تحدثت والدتها بدموع. ياملك ردت فعله طبيعيه انتي بالنسباله مرات صاحبه دلوقتي معلش يابنتي اصبري وادعيله بكت اكثر في حضنها قائله. ودا اللي واجعني اكتر ياماما اني مرات صاحبه وبس هو ليه مبيحسش بيا معقول ياماما يكون مبحبنيش من الاول تحدثت والدتها بزعل. متقوليش كدا انتي نسيتي حبه وخوفه وغيرته عليكي دا كان مجنون بيكي وكل دا ومكنش بيحبك المهم انتي نامي وارتاحي دلوقتي يلا تصبحي ع خير تحملت الكثير من الألم لأجلك ولكنك لم تشعر بشيء لأجلي
ضحيت بكبريائي لكي اكون لك ولكنك ضحيت بكرامتي لكي ابعد. في صباح يوم جديد في مكتب كريم. دلف يوسف نهض كريم بتوتر قائلا. يوسف جلس يوسف بتعب قائلا. ايه مالك تحدث كريم بارتباك. لا مفيش بس اتفاجئت لما شوفتك وخصوصا انك لسه تعبان كنت قولي وانا اجيلك تحدث يوسف. تعبان ايه انت كمان انا كويس المهم انا كنت عايزك بخصوص موضوع ملك مراتك نظر له بصدمه قائلا. ملك ليه في حاجه تحدث يوسف بحزن. مش عارف اقولك ازاي بس انت صاحبي ومببخبيش عنك حاجه
تحدث كريم بنفاذ صبر. طب قول يا يوسف ايه اللي حصل تحدث يوسف بتوتر. ملك جت امبارح وحاكتلي انك عاوز تطلقها بسبب والدتك هددتك تحرمك من ورثك الله اعلم بتقول الحقيقيه ولا لا المهم لقيتها بتقولي ع حملها وبعدين تحدث كريم بغضب. وبعدين ايه يايوسف تحدث يوسف بتوتر. . مش قادر اكمل تحدث كريم بحزن زائف. بتحاول تتقرب منك هو دا قصدك نظر له باستغراب قائلًا. عرفت ازاي تحدث كريم بخبث. هفهمك كل حاجه بس للأسف كلام ملك صحيح انا كنت ناوي أطلقها لحد ما استلم ورثي
تحدث يوسف. ازاي تعمل كدا كريم وخصوصا هي حامل كمان تحدث كريم بخبث. انت ماتعرفش حقيقتها يايوسف عشان تدافع عنها دي واحده طماعه وانانيه لما عرفت اني هطلقها حاولت تتقرب منك عشان مبقاش مني فايده قالت تشوف حياتها مع واحد احلي واغني حاولت تستغلك عشان تغظيني وتوصل لهدفها نظر له بصدمه غير مستوعب كلامه قائلًا. انت بتتكلم بجد انا مش مصدق طب مايمكن تكون ظالمها تحدث كريم. طب ظالمها ازاي وانت قولت بنفسك بتتقرب منك المهم يا يوسف حاول تبعد عنها زي مش ساهله وممكن توقعك بدموعها
تحدث يوسف بغضب. توقع مين انا اصلا طردتها وقولتلها مش اشوف وشك تاني لمعت عيناه بفرحه قائلا بمكر. بجد يايوسف مش عارف اشكرك ازاي تحدث يوسف بحزن. بس كنت عايز أسألك ع حاجه، بس من غير زعل تحدث كريم. قول يايوسف مفيش زعل بينا تحدث يوسف. بما اني فقدت الذاكرة ومش فاكره اي حاجه عايزك تقولي انا وملك كان بينا حاجه، المشكله انا حاسس بكده ودا اللي مضايقني عشان مراتك نظر له باستغراب قائلًا بخبث. لا طبعا مكنش في حاجه بينكم متقلقش انت بس وسيب الموضوع عليا انا هبعدها عن طريقك خالص
تنهد يوسف بتعب قائلا. تمام. في فيلا يوسف دلف يوسف بعلامات التعب ع وجهه استقبلته والدته بحزن قائلًا. مالك يايوسف شكلك تعبان تحدث يوسف. لا مفيش ياماما انا بس محتاج انام شويه دلف غرفته ثم ارتمي علي السرير بتعب ليغرق في النوم. في بيت ملك طرق الباب نهضت ملك تفتح ثم تغيرت ملامح وجهها بغضب قائله. انت ايه اللي جابك هنا ضحك كريم بسخرية قائلا. بصراحه فرحان قولت اجي افرحك معايا لمعت عيناها بفرح قائله بلهفه. اي يوسف رجعتله الذاكره وافتكرني صح
ضحك اكثر قائلا بخبث. لا وادعي مترجعش احب اقولك يوسف حذفك من ذاكرته خالص تحدثت بانفعال. انا مكنتش متخيلاك بالقذاره دي بجد بكره الايام اللي جمعتني بيك تحدث كريم بغضب. ولسه هخليكي تكرهي ايام حياتك كلها عشان تستاهلو كل اللي يجرالكم عشان انتوا الاتنين خاينين غلقت الباب بقوه في وجهه ترتمي أرضا تبكي بشدة حتي شعرت بالألم في بطنها لتنزف بشده ثم صرخت باعلي صوتها يووووووووسف. في غرفه يوسف فاق من نومه بفزع قائلا بصوت عالي. ملك
