سميح: اهدى بس يا خالد محصلش حاجه لكل دا خالد: يعني ايه محصلش حاجه… ازاي محدش يقولى حاجه زي دى بيشد ايد تسنيم: تعالي معايا بتبص لجدها بخوف وهي ماشيه مع خالد وجدها بيهز راسه بمعنى”لا” وهى فهمت انه مش عايزاها تحكيله اللى حصل بياخدها خالد وبيطلع اوضتها خالد: انا عايز افهم دلوقتي ازاي كل دا حصل تسنيم بتبص في الارض ومش بتتكلم خالد: متعصبنيش عليكي يا تسنيم… احكيلي ايه اللي حصل تسنيم: خ… خالد.. ا.. انا
خالد بنفاذ صبر: انتي ايه يا تسنيم تسنيم بعياط : مش عارفه خالد بيها: اهدى بلاش عياط … متخافيش احكيلي ايه اللي حصل براحه بتشدد تسنيم من ه وبتفضل تعيط خالد: اهدى يا قلبي مالك فيكي ايه تسنيم بتزيد في عياطها خالد: اهدى عشان خاطري بتعيطي ليه تسنيم بعياط :ك… كنت محتجالك اوى يا خالد… كان نفسي تبقى جمبي خالد بقلق: ايه اللي حصل يا تسنيم… احكيلي فيكي ايه بتمسح تسنيم دموعها: مفيش حاجه انت وحشتني اوي بس
خالد: متحاوليش تكدبي عليا عشان حافظك تسنيم: انا فكيت الخطوبه مع سليم مقدرتش اكمل معاه ويامن لما عرف رجع مصر و جاب المأذون معاه وكتبنا الكتاب امبارح خالد:يعني ايه تسنيم: خالد انت عارف اني كنت بحب يامن و انا مقدرتش اني اكمل مع سليم اكتر من كدا خالد: يعني يامن لسه فاكر يرجع بعد 10 سنين عشانك تسنيم : ايوه… رجع لما عرف إني فكيت خطوبتي خالد: وانتي وافقتي بسهوله كدا بتهز تسنيم راسها خالد: وفين كرامتك بقاااا… وفين انا من كل دا ازاى تخبي عليا الفترة دي كلها
تسنيم: عشان كنت عارفه انك هتزعل منى وامبارح كل حاجه حصلت بسرعه ملحقتش ابلغك خالد بشك : تسنيم في حاجه تانيه انا معرفهاش تسنيم بتهز راسها بمعنى ” لأ”: دا كل اللي حصل بس انا خوفت احكيلك خالد: و خايفه مني ليه…. انتي عمرك ما كنتي بتخبي عليا حاجه اشمعنا المرة دي خوفتي مني تسنيم: عشان انت دايما كنت بتضايق لما اجيب سيرة يامن خالد: عشان كنت متضايق منه انه سابك ومرجعش.. كنتى بصعبي عليا عشان كده كنت بتضايق
تسنيم: متزعلش مني مكنش قصدي اخبي والله خالد: لا زعلان يا تسنيم… انتى خلتيني احس اني مليش لازمه تسنيم: لا لا متقولش كده دا انا ماليش غيرك خالد: واضح اه تسنيم: خلاص بقى عشان خاطري متزعلش —————– نــــــــــــــــــــــــــــيــــــــــــــــــــــرة وائـــــــــــــــــــــــــــــــــل “عند سليم” سليم: انا عايز اعرف الفرح امتى عايزك تعرفيني كل حاجه بتحصل “مجهول” : متقلقش هعملك اللي انت عايزه كله سليم: تمام بيقفل سليم الفون وبيضحك بخبث
سليم: هتبقى جامدة اوي لما تتهز ثقتك في اللي حواليكي وتجربي احساس الخيانه يا تسنيم… والله لاخد حق الوجع اللي وجعتيه لقلبي دا كله… “بتخونه عيونه وبيعيط” انا حبيتك… كنتى كل حاجه في حياتي كنت بحلم باليوم اللي هكون فيه معاكي… 4سنين وانا بعشقك ضيعت من عمري 4 سنين في الوهم “بيمسح دموعه بكف ايده ب” انا بكرهك يا تسنيم… بكرهك من كل قلبي… على قد ما حبيتك على قد ما كرهتك دلوقتي “أناعلى قناعة أننا لانكره بجنون إلا أولئك الذين أحببناهم بجنون 🖤. ”
