رشاد ابتسم بسخريه وقال ….لازم تفهمي انها متهمنيش لانها لو كانت متربيه مكانتش جات هنه ولا عملت كده….واللي بتعمله معايا ده بتعمله مع الف غيري ..هيه بس معايزاش تتكشف مش اكتر ..وبالنسبالي انا راجل ما هيضرنيش في حاجه لو كنتي اتكلمتي…وقرب منها وبصلها بقوه وقال…. اكثر واحده هتضر في الموضوع ده انتي… عارفه يعني ايه واحده تاجي تلاقي جوزها جايب واحده في سريرها ..يعني هتبقي لبانه في بق البلد كلها واحده ملكيش اي عازه ومتعرفيش تخطي خطوه في الكفر الا ويشاورو عليكي
رباب ضحكت بسخريه وقالت… لا متقلقش انا كده كده ما بمشيش خطوه في الكفر الا لما بيشاورو عليا… بيقولوا اهي دي مرت ولد العمده الي اتجوزها غصب لاجل ياخذ ارض ابوها الغلبان رشاد اتنهد بخنقه وقال …انا قلت لك قبل سابق موضوع الارض ده ما ليش صالح فيه كان بين ابوي وابوكي..واحنا كنا كده كده هناخد الارض بالمحكمه وبالعرف…بس عمك اللي قال انا مش هرفع محاكم ولا هاخد حاجه خذوا الارض… بس رشاد يتجوز البنت لانها يتيمه وكانت عايشه من خير الارض دي…كانت فكرته هو وانا قلتلك الحديت ده قبل كده
رباب بصتلو بغضب وقالت…ايوه ما انا عارفه ما لكيش دخل وابوك ضـ،ـربك على يدك كمان وقالك لازم تتجوزها وهربت من البيت بس لقيوك وكتفوك عشان يجوزونا صح كده رشاد ابتسم على عصبيتها و قرب عليها قوي وقال …لا محصلش كده…انا ابوي قالي اتجوزها قولت يا سعدي ويا هناي مين ما يسمعش عن جمالك يا بنت الضواري انا شوفتك مره مع ابوكي عند الدوار قبل ما تتنقبي من بعدها عيني ما عرفت تشوف حريم واصل رباب فضلت تبص له بدهشه شديده ووووو
انا شوفتك مره قبل ما تتنقبي مع ابوكي عند الدوار من بعدها عيني ما عرفت تشوف حريم واصل رباب فضلت تبص له بدهشه شديده
ورشاد قرب منها اكتر و قال… يمكن انتي غصبوكي على الجوازه دي بس انا ما حدش غصبني واصل انا رايد ورايد قوي كمان رباب ارتبكت جامد وبلعت ريقها وبعدت عنه وقالت …اه ما هو باين باماره الستات اللي كل يوم معاهم واخره المتمه جايبلي واحده هنا في اوضتي
رشاد اتنهد وقعد على السرير وقال… انتي عارفه ان انت السبب في ده كله… تقيله قوي على قلبي انك ترفضيني انا راجل وليا احتياجاتي والف حرمه تتمناني …لولاش بس اني مش عايزه اصغر نفسي كان هيبقالي تصرف ثاني معاكي…بقالنا اكتر من شهر متجوزين وانتي ممخليانيش المسك لو اي راجل غيري مكانش هيرضاها رباب اتنهدت و قالت.. انا ممنعتكش من حقوقك انا قلت لك من اول يوم اللي عايز خدو ومش همنعك. بس مش هيكون برضايه
رشاد بصلها بغيظ وقال ….وعلى ايه ان شاء الله…. انا لو قلت يا حريم الاقيهم في حضني بالدور ما ناقصش عليكي عشان اخدك غصب…. واقرب منها قوي وشدها من وسطها عليه وقال…. انا عايزك برضاكي تبقي عايزاني زي ما انا عايزك..نفسي تدوبي بين ايديا زي ما انا دايب في بحور عينيك رباب حاولت تبعده بس ما قدرتش كان متمكن منها قوي قالت بضعف ..سيبني يا رشاد قلت لك ما عاوزاش رشاد قرب اكثر وقال قدام شفايفها …بس انا عايز عايز قوي يا رباب نفسي فيكي يا بت… ليله واحده معاكي اصوم عليها سنه
رباب رفعت عيونها لعيونه لما قال كده وكانت بينهم نظرات جميله جدا قطعها رشاد لما با،،سها بقوه وجنون وهو مش قادره يسيطر على نفسه اكتر من كده رباب حاولت تمنعوا بقت تدفعه وتضـ،ـربو باديها في صدره بس مقدرتش تبعده كان متمكن منها جدا وبدد رفضها بلمسات خبيره دوبتها بين ايديه
وشالها و حطها على السرير بحنيه وقرب منها تاني بس حطت ايدها على صدر ومنعته وقالت بس شكرا على التوصيل… كفايه لحد كده رشاد بص لها بدهشه وقال… لا كفايه ايه ده احنا ما صدقنا
رباب بعدت اكتر وقالت…. وبعدين يا رشاد قلت لك خليك بعيد رشاد اتتهد بضيق وخنقه وانام وبص بعيد عنها وهو متضايق جدا وبيقول…شكرا على التوصيله ما هو طبعا حما،،ر وصلك وطلع بلا برسيم رباب كانت عايزه تضحك على عصبيته وقالت بغضب مصطنع ..ليه ان شاء الله انت مش بو،،ستني ولا هتطمع
بقلم….زهرة الربيع رشاد بص لها بدهشه وقال… ابوسك هو ده ا اخر حاجه ممكن نعملها سوا رباب نزلت عينيها بكسوف وقالت… لا يعني بس واحده واحده كل يوم اعمل حاجه يعني
رشاد ضحك وقال… كل يوم اعمل حاجه..ده على بال ما اوصل للي عايزه مش هقدر اعمله رباب قالت باستفهام …ومش هتقدر تعمله ليه رشاد ابتسم بسخريه وقال… هكون عديت ال80 وخلص البنزين رباب ضحكت جامد لما قال كده وقالت لا ان شاء الله مش هتكون عدت ال 80 يلا نام وعدي ليلتك انا لسه ما نسيتش اللي انت عامله من شويه رشاد قال بضيق… على اساس فرقت معاكي ده انا لو نيمتها هنا جنبك على السرير ما هتحسي
رباب حست بنار جواها من مجرد كلام وقالت …لا بحس يا رشاد بحس بس اللي ما يقدرش احساسي ما يستاهلش ابينهوله ونامت وبصت بعيد عنه بغضب
رشاد اتفاجئ من اللي قالته واستغرب جدا معقوله بتغير عليه من وقت ما اتجوزها محسش بكده ابدا رغم انه حاول كثير يخليها تغير بس ما كانش بتفرق معاها …قرب عليها وحضنها وقال بهمس… هو انتي بتغيري علياولا انا فهمت غلط