قومي غني
افندم!
بقولك قومي غني
حضرتك مچنون ولا تعبان ولا اي حكايتك اغني ايه هو انا اعرفك اصلا!
لقيته قعد علي الكرسي اللي قدامي وحط رجل علي رجل وهو بيبصلي وبيقول بكل برود
توء بس انا اعرفك واعرف ان صوتك حلو
رفعت حاجبي الشمال وحطيت رجل علي رجل وانا ببصله بغرور
والمطلوب!
تغني
ياسلام بالبساطه ديه
اه اصل انا هغني معاكي انتي لام كلثوم وانا لعبد الحليم زي ما تقولي هنعمل دويتو كده
وانا ايه اللي يجبرني أوافق علي عرضك السخيف ده !
بصلي بتحدي وابتسامه هادئه اترسمت علي شفايفه لكنها مريبه نوعا ما وقال بصوت يكاد يكون مسموع
اللي سرقتيه
بلعت ريقي ورمشت بعيني اكتر من مره وانا بفرك ايدي وبقوله بتوتر
ا انت …
انا شوفت كل حاجه وصدقيني لو منفذتيش اللي طلبته منك هبلغ عنك
بصتله بتوهان وانا بضغط علي شفايفي بحاول امنع نفسي من العياط
ضوافري مغروزه في لحمي لدرجه حسيت أن اللحم هيخرج
انت مين
انا قدرك يا قدر
قال جملته وهو بيقرب وشه من وشي وبيبص في عيوني نظره عمري ما انساها
حب اشتياق
تحدي شفقه
نظره بتقول كتير خليط من الحب والتحدي والثقه !
ها هتغني ولا …
هغني هغني
برافو ياقطتي يالا قومي
قومت معاه وانا مش فاهمه اي حاجه
مين ده وليه بيهددني عرف منين أن صوتي حلو !
ايه الكلمه اللي قالها ديه
أنا قدرك ياقدر
هو يعرف اسمي منين
اكتر من سؤال جه في بالي في الثانيه الواحده وانا ماشيه جنبه لحد ما وصلت في نص الكافيه وهو واقف جنبي
كنت واقفه بترعش متوتره لابعد حد عيوني علي كل الناس وكأني براقب رد فعلهم علي حاجه لسه معملتهاش من الاساس !
بتنفس بسرعه رهيبه وكأني في سباق عايزه اخلص منه مش فارق معايا اكسب ولا حتي اخسر المهم اخلص وامشي اروح بيتي وخاصه اوضتي البس بيجامتي المفضله واشرب المشروب المفضل عندي وابعد عن الناس وحواراتهم غدرهم وتهديدهم المريب …
يالا يا قدر ابدئي
ا انا
قدر انا مش بحب اعيد كلامي كتير يالا
ح حاضر
بدأت اغني لام كلثوم وانا مغمضه عيني بالرغم من الخۏف اللي كنت فيه إلا أني اول ما بدئت دقات قلبي أصبحت هاديه توتري بدأ يتلاشى خۏفي اختفي بالتقريب
كنت مغمضه عيني بتخيل نفسي واقفه في ساحه كبيره لوحدي انا والموسيقي والهواء
بالرغم انها كانت ضلمه بس كان في ضوء بسيط وكأن الضوء ده هو الامل
كنت بتحرك زي الفراشه وكأني كنت محپوسه واتحررت
فجأه لقيت اللي بيمسك ايدي بيحرك جسمي يمين وشمال بيلففني حوالين نفسي
وكأني طفله بفستان اسود قصير طفله كانت مستنيه اللي يعيشها طفولتها المسل..وبه منها
وفي وسط اندامجي لقيتني واقفه ابص في عيونه اللي كان لونها عسلي فاتح بغني بكل رقه ودلال
ياما الحب نده على قلبي مردش قلبي جواب
ياما الشوق فضل يحايلني واقولة روح ياعذاب
ياما عيون شاغلوني لاكن ولا شغلونيي الا عيونك انت
دول بس اللي خدوني خدوني
وبحبك امروني
فتحت عيني لما سمعت صوت الناس بتسقف
وهنا أدركت اني كنت في حلم حلم جميل مكنتش اتمني يخلص
حلم حسسني بالحريه حلم عيشت فيه وقت قليل لكنه لطيف واجمل ما في الحلم أنه كان مشاركني فيه بطلته اللي خلت قلبي ولاول مره يتمرد ويدق وكأنه علي مشارف الحب !
صوتك حلو
فوقت من شرودي علي صوته وهو بيهمس في ودني بكل رقه ..
ش شكرا ممكن امشي بقي !
ممكن ياقدري بس لينا لقاء قريب اوي
متمناش
قولت جملتي وروحت اخدت شنطتي وخرجت من الكافيه وانا بجري بأقصى سرعه عندي
ثواني واتهز الفون بتاعتي بماسدج من رقم غريب
بكره الساعه ٦ لو مرجعتيش اللي سرقتيه صدقيني مش هيحصل كويس مع تحياتي ياقدري
ادم المنشاوي
ياتري قدر سړقت ايه من آدم
ساعه_القدر
البارت_التاني
قريت الماسدج وطلعت اجري علي البيت
كنت خاېفه لاول مره احس اني ضعيفه اوي كده
كنت قاعده في اوضتي ماسكه في أيدي ساعه براند كانت شكلها شيك اوي
غمضت عيني وسمحت لدموعي تنزل وانا بفتكر سرقتها
ليه
أنا مش حراميه ولا عمري كنت حراميه انا كنت هرجعله الفلوس بس مش دلوقتي
للاسف محدش هيقدر يفهم انا ليه عملت كده
سندت راسي علي السرير وانا
بعيط بحرقه
حطيت ايدي علي بوقي عشان أكتم صوت عياطي
خاېفه حد يسمعني ساعتها لو بابا أو ماما سمعوا وسألوني مالك هقولهم ايه !
بنتكم حراميه !!!
