سمراء احتلت كيانى بقلم أميرة محمد محمود الثانى

_ وخلال كلامهم خرج ياسين من اوضة العمليات الحمد لله العمليه نجحت _ الف حمد وشكر ليك يارب _ ياسين بص لغصون بعتاب وحزن بس مشي بعد م كرامته منعته انو يكلمها _ جلال نقلوة ل اوضة عادية بس منعوا عنوا الزيارة _ غصون طلبت منهم يروحوا وييجوا بكرة _ اما هيه فضلت جمب ابوها وعماله تفكر ف ياسين ومشاعرها متلخبطه _ فهل هيه لسه بتحب يوسف ولا دا كان مجرد اعجاب بقلمي اميرة محمد محمود

___________________ جميله كانت داخله عند مهاب بس سمعته بيتكلم مع امه وهما قاعدين ف الاوضة _ مش عارف ي امي انا اتجوزتها بس عشان اللي حصل بينا ، يمكن اقدر اصلح غلطي واحميها من الوحده وكلام الناس
_ جميله دموعها نزلت دخلت اوضتها وقفلت عليها اترمت علي السرير وقعدت تعيط _ بس اليومين دول حاسس اني مرتاح معاها واني …واني _ وانك اي ي حبيبي _ ابتسم : واني بحبها
_ مسك ايديها : ماما انا مش عايزك تفهمي جميله غلط صدقيني انا اللي غلطت مش هيه

_ بحنيه : شوف ي ابني انا مش هقول انكم مغلطوش لا غلطوا بس خلاص اتجوزتوا وكل حاجه اتصلحت حاول تسعد مراتك يبني
_ باس ايديها : ربنا يخليكي لينا ي ماما _ ويخليكم ليا ي حبيبي انا همشي بقي بس بكرة الصبح هات جميله وتعالو افطروا معايا _ امه مشيت وهوة راح لجميله المطبخ ملقهاش خبط علي بابا اوضتها مردتش تفتح   _ جميله انتي كويسه ؟ _ …… _ جميله ردي عليا والا هكسر الباب
_ جميله فتحت الباب وراحت قعدت علي السرير

دخل وراه وقعد جمبها _ مالك ي جميله عينيكي حمرا كدا ليه ؟ _ مفيش حاجه انا كويسه _ لا مش كويسه وانتي بالمنظر ده _ عايز اي مهاب _ ممكن تقوليلي اللي غيرك فجاءه كده _ مهاب انا عايزة اتطلق _ قام وقف: انتي بتقولي ايه ؟؟؟؟ _ اللي سمعته انا وانت مش مناسبين لبعض _ وانتي بقاا اللي قررتي اننا مش مناسبين لبعض _ صرخت : انا مش هقدر احط عيني ف عين والدتك بعد اللي انت قولتهولها عني

_ وانت اتجوزتني عشان تحميني من الوحده وكلام الناس مش كده ، طيب ي اخي كتر خيرك انت مش مجبور كفايه عليك لحد هنا _ قرب منها : ممكن تسمعيني انتي فهمتي غلط ومسمعتيش للاخر بقلمي اميرة محمد محمود   _ زقته وعيطت : انت اكتر انسان اذاني ف حياتي من يوم م حبيتك وانا بتعذب ومشفتش يوم حلو ، انا بجد اعتبرت والداتك ف مقام امي ، دلوقتي مش هقدر اواجها واحط عيني في عينها

_ اكيد شيفاني دلوقتي بنت مش كويسه وغلططت مع ابنها قبل الجواز ، انا بحبها اوي والله حبيتها زي امي واكتر ، من ساعت م دخلت البيت ده وهيه بتعتبرني بنتها وبتحن عليا ، لقيت ام بعد م كنت مقطوعه من شجرة _ بس خلاص انا مش هقدر استحمل نظرتها ليا ، انا بكرهك ي مهاب بكرهك ، طلقني بقااا طلقني _ حـ,ـضنها غصب عنها : صدقيني هيه اللي استغربت لما لقت الجوازه جات بسرعه ، وشكت فيا ، وانجبرت احكيلها

