” جهزت نفسي عشان انزل اروحله بس كنت قلقانة ، بعت ريكورد ل حسام على الواتس حسام انا نازلة دلوقتي ، وائل كلمني وكان طالب يشوفني ، انا هروحله عشان تكون دي اخر مرة اشوفه او اسمعه في حياتي لكن المشكلة بس اني خايفة ، ياريت تخليك معايا وتكلمني بس لو مردتش عليك اعرف ان في مشكلة ، انا هقابله في البيت عنده باك ” كان بيخبط لدرجة انه هيكس.ر الباب ، وائل فتح الباب بسرعة بس حسام مكنش مستني وائل يكمل ويفتح الباب لاخره لانه زق الباب ب رجله و دخل مسك وائل من رقبته
هو انا مش قولتلك هحبسك ، انت عايز منها ايه يااخي ” بدأ يزعق بصوت عالي جدا رررد عايز منها ايه ، كل مرة اقول خلاص هيسكت بس الو*سخ هيفضل و*سخ ” بص عليا وعينه كلها غض,,ب و زعق يلا انزلي على تحت ، واقفة ليه؟ ” مشيت بسرعة وهو لسة ماسكه بنفس الطريقة بقولك ايه ، انت بكرا هتيجي معايا عند المأذون وتطلق رسمي ، فهمت ولا لا يإما اقسم بالله ما هرحمك يا وائل ، بكرا تجيلي المكتب بتاعي الساعة 3 ، هتيجي وهتطلق ، ماشي يالاا
= حاضر حاضر ” نزلت جريت على العربية وبعد دقيقة حسام نزل ورايا ، ركبنا العربية و مشينا ، طول الطريق متكلمش بالعكس كان سايق بسرعة جدا وبيتعصب على أي حد ، وصلنا عند البيت وهو طلع معايا الشقة ، دخلت وكنت لسة هجري على الأوضة عشان اتفادى المشكلة اللي هتحصل استني هنا رايحة فين ” وقفت لما سمعت صوته ، كنت مرعوبة من رد فعله لكن حاولت اتماسك ، لفيت و رديت عليه مفيش ، تعبانة شوية وهدخل انام
= لا معلش النوم يتأجل ، تعالي انا عايز اتكلم معاكي ” كنت خايفة وماشية ببطئ ، قعدت على الكنبة بص يا حسام انا هفهمك ، انا… = روحتيله ليه يا نادية ، كان عايز منك ايه ان.. ، اننا نرجع يعني = ومين البت اللي كانت معاه دي دي ريهام مراته ” نفخ وحاول يتمالك أعص,,ابه ازاي اتجوز و ازاي عايزكو ترجعو = خلاص يا حسام مش مهم ” صوته بدأ يعلى لااا مهم
= مفيش هو كان عايزنا نرجع عشان بيقول انه بيحبني بيحبك اه ، وايه تاني = بص يا حسام ، انا هقولك كل حاجة ، هو عايزنا نرجع بس مش هيقربلي وعشان كدا هو اتجوز ريهام يعني عشان ياخد منها كل حقوقه وانتي عملتي ايه = قومت مشيت بس هو حبسني وكان هيجبرني اقعد بالعافية لحد ما انت جيت ” قام من مكانه وهو لسة متعصب ، اخد نفس طويل أنتي روحتي ليه من الاول
= يا حسام والله كنت فاكرة… ” زعق فيا كنتي فااكرة ايه ، كنتي فاكرة انه هيجيبك ويركع تحت رجليكي عشان تسامحيه ، مش مستكفية من اللي عمله فيكي لا دا انتي رايحة ب رجلك لحد عنده ، وكمان مكنش هيخليكي تنزلي ، أنا عايز افهم انتي عايزة ايه بالظبط ، ردي عليااا عايزة ايه ” و دي كانت اول مرة اشوف حسام بالشكل دا ، كنت خايفة منه جدا خصوصا بعد ما رما الفاظة اللي موجودة على الترابيزة من كتر العصبية ، فضل واقف بيروح وييجي لحد ما قرب مني فجأه وقال
اسمعي أنتي اخر هتيجي معايا بكرا المكتب وهيطلقك بعدها هكلم صاحب الشغل عشان تنزلي معاه من اول الأسبوع الجاي ، اقسم بالله يا نادية اي خطوة هتعمليها تاني من غير ما اعرف اعتبريني برا حياتك ” كنت ساكتة ومبردش عليه من خوفي بس هو كمل و زعق فاهمة ولا مش فاهمة ” لساني كان تقيل ومش عارفة اتكلم بس ضغطت على نفسي ف ف فاهمة = بكرا الساعة 3 تكوني عندي في المكتب #بقلم : #عمرو راشد