فات اكتر من ساعه وانا علي الوضع ده
بفكر ازاي ابرر
اللي
—<!–nextpage–>
عملته قدام الشخص اللي حظي وقعني فيه شكله مش سهل ابدا
نمت مكاني من غير ما احس وانا بدعي بقلبي قبل لساني أن ربنا يسامحني علي لحظه اتغلبت فيها من الشيطان وسمعت كلامه
محستش بنفسي غير تاني يوم الصبح قومت علي الساعه ٤ العصر
ياااااه للدرجادي محدش بيهتم بيا !
كل ده نايمه في اوضتي من امبارح الساعه ١٠ بليل حتي محدش فكر يدخل يسأل عليا
ساعات كتير بحس اني عاله عليهم حمل كبير اوي يتمنوا يخلصوا منه ..
عمري ما حسيت اني بنتهم في يوم من الايام طول عمري اسمع عن حنان الاب اللي بيحسس الشخص بالأمان والسند بس في الحقيقه عمري ما جربته ابدا
كنت اسمع عن الام صاحبه بنتها منبع أسرارها اللي بيشيل حمول كتيره من علي قلوبنا طبطبتها كلمه منها تزيح هم جبال بس برضو عمري ما جربته
مسحت دمعه نزلت من عيوني وقومت اخدت شاور واتوضيت وصليت وبعدين لبست وحطيت الساعه في علبه وغلفتها بشكل شيك وخرجت عشان أقابله
وصلت الكافيه ودخلت اول ما دخلت عيني وقعت عليه ..
كان قاعد بيبص في الفون بتاعه واول ما دخلت رفع راسه وكأنه حس بيا !
قربت منه وانا بترعش بالمعني الحرفي
كل ما اقرب خطوه احس ان روحي بتتسحب مني وكأني بقرب من ملك المۏت
قام وقف وهو بيحط أيده في جيبه وبيبصلي من فوق لتحت بتفحص وكأني عروسه و بيقيمني
اخدت نفس طويل وانا بخرج الساعه من الشنطه وبمدله ايدي وانا بقول بهدوء عكس التوتر والخۏف اللي حاسه بيه
اتفضل ا انا اسفه
امممم حراميه بس شيك
قالها بسخريه وهو بيبص العلبه اللي كانت متغلفه بشكل حلو
بس انا مش حراميه
ياسلام
بلعت ريقي وعيوني دمعت وانا بقول بصوت مخڼوق بالعياط
علي فكره كنت هرجعلك
الفلوس بتاعتها
ولما أنتي هترجعي الفلوس سرقتيها ليه من الاساس !
ظ ظروف انا اسفه اتمني تقبل اسفي
قولت جملتي وحطيت الساعه علي الطربيزه ولفيت عشان امشي
لسه همشي لقيته بيقول بنبره صوت كلها تحذير ووعيد
اقفي عندك أسفك مش مقبول
وقفت مكاني وانا حاسه ان الدنيا بتلف بيا
لفيت وانا ببصله بدموع واستغراب من اللي قاله
يعني ايه اسفك مش مقبول !
أنا رجعت الساعه هو عايز ايه اكتر من كده
قرب مني وهو بيقف قدامي وبيبص في عيني بملامح خاليه من اي تعبير وكأنه جليد
اسفك مش مقبول غير لو عرفت أسبابك
بس
مبسش ايه اللي يخلي واحده زيك تسرق حاجه مش بتاعتها !
زي !
ايوه واحده شيك ومحترمه وشكلها بنت ناس ليه تسرق حاجه مش بتاعتها
اتنهدت وانا بعيط وبقوله من بين دموعي
انا اسفه ارجوك متضغطش عليا أنا رجعتلك الساعه ومفيهاش خدش واحد بس فأرجوك تقبل اعتذاري وتسيبني امشي
بس انا مش هسيبك تمشي
انت ايه يا اخي للدرجادي معندكش قلب قولتلك انا اسفه وكانت غلطه ليه بتضغط عليا كلنا بنغلط وربنا بيسامح انت ليه مش عايز تسامحني !!
قولت كلامي بأنهيار وانا بترعش وهو واقف زي ماهو وكأنه جبل مبيتهزش
طول عمري اسمع عن قسوه القلب وعن الاشخاص اللي مهما بينا الضعف قدامهم مش بيتحرك ليهم رمش واحد لكن اول مره اشوفهم اول مره اشوف شخص بالقسۏه ديه !
ثم قست قلوبكم من بعد ذلك فهي كالحجاره أو اشد قسوه
خلصتي !
الظاهر انك مش بني آدم زينا بيحس وبيضعف وبيصعب عليه الناس
انا قدامك اهو اعمل اللي انت عايزه اتصل بلغ عني قولهم اني حراميه
واني سړقت منك ساعه غاليه اوي
قولهم يسجنوني خليني اخلص من العڈاب ده
حط أيده في جيبه وهو بيتنهد وبيقول بهدوء وبرود كعادته من وقت ما قابلته
انا مش عايز اعمل كده انا عايز اعرف ليه انتي تعملي كده ايه المبرر الفظيع اللي يخليكي تسرقي !
اسباب خاصه مش هقدر اقولها
مفيش حاجه خاصه ما بينا ياقدر طول عمرنا مفيش حاجه خاصه احنا واحد
فتحت بوقي ببلاهه وانا بهز راسي بتساؤل
انت
تعرفني !
ابتسم بحزن وهو بيهز رأسه
كنت اتمني تفتكريني ياقدري
قدري !
ثانيه واحده انا فاكره أن كان في حد بيقولي الكلمه دي وانا صغيره مش قادره افتكر ملامحه بالظبط لاني وقتها كان عندي اربع سنين بالتقريب
افتكر اني فضلت فتره كبيره تعبانه كنت طفله حزينه كئيبه الكل بيبعد عني حتي اقرب الناس ليا
كنت دائما اقول اسم معين وهو آدم مش فاكره ملامحه
لكن فاكره
—<!–nextpage–>
أنه كان كل حياتي في الوقت ده من وقت ما اختفي وانا بسمتي اختفت معاه
آ آدم
آخيرا افتكرتيني
حطيت ايدي علي بوقي وانا بضحك وبعيط في نفس الوقت وثواني واترميت في من غير وعي وانا بقول بخفوت
سيبتني ليه يا آدم سيبتني ليه
ضمني لقلبه وهو بيسند رأسه علي راسي وبيقول بخفوت وهمس ورقه
انا اسف
وحشتني اوي
وانتي كمان وحشتيني
والله وحشتوني اوي انتوا الاتنين بجد بجد ليكم وحشه ياقدورتي
اتنفضت من آدم وانا بلف لمصدر الصوت وبقول پخوف
س سامر
أما عن آدم رفع حاجه وهو بيقول ببرود
مين الأخ!
