال مى :- أسأل باسم :- احم بالنسبه لأسر مى :- ماله باسم :- يعنى هزارك معاه وكده
مى :- فهمت قصده وقالت اسر بالنسبه ليا اكتر من آخ وليه غلاوه خاصه جدآ عندى غير كده انا واسر اكتر اتنين واخدين على بعض وكنا علطول بنحب نضحك ونهزر مع بعض قبل ما اقابل مازن ويكسر ضحكتى وهنفضل كده علطول وبعدين اسر ابن عمى وفى نفس الوقت جوز اختى باسم :- احم انا فاهم كلامك ومش قصدى حاجه والله انا بثق فيكى على فكره مى :- على فكره الكلام اللى انا قولته ليك ده مش ملزومه أقوله ليك بس حبيت اوضح ليك علاقتى بأسر ايه علشان مش بحب حد يفهمنى غلط مش اكتر من كده
باسم :- احم تمام وحاول يتعدل بس دراعه وجعه وحط أيده على دراعه وقال اااااه مى :- باسم فيك حاجه باسم :- لاء بس دراعى وجعنى وانا بتعدل مى :- احم م.م.ماشى تحب اساعدك باسم :- لاء شكرآ انا هحاول مع نفسى مش عايز اتعبك مى :- وقفت وقالت مفيش تعب ولا حاجه وراحت مسكت المخده وشدت باسم لقدام وحطت المخده وراه ورجعته تانى وبصت ليه واتوترت من قربها ليه وقالت م.م.مرتاح كده باسم :- وهو بيبص فى عينيها قال عمرى ما كنت مرتاح زى دلوقتى
مى :- بعدت عنه ورجعت قعدت على الكرسى وبصت على الأرض وهى متوتره باسم :- على فكره بتبقى حلوه اوى وانتى مكسوفه مى :- ب.ب.باسم ل.ل.لو سمحت ب.ب بلاش طريقة الكلام دى معايه باسم :- هههههه حاضر يا ستى ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، عند جومانه خرجت من عند باسم وهى دموعها فى عينيها وشافت فارس واقف قصادها حاولت تدارى دموعها وقالت جومانه :- عن اذنك لو سمحت فارس :- جومانه بصى هنا فى عيونى وقولى ليا انك مش عايزانى
جومانه :- من غير ما تبصله قالت ابعد عن سكتى يا فارس فارس :- ليه كل ده يا جومانه جومانه :- ليه علشان انت واحد ظالم ظلمت مليكه من غير لا رحمه ولا شفقه ولا حساب للعشره والعمر اللى عاشتهم معاك ايه منظرك دلوقتى لما ظهرت برأتها هتقدر تبص فى وشها تانى ازاى انت واحد متسرع يا فارس ومتهور وانا اخاف على نفسى منك انت واحد مش بتعمل حساب للعشره ازاى اقدر اعيش معاك وانا خايفه من انك ممكن تشك فيا فى اى لحظه وابقى متهدده أن فى اى لحظه ممكن تبيع العشره وترمينى فى الشارع
فارس :- لاء يا جومانه انا عمرى ما اقدر ابيعك ولا استغنا عنك علشان انتى بقيتى كل دنيتى انا بعشقك يا جومانه انتى روحى وعمرى وكل حاجه ليا ولو على مليكه مليكه طيبه وهتسامحنى جومانه :- هى طيبه وهتسامحك لكن أنا لاء يا فارس فارس :- جومانه وفى الوقت ده جه اسر وقال اسر :- مدام جومانه تعالى اوصلك جومانه :- ماشى يلا بينا وبصت لفارس وقالت انا لسه عند كلامى يا فارس طلقنى ومشت مع اسر
فارس :- بص على جومانه وهى ماشيه وقال ياريت اقدر اعيش من غيرك يا جومانه انا من غيرك اضيع وفى الوقت ده جت سهير وناديه سهير :- لفارس ابنى حبيبى حصل ليه ايه تانى فارس :- كويس يا ماما بس الجرح اللى اتفتح شويه ناديه :- عندى قولت ليه بلاش بس هو مسمعش الكلام سهير :- دخلونى ليه اطمن عليه فارس :- اصبرى شويه مليكه معاه جوه سهير :- مليكه هى خرجت فارس :- ايوه مسكو اللى عمل كده فى فهد والست اللى معاه
ناديه :- شوفتوا قولتلكم متظلمهاش شكلكم ايه دلوقتى قدامها سهير :- اذا كان الحكومه كانت مصدقه انها هى اللى عملت كده ناديه :- الحكومه متعرفهاش معشرتهاش متعرفش معدنها الطيب انتى نسيتى عملتى فيها ايه زمان ومع طيبت قلبها سامحتك وبقت بتخدمك برموش عينيها لا عمرها اشتكت ولا عمرها ملت لكن هنقول ايه الطبع غلاب واللى فيكى فيكى يا سهير الله اعلم بقى اذا كان هتسمحك المرادى ولا لاء وابنك هيسامح فى حق مراته ولا لاء عن اذنكم وسابتهم ودخلت عند فهد