هاله بحرج اتفضلي معلش نسيت من الكلام
جيهان لا عادي هي زهره موجوده الاول
هاله ايوه موجوده اتفضلي
جيهان ودخلت وبصت للشقه كانت بسيطه بس منظمه
كان في ست كبيره قاعده
هاله دي ماما عايده
ثم وجهت كلامها لجيهان دي طنط جيهان مامت مازن جوز زهره
عايده بترحاب اهلا بيكي
جيهان حبيبتي تسلمي
هاله ثواني هبلغ زهره
هاله ودخلت لزهره اللي اتفاجاءت بوجود جيهان
جنا اول ماسمعت اسم جيهان سابت الواجب وخرجت تسلم عليها
جيهان اخدتها بالحضن كانت فعلا واحشها
جيهان بحنو واحشتني ياقلبي
جنا وانتي كمان
ياتيتا احنا هنرجع معاكي
جيهان بابتسامه ياريت ياقلبي والله
زهره خرجت وكانت لابسه بيجامه بيتي بكم وكان حجاب على شعرها
جيهان بصت لها وهي جايه عليهم وكانت بطنها ظهرت
زهره مساء الخير
جيهان مساء النور
سلموا على بعض
هاله اخدت والدتها وجنا ودخلوا اوضه
جيهان عامله ايه يازهره
زهره الحمدلله كويسه
جيهان والبيبي
زهره الحمدلله كويس
جيهان كشفتي قريب
زهره اممم من يومين
جيهان وايه الاخبار
زهره تمام
جيهان طيب الحمدلله احنا عايزين كدا تكونوا كويسين
زهره وابتسمت بفتور
جيهان ايه مش كفايه
لاعب عيال كدا وترجعي بقا
زهره من قال انه لعب عيال انا فعلا عايزه اطلق ومش عايزه ارجع
جيهان بعصبيه خفيفه ازاي يعني تبعدي الولد عن باباه ازاي مش كفايه انك حراماه من اجمل لحظات في حياة ابنه
زهره دا اللي هو ازاي يعني
جيهان اقل حاجه كان وانتي بتكشفي في كل مره يكون موجود معاكي ويشوف —
ابنه دي اقل حقوقه
زهره اعتقد انتي شوفتيه عمل ايه وكان قدامك
جيهان ايوه عمل وقلل من كرامتك واتعصب عليكي وقال كلام مينفعش يتقال وغلط وهو احنا غلطناه وهو اعترف بغلطه واتأسفلك وعايز يرضيكي باي طريقه يبقا خلاص دا ربنا بيسامح انتي متسمحيش
زهره بس انا مش قادره اسامح
جيهان معلش تعالي على نفسك عشان ابنك
زهره ليه وايه يعني اما يعيش معايا ولما يبقا عايز يشوفه يبقا يشوفه في ناس كتير منفصلين وولادهم بينهم
جيهان وليه تحكمي عليه بكدا حرام عليكي بجد يعني انتي مجربتيش في جنا قد ايه اوقات بتعاني من عدم وجود
والداها دا كمان ومازن يعني بيحاول يعوضها بجد انتي دماغك دي فين
زهره وربعت ايدها بردوه عند موقفي
جيهان وغمضت بتعب بس موقفك دا غلط وانتي عارفه كدا كويس بجد حرام تحرميه من عز ابوه وتعيشيه في مستوى اقل من المستوى اللي المفروض يعيش فيه
زهره وقامت وقفت انتي بتعايرني بمستويا
جيهان وقامت وقفت هي كمان انتي عارفه ان دا مش طبعي ومش اسلوبي عموما انا كنت فاكره ان ممكن اقنعك انا همشي بس هقولك حاجه قبل ما امشي مازن اتحدنا كلنا عشانك وانا اول واحده انا بفكرك عشان لو الايام نسيتك ولحد النهارده لو قولنا بردوه
ليه سابها هي حره تربي ابنها بالطريقه اللي تريحها
مش هكون احن عليه منها هيتحدنا بردوه ومش هيسيبك انتي بقا اما اتحطيتي مكانه متقدريش حتى تتحدي نفسك وتننازلي وترجعيله تصبحي على خير
جيهان سابت زهره وخرجت اللي فضلت ټعيط
بعد شهرين ونصف
في فيلا المنشاووي
جيهان وقعدت جمب مازن ايه ياحبيبي مش هتطلع تنام بقا الجو هنا برد
مازن معلش ياماما مش عارف انام
جيهان ليه بس ياحبيبي
مازن قلقان خاېف تولد في اي وقت
جيهان ياحبيبي مش كدا بيبقا في طبعا مقدمات
مازن بس دا انا لو جمبها
جيهان
نعمل ايه بقا في دماغها الناشفه
مازن تولد بس وبعدين اللي هتصرف في الموضوع دا
في شقة هاله
زهره بۏجع اه الحقيني ياهاله انا شكلي خلاص هولد
هاله وقامت بسرعه بجد طيب يلا نطلع على المستشفى
هاله وساعدت زهره انها تلبس وتنزل واخدت تاكسي من قدام العماره