حكاية اشرقت

اشرقت .. عندك حق ما انت عندك زوجة وابن هتفتكرني ليه ؟!! بس متنساش اني انا بنتك برضوا وليا حق عليك زي ابنك اللي من مراتك التانية
سليمان .. بكرة هرن عليكي وهقابلك وهديكي مبلغ تعيشي منه بس بعدها مش عاوز اشوفك او اسمع صوتك تاني فاهمه؟
اشرقت .. للدرجة دي مستعر مني ؟!! بس متنساس انك انت السبب في كل اللي حصلي كله تحت اشرافك يا سليمان بانجو
سليمان .. متقوليش الاسم دا علي لسانك
اشرقت .. اها ..

حاضر منتظرة تليفونك
ثم يغلق سليمان الخط بدون ان يقول لبنته كلمة مع السلامة وفجأة تلمح اشرقت خاتم فضة رجالي بجوار سرير علا وعندما تتفحصة تصاب بالصدمة … يا تري ايه اللي هيحصل ؟؟
هنعرف من البارت الجاي … تفاعلوا بعشر ملصقات ليصلكم باقى القصه
…. يتبع .
الفصل السابع بعد ما اشرقت لقيت الخاتم الفضة وفضلت تقلب فيه بأيديها انصدمت لما لقيت الخاتم منقوش عليه حرف s وعبارة ملك الليل وان الخاتم ده مش غريب عليها دا نفس الخاتم اللي كان في صباع ابوها سليمان . . طب ايه اللي جاب الخاتم ده هنا ؟!!

دا السؤال اللي حير اشرقت وهيخليها تدور علي اجابته وانتظرت لحد ما ابوها رن عليها حسب الاتفاق وطلب يقابلها جوة شركته وانها متقلش للسكرتيرة انها بنته وبالفعل راحت اشرقت الشركة انبهرت بمنظر الشركة والابهة اللي ابوها بقي فيها وهو كمان لما شافها اتعجب من لبسها الشيك اتغيرت خالص من اخر مرة كانت فيها عنده بعد ما خرجت من السجن
سليمان .. ههههه .. ايه الشياكة دي كلها ؟!! امال فلوس ايه اللي عايزاها مني؟!! ما شكل الدنيا مرتاحة معاكي والاشية معدن .. هو انتي رجعتي تشتغلي تاني ولا ايه ؟!!
اشرقت .

انا فعلا بشتغل بس مش الشغل اللي في دماغك
سليمان بسخرية .. امال شغل ايه اللي هيخليكي تلبسي لبس فخم بالشكل ده ؟!! وكمان يخليكي تجيبي عربية؟!! وكل ده في ثلاث شهور
اشرقت .. اشتغلت ابنه لاب حقيقي
سليمان .. نعم ياختي !!! يعني ايه اشتغلتي بنت لاب؟!!
اشرقت .. اب بمعني الكلمة فقد بنته في حا*دث مأساوي وكان كل يوم يروح يقعد علي قبرها ويبكي ومحمل نفسه الذنب وان هو سبب انه خسرها لحد ما الصدفه جمعتني بيه فشاف فيا بنته الله يرحمها وانا شفت فيه ابويا اللي طول عمري بدور عليه ..

عشان كدا انا اشتغلت عنده بنته . سليمان .. ميهمنيش اعرف بتشتغلي ايه .. خدي الفلوس اهه
اشرقت .. كام دول ؟؟
سليمان .. دول ١٠٠ الف جنيه
اشرقت .. ودول هيعملولي ايه ؟؟! هيعوضوني عن سنين الذل اللي عشتها معاك ولا عن السجن اللي دخلته بسببك ولا عن سمعتي وشرفي اللي ضاعوا ولا عن ايه بالظبط؟!!
سليمان .. هو ده اللي قدرت عليه .. صرفي نفسك بيهم وبعدين ماانتي بتقولي انك لقيتي اب مكاني وشكله مريش وبيصرف عليكي بالهبل … يبقي خلاص محتاجة مني ايه تاني؟!!
اشرقت ..

انت عاوز تقنعني ان العز اللي انت عايش فيه دا كله ومش معاك غير ١٠٠ الف جنيه بس ؟!!.
سليمان .. دي مش فلوسي .. دي فلوس المدام انا مجرد مدير اعمال بس
اشرقت .. اها .. طب انا عاوزة ٢ مليون جنيه
سليمان .. نعم يا روح امك !! اجيبهملك منين دول ؟!!
اشرقت .. معرفش .. هاتهم من مطرح ما تجيبهم
سليمان .. انتي شكل السجن اللي دخلتيه اثر علي مخك وخلاكي تهلفطي بكلام اهبل عبيط
اشرقت ..