الاخ يبقي خطيب الاخت قدر ياعسل
آدم پصدمه خطيبك!!!!
يتبع
ساعه_القدر
البارت_الثالث
سامر بسخريه وهو بيوزع نظراته بين قدر و آدم
اخس عليكي ياقدورتي بجد هو انتي مش قايله انك مخطوله ااااه ياسوسه انتي مطلعتيش سهله
قال جملته الآخيره وهو بيغمزلها بطرف عينيه بخبث ومكر
قدر وشفايفها بتترعش بړعب
س سامر س سامر انت فاهم غلط د ده
آدم وهو بيقاطعها ببرود وجمود
خطيبتك زي اختي يااستاذ سامر
سامر بسخريه
ياجدع لا والله تصدق كان مبين قد ايه أنه اخوي لا عظيم الأخوي ده
آدم وهو بيحط أيده في جيبه وبيرفع حاجبه الشمال ببرود
هو انا ليه
حاسس ان في تريقه في الموضوع
سامر وهو مكشر وبيجز علي أسنانه پعنف
لا لسمح الله اتريق ليه ده انا حياله شايف خطيبتي واقفه في واحد
قدر بدموع
سامر اقسم بالله آدم زي اخويا و والله
سامر وهو بيقاطعها بزعيق
انتي تخرسي خالص سامعه اخرسي خاااالص اومال ايه بقي دور الشريفه العفيفه اللي بتعمليه عليا ده كل ما امسك ايدك تسحبيها وتقوليلي عيييب ياساااامر حرررام ياساااامر ربنا يزعل مننا ياساااامر
قدر بشهقات وهي بتقرب منه وبتبص في عينه برجاء
ايدك اسمعني
سامر پقسوه وهو بيبصلها من فوق لتحت
ولا اسمعك ولا
تسمعيني كلامي مش معاكي كلامي مع ابوكي الراجل المحترم اللي فاكر بنته خضره شريفه
قال جملته وهو بيزقها من قدامه لدرجه كانت هتقع بس آدم لحقها ومسكها من ايديها قبل ما تقع
أما عن قدر فضلت تجري ورا سامر وهي بتترجاه أنه ميقولش حاجه
باباها لو سمع حاجه زي كده مش بعيد ېموتها مامتها عمرها ما هتفكر تسمع مبررها فورا هتسيبها لقدرها ونصيبها اللي دايما بيبقي مخالف لتوقعتها
محدش فيهم هيفهمها
باباها كالعاده هيكسر عضمها من الضړب ومامتها هتخاف تتدخل لتتضرب هي كمان
ياساااامر اقف ياساااامر اسمعني ايدددك ساااامر اسمعني طيب
قالتها باڼهيار وهي
بتنادي عليه لكن لا حياه لمن تنادي وكأن سامر مش بني آدم وكأن قلبه حجر
قعدت علي الارض وهي بتصرخ بأعلي صوتها وآدم بيقرب منها بلهفه
قدر قدر انتي كويسه
قدر بأنهيار وعصبيه ابعد عني بقي انت السبب ابعد عنيييي انت ظهرت في حياتي ليه ظهرت ليه عايز تبوظ حياتي أكتر ما هي بايظه حرام عليييييك مش عايزه اشوف وششششك امشي من قداااامي
قالت كلامها كله بعصبيه وهو قاعد علي ركبته قدامها وبيبصلها بملامح خاليه من اي تعبير سايبها تخرج كل كلمه هي حاسه بيها سايبها تصرخ في وشه سايبها تطلع حزنها فيه بالرغم من الناس اللي
كانت واقفه تتفرج بس مكانش مهتم بأي حد المهم عنده انها تطلع طاقه الحزن والاكتئاب اللي جواها حتي لو كان التمن كرامته !
قدر بضعف وتعب
ابعد عني يا آدم انت السبب في اللي انا فيه انت اللي سيبتني زمان لوحدي
قالت جملتها وقامت تقف وهي بتتطوح يمين وشمال وبتشاور لتاكسي يقف
ثواني واختفت من قدام آدم اللي مسح علي وشه وهو بيجز علي أسنانه بغيظ
كان ڠصب عني ياقدر ڠصب عني هما اللي ضغطوا عليا انا مكنتش عايز اسيبك
بعد مرور ربع ساعه وصلت قدر البيت
وقفت تحت قدام باب العماره وهي بتاخد نفس طويل
بتستعد للورطه اللي هتحصل ياتري هتقولهم ايه هي نفسها معندهاش مبرر واحد للي حصل !
طلعت علي السلم ببطئ شديد كانت كل ما تطلع سلمه تحس ان روحها بتتسحب تحس انها بتقرب من المۏت برجليها
وصلت قدام باب الشقه ولسه هترن الجرس سمعت صوت سامر ومامته اكتر بني آدمه بتكرهها في حياتها
بنت مين اللي محترمه ياخويا الواد بيقولك شافها في واحد
ابو قدر بتوتر
ا اكيد سوء تفاهم ياام سامر صدقيني هي هتيجي دلوقتي وتقولنا كل حاجه
قدر وهي بتترعش پخوف ودموعها نازله علي خدها
يارب يااارب اعمل ايه
خشي وانا معاكي ياقدر مش هسيبك
ابدا
سمعت صوته وهو
—<!–nextpage–>
بيهمس في ودنها بخفوت
حطت ايديها علي قلبها ودقات قلبها كانت عاليه وهي بتلف وبتقول بخفوت
آدم
آدم بهمس وغموض مټخافيش انا معاكي
قدر بدموع خ خاېفه ب بابا بابا هيموتني
آدم وهو بيمسك ايديها وبيضغط عليها وكأنه بيطمنها
محدش يقدر يمس شعره منك طول مانا موجود ادخلي
قدر پخوف وهي بتترعش
ه هقولهم ايه
آدم ببرود
قوليلهم انك فعلا كنتي واحد
قدر بعصبيه وذهول
ا انت اټجننت ده بابا يموتني فيها بجد
آدم بغموض
ميقدرش يعمل حاجه
قدر وهي بتبصله بقرف
اللي أيده في المايه مش زي اللي ايده
في الڼار
آدم ببرود اكبر
رني الجرس
قدر وهي بتاخد نفس طويل
طب امشي انت
آدم تمام
رنت الجرس وثواني وفتح باباها وقبل ما تنطق كلمه واحده كان ساحبها من شعرها وهو بيجز علي اسنانه پعنف
كنتي في مين يابنت ال
قدر بدموع وهي بتترعش
ب بابا ا ارجوك اسمعني ا ارجوك ا انا معملتش حاجه ا انا
ابوها وهو بيديها قلم جامد لدرجه وقعت علي الارض من قوته
معملتيش حاجه ده انا هموووتك واغسل عاري بأيدي يازبا..ااااله
توء توء ايدك الزباله دي متتمدش عليها يا حسام الزناتي وإلا
..