_ بس والله نظرتها فيكي متغيرتش ، لسه بتحبك وطلبت مني احافظ عليكي _ لو كنتي سمعتي للاخر كنتي وفرتي علينا كل ده
_ بعدت عنه وراحت نامت علي السرير بهدؤء وطفت النور _ راح قفل الباب ، واتحرك نحيتها ، نام جمبها علي السرير وحـ,ـضنها ودف وشه ف رقبتها ، معملتش اي رد فعل غير ان حصل ف جسمها قشعريرة غريبة ، بعدها غمضت عينيها ونامت بقلمي اميرة محمد محمود _______________ تاني يوم الصبح جلال فاق ودخل عنده مصطفي وخديجه

_ حمد الله علي سلامتك ي بابا _ الله يسلمك يبني _ خديجه باست ايديه : خوفتنا عليك ي بابا _ متخافيش يبنتي انا بخير الحمد لله _ مصطفي اتكلم بتوتر : غصون فضلت جمبك طول الليل ، كانت خايفه عليك اوي _ بلهفه : هيه فين ليه مجاتش تشوفني _ خديجة : غصون قاعده براا ي عمي _ خليها تدخل وسبونا لوحدنا _ خرجوا وغصون دخلت وهيه قلقانه وخايفه ومتوترة _ اتصنعت الجمود وعملت نفسها بتعيد ليه الكشف

_ لا مشاء الله حضرتك بخير ومفيش اي خطورة علي قلبك _ الف سلامه علي حضرتك عن اذنك _ غمض عينيه بالم وبدء يتكلم فوقفها صوته _ ابويا زمان كان لما يعرف ان امي حامل ف بنت كان بيخليها تجهضها ، عشان كده معشتش ل امي ولا بنت ، كان بيكرة البنات وخلانا احنا كمان نكرهم _و لما امك ولدتك انا اول حد شيلتك بين ايديا ، حسيت بشعور حلو ناحيتك ، بس كرهت نفسي فيكي ، ومقدرتش اتخلي عن كبريائي واعيش معاكي طفولتك

_لما دخلتي طب رفعتي راسي فرحت جدا بس برضو كان جوايا شعور غريب سيطر عليا ومنعني عنك _ حصلتلك الحادثه وقتها كأنك اثبتيلي كلام ابويا وان البنات عار علي عيلتهم كرهتك اكتر ومبقتش طايق اشوفك _ كل دي مش مبررات لاب عشان يكرة بنته _ عيط : انا اسف يبنتي حقك علي قلبي _ غصون مصدومه معقول ابوها بيعتزر منها ، مش عارفه تعمل اي تسامحه وتحـ,ـضنه ولا تبعد عنه لانها اتوجعت بما فيه الكفاية

_ انا …انا كان نفسي تكون جمبي وقت حاجتي ليك بس للاسف انت خزلتني للمرة الالف . _ كان نفسي تحـ,ـضني وتقولي انا فخور بيكي ي غصون ، فخور انك بنتي الدكتورة _ كان نفسي تمسك ايدي وتقولي هجبلك حقكك من اللي عمل فيكي كده _ ف كل مرة كنت بتوجع ، اول حد افكر فيه هوة انت ي بابا _ عيطت ومقدرتش تتكلم بس رفعت وشها لما ابوها قال : سامحيني يبنتي سامحيني _ متحملتش تشوفه بالشكل ده قامت باست راسه وايديه وحـ,ـضنته

_ قعدت تعيط ف حـ,ـضنه كتير ، وهوة حضـ,ـنها كانه بيعوضها عن السنين اللي فاتت _ وحشتني اوي ي بابا _ باس راسها : انا اسف يبنتي سامحيني _ ابتسمت : هتفضل ابويا اللي بحبه مهما حصل _ حضـ,ـنها تاني وكان مبسوط اوي ولما شاف فرحها محبش يكسرها ويتكلم ف موضوع طلاقها بقلمي اميرة محمد محموود __________________________ جميله قاعده ف البلكونه بتسمع اغاني عدا عليها كوبليه لتامر حسني