دلفت والدته بقلق اقتربت منه قائله. يوسف مالك أمسك يدها بتوسل ورجاء قائلا. انا نطقت اسمها دلوقتي ياماما ارجوك ساعديني قوليلي ملك كانت في حياتي ازاي وامتي وليه نظرت والدته أرضا بحزن ولم تنطق بكلمة تحدث يوسف بألم. ارجوكي يا ماما قولي اي حاجه انا تعبت من كتر التفكير فيها بشوفها في كل مكان حتي مبتفارقش احلامي اكيد كل دا مش صدفه تنهدت والدته بحزن قائلة. عشان ملك مراتك. اتسعت عيناه بصدمه لايصدق قائلا بذهول. انتي بتقولي ايه مراتي ازاي وهي مرات كريم
تحدثت والدته. هحكيلك من الاول. بالفعل حكت له كل شئ بالتفصيل من اول الاتفاق لليوم الحادثه ينظر لها بصدمه لايصدق ما يقال حاول يتذكر شيء ليشعر بالألم ثانيا وضعه يده ع رأسه يتألم اكثر قائلا. انا ليه مش متذكر حاجه من اللي بتقوله ياماما اقتربت والدته منه قائله بحزن. مش مهم تتذكر دلوقتي يايوسف المهم ملك مراتك وام ابنك لازم تقف جنبها ومتسبهاش في اكتر وقت محتجاك معاها تحدث يوسف بلخبطه. انا مش فاهم حاجه طب وكلام كريم دا كدب
تحدثت والدته بغضب. اوعي تصدقه البني ادم دا هو بيكرهك في ملك عشان لسه بيحبها تحدث يوسف بوجع. انا لازم اشوفها تحدثت والدته. الوقت اتأخر دلوقتي خليها للصبح تحدث يوسف. لا مش هقدر استني تحدثت والدته. طب استني هتصل بيها اعرفها حتي بالفعل اتصلت والدته ثم ردت عليها والدة ملك تبكي قائله. الو تحدثت والدة يوسف بقلق. مالك يا ام ملك بتعيطي ليه في حاجه حصلت تحدثت والدة ملك. ملك تعبت واخدناها المستشفي تحدثت والدة يوسف بصدمه. مستشفي ايه
نظر لها يوسف بخوف قائلًا. في ايه ياماما ومين في المستشفى غلقت والدته الهاتف قائله بحزن. ملك يايوسف بسرعه خلينا نروحلها. في المستشفى امام غرفه ملك تبكي والدتها بحزن قائله. ربنا يقومك بالسلامه يابنتي انتي والجنين تحدث والدها بحزن. ربنا يستر وبعد لحظات اتي يوسف برفقته والدته اقتربت والدة يوسف منهم بقلق قائله. ملك عامله ايه دلوقتي وايه اللي حصل تحدث والد ملك. . لسه معرفناش حاجه يشعر بالألم في قلبه تتسارع دقات قلبه بخوف عليها لا يريد الانتظار يريد رؤيتها بشده فعلم من خوفه عليها أنه يحبها بجنون حتي وان لم يتذكرها
وبعد وقت خرجت الطبيبه اقتربوا منها سريعا تحدثت والدة ملك. خير يادكتوره بنتي عامله ايه تحدثت الطبيبه. الحمد لله قدرت اوقف النزيف وهي والجنين كويسين تنفس براحه قائلا. طب ممكن ادخل اشوفها سمحت له الطبيبه بالدخول دلف يوسف الغرفه ينظر لها بوجع اقترب منها يتأمل وجهها بحزن فتحت عينيها تراه أمامها لاتصدق ثم نهضت بتعب قائله. يوسف اقترب منها أكثر ثم أمسك يدها بحنيه قائلا بحزن. انا اسف ياملك انا السبب قاطعت حديثه قائله بتعب. متعتذرش يايوسف وكفايا انك جنبي دلوقتي
تحدث يوسف بألم. ارجوكي سامحيني ياملك كان غصب عني أنا غبي اذيتك بأيدي تحدثت ملك بحزن. متأنبش نفسك دا قضاء وقدر وانا مسمحاك المهم انت عرفت ازاي اني مراتك تحدث يوسف. ماما حاكتلي كل حاجه. ثم صمت ونظر لها باستغراب قائلا. ازاي عرفتي مرجعتليش الذاكرة نظرت بابتسامه قائله. عشان انا بفهمك اكتر من نفسي نظر لها بحب قائلا. معقول لدرجادي بتفهميني وانا حتي مش قادر اتذكرك تحدثت ملك بحب. اكيد هيجي يوم وتتذكرني اهم حاجه انك موجود جنبي مش عايزه اكتر من كدا
نظر لها بحزن ثم لعن نفسه بشده لكي لا يتذكرها ولكي صدق حديث صديقه أمسكت يده قائله بحب. متسبنيش تاني انا مبقتش عارفه اعيش من غيرك تحدث يوسف بوجع. عمري ماهسيبك حتي لو متذكرتش حاجه عارفه انا حاسس بايه دلوقتي نظرت له بعدم فهم اقترب منها بحب ثم ملس ع شعرها بحنيه قائلا. حاسس اني بحبك من اول جديد برغم اني مش متذكر حاجه بس انتي كنتي مبتفارقيش أفكاري ولا لحظه كنت حاسس بحاجه بتشدني ليكي من اول مافتحت عيني وشوفتك بتبكي في المستشفى كنت بتمني اشوفك كل يوم مجرد مابشوفك برتاح صدقيني مهما حكيت مش هقدر اوصفلك اللي جوايا
نظرت له بصدمه غير مستوعبه ماقيل فهو لم يتذكر شيء بعد وبرغم هذا احبها دمعت عيناها بفرح ثم حضنته بشده قائله. انت ازاي كدا بتحبني برغم انك متذكرتش حاجه