” مجرد ما مشي فضلت اعيط ، انا مكنش قصدي ان كل دا يحصل ، انا كنت فاكرة انه ممكن يكون ندم على اللي فات بس انا اللي هبلة وبصدق اي حاجة ، حسام مغلطش بس انا زعلانة أوي على نفسي ، زعلانة اني بالشكل دا ، أي حد بيضحك عليا ، انا ازاي هعيش كدا ، طب وحسام ، انا لو دلوقتي مطمنة عشان هو جنبي لكن هو ممكن يزهق و يمشي ، تفكير وكلام كتير جوايا انتهى ب اني دخلت الأوضة و اترميت على السرير ، نمت ومن التعب مفوقتش غير تاني يوم كانت الساعة 12 ، قومت بسرعة
خدت دش ولبست ونزلت عشان اروح المكتب ، وصلت في معادي بالظبط ، دخلت المكتب لقيت حسام والمأذون مستنيين ، حسام شاورلي اقعد ، وائل كان مش موجود ، السكوت كان هو اللي سائد ، مفيش كلام نهائي لحد ما وائل وصل بعد نص ساعة ، خلصنا إجراءات الطلاق ، المأذون خرج و وائل كان لسة هيمشي لكن حسام وقفه واتكلم استنا انت دلوقتي سمعت الكلام وطلقت من غير كلام كتير بس لسة الباقي بقا ، انت هتختفي من الحياه خالص ، مش عايز اشوفك فاهم ، مش عايز المحك في اي مكان عشان انت اللي هتزعل
” على عكس ما توقعت وائل مردش عليه و اكتفى ب ابتسامة و مشي ، بقينا انا وهو اللي موجودين في المكتب ، مكنتش عايزة اكلمه او تحديدا مش عارفة ابدأ كلام منين بس اختصر عليا الطريق أنتي وراكي حاجة دلوقتي؟ = لا طب تعالي انا هعزمك على الغدا = لا شكرا انا مش جعانة بقولك ايه يا نادية انا جعان ومش هعرف اكمل اليوم من غير ما ااكل ، تعالي نتغدا وبالمرة كمان عشان اكلم صاحب الشغل عشان نتفق
= خلاص زي ما انت عايز ” نزلنا من المكتب و ركبنا العربية ومشينا نادية انا اسف لو كنت اتعصبت عليكي امبارح بس انا كنت خايف عليكي منه ، انا مش فاهم أنتي ازاي وافقتي تروحي = قولتلك عشان.. انا مش عايز اتكلم في الموضوع دا خلاص ، تعالي نقفله بس اوعديني متعمليش حاجة تاني غير لما اعرف = أوعدك
” وصلنا المطعم و طلبنا الاكل ، بعدها بدأت الاحظ ان الموضوع مش غدا وبس ، لا دا اليوم اتحول ل حد بيحاول بيحاول يصالحني ، خرجنا ولفينا في كل الشوارع وانا بصراحة كنت مبسوطة ، نسيت اللي حصل شوية ، فضلنا في الشارع لحد الساعة 12 ، نزلنا من العربية بعد ما وصلنا للبيت اتمنى اكون عرفت اصالحك = لو كنت ركزت كنت هتعرف اني هتصالح بأقل كلمة بس انتي مقامك مش اقل كلمة يا نادية ، أنتي تستاهلي اكتر من كدا بكتير
” اتكسفت وبصيت في الارض خلاص اطلعي يلا وكفاية تأخير لحد كدا ” ضحكت ، وبالصدفة ببص على الناحية التانية لقيت عربية جاية بسرعة جدا ، نورها كان عالي جدا فلاش باك ” حسام خدها ونزل ، اتعصبت وقفلت باب الشقة ، قعدت على الكرسي وانا على أخري و هطق من الغيظ مانا قولتلك هي مش هتيجي بالطريقة دي ، كان لازم تستخدم معاها الحنية = انتي ايه اصلا اللي خرجك من جوا ، كان المفروض امهد الموضوع ليها الاول قبل ما تطلعي