عندك حق التلات سنين سجن اللي اخدتهم خلوني اعيد حساباتي في كل حاجة
سليمان .. والنبي لو شديتي في شعرك قدامي .. مفيش غير المبلغ ده ومش عاوز اشوف وشك تاني
اشرقت .. براحتك .. بس انت كدا هتخليني اروح للمدام واقلها علي كل حاجة واعرفها انت كنت بتشتغل ايه وانا كنت بشتغل ايه وان الواد الامور دا يبقي اخويا

سليمان بغضب شديد .. انتي بتهدديني
اشرقت .. لا مش بهددك انا بعرفك بس انا هعمل ايه .. الا بالحق ليك عندي امانه
سليمان .. امانه !!! امانة ايه ؟!!
اشرقت .. الخاتم ده كان واقع منك
سليمان يرتبك .. خاتم .. ودا جبتيه منين دا ؟!!
اشرقت .. من مطرح ما جبته بقي .. المهم انك لقيته .. واعتبرني ستر وغطا عليك
سليمان .. يعني ايه ؟!!
اشرقت .. يعني انت عارف الخاتم دا وقع منك فين وليه .. قدامك يومين تحضر الفلوس وتكلمني والا …

انت عارف الباقي
ثم تتركه وتنصرف
سليمان مخاطبا نفسه .. اه يا بنت الكلب ورحمة امك لارجعك السجن تاني وان وصلت هقت*لك يا اشرقت…يتبع الفصل الثامن والاخير

اصبح سليمان في قلق وتوتر شديد بعد ان اعطته ابنته الخاتم فعرف حينها انه قد افتضح امره واكتشفت ابنته السر الذي ظل يخفيه طوال الثلاث سنوات الماضية بل وبدأت تهدده بهذا السر وتبتذه لتحصل علي ما تريد من اموال ولابد من انهاء هذا الامر بأي طريقة فمن الممكن ان يقع تحت طائلة القانون في اي وقت اذا تحدثت ابنته بالحقيقة وخاصة وهي الان تقيم مع رجل اخر تقول انه يعاملها برفق ولين وسخاء وانه حل محله ليكون ابا لها مكانه فمن الممكن ويعتقد سليمان ان هذا الرجل هو نفسه والد الفتاه التي ق*لت اثناء الهجوم علي الڤيلا ومن الواضح جدا انه

حكي لها ما حدث لأبنته وبعثورها علي الخاتم تيقنت اشرقت ان الفاعل هو ابيها لأن الخاتم سقط منه اثناء الهجوم والاعتداء علي الفتاه ومن الممكن ان تخبر اشرقت هذا الرجل بأن ابيها هو القاتل انتقاما منه بسبب المعاملة السيئة وخاصة بعد خروجها من السجن وهو الان يتصل بأحد الاشخاص الذين كانوا معه ساعة الهجوم علي الفيلا ..

سليمان .. الو .. ازيك يا زاهر؟
زاهر ..زي الفل يا صحبي .. اخبارك ؟!
سليمان .. اخباري مش ولا بد
زاهر .. خير في ايه ؟!!
سليمان .. فاكر الخاتم اللي وقع مني لما هجمنا علي الفيلا بتاعة انور ؟
زاهر .. وانت ايه اللي فكرك بالموضوع دا دلوقتي ؟!
سليمان .. اللي فاكرني الخاتم لأنه رجعلي دلوقتي ؟!!
زاهر .. رجعلك !! رجعلك ازاي ؟!
سليمان .. اشرقت بنتي جايباهولي وبتلقح بالكلام وتقلي ليك عندي امانه .. شوف وقعت فين وليه واعتبرني ستر وغطا
زاهر ..

وايه اللي وصل الخاتم لإيديها !! انت مش وقع منك في قلب الفيلا ؟!!
سليمان .. البنت شكلها اتلمت ع الراجل ابو المرحومة وكلت بعقلة حلاوة عشان ملبسها ومشيكها وجايبلاها عربية كمان وقال بتقلي معتبرني زي بنته !! بقي انور الهلاث هيعتبر اشرقت بتاعة الدعارة خريجة السجون بنته !!
زاهر .. اه يا بنت اللذين عرفت تلف ع الراجل وتسحب فلوسة
سليمان .. لا وكل ده ومش مكفيها وعايزة مني ٢ مليون جنيه!!
زاهر .. بتوع ايه دول؟!
سليمان .. قال تعويض عن مستقبلها اللي راح!!
؟!!
زاهر .. خلاص ادفعلها
سليمان ..

انت اتخبطت في نافوخك !! انا ادفع للمعفنه دي ٢ مليون جنية؟!! زاهر .. بتوع ايه دول؟!
سليمان .. قال تعويض عن مستقبلها اللي راح!!
؟!!