انور .. باين في صوتك … ايه مش ناوية تحضري الفطار ؟
اشرقت .. عنيا بس هو فين المطبخ ؟
انور .. علي ايدك اليمين .. علي فكرة حلو اوي الروب الازرق عليكي
اشرقت تتعجب .. وانت عرفت منين اني لابسة روب ازرق !! هو انت مش لا مؤاخذة اعمي ؟!!
تكملة القصة بعد التفاعل والمشاركة اشرقت هتعرف سر خطير ويا تري ايه اللي هيحصل بعدا ؟؟ تابعوني.. الفصل السادس
انور .. اكيد اعمي !!! الا لما مكنتش عوزت واحدة تساعدني وتشوف طلباتي
اشرقت .. امال عرفت ازاي اني لابسة الروب الازرق ؟!!
انور ..من ريحته .. بنتي الله يرحمها كانت دايما تحب تلبسة مع ان عندها حاجات كتير بس دا كان المفضل عندها لانه هدية من مامتها الله يرحمها وعلطول كانت بتحط برفان مميز جدا عشان كدا اول ما سميت ريحته عرفت انك لابساه علطول
اشرقت .. ممكن اسالك سؤال ؟
انور .. بنتي اتق*لت ازاي ؟!!
اشرقت .. غريبة !! عرفت ازاي اني عايزة اسألك السؤال ده ؟!!
انور .. لأنك اكيد شفتي التي شيرت الابيض اللي في دولاب علا اللي عليه اثار دم لانه كان جمب الروب اللي انتي لابساه علطول ..صح ؟
اشرقت .. صح
انور .. بصي ياستي انا كنت راجل هلاث مفيش حاجة معملتهاش تاجرت في كل حاجة وحشة تخطر علي بالك حتي النسوان تاجرت فيها ..
كنت عايش في ضياع وناسي ان في رب شايف ومطلع علي كل شئ وانه قادر يعاقبني علي افعالي في الدنيا قبل الاخرة وفعلا ربنا حب يعاقبني علي افعالي القذرة فعاقبني في بنتي الوحيدة اللي طلعت بيها من الدنيا .. في ليلة كنت بايت برة البيت وقام هجم علي الفيلا حرامية مع انهم مسرقوش حاجة !! بس الجيران شافوهم هما تلاتة ملثمين نطوا من سور الفيلا ودخلوا من باب المطبخ وشكل بنتي والخدامة اللي في الفيلا شافوهم فقاموا قاتلينهم بكل وحشية وقاموا هاربين ولحد الان محدش يعرف هما مين ولا كانوا عايزين ايه ..
اشرقت ..
طب وحضرتك بقيت كدا ازاي ؟!!
انور .. قصدك بقيت اعمي ازاي ؟؟ انا من ساعة ما راحت بنتي وانا تايه وتعبان مش حاسس بطعم اي حاجة كل يوم كنت اروح اقعد علي قبرها وافضل ابكي واقول انا السبب انا ربنا عاقبني فيكي يا بنتي وفي مرة كنت سايق وانا بعيط ومش شايف قدامي فجأة لبست في عمود نور وفقت لقيت نفسي اعمي .. زعلت جدا
اشرقت .. عشان بقيت كدا ؟!!
انور .. لا .. عشان ممتش كان نفسي امو*ت وارتاح من العذاب اللي انا فيه .. كان نفسي انام جمب بنتي اللي انت ق*لتها بظلمي وجبروتي لكن للأسف عقابي في الدنيا لسة مانتهاش
اشرقت تدمع عيناها تتعجب .. اب يكاد يمو*ت علي فقده لابنه وابيها الذي ضيع مستقبلها واحلامها بيده يتبرأ منها .. اشرقت تقترب من انور وتجلس بجوارة وتقول له
اشرقت .. ممكن زي بنتك؟
انور ..
انا اعتبرتك فعلا زي بنتي بدليل اني وافقت تقعدي معايا هنا مع اني معرفش عنك حاجة بس اول ما شفتك ارتحتلك وحسيت ناحيتك بالعطف والحنان وحاسس انك انظلمتي كتير وتعبتي في حياتك كتير ودا واضح جدا من سكاتك الدايم وصوتك الحزين
اشرقت تبكي وتسقط دمعه علي يد انور
انور .. انتي بتعيطي يا بنتي ؟!! تعالي في حصني انا زي والدك .. تعالي يا اشرقت
اشرقت ترتمي في حض*نه ولاول مره تشعر بمعني الحض*ن النقي الخالي من الاغراض الدنيئة
انور .. طول ما انا عايش اعتبريني والدك ومش عاوزك تعيطي ابدا ..
واي حاجة تعوزيها اطلبيها مفيش حاجة في الدنيا يا بنتي تستاهل دمعه من عين بنت رقيقة زيك
اشرقت .. شكرا لحضرتك
انور ..ربنا يسعد قلبك ويكفيكي شر ولاد الحرام .. ايه مش هنفطر بقي ؟!! انا جعان واكيد انتي جعانه
اشرقت تبتسم .. حاضر .. دقايق والفطار هيكون جاهز
وتمر الايام واشرقت تشعر كأنها في منزلها وان انور والدها تماما كان يعاملها كأنها ابنته وكان لا يحرمها من اي شئ .. اشتري لها سيارة فخمة وعادت لتكمل دراستها بالجامعة ..
ادركت ان الله عوضها خيرا لدرجة انها نست ان تتصل بأبيها ولكن تذكرت انها يجب ان تتصل به مع انها اصبحت لا تريد منه شيئا ولكن ارادت ان تعكنن عليه وتنغص عليه حياته فالرجل الغريب احن عليها منه هو التي هي من صلبه فاتصلت به
اشرقت .. ايوه يا بابا انا اشرقت
سليمان .. اشرقت !! نعم عايزة ايه ؟!!
اشرقت .. عايزة ايه ؟!! بدال ما تقلي عاملة ايه وعايشة ازاي؟!!
سليمان .. عايزة ايه يا اشرقت انا مش فاضي