يعني الحق عليا يا لولي ، كنت عايزة اتعرف عليها وبعدين مش كفاية سامعاك بتقولها بحبك ومش قادر اعيش من غيرك ، امال انا ابقا ايه بقا ولا انت مبتحبنيش = مبحبكيش ايه يا هبلة ، كل دا اي كلام ، انا كنت هجبها تشتغل خدامة عندك ، بقا انا هسيبك أنتي يا ريهام عشان دي ، كل اللي انا عملته كان خطة انا وأنتي متفقين عليها ، كان لازم اخليها تندم على اليوم اللي فكرت تخرج فيه من هنا بس جه ابن…
خلاص اهدا ومتعصبش نفسك = نفسي اخلص منه ، طول ما هو معاها مش هعرف اعمل حاجة واللي يقولك ازاي تخلص منه = اديله احلى ب.وسة لا انا مش عايزة ب.وسة لإني كدا كدا هاخدها = امال عايزة ايه هقولك بعدين = طب قوليلي اخلص منه ازاي هو عايزك تروحله بكرا عشان تطلق الست هانم ، ماشي هتروح وتعمل كل اللي هو عايزه ، هتمشي وتستناه تحت المكتب بتاعه وتمشي وراه وتستنا اللحظة المناسبة وتشيله من على وش الارض
= اخبطه بالعربية؟ عشان تريح نفسك = انتي مجنونة ماهو كدا ممكن يبلغ عني يا حبيبي هو محامي واكيد عنده أعداء كتير مش انت لوحدك يعني ، وبعدين انت مش هتدوس بنزين جامد ، خليك على الهادي وهو مش هيحصله حاجة ولو بلغ عني = يا روحي انت كنت معايا هنا ساعتها أصلا ، هو انت خرجت امتا يا وائل هي دي النسوان = بس متنساش حلاوتي بقا باك ” العربية بتقرب علينا بسرعة جدا
حاااسب يا حسااام! يتبع…. الحلقة التاسعة عايزاني اخبطه بالعربية؟ ، انتي مجنونة ماهو ممكن يبلغ عني
= انت هتريح نفسك مش احسن ما ييجي ويضـ,ـربك كل شوية كدا
احترمي نفسك يابت أنتي
= يا حبيبي اهدا ماهو انت مش هتدوس بنزين جامد ، خليك على الهادي وهو مش هيحصله حاجة
ولو بلغ عني
= يا روحي انت كنت معايا هنا ساعتها أصلا ، هو انت خرجت امتا يا وائل
ايوا بقا هي دي النسوان
= بس متنساش حلاوتي بقا
حلاوتك دا انتي ليكي الحلاوة كلها
= ” ب دلع ” يا وائل اتلم بقا
وهو انا هعرف امسك نفسي قدامك
برضو
= استنا بس ، لو حصل اللي انت عايزه ف انا عايزة المكافأه بتاعتي
كل اللي هتقوليه أوامر
= حيث كدا يبقا ركز معايا بقا عشان اقولك هتعمل ايه بالظبط
هو عايزك تروحله بكرا عشان تطلق الست هانم ، ماشي هتروح وتعمل كل اللي هو عايزه ، هتمشي وتستناه تحت المكتب بتاعه وتمشي وراه وتستنا اللحظة المناسبة وتشيله من على وش الارض
” خلصنا كل إجراءات الطلاق و خرجت من المكتب ، ركبت العربية واستنيته جواها ، بعد شوية نزل معاها و ركبو العربية ، مشيت وراهم لحد ما وققو قدام مطعم ، نزلو و دخلو جوا ، استنيت شوية بس لقيتهم اتأخرو ، نزلت و دخلت اشوفهم ، لمحتهم قاعدين بياكلو وبيضحكو ، اتنرفزت وخرجت قعدت في العربية و الغض,,ب بياكل فيا ، ولعت سيجارة و التانية وفضلت مستنيهم
وانا باكل في نفسي لحد ما عدا ساعة ولقيتهم خارجين ، مشيت وراهم ، فضلو يلفو في الشوارع لحد نص الليل وفي الاخر العربية وقفت قدام عمارة وتقريبا هي دي اللي الهانم قاعدة فيها ، نزلو من العربية وواقفين يتكلمو ، هنا اتأكدت ان دي اللحظة المناسبة ، دوست بنزين وجريت بالعربية وعلى عكس ما توقعت كنت كل ما بقرب منهم بخاف أكتر ، خوفي بيزيد وقدر يتغلب عليا لحد ما لقيت نادية صرخت