ساب كلامه متعلق في الهواء وهو بيبصله بخبث
أما عن حسام برق عينه وهو بيبلع ريقه وبيقول بتوتر
آ آدم باشا
آدم وهو بيحط أيده الاتنين في جيبه وبيبص للكل ببرود وتحدي
عايز اتجوز بنتك ودلوقتي حالا وإلا…
حسام بلهفه وسرعه
موافق م موافق
سامر بزعيق انت بتقول ايه ياراجل انت بنتك مخطوبه !
آدم وهو بيقعد وبيحط رجل علي رجل
تفركش عادي
كان لسه سامر هيتكلم بس قاطعه حسام وهو بيقول بسرعه
معندناش بنات للجواز يالا برا
سامر انت
آدم بزعيق اتنفض علي آثره الجميع قالك بررررررررا وانت ياحسااام حالا تتصل بالمأذون
حسام ح حاضر يا آدم باشا ح حاضر
بالله قدر مطلعتش منحوسه ولا حاجه اللي بيقرا البارت هو اللي منحوس وشكرا
ساعه_القدر
البارت_الرابع
هل تقبلين الزواج من آدم المنشاوي يابنتي
موافقه
بارك الله لكما وبارك عليكما وجمع بينكما في خير
ايه ده ثانيه واحده انا اتجوزت !!
كل حاجه حصلت في لمح البصر وكأني في حلم في الحقيقه مكانش حلم وحش بس كان غريب
صدفه غريبه غيرت حياتي ميه وتمنين درجه
من مخطوبه لشخص لمتجوزه لشخص تاني شخص كان جزء من احلامي كان جزء من دعائي في كل صلاه
غمضت عيني وانا بضحك كنت مبسوطه بالرغم اني مكنتش فاهمه اي حاجه ولا فاهمه ازاي بابا وافق ولا فاهمه ليه كان خاېف من آدم اوي كده بس الاهم من كل ده كنت مبسوطه حاسه بالأمان
]مبروك ياقدري
فوقت من شرودي علي همسه ونبره صوته اللي مليانه حب ومشاعر خارجه من القلب ليا انا وبس
!
ازاي
نصيب ياقدري
لفيت وبصتله وانا بهز راسي بتساؤل اكبر
أنا مش فاهمه حاجه يا آدم مش فاهمه اي حاجه
اتنهد تنهيده طويله وهو بيبصلي بأبتسامه هاديه خلت قلبي يتطمن بوجوده
نصيبنا لبعض من وقت ما شوفتك ياقدر من وقت ما جيت هنا علي البيت انا واهلي وشوفتك وانتي طفله لسه عندها سنه كنتي علي ايد مامتك واول ما شوفتيني ضحكتيلي ضحكه عمري ما انساها كنتي طفله لطيفه اوي يا قدر مديتلك ايدي عشان اشيلك لقيتك بتترمي فيي وقتها حسيت اني بملك الدنيا وما فيها حسيت انك هتكوني حد مهم في حياتي اتعلقت بيكي
اوي وانتي كمان مكنش بيعدي يوم عليا غير لما اشوفك كنتي معظم الوقت بتقضي
الوقت معايا كنت وقتها عندي ١٠ سنين كنت طفل بس لما شوفتك حسيت اني مسوؤل عنك حسيت اني أب شيلت مسؤوليه بدري بس عمري ما مليت ابدا بالعكس كنت فرحان كنت كل ما اشوفك بتكبري قدامي بحس بفرحه لحد ما في يوم
اخد نفس طويل وغمض عينه بحزن وهو بيحاول يمنع الدموع اللي بتلمع في عينيه
قلبي دق پخوف في كلام في عينه سر عايز يقوله لكن خاېف !
