اسكريبت كامل 🖤
كانت واقفة علي حافة المبني ومغمضة عنيها وخـ,ـدت قرارها خلاص انها هتخـ,ـلص من حياتها قربت اكتر من الحافة وفي اللحظة دي افتكرت كل الكلام السلبي اللي كان بيتـ,ـقال ليها ، والصور المفبركة المُخلة اللي مالية مواقع الأخبار والصحف والجرايد بأسمها، قربت خطوة تانية بس قبل ما ترمي نفسها
سمعت صوت بيقولها:
ما تبقيش عبيطة وتعملي نفس غلطتي مش ده المكان المناسب ابدا بصت وراها بسرعة عشان تشوف مين صاحب الصوت واتفاـ,ـجأت لما لقت واحد تقريبا مفهوش حتة سليمة وشه كله كدمات ،ورجله ودراعه متجبسة قاعد علي السور وراها في الضلـ,ـمة وف إيده سيجارة بيدخنها
_لو حاولتِ هتفشلي لأنك في المكان الغلط
المستشفي مليانة دكاترة ومُسعفين والمبني مش عالي بالدرجة الكافية كل اللي هتعمليه هتزودي ألمك وجروحك مش هتخلصي منهم لما ينقذوكِ الدكاترة ويشكشكوكي بالابر وتدخلي ف نفس الدوامة ومين عارف!
ممكن ما تقدريش تقفي علي رجلك تاني وفي الحالة دي مش هتعرفي تنفذي مخططك بأنك تنتـ,ـحري وهتفضلي طول حياتك تعيسة بائسة عاجزة
ملكيش أي لازمة عالة علي المجتمع ! بصتله وهي بتفكر في كلامه كويس وبعدين رجعت بصت تحت ..لقت فعلا كلامه صح المكان مليان ممرضين ودكاترة والمبني مش عالي اوي
كمل وقال بسخرية وهو بياخـ,ـد أخر نفس من سيجارته وبيرميها:
مش محتاجة تفكير كتير قدامك اهو … تجربة عملية حاولت قبلك أعمل اللي كنتِ هتعمليه ما استفدتش حاجة … زي ما انتِ شايفة مفيش حتة سليمة في جسمي بعدت عن حافة المبني بإستسلام وقعدت علي الأرض بيأس وهي بتحاول تشيل الكانيولا من ايديها سند وقام وهو مش قادر يمشي كويس بسبب إنه لسه ما اتعفاش بشكل كامل من الكسر اللي ف رجله وقعد جنبها بمسافة مترين تقريبًا ، وقال وهو بيبص قدامه:
واحدة زيك لسه صغيرة قدامها الحياة بفرصها ايه اللي يخليكِ تعملي كدا ؟
ابتسمت بسخرية وقالت وهي بتبصله من فوق لتحت:
علي أساس انك مكحكح وعندك مية سنة طب ما انت ما عدتش التلاتين وكنت عايز تنتـ,ـحر ويمكن لسه بتحاول لحد دلوقتِ … ابتسم وهو بيرجع خصـ,ـلات شعره الناعم لورا
فسألته:
ممكن سيجـ,ـارة ؟! ما استغربش من طلبها بسبب طبيعة لبسها الغير محتشمة وشعرها المصبوغ بألوان غريبة وشها كان باين عليه التعب والإجهاد وبرغم ده كله ملامحها كانت جميلة ومريحة ونظرات عيونها بريئة
طلع سيجارة من جيبه وسألها مرة تانية وهو بيدهالها:
مش هتقوليلي بردو عايزة تنـ,ـتحري ليه ؟!
_ولاعة؟ ادالها الولاعة بعدين خدت نفس من السيجارة بتعب وقالت وهي بتطلع من بوقها الدخان
_شكلك مش بتحب السوشيال ميديا =ليه بتردي علي سؤالي بأسألة تانية وبتهربي _اه صح انت واحد بائس أكيد مش عندك الشغف انك تتابع الكلام الفاضي ده ردودها بتستفزه وهو بالكاد يتحكم بأعصابه بصعوبة
كملت وهي بتقوم وبتديه ضهرها وكأنها بتهرب من عيونه او عشان ما يشوفش لمعة الحزن اللي ظهرت في عنيها :
حبيت أغير عناوين الاخبار في الجرايد من فضـ,ـيحة عارضة الازياء ألينور سامر المهدي ل انتـ,ـحار ألينور المهدي يمكن بعد مـ,ـوتي أصعب عليهم ويمسحوا الصور المُ.قرفة اللي نشرينها بأسمي
رمت السيجارة من ايديها واتنهدت بتعب وهي بتكمل وعينها مليانة دموع:
انا وحشة ..وحشة اوي كمان وزبالة ومليانة ذنوب وخطايا وبعمل حاجات غلط كتير وحرام بس انا مش رخيصة …. انا مش كدا …
مسحت دموعها ،ورجعت بصتله وقالت بنبرة مليانة بالألم والحزن والصدق في عنيها :
انا تعبت من كل حاجة من كلامهم وكرههم ليا تعبت من التبرير زهقت وانا بقنعهم ان الصور دي مش بتاعتي بس هما مصدقين ان دي صوري وان انا ممكن اعمل كدا مصدقين اني واحدة رخيصة معندهاش مشكلة تبيع نفسها عشان الفلوس