حااااسب يا حساااام
” كنت خلاص غيرت اتجاه العربية ولكن ملحقتش اغير الاتجاه بشكل كامل وخبطته بالعربية ، بعدها جريت بسرعة جدا على البيت ،
دخلت الشقة وانا مرعوب وخايف يكون حد جاي ورايا ، انا مش ايه اللي أنا عملته دا ، قعدت على الكنبة وبترعش وباكل في ضوافري ، لا لا اكيد انا مخبطتش حد وكان بيتهيألي ، معرفش ، من كتر التوتر مش فاكر ، ريهام خرجت من الأوضة
ايه يا قلبي قاعد كدا ليه
” مردتش عليها ، حطيت ايدي على دماغي وبصيت في الارض
فرحني وقولي انك نفذت اللي احنا عايزينه
” جت قدامي وقعدت
مالك يا وائل
” بصيتلها وانا عنيا مدمعة ومش عارف اسيطر على نفسي
يالهوي انت بتعيط ، هو حصل ايه بالظبط يا وائل
” رديت عليها وانا لسة بعيط
انا.. ، انا مكنتش عايز اعمل كدا ، انا اه كنت عايز اعلمهم الادب بس مش عايز ادخل السج.ن
= لا بقولك ايه اهدا كدا وفهمني ، هو انت خبطته جامد؟
معرفش ، وانا بقرب منهم خوفت ف بعدت عنهم بالعربية ، لكن انا كنت دايس بنزين جامد ، انا مش عارف
= طب خلاص اهدا ، طالما بتقول بعدت عنهم يبقا انت مخبطتش حد
انا عايز اروح واطمن بنفسي
= نهار اسود ، انت عايز تروح تسلملهم نفسك و بعدين افرض انك كنت خبطت حد ، ماهو انت لو تفتكر كدا وتقولي ، خبطت حد ولا لا
” سكت ومردتش عليها
طب بص تعالى معايا جوا وانا هغيرلك مزاجك خالص
= سبيني دلوقتي يا ريهام
اسمعني بس ، انت محتاج تفك وتنسا اللي حصل
و دا دوري انا ، تعالى
” مسكت ايدي وشدتني على الأوضة ، لكن طول الليل وانا بفكر في الموضوع ، معرفتش انسا ولا اركز في اي حاجة تانية لدرجة ان ريهام زعلت مني ونامت ، فضلت صاحي لحد الصبح مش عارف انام وقررت اني هتصل على تليفون مكتب حسام عشان اسأل عليه ، الوقت بطئ جدا مش عايز يعدي او يمكن عشان أنا عيني متشالتش من على الساعة من امبارح ، مستني كل دقيقة وكل ثانية تعدي ، الساعة بقت 10 الصبح ، خلاص اكيد دا وقت مناسب وهو هيكون في المكتب ان شاء الله ، اتصلت
صباح الخير
” ردت عليا السكرتيرة بتاعته
صباح النور ، بعد اذنك.. ، كنت عايز احدد معاد عشان محتاج أستاذ حسام في موضوع مهم جدا
= للاسف يا فندم والله ، أستاذ حسام النهاردة مش موجود وحتى مش بيرد على التليفون ، بس انا ممكن اسجل رقم حضرتك و اول ما أستاذ حسام ييجي هكلم حضرتك نحدد معاد
اكيد طبعا مفيش مانع
#بقلم :
#عمرو راشد
” قفلت المكالمة ، بتقولي مجاش ، ياادي المصيبة طب هعمل ايه دلوقتي ، اروح فين ولا اسأل مين ، بس لقيتها ، أم نادية مفيش غيرها ، هكلمها واخليها تروح على عنوان البيت الجديد بتاع نادية تطمن عليها وبالمرة تطمني ، صح كدا ، وفعلا مستنتش وكلمتها علطول
الو
= وائل حبيب قلبي وحشتني ، كدا تقعد كل دا ومتسألش علينا ولا نادية كمان بتسأل ، من ساعة ما اتصالحت انت نادية واحنا اتنسينا خالص
وانتي كمان وحشاني والله ومكنتش ناسيكي بالعكس انا كنت عايز اكلمك اكتر من مرة
= خير يا حبيبي
في ايه
بصي يا حما.تي في مشكلة حصلت بيني وبين نادية
= مشاكل تاني يا وائل الموضوع مختلف شوية عن كل مرة ، بصي انا..