خاېف علي مشاعري وقلبي اللي هيتكسر سر غير حياتي ميه وتمنين درجه
باباكي ومامتك ماتوا يا قدر اللي بيربيكي عمك ومراته
ايه
عيوني اتملت بالدموع قلبي اتشق لنصين عقلي مقدرش يستوعب اي كلمه من اللي اتقالت
يعني ايه يعني انا كل ده كنت عايشه في كذبه كبيره كنت عايشه مع اهل مش اهلي
في الحقيقه بالرغم من صدمتي إلا أني صدقته فورا
صدقت لان مفيش اب وام يعملوا كده مفيش اب وام بالقسۏه دي
حتي لو
في أهل بتقسي علي
—<!–nextpage–>
عيالها لمصلحتهم في أوقات بتيجي عليهم وغريزه الامومه والابوه بتيجي
عليهم
عيالهم ويحنوا عليهم
بس انا عمري ما حسيت الاحساس ده ابدا وانا معاهم لدرجه كنت بشك أن هما اهلي وبالفعل شكي طلع في محله
مسك ايدي ورفع وشي بأيده وهو بيقول بنبره صوت كلها حنيه
انا معاكي ياقدر مش هسيبك أبدا
فين اهلي يا آدم ليه اتربيت مع عمي
باباكي ومامتك ماتوا ياقدر لما كان عندك تلت سنين كانوا رايحين مشوار وكانوا عايزين ياخدوكي معاهم بس انتي رفضتي وجيتي عندي اتفاجئنا بعدها لما جاالنا فون قالولنا أن أصحاب العربيه عملوا حاډثه وماتوا
وقتها علي قد حزني وقهرتي لاني كنت بحبك اهلك علي قد
ما كنت مبسوط وبحمد ربنا أن انتي مروحتيش معاهم لو كان جرالك حاجه انا كنت همۏت فيها
مكنتيش فاهمه اي حاجه كنتي لسه طفله كنت حزين عليكي قلبي كل ما يسمعك تنادي علي مامتك أو باباكي بتقطع وانا مش عارف اقولك ازاي أنهم مش موجودين ازاي عقلك هيقدر يستوعب حاجه زي كده
عمك ومراته كانوا عايشين مع جدتك الله يرحمها بعد ما بيتهم وقع لما اهلك ماتوا جه عمك يعيش في البيت عندكم بحجه أنه ياخدك يربيكي ويعتبرك بنته لأن مراته مش بتخلف
[[وقتها انا كنت خاېف عليكي اول ما شوفت عمك كنت بكرهه اوي وفي مره كنت
جاي اخدك كالعاده عمك رفض بالرغم انك كنتي پتبكي بالدموع بس هو رفض وقالي متجيش عندنا تاني وراح هدد بابا قالوا لو شوفت وش ابنك في البيت هس..جنك
كنت وقتها ناس علي قد حالنا وعمك راجل قادر كان عنده معارف تقدر تودي بابا ورا الشمس بابا خاف وحكم عليا مقربش منك تاني وانا حالتي كانت بتسوء كل يوم وهما مش عارفين يعملولي ايه بابا قرر أننا نعزل عشان انساكي واقدر اعيش حياتي
كانوا فاكرين اني ممكن انساكي لما نمشي ميعرفوش أن قلبي وعقلي وكل ذره فيا بتفتكرك كنت كل يوم باجي تحت البيت من وراهم يمكن المحك ماشيه معاهم
لحد ما كبرت وانتي كبرتي
كان نفسي أظهر في حياتك كان نفسي اخدك ونمشي في مكان بعيد عن كل الناس بس مكانش بأيدي كنت بخاف علي اهلي من عمك وخاصه اني عارف أنه بتاع مشاكل وأنه مره سجن جاره تلت سنين عشان ابنه رمي زباله قدام البيت
مكانش بأيدي صدقيني كنت مقرر ادخل حاجه تبع الشرطه عشان اقدر اقف في وشه من غير خوف وبالفعل دخلت الكليه الحربيه واشتغلت اول ما اتخرجت وفي خلال فتره قصيره قدرت أثبت نفسي قدرت اخلي الكل ېخاف مني لما عرفت أن عمك خطبك لواحد مش بتحبيه اكتر فتره كنت عصبي فيها اكتر فتره
كنت بضړب اللي قدامي من غير رحمه اكتر فتره كان الكل ېخاف يقرب مني فيها كنت طول الوقت بخطط ازاي أوقع عمك وانتقم منه علي كل اللي عمله فيا وفيكي وكل ده وانا مراقبك مفيش يوم إلا لو راقبتك فيه وشبعت عيني بشوفتك لحد اليوم اللي شوفتك فيه في الكافيه اليوم اللي سړقتي الساعه فيه مش عارف ايه مبررك لكن اكيد هعرفه
[كنت بسمعه بشرود وانا مع كل حقيقه
بتتقال دموعي بتنزل علي خدي قد ايه الحقيقه مؤذيه علي قد ماهي بتعرفنا حاجات مستخبيه لكن بتقهرنا بتوجع قلوبنا
عملت ايه لحسام عشان ېخاف منك اوي كده
بص
قدامه بشړ وقال بهدوء مريب اصبح بيخو،،فني انا شخصيا
لبسته قضيه مخډرات ولما شوفته عرفته بنفسي وهو اترجاني أخرجه وانا وافقت بس بشرط
ايه هو !
أنه يخلي باله منك لحد ما تكوني معايا
وليه اتأخرت عليا يا آدم اتأخرت اوي
كان لسه هيرد عليا بس الفون بتاعه رن وهو رد ثواني وقام منفوض من مكانه وهو بيقول پخوف
ابني
يتبع
بالنسبه للصدمات انا بحضر صدمات تعيش معاكم العمر كله
ساعه_القدر
البارت_الخامس_والأخير
ابني
قال كلمته وقام يمشي وسابني انا وقلبي اللي اتحطم وعقلي اللي متحير من الكلمه اللي غيرت كل حاجه في لمح البصر !
يعني ايه ابنه هو متجوز ولما هو متجوز ليه اتجوزني ليه كان بيراقبني ليه قالي بحبك وهو لو بيحبني ليه اتجوز
اسئله كتيره جت في بالي في الثانيه الواحده وانا قاعده ببص قدامي بدموع وقهره من
بعد ما كنت طايره من
—<!–nextpage–>
السعاده أصبحت أشبه بطير كان متقيد في قفص وخرج منه طار لفوووق اوووي وثواني جت طلقه في جناحه فوقعته علي جدور رقبته بقيت طير متحرر لكن من دون جناحات !
حطيت ايدي علي بوقي بحاول امنع الشهقه اللي خرجت من جوه قلبي
جسمي كله كان بيتنفض وانا بحط ايدي علي ودني بحاول امنع صوت كلمته الآخيره اللي مازالت بتتردد في ودني بدون رحمه وكأن كل حاسه فيا قاصده تقتلني ببطئ كأن كل شيئ في الدنيا بيتلذذ في عذابي !