بيقول : دايما مشغول بحاجات غيري ولا ليا وجود وسمعت انا ياما كلام من دا وشبعت ووعود ودا دايما طبعك ودا حالك حتي الاحساس بالنسبالك حمل ومجهود ، كفاياك اعزار ولاخر مرة بقولهالك ، كفاياك اعزار مش دايما هنسي وهصفالك _ نزلت دموعها غصب عنها وهيه فعلا مبقاش عندها طاقه تتحمل اكتر من كدا . _ حست بيه جاي عليها ف مسحت دموعها لاكن سابت الاغنيه شغاله _ يلا نروح نفطر مع ماما _ لا انا مش جعانه روح افطر انت

_ اتنهد وقعد جمبها وغير الاغنيه _ انت بتعمل ايه _ بغير الاغنيه مش عجباني _ انا اللي بسمع علي فكرة _ وانا طالما قعدت جمبك يبقي بسمع زيك برضو _ قفلت التليفون خالص وبصت قدامها ، بصلها بحزن وقام من جمبها _ انا قايم طالما مش حابه وجودي _ بعد م مشي قالت : غبي دا انا بحبك كل علي بعضك بس مش قادرة تعبت بقلمي اميرة محمد محمود ____________ _ يوسف انت بتعمل اي هنا

_ جاي اخد مراتي _ مراتك اي ؟؟ انت اتجننت ، اطلع برااا انا م صدقت بابا بقي كويس ، اخرج بدل م انادي الامن _ هتقوليلهم اي ؟ جوزي عايز ياخدني
_ يبني هوة انت مخك اتلحس انت ناسي انك طلقتني _ ورديتك ليا تاني _ ايييييه ؟؟ يتبع …. البارت ال 20 رواية سمراء احتلت كياني _ يوسف انت بتعمل اي هنا _ جاي اخد مراتي _ مراتك اي ؟؟ انت اتجننت ، اطلع برااا انا م صدقت بابا بقي كويس ، اخرج بدل م انادي الامن

_ هتقوليلهم اي ؟ جوزي عايز ياخدني _ يبني هوة انت مخك اتلحس انت ناسي انك طلقتني _ ورديتك ليا تاني _ ايييييه ؟؟ _ دكتورة غصون دكتورة غصوووون _ اتنفضت : اي في ايه ؟ _ بقالي كتير بصحي ف حضرتك _ معلش غفيت شويه في حاجه ي سلوي _ دكتور ياسين طالب حضرتك ف مكتبه _ طيب روحي وانا جايه وراكي _ بعد م الممرضه مشيت رجعت لورا ومسحت وشها بتوتر : الحمد لله يارب الحمد لله اني كنت بحلم

_ حضرتك طلبتني ي دكتور ؟ _ قرب ووقف قدامها ممكن اعرف انتي بتتجاهليني ليه _ اتوترت : وهعمل كدا ليه؟ _ مش عارف اومال انا بسألك ليه ؟؟ _ بعدت لورا : وانت عايزني اهتم ليه برضو ؟؟ _ يمكن عشان نفسي اقرب منك _ اتوترت اكتر : دكتور ياسين انت بتقول اي ؟ _ ياسين بس من غير دكتور ي غصون ، وبقول اللي فهمتيه وجه ف دماغك
_ عيونهها دمعت : مينفعش صدقني مينفعش

_ مسحلها دموعها : مينفعش ليه ؟؟
_ بعدت عنه بغضب : مينفعش وخلاص _ طلعت من مكتبه وقفلت الباب وراها _ قعد علي مكتبه وحط راسه بين ايديه _ حرام عليكي اللي بتعمليه ف نفسك وفيا ي غصون بقلمي اميرة محمد محمود ____________________ النهارده معاد خروج جلال من المستشفى _ صباح الخير ي بابا _ صباح النور ي قلب ابوكي
_ ابتسمت : النهارده معاد خروجك جاهز ؟؟ _ جاهز ي حبيبتي