، انا طلقت نادية
= يا مصيبتي ، طلقتها ليه ، عملتلك ايه البت دي
مش وقته يا حما.تي ، الموضوع كبير ، انا دلوقتي عايز منك خدمة ، نادية واخدة شقة وقاعدة فيها وانا بقالي كتير بكلمها ومش بترد ، ممكن بس تروحي تطمني عليها
= والله البت متستاهلش حبك ليها بس حاضر هروحلها وافهم منها
هبعتلك العنوان دلوقتي بس تروحي حالا
= خلاص ماشي اول ما ابقا هناك هكلمك
” هي هتبقا هناك ان شاء الله ، اكيد نادية هتكون موجودة اصل هتروح فين يعني ، هي ليها مكان تاني غير دا؟
، فضلت قاعد مكاني ، التفكير هيخلص عليا ، باصص للموبايل مستني المكالمة بفارغ الصبر ، من كتر ما انا مركز ومش واخد بالي من حاجة ، محستش ب ريهام وهي خارجة من الأوضة ، قعدت جنبي وحطت ايدها على كتفي
ايه اللي مصحيك بدري يا قلبي
= معرفتش انام
يا وائل خلاص انسا بقا ، مش كفاية الليلة اللي باظت امبارح
= انسا ايه يا ريهام ، انا مش عارف انسا وخايف ، خايف حتى انام ، كل ما اغمض عيني بفتكر اللي حصل
مفيش حاجة حصلت ، فك بقا ، بقولك ايه موحشكش رقصي
= ” نخفت وقولت ب ضيق” مش وقته يا ريهام
انا مش عارفة هتفضل كدا لحد امتا يعني ، انا ست وليا احتياجات على فكرة
هو انتي شايفة اللي احنا فيه ، واخدة بالك من المصيبة اللي واقعة على دماغنا
= وانت عندك حل للمصيبة دي ، لا معندكش يبقا خلاص انسا بقا وبلاش تنكد علينا
خلاص انا نسيت اهو ، كدا حلو
= طب انا هستناك جوا عشان تعرف تصالحني كويس
” استنيت شوية و دخلت وراها الأوضة
أنتي عايزة ايه
= يا وائل انت جوزي وانا محتاجاك ، يعني اروح أدور
على راجل تاني
ساعتها نهايتك هتكون على ايدي
= طب ايه بقا ، هتفضل واقف عندك كتير
” قربت منها
طب انا جيت اهو
يلا صالحني
” قربت أكتر و بدأت اب.وس فيها و العب في شعرها ، بقيت سبحان في دنيا تانية ونسيت كل اللي حصل ، قلعت كل هدومي و رجعت اركز مع شفايفها لكن فوقت من دا كله ، فوقت على صوت التليفون ، سيبتها وجريت بسرعة عليه ، كانت حما.تي ، رديت عليها
ايوا يا وائل ، انت مديني العنوان غلط
= لا ازاي انا متأكد انه صح
يابني البواب بيقولي ان مفيش واحدة هنا ساكنة اسمها نادية
= يعني ايه ، خليني اكلمه
” سامعها وهي بتديله التليفون
ايوا يا بيه
= بص يا عم الحج في واحدة عندك ساكنة جديد اسمها نادية و…
يا بيه والله ما عندي حد بالاسم دا ، العمارة اساسا لسة جديدة ، مفيش غير أربع شقق اللي ساكنين بس
= طب قولي اساميهم
أستاذ خالد ، وأستاذة نهال وجوزها ، والست ام عمر ، وأستاذ حسام
=حسام الهواري!!
ايوا يا بيه هو دا
” اه يا بنت الك** ، قاعدة مع راجل في شقته ، حاولت اتمالك نفسي
طب اسمع ، مشوفتش مع أستاذ حسام اي واحدة ست
= انت قصدك على الست نادية بنت خالة أستاذ حسام
بنت خالته!! ، بنت خالته ازاي
= يا بيه ايوا هي جت من فترة وبقت قاعدة في الشقة
وهو كان قاعد معاها
= الصراحة لا
طب هو فين أستاذ حسام دلوقتي
= دا ربنا يشفيه يا بيه ، بيقولو امبارح خبطته عربية قدام العمارة ، ربنا يجازي اللي عمل كدا
متعرفش هو في انهي مستشفى
= والله يا بيه انا كنت نايم ساعتها ومعرفش راحو بيه على فين ، لكن ممكن اعرفلك لو تحب
اه ياريت
= طب يا بيه شوفنا بأي حاجة الاول
من عنيا ، اديها التليفون بقا
” حما.تي ردت عليا
ايوا يا وائل
= اسمعي يا حما.تي ، ادي للراجل دا 200 جنيه و خليكي معاه و هو هيعرفلك المستشفى فين و روحي
على هناك
يابني اللي في المستشفى دا واحد اسمه حسام ، انا عايزة اعرف بنتي فين
= نادية اكيد هتكون معاه
وهو مين حسام دا اصلا ونادية بتعمل ايه معاه
= يا حما.تي الموضوع طويل ، لما اقابلك هفهمك ، المهم دلوقتي اول ما تعرفي العنوان ابعتيهولي ، وانا هلبس وهجيلك على هناك