هه جوزك سابك ونزل بسرعه كده ليه يكونش غير رأيه
قالت ماما
اقصد مرات عمي قالتها وهي بتدخل الأوضه وبتقف في النص وبتحط ايديها في وسطها وهي بتبصلي من فوق لتحت بقرف وغل عمري ما شوفته أو حسيت بيه غير دلوقتي
انتي عايزه مني ايه
تغوري من هنا ياقموره
قومت من مكاني وانا بقرب منها وبزعق في وشها بكل عصبيه وكأني بخرج كل اللي حاسه بيه في أي مشكله
اغور فين ده بيتي انتوا عايزين مني ايه تاني ها عايزين مني ايه مش كفايه اللي عملتوه فيا زمان مش كفايه خليتو الشخص الوحيد اللي كان
بيحبني يمشي ويسيبني مش كفايه ۏجع قلبي مش كفايه قسوه وجحود مش كفايه بقي حرام عليكم مش المفروض انا اللي امشي انتوا اللي لازم تمشوا من هنا يالا برررررا اطلعووووا برررا
[وقفت تصقفلي بسخريه هي وعمي اللي كان واقف يضحك بصوت عالي وهو بيقولي بتأثير مصطنع
لا بجد اتأثرت اوي ايه يابت الحلاوه ديه معقوله ده انتي طلعتي ممثله هايله اوي يابت اخويا
بصتله من فوق لتحت بقرف وانا بقول بشجاعه ولاول مره
انت احقر بني آدم انا شوفته في حياتي
آاااااه
قرب مني مره واحده وهو بيشدني من شعري وبيشد راسي لتحت لدرجه حسيت
راسي هتتخلع
اتكلم بغيظ وهو بيجز علي أسنانه پعنف لدرجه كانت هتتكسر
لمي لسانك يابنت
اااااه اوعي سيب شعري ياحيو،،ووان اااااه
اتكلم بهمس في ودني لكن همس مرعب لاول مره احس بالخۏف لاول مره احس اني لوحدي واني محتاجه استخبي في حد وخاصه آدم بالرغم اللي حصل لكن هو الوحيد اللي جه في بالي هو الوحيد اللي بحس معاه بالأمان
بصي بقي ياحلوه خروج من البيت مش هنخرج ليه بقي عشان البيت ده بيتي
بصتله والدموع بتلمع في عيني وانا بقول بتحدي
كذاب البيت ده بيت اهلي وانا بنتهم يبقي بيتي من بعد ما
ماټۏا
ضحك بخبث وبأعلي صوت وهو بيزقني علي الارض
لا هو انا مقولتلكيش مش انا مضيت ابوكي قبل ما ېموت علي تنازل عن البيت ليا بس هو مكانش يعرف بصراحه كده انا كذبت عليه وقولتله ان ده ورق الصفقه الجديده هههههههههه وابوكي الاهبل شرب المقلب ههههه]]ياحقييييير ياحقييييير
قرب مني وجرني علي الارض وانا بقاوم بكل قوتي وپصرخ يمكن حد يسمعني لكن لا حياه لمن تنادي
فضل يجر فيا لحد ما الباب وفتح الباب ورماني قدامه وهو بيبصلي بغيظ
وش امك ده لو شوفته تاني هشوهك سامعه
قال كلامه وقفل الباب في وشي
وانا حطيت
وشي بين ايديا وفضلت اعيط بحرقه وۏجع وانا مش عارفه هروح فين ولا لمين مش عارفه هعمل ايه
مليش حد حتي آدم سابني ومشي من غير تفسير
كنت حاسه اني تايهه وحيده ضعيفه
اتحاملت علي نفسي وقومت من مكاني ونزلت في الشارع
كانت الساعه ١٢ بليل في عز الشتا
كنت ماشيه دموعي مختلطه بالمطر ايدي بارده شفايفي بتترعش من البرد
بصيت علي هدومي لقيتني لابسه لبس خفيف جدا
اتمنيت في الوقت ده حد ياخدني في يدفيني ويدفي قلبي اللي حاسس بالبرد والخۏف والقهر
ضميت نفسي بدراعي الاتنين وطبطب علي دراعي وكأني بواسي نفسي
من قسوه الدنيا وغدرها
روحت وقفت علي الرصيف في مكان فوقيه مظله عشان احمي نفسي من الشتا اللي كان مغرق الشوارع
كنت بتفرج علي الناس اللي ماشيه معظمهم شباب ورجاله كبيره بيجروا من المطر عشان يروحوا علي بيوتهم يتدفوا ياكلوا اكله سخنه تدفيهم يلاقوا دافي يستخبوا فيه
زادت دموعي وانا بفتكر اني لوحدي بفتكر ان اقرب الناس ليا طردوني من بيتي بفتكر الشخص الوحيد اللي افتكرته غير الكل ازاي خدعني وسابني مع اول مشكله حصلت
…………………………………………..
ايه يعني ايه هربت يعني ايه راحت فين رد عليا
كان صوته
مسمع المكان وهو ماسك حسام من
—<!–nextpage–>
طرف هدومه وبيهز فيه پعنف
أما عن حسام بلع ريقه بتوتر وخوف وحبات العرق اتكونت فوق جبينه وهو بيتنفس بتعب
م معرفش م معرفش يا آدم باشا هي اول ما انت نزلت كانت عايزه تهرب حاولت امنعها بس هي صممت وزقتني علي الارض لدرجه ان راسي ڼزفت
كان بيتكلم بسرعه وهو بيرمش بعينه اكتر من مره وآدم بيسمعه بهدوء مريب خلي الړعب يدخل قلبه
زقه پعنف هو بيحرك رأسه يمين وشمال وبيقول بهمس وهو
بيوزع نظراته ما بينه وبين مراته
قسما بالله لو طلع ليكم يد في الحوار ده مش هيكفيني فيكم عمركم
قال جملته وخرج من البيت وحسام اتنفس براحه وهو بيقول لمراته
احنا لازم نختفي لفتره
…………………………………………..
كنت ماشيه في الشارع جسد بلا روح بعد ما الشتا خلص ..
وبالرغم من انتهاء المطر إلا أن دموعي منتهتش كانت بتزيد اكتر واكتر
كان صعبان عليا نفسي اوي لاول مره احس بشعور اني عايزه اموت طول عمري بخاف من المۏت لما بتيجي سيرته بخاف اكتر واكتر لاول مره في حياتي مكونش خاېفه لاول مره اتمني المۏت
يمكن زمان كنت بخاف علي آدم كنت بخاف لما يظهر تاني ويعرف اني مش موجوده ياتري حالته هتكون عامله ايه من غيري !!