————– “في شقه سامر” بيكون نايم وفجأة بيلاقي الباب بيخبط جامد سامر: اووووف من اللي بيخبط دااا بيزيد التخبيط اكتر سامر بيقوم: ياااا ربي مييييييييييييين محدش بيرد سامر: كمان مش بترد دا انت يومك اسود النهارده ياللي بتخبط بيفتح الباب وبيلاقي قدامه يامن وخالد سامر: لااااااااااا لااااااا…. بتهزرواااااااا خالد: انت لسه هتتفاجئ وبيوه هما الاتنين يامن: كبرت يا سامر سامر بيدمع : دول عشر سنين برضو مش شوية خالد: مش وقت دراما دلوقتي انتوا الاتنين
سامر: منك لله بوظت اللحظة بيضحكوا كلهم يامن: جبت الشقه الجامدة دي منين يااااض سامر بيعدل ياقه القميص بفخر :احم…. عليها قصاد خالد بضحك : متقولش قدام حد هتتحسد يامن: يلا روح البس عبال ما نتفرج على الشقه سامر: ليه رايحين فين خالد: هنتعشى في البيت الكبير سامر: لا.. عندي شغل مش هينفع خالد: هو ايه اللي عندك شغل اخلص يلا روح البس يامن: سيبهولي ياخالد كدا بيزقه يامن وبيدخله الاوضه يامن: البس يلا سامر: مينفعش
يامن: جدك اللي قالي اجي اجيبك سامر: مش هقدر ادخل البيت بعد اللي حصل يامن: هششش…. خالد ميعرفش حاجه اسكت سامر بخفوت : انا مش هقدر والله… مش هعرف ارفع عيني ف عينهم تسنيم بترن على سامر سامر: دي تسنيم يامن: رد عليها سامر: مش قادر ببفتح يامن الخط وبيحط الفون على ودن سامر تسنيم: سامر بطل هبل و تعالى معاهم سامر: مش بيرد تسنيم: رد عليا يا سامر انا عارفه انك سامعنى سامر: ت.. تسنيم اناا
تسنيم: انت اايه… انت تبطل هبل كدا وتيجي معاهم يلا دا انا محضرة الاكل بإيدي و عاملالك البسبوسة اللي بتحبها سامر: تسنيم مش هقدر اجي اعذريني تسنيم: هاجي اخدك بنفسي دلوقتي… اخلص البس وتعالى وبعدين انا عازمه البنات كمان هنتعشى سوا كلنا سامر بفرحه: ريم جايه تسنيم: يا واطي يا بتاع ريم سامر بضحك: مش قصدي بس هى جايه ولا ايه تسنيم: اه يا اخويا جاية… في حد عايز يكلمك خد اهو سامر: مين سميح: انا يا سامر
سامر: جدي سميح: وحشتني يا سامر كدا كل متسألش عليا ولا تيجي سامر: جدي… انااا سميح: البس وتعالى يلا ومش عايز كلمه زياده سامر: بس… سميح: مفيش بس… يلا نص ساعه وتكون عندى سامر: حاضر يا جدي سميح: ايوا كدا… يلا متتأخرش سامر: حاضر يامن: البس يلا بسرعه وانا هروح اتفرج على الشقة سامر: ماشي بس اوعى تكسر حاجه ساعتها بيسمعوا صوت حاجه اتكسرت يامن بضحك: خالد قام بالواجب متقلقش نــــــــــــــــــــــــــــيــــــــــــــــــــــرة وائــــــــــــــــــــــــــل ———— بيجي الليل وبيكون الكل متجمع على سفرة العشا
سميح: متجمعناش على السفرة دى بقالنا 10 سنين من ساعه ما سافرت يا يامن يامن: ربنا ما يحرمنا من اللمة دي تاني يا جدي