رعد بقى يبصلها باعجاب وقال..على فكره القلب ولع نار ..وانا ما عنديش قطع غيار كيان ضحكت جامد وقالت.. روح استحمى علشان النار تطفى يا خفيف رعد ابتسم وقال …ماشي على راحتك لسه الأيام بنا ودخل علشان يستحمى كيان جالها اتصال ردت وقالت بسعاده الو مين جالها صوت واحد ما تعرفوش وقال الحقينا يا هانم..والد حضرتك مغمى عليه في الاوضه بتاعه الخدم ومش بيفوق ابدا كيان اتسعت عنيها بزهول وما فكرتش ابدا مين الي بيتصل عليها ونزلت جري من غير ما تتكلم ولا تقول حاجه لرعد وجريت على اوضه الخدم
بعد شويه رعد خرج من الحمام بينشف شعره استغرب لما بص يمين وشمال ما لقيهاش في الاوضه قال …كيان.. كيان انتي فين استغرب قوي ولسه هيطلع من الاوضه دخل من البلكون شخص متلثم رعد بصلو باستغراب وقال ..انت مين الشخص كشف عن وشه وقال بسخريه..لحقته تنساني ده انا لسه نازل من شويه رعد استغرب وقال بغضب ..عايز ايه تاني يا عاصم وازاي طلعت هنا …ازاي وصلت لهنا اصلا عاصم بصله بنظره مخيفه وقال …في حاجه نسيتها جيت اخدها معايا وهمشي
رعد قال باستغراب شديد ..حلجة ايه دي ان شاء الله عاصم طلع السلا*ح بتاعه ووجهه عليه وقال بغضب روحك يا ابن البواب عند كيان كانت في اوضه باباها ومستغربه جدا انه كويس واقف على حيله قالت بذهول بابا مين اللي اتصل عليا وقالي انزل ابوها قال بارتباك ده انا يا بنتي قلت لهم يقولولك كده لاني عايزه اشوفك مجتيش تشوفيني يا كيان وهو مش هيخليكي تنزلي لي كيان قالت بغضب ودموع…ياترى هو ملوش حق يا بابا بعد اللي عملته
ابوها ارتبك جدا وقال.. اوعي تصدقي الولد ده ده كداب جدا وبيكرهنا ويحقد علينا.. كيان ابتسمت بسخريه وقالت …وواضح من شكلك.. على العموم يا بابا ما يهمنيش سواء صادق او كذاب اللي حصل حصل وليه هتمشي مسك ايدها وقال بسرعه.. يا بنتي يا حبيبتي انا ابوكي انت لازم تصدقيني انا يا كيان مش هو انا ما عملتش حاجه من اللي قال عليها امه هي اللي كانت بتعرض نفسها عليا صدقيني كيان ضحكه بسخريه و نزلت دموعها وقالت..وانت عرفت ازاي يا بابا ان الموضوع يخص امه
ابوها قال بارتباك …ها ..اه..اصله قبل كده قال لي نفس الحكايه دي كيان قالت بدموع …بس على فكره اللي عملته حرام اوي با بابا يا ريتني كنت مت ولا عرفت ان انت ظالم للدرجه دي وممكن تعمل كده ابوها قال بغضب… انا عملت كل ده ليه مش علشانك ده راجل كان طمعان فينا ولمجرد انه كان ساعدني شويه اما مكانش معايا فلوس واشتغل معايا فتره كان عايز يعمل نفسه شريك معايا في كل حاجه مش كفايه اني خليته بواب هنا وشغلته هو ومراته عايزين يطمعوا فينا وكل شويه يقولوا لي اعمل حاجه..انا قولت اطفشها بس مقصدتش اللي جيه في باله
كيان نزلت دموعها بغزاره وقالت… يعني عملت كده فعلا يا بابا ياخساره يا بابا ما كنتش متوقعه انك كده ابدا ولسه هتطلع مسك ايدها وقال تتوقعي ولا ما تتوقعيش اللي حصل حصل.. المهم دلوقتي عاصم طلع احسن منك وهيقف معايا هنخلص عليه ما تطلعيش دلوقتي اول ما يم-وت هنرجع زي الاول كيان اتسعت عنيها بزهول و قالت … انت بتقول ايه ابوها قال بسرعه… زي ما سمعتي هو عندو دلوقتي وهيقت-له والموضوع ده هبنتهي ولا مين شاف ولا مين دري
كيان صرخت بكل قوتها وجريت بسرعه وهو حاول يوقفها بس دفعتو وجريت وهيه طالعه جري على السلم سمع صوت رصاص عالي اتجمدت مكانها كانت هتقه من طولها صرخت باسم رعد وطلعت على الاوضه وهي بتجري بالعافيه ورجليها مش شايلاها اول ما فتحت البابوقعت من طولها على الارض من شده الصدمه ودموعها بتنزل بغزاره رعد جري عليها وقال … كيان مالك يا حبيبتي انا هفهمك اللي حصل كيان اهدي ارجوكي
كيان كانت بتبص للأوضه وكان عاصم واقع على الارض بيتالم ومضروب رصاصه في رجله بقت دموعها تنزل بغزاره واترمت بين ادين رعد وبقت تبكي جامد وتقول ببكا الحمد لله انك بخير يا قلبي .. كنت هروح فيها يا رعد وبقت وتبكي جامد عاصم كان بيتالم مش معاهم ورعد كان مبسوط جدا بلهفتها عليه وقال.. اهدي يا قلبي اهدي انا معاكي محدش يقدر ياذينا ابدا محدش هيفرقنا غير ربنا وبقى يطبطب عليها وقومها وقعدها على السرير بالراحه ..واتصل على واحد من الحرس طلعولو و اخذوا عاصم
رعد وقف معاهم وقال هتاخدوها على المستشفى وتكلموا البوليس على هناك واهم حاجه الراجل اللي تحت ميتحركش لحد ما البوليس يجي قال كده وقفل الباب وقعد جمب كيان وقال بدموع.. انت احسن دلوقتي كيان قالت وهي بتبكي وبتشهق.. لا مخضوضه قوي عليك قوي ..قاللي هيقت-لوك كنت همو-ت معرفش ازاي وصلت لهنا رعد وقال سامحيني المره دي مش هقدر اتساهل معاه تاني.. كفايه كده بس لو هتطلبي مني علشانك برده ممكن كيان قالت بدموع.. مش هطلب منك حاجه ده كان لازم يحصل من زمان يمكن لو اخذ فتره في السجن كان عرف يعني ايه ان الانسان يتوجع بالطريقه دي