]]لكن حاليا هخاف ليه معنديش حد اخاڤ عليه
أنا من الاساس مش هفرق في حياه حد كنت عايشه أو كنت مېته انا نكره في حياه الكل انا ولا حاجه بالنسبه لاي حد حتي آدم انا جزء بسيط من حياته كان مفقود وحاول يرجعه واللي انا متأكدة منه أنه رجعه أو لا مش هيأثر لانه عنده البديل عنده ابنه ومراته وعيلته اللي بتحبه لكن انا !
أنا معنديش حد خلاص
وقفت في نص المكان وانا بفتكر كل لحظه مرت عليا من وانا صغيره بفتكر كل لحظه حزن عيشتها بفتكر ضحكتي اللي مكانتش بتخرج غير نادرا بفتكر دموعي اللي كانت ملازماني في كل وقت وفي كل موقف بيمر عليا بفتكر اني كنت عايشه في كابوس ولازم انتهي منه لازم انتهي من كل حاجه اكيد ربنا هيسامحني هو اكتر واحد شايفني وعارف انا حاسه بأيه اكيد هيسامحني لو اڼتحرت
ده كلام كنت بكڈب بيه عقلي عشان يبقي في مبرر لاڼتحاري مع أن مفيش اي مبرر ربنا يقدر يسامحني عليه مفيش اي مبرر عشان اموت نفسي حتي لو
كانت حياتي كلها عڈاب وتعب
قدر
لفيت لمصدر الصوت وانا شايفه آدم بيجري عليا بأقصي سرعه
الخۏف كان باين علي ملامحه وهو بينادي بأسمي
وقبل ما انطق اي حرف كان بيشدني وهو بيتنفس براحه
الحمد لله قدر انتي كويسه فيكي حاجه عمك ومراته طردوكي من البيت صح قدر ردي عليا انتي كويسه !
ابعد عني انت عايز مني ايه
زقيته بأقصي قوي عندي وانا ببعد خطوه لورا وهو واقف مش قادر يستوعب رد فعلي الغير متوقع بالمره
في ايه ياقدر مالك
مالي لا مفيش
انا كويسه اوي حتي شوف الانبساط اللي علي وشي انا كويسه جدا
قرب مني خطوه وانا بعدت خطوه تانيه لورا وانا برفع صوابعي في وشه وبقول بتحذير
اياك اياااك تقرب مني
قدر في ايه انا مش فاهم حاجه
في ايه !
كل ده مش عارف في ايه مش فاكر انك سبتني وانت بتقول ابني طلعت متجوز وعندك ابن وبتكذب عليا كل ده مش فاهم في ايه طلقني
قدر اسمعيني
مش هسمعك انا مش عايزه اسمع منك حاجه مش عايزه اعرفك تاني طلقنييي
حط أيده في جيبه ببرود كعادته وهو بيبصلي وبيقول ببرود اعصاب
مفيش طلاق
يبقي هخلعك
مش هتكسبي القضيه
انا بكرهك مش عايزاك هو بالعافيه
اسمعي الاول وبعدين قرري ياقدر
مش عايزه اسمع حاجه كفايه اوي اللي سمعته
مش عايزه اسمع حاجه مش عايزه حد معايا انا عايزه اكون لوحدي
سيبني في حالي بقي يا اخي
قدر مؤمن مش ابني مؤمن ابن اخويا الله يرحمه
اخوه وقف عقلي لثواني وانا بحاول استوعب كلامه
لوهله حسيت نفسي في فيلم او في روايه أحداثها غريبه مش متوقعه محيره بس ياتري هتكون ايه نهايتي هتكون بسعاده ولا بمۏت !!
اتنهد آدم وهو بيكمل كلامه بحزن
ايهاب انتي عارفاه طبعا هو اه كان اصغر منك ومني بس هو اتجوز قبلي واحده زميلته شافها في الكليه وحبها واتجوزها بالرغم
من الحاح ماما وبابا عليا اني اتجوز
—<!–nextpage–>
انا كمان بس انا كنت رافض لاني كنت عاهد نفسي اني مش هتجوز غيرك مرات ايهاب حملت بعد سنه من جوازهم حملها كان صعب اوي الدكاتره قالت لايهاب يوم الولاده يضحي بحد من الاتنين الام أو الجنين ايهاب ضحي بالجنين لانه بيحب مراته بس مراته اترجت الدكتور في العمليات أنه يضحي بيها ويسيب البيبي وفعلا حصل كده ومراته ماټت ايهاب فضل
فتره كبيره حالته وحشه في الفتره دي ماما هي اللي كانت بتربي مؤمن
صوته اتخنق بالعياط وانا واقفه اسمعه بحزن علي حال البيبي اللي قصته تشبه لقصتي يمكن هو اصعب شويه لانه مشافش مامته اللي وهبته الحياه علي حساب حياتها !
مسحت دموعي وقربت من آدم اللي كان حاطط وشه في الأرض بيحاول يداري دموعه عني
رفعت رأسه بأيدي وانا ببص في عيونه وبقوله بهدوء
كمل
اتنهد وكمل كلامه والدموع بتلمع في عينه
ايهاب اخويا تعب اوي وبعدها بشهر روحت اتطمن عليه كالعاده لقيته ل لقيته
غمض عينه بقوه فمسكت أيده وانا بضغط عليها بقوه بشجعه يكمل
لقيته مش بيتحرك فضلت احرك فيه بس مكانش بيتحرك ماټ ياقدر ايهاب ماټ وسابني لوحدي و وساب ابنه ومن اليوم ده وانا قررت اربي مؤمن واعتبره ابني لما جالي الفون كانت ماما بتقولي أن وهو بيلعب وقع علي دماغه
واټعور عشان كده سيبتك ونزلت بسرعه انا اسف]]اترميت ه وبعيط بصوت عالي وهو مسح علي شعري برقه وهدوء وهو وبيسألني بهدوء
هربتي من البيت ليه ياقدر
ا انا مهربتش
اومال ايه اللي حصل احكيلي
ع ع عمي طردني ج جرني من شعري ف فضل يجرني وانا پصرخ من الۏجع ورماني قدام باب الشقه و و
ق قالي لو شوفت وش امك هنا تاني هشوهك اهئ اهئ
بالرغم من صوت الهواء العالي اللي كان بيخبط في كل حاجه وكأن في عاصفه إلا أن صوت نفسه العالي كان مغطي اي صوت موجود
ضمني لصدره بقوه وهو
بيهديني
هششش اهدي خلاص انا معاكي وحياتك عندي لهدفعهم تمن كل دمعه نزلت من عيونك اهدي ياحبيبتي
اوعي تسيبني يا آدم اوعي
اتنهد وهو بيسند رأسه علي راسي وبيقول بهمس
عمري ما هسيبك ياقدري
آدم ا انت كنت عايز تعرف انا ليه سړقت منك الساعه !