انا كرهت كل حاجة حواليا حتي قرايبي بدال ما يقفوا جنبي هما كمان ضدي ورفضوا نسبهم ليا
مع انهم في الاول كانوا ما بيصدقوا يلاقوا الفرصة اللي يمدحوني فيها ويتفشخروا بيا كانوا بيجروا ورايا وعرفت بعد كدا ان كل ده مش عشاني انا مكانش علشان ألينور كان علشان عارضة الازياء المشهورة ألينور اللي معاها فلوس كتير
ابتسمت
بحسرة وهي بتكمل :
بالمناسبة دي مش أول مرة أحاول انتـ,ـحر فيها … وجـ,ـودي هنا بسبب المحاولة اللي فشلت فيها قالتها وهي بتبص علي الشاش الملفوف حوالين ايديـ,ـها _والدك ووالدتك؟ موقفهم إيه ؟ =الله يرحمهم ماما وبابا اتـ,ـوفوا ف حـ,ـادثة لو كانوا عايشين مكنتش هضطر ابدا ادخل المجال ده اللي مليان مصالح ،مكنتش هضطر واتجبر اني اشتغل حاجة انا مش عايزاها عشان اصرف علي نفسي … مكنتش هبقي كدا كنت هلاقي اللي يعلمني الصح من الغلط ويعرفني إيه الحلال وإيه الحرام مكنتش هبقي بعيدة عن ربنا كدا
_يمكن ده حصل عشان تفوقي من الغيبوبة اللي انتِ فيها ! ابتسمت بحسرة وقالت :
ينصحون الناس وينسون أنفسهم …
مش هتقولي بقي حكايتك بص قدامه وقال وهو بيبص علي السماء المليانة بالنجوم والقمر اللي منورها:
شكل السما حلو النهاردة بصت علي السماء ورجعت بصتله وقالت :
مين فينا بيهرب دلوقتِ يا استاذ ..
ابتسم وقال :
تميم
بعدين كمل بجدية :
بالمناسبة انا بكره الهروب لاني بشوف أن ده مش حل ابدا لمواجهة المشاكل هتقوليلي ازاي وانت حاولت تنـ,ـتحر…
اللي حصل اني حاولت انتـ,ـحر وانا مُغيب عن الوعي … مكنتش في وعيي ..
خسرت كل فلوسي في صفقة فاشلة في الشغل وكل شقايا وتعبي راح ما جاتش علي كدا بس ده انا كمان كنت متداين بمبلغ كبير علي أمل اني احقق ربح كبير وارجع بعد كدا أرد الفلوس دي لاصحابها بس للاسف حصل عكس المتوقع وخسرت …اتنهد وكمل بحسرة وحزن:
خسرت كل حاجة
لما عرفت بالخسارة ما استحملتش ووقعت من طولي واحد زيي متعود علي المكسب دايمًا لما يخسر مرة واحدة ومش أي خسارة مش هيستحمل
نقلوني علي المستشفي هنا .. المصايب مش بتيجي مرة واحدة زي ما بيقولوا .. بعدها اترفع عليا قضايا
كنت هدخل السجن لولا ابويا باع الفيلا والممتلكات اللي حيلتنا وبقينا في الشارع وباقي الفلوس كتب تعهد انها هتترد للناس خلال سنة مش عارف هتترد ازاي وانا ما حلتيش حاجة بس
سكت شوية وهو بيحاول ما يضعفش قدامها وبعدين كمل :
واحد زيي من راجل أعمال غني وشاطر في شغله لواحد ما حيلتوش حاجة يبقي خطيبته هتكمل معاه ليه !
سابتني .. تخيلي جاتلي المستشفي هنا في عز تعبي وضعفي وانهـ,ـياري عشان تديني الدبلة
بصتله بثبات وسألته:
كنت بتحبها فكر شوية وملامحه أتغيرت ،وبعدين أتكلم وقال :
مش عارف … تصدقي اني مش عارف أنا كنت بحبها ولا لا ؟
_احساسك إيه لما كنت بتبقي معاها كنت بتبقي مرتاح ؟ بعد ما سبته بعض شعورك كان إيه ؟!
كنت هتنـ,ـتحر عشانها؟
=أكيد مش هنتـ,ـحر عشان سواد عيونها …
عادي حسيت انها ما تستاهلش انها تبقي شريكتي
مش دي ابدا اللي انتـ,ـحر عشانها فكرة الانتـ,ـحار جاتلي وانا مُغيب عن الوعي..حد من صحابي ..
صاحب سوء لما كان جايلي زيارة اداني مُخدر وطبعا زي ما أنتِ عارفة تأثير المخدرات علي العقل ساعتها مش بتفكري غير في الحاجات السلبية وبتحسي انك هتتجنني من كتر توارد الافكار الوحشة في عقلك في اللحظة دي طلعت هنا وعملت اللي كنتِ هتعمليه… للاسف مكنش موجود حد ينبهني ويقولي أن المستشفي مش مكان مناسب ابداً للانتـ,ـحار يا غبي
وزي ما انتِ شايفة اللي حصل ان عضم جسمي اتدشدش مش أكتر _كانت قوية للدرجادي؟ =الوقعة ولا الخسارة ؟
ضحكت فشرد في ضحكتها الجميلة اللي بينت الغمازتين اللي في خدودها