_ باسته من خده : استعد بقي عشان الايام اللي جاية دي هتزهق مني اوي ، يعني هنروح نشتري للبس ، ونلف بالعربيه شوية ، وهنقعد كمان علي البحر وهناكل درة و…….!!! _ سكتت لما ياسين دخل وجلال بيضحك عليها _ احم…..حمدالله على سلامة حضرتك _ الله يسلمك يبني شكرا لوقفتك جمب ولادي ف وقت زي ده _ مفيش شكر خالص دا واجبي انا كتبتلك علي خروج وتقدر تمشي _ غصون مش عايزة تبصله ومتوترة اوي وجلال لاحظ توترها

_ طيب هستأذن انا عن اذنكم _ اذنك معاك ي دكتور _ بخبث : دكتور ياسين جدع ومحترم اوي _ اا….اه !!!! يلا ي بابا عشان مصطفي مستنينا برااا _ ضحك : يلا !!!! _ نزلت هيه وباباه وركبوا مع مصطفي ورحوا البيت ، كانت خديجه مجهزالهم غدا _ غصون دخلت اوضتها و رمت نفسها علي سريرها : ااااه حياتي القديمه وحشتني اوي بس مش عارفه مش مرتاحه ليه حاسه ان يوسف بيخطط ل حاجه ربنا يسترها بقي
_ غصووووووون !!!!

_ايوة ي بابا جايه اهوة _ تعالي شوفي يبنتي _ اشوف اي ي بابا ؟ _ بصي علي التليفزيون _ غصون بصت علي التليفزيون لقت ياسين واقف مع الشرطه والصحافه قدامهم وبيسمعهم التسجيل اللي شريف اعترف فيه _ واظن كلكم سمعتوا الحقيقه بودانكم ، وان الدكتورة غصون الهلالي ملهاش ذنب ف اللي حصل ، ودي مؤامرة عملها كلب حقير استغل مهنتوا لتجارة الاعضاء ولما كشفتوا علي حقيقته انتقم منها بالشكل ده _ لو مسمعتوش الحقيقه كنتوا هتفضلو طول عمركم ظلمينها وواخدين عنها الفكرة دي مش كده

_ انتوا ب اي حق تحكموا عليها من غير م تعرفوا اي اللي حصل ، البنات بتتعرض للاغـ,ـتصاب بسبب سكوتكم ، _ البنت من دول تتعرض لجريمه زي دي ، تضربوها وتحبسوها ف اوضتها لمجرد انكم خايفين من كلام الناس _ طيب بدل م تعملو كده حاسبوا الكلب اللي اتعرضلها ولا انتوا شاطرين تستخبوا .

_ سكوتكم ده هوة الضعف بذاته ، سكوتكم ده هوة اللي بيخلي الحيوان يعمل اللي عايزه ف بنات الناس
_ ياريت متعلموش بناتكم الضعف والخوف من المجتمع وكلامه ، و علموها ازاي يدافعوا عن نفسهم
_ غصون بقت تعيط من الفرحه ومش مصدقه خلاص انها استردت يرائتها ورجعت حياتها طبيعيه زي الاول _ مصطفي حـ,ـضنها وخديجه وبيقوا يعيطوا ومبسوطين جدا ليها _ اترمت ف حـ,ـضن ابوها وقعدت تعيطت اكتر ، جلال دموعه نزلت علي السنيين اللي ضيعها من عمرة ومكنش جمب بنته

_ انا عايزك تنسي اي حاجه وحشه حصلتلك ، عايزك تنسي يوسف وكل القرف ده وهفتحلك عياده جديده خاصه بيكي _ انا مش مصدقه ي بابا اللي بيحصلي ، حاسه ان ربنا جبر بخاطري ، انا ….انا _ انتي احلي بنت ف الدنيا ، بس في حاجه واحده لازم تعمليها _ اي هيه ؟ _ انك تشكري ياسين علي وقفتك جمبه _ غصون ابتسمت ودخلت اوضتها ، فضلت تتصل بيه بس مش بيرد عليها بعتتله رسايل برضو مش بيرد

_ للبست ولسه هتخرج عشان تروحله ، جميله اتصلت عليها _ الو تعالي بسرعه عايزاكي _ وقفلت ف وشها السكه مجنونه دي ولا ايه بقلمي اميرة محمد محمود ___________________