بعدني عن وهو بيحاوط وشي بين أيده وبيقول برقه وحنان عمري ما حسيت بيه غير بوجوده
لو مش حابه تحكي متحكيش
هزيت راسي برفض وانا بحكيله أسبابي
لما سامر اتقدملي كنت رافضه الفكره لانه جارنا وانا عارفه مامته ست قادره ومفتريه حسام ضغط عليا وضړبني وحبسني ليومين عشان أوافق وافقت ڠصب عني واتخطبتله كان بيعاملني وحش
اوي كل ما اشتكي لحسام كان يقولي مش مهم المهم أن في حد رضي بيكي كان سامر بيضربني لحد ما يكسر جسمي وحسام مبيعملش اي رد فعل ومامته كانت تضربني و وانا بضطر اسكت كل ما اشتكي لحسام يقولي وأقسم بالله
لو سيبتي سامر هطردك من البيت ولا هعرفك تاني اضطريت استحمل وارضي بقدري ي يوم عيد ميلادي سامر جابلي هديه غاليه كان هو ومامته كل شويه يعايروني بالهديه وأنه قد اي غاليه حتي انها اغلي مني انا شخصيا مامته وقتها طلبت تقعد معايا لوحدنا قالتلي
إن عيد ميلاد سامر بعد شهرين وان هي مش هتقبل بهديه رخيصه فضلت تقولي كلام يوجع يا آدم قالتلي لازم الهديه تكون ليها قيمه لا كده لا هنسيبك خۏفت من حسام لو سابني سامر كان هيطردني مكنتش عارفه هروح فين أو لمين مكنتش اعرف حد غيرك حتي انت يا آدم معرفش مكانك ..فضلت احوش الفلوس
عشان اجيب هديه حلوه وغاليه بس كنت كل ما احوش فلوس مرات عمي تاخدهم مني لحد اليوم اللي كنت فيه في الكافيه كنت قاعده بفكر ازاي اجيب فلوس عشان اجيب الهديه كنت انت قاعد في الطربيزه اللي قدامي وقالع الساعه بتاعتك ودخلت الحمام عقلي ساعتها شاورلي اروح أسرق الساعه وعاهدت نفسي اول ما احوش فلوسها هرجعهالك بس للاسف حصل اللي حصل ا انا اسفه انا مكنش ينفع اعمل كده س سامحني
شدني وانا اڼفجرت في العياط كنت پصرخ وبعيط وبقول كلام مش مفهوم وهو بيطبطب علي
ظهري وشعري برقه
سايبني اخرج كل اللي انا حاسه
—<!–nextpage–>
بيه سايبني أخرج كبت سنين شايلاه جوه قلبي لحد ما تعبت و الدموع جفت في عيني
بعدني عنه برقه وهو بيمسح دموعي عيوني برقه
حقك عليا وعد مني هعوضك عن كل التعب اللي شوفته في حياتك انا بعتذرلك بالنيانه عن كل اللي آذاكي
حاوطت رقبته وغمضت عيني وانا بقول بدون وعي
انا بحبك
وانا بحبك ياقدري
اه صحيح حسام ومراته حاليا في السچن بتهمه تزوير اوراق وقضيه مخډرات اما عن سامر والست الوالده عقابهم كبير اوي صدقيني هندمهم
بعدت عنه وانا بهز راسي برفض
لا يا آدم انا مسامحاهم
مسامحاهم !!!
لولا اللي حصل مكنتش هقابلك
مسك ايدي الاتنين وهو بيبص في عيوني
توء ده قدر ربنا
الحمد لله
ايدي برقه وهو بيغمزلي بمشاكسه
طب ما تيجي
نعمم !!
احم لا انتي فهمتي غلط انا بقول تيجي عندي البيت
نعممممم لا بقولك ايه ياعنيا احنا بنات عائلات محتشرمااااات
ألاه أين قدر الرقيقه انا لا اراها !
ا احم انا اصلا في الحقيقه عربجيه بس انا عمري ما اروح اقول
هههههههه طب ياعربجيه هانم تتجوزيني !
بصتله وانا بقول ببلاهه
مش احنا اتجوزنا
طلع علبه حمراء من جيبه وهو بيقعد علي ركبته قدامي وبيفتحها وهو بيبص في عيوني
]]جوازنا كان بسرعه وفي ظروف مش محببه ابدا عشان كده قولت اطلب منك الجواز بالطريقه اللي نفسك فيها
تقبلي تكملي حياتك معايا ياقدري
حطيت ايدي علي بوقي ودموعي نازله علي عيني لكن دموع فرحه لاول مره وانا بهز راسي وبقعد علي الارض قدامه
موافقه
ضمني وهو بيهمس في ودني بنبره كلها حب وعشق ليا أنا وبس
بحبك
وانا كمان بحبك اوي
وفي الخلفيه صوت ام كلثوم بيجوب المكان وهي
بتقول
عمري ما دوقت حنان في حياتي زي حنانك
ولا حبيت يا حبيبي حياتي إلا عشانك
وقابلت أماني وقابلت الدنيا وقابلت الحب
أول ما قابلتك واديتك قلبي يا حياة القلب
أكتر م الفرح ده ماحلمش
أكتر م اللي أنا فيه ماطلبش
بعد هنايا معاك يا حبيبي
لو راح عمري أنا ماندمش
تمت
اللهم آدم
اتمني النهايه تكون عجبتكم ياقمراتي
إيمان_شلبي