اسكريبت #أرهقنى_حب_طفلة ……/اتفضلى ادخلى عشق بتوتر وسرحان /هاااا…بتقول اى ……/ بقول ادخلى يا عروسة ضحكت بسخرية من جوايا قال عروسة والنهاردة كان فرحى المفروض بيبقا اجمل يوم فى حياة اى بنت وانا بالنسبالى أسوأ يوم مر عليا فى حياتى وأكيد مفيش أصعب وأسوأ من انك تكون مجبور بحاجة ويسلام بقا لما الحاجة دى تكون بدمر حاضرك ومستقبلك ومغصوب تتعايش معاها طول حياتك ودا ملخص الجوازة ال اتجبرت عليها لمصالح بين والدى والشخص ال المفروض بقا جوزى ههههه وانا حتى معرفش اسمه فوقنى من سرحانى صوته بعد ما دخلت
……./زين عشق /هاااا زين /اسمى زين عشق بغضب/بص بقا يا… قاطعها زين /غيرى الفستان وبعدين ارجعى نتكلم معرفش ليه سمعت كلامه ودخلت ممكن نبرة صوته العميقة ولا لانى فعلا مش طايقة الفستان المهم دخلت وغيرت الفستان وقررت ابقا قوية ولو لمرة فى حياتى…قررت اواجه طول عمرى شخصيتى ضعيفة بس معنديش حاجه اخسرها تانى وخرجت لقيته قاعد ببرود روحت قايلة بعصبية
عشق /بص بقا يابن الناس انت عارف كويس ان الجوازة دى غصب عنى وان مش موافقة وانا وافقت عشان بابا هددنى هيجوزك اختى الصغيرة وانا مستحيل اضحى بيها عشان سعادتى وانك اصلا متجوزنى عشان مصالحك مع بابا بس انا مش هقدر اكون زوجة او اى حاجة يعني متتوقعش منى اضحى بأكتر من كدة لقيته قاطعنى ببرود ورفع عنيه /خلصتى عشق /هااا زين بسخرية /بقول خلصتى ولا لسة عندك كلام عشق بغضب /اه انت اصلا لو كنت راجل مكونتش وافقت تتجوزنى وانت متأكد ان مش موافقة و….
لسة هكمل ويارتنى ما نطقت ملامح وشه اتحولت للغضب ولقيته فى وشي وعينه بطلع شرار اتمنيت الارض تبلعنى من الخوف منه وبقيت بترعش وهو حاصرنى فى الحيطة ولسانى من الخوف مقدرتش انطق…. زين بغضب وحدة /أقسم بالله لو غلطتى تانى فى كلامك معايا لتكون ردة فعلى مش هتعجبك ابدا…. انا لو مش راجل مكونتش انقذتك من المستنقع ال انت عايشة فيه ومن والدك ال مستعد يبيعك لواحد اكبر منه عشان الفلوس…. هسامحك المرادى وهقدر حالتك لكن لو صوتك على عليا تانى او غلطتى فيا هوريكى وش تانى فاهمة…..
صمت من عشق ودموعها نزلت من الخوف منه ومن غضبه زين بحدة /فااااااهمة اومأت عشق بخوف ودموعها نزلت وزين لعن فى نفسه بسبب الرعب ال سببهولها وبعد عنها وهى جرت من قدامه و قالت بدموع /انا بكرهك…. بكرهك زين قرب منها ببطئ وهى بتبعد وض-ربات قلبها بتنبض بخوف مسكها من ايدها وقربها منه وتخالطت انفاسهم وقال بتهديد وبخبث/لو سمعت الكلمة دى تانى منك هعمل حاجات هتخليكى تكرهينى بجد عشق بتبكى بصمت وقهر ودموعها نازلة زين /ودموعك دى مش عايزة اشوفها
وبعد عنها وقال /هتنامى فى الغرفة الكبيرة وانا هنام فى التانية وبعد 6 شهور هطلقك عشان كلام الناس ووقتها هديكى شقة تفضلى فيها بعيد عن والدك وسبها ودخل غرفته وهى جرت على غرفتها بدموع وظلت تبكى بحرقة وراحت فى النوم وهى بتبكى زين فى غرفته جالس بغضب وقام ض-رب الحيطة بغضب لدرجة ايده نزفت دم وقال بغضب /غبى…. غبى….. متقدرش تسيطر على نفسك وغضبك… رعبتها وخليتها تكرهك اگتر عقله /كان لازم اعمل كدة عشان غلطت فيا
قلبه /ياسلام.. مرتاح انت كدة وانت شايف دموعها ولا وانت متأكد انها بتبكى دلوقتي بسببك ولا مبسوط وانت شايف نظرات الخوف منها ليك عقله /مش عارف بقا انا ال عامينى وقتها انها قالت انى مش راجل ونظرة الكره ال فى عنيها متعرفش انا عملت عشانها اى قلبه /شوف بقا هتنام ازاى وهتستحمل كرهها ليك ودموعها بسببك نفسه /يوووووه اسكتوا بقا انا تعبت وحاول ينام على أمل يوقف تفكير فيها لكن مقدرش لقى نفسه بيتوجه تدريجيا لغرفتها ودخل لقاها نايمة وأثر الدموع على خدها…. مسح دموعها بإيده بألم وقال بهمس /آسف طفلتى
غطاها كويس وفضل متابعها وواخدها فى حضنه ونام بعمق…… ــــــــــــــــــــ تانى يوم زين صحى قبل عشق وخرج من الغرفة قبل ما تفوق….. عشق صحت من النوم وبتبص حواليها بتشتت وافتكرت كل حاجه وابتسمت بسخرية وألم
عشق فى نفسها……. انا هعمل اى دلوقتى ياربى بس…. الكائن ال برا دا مخيف ومش عايزة أشوفه….. وحسست على بطنها.. وانا جعانة جدا… اكيد يعنى مش همو-ت نفسى من الجوع اى طريقة للم-وت ماعدا الاكل مستحملش…. فكرى يا عشق… فكرى…….. هىى هىىىى لقيتها انا أخرج اتسحب وهو اكيد لسة نايم واجيب اكل وارجع تاني ولا اكنى عملت حاجة واكل واخبى الاكل واعمل نفسى مض-ربة عن الاكل….. ههههههههه اشطااا عليكى يا بت يا عشق وربنا انت دماغ…يسلم تفكيرك. انت بس محتاجة مافيا تتبناكى…
المهم فتحت بابا الغرفة براحة واتسحبت بإتجاه المطبخ بمساعدة مهارات المفتش كرنبوا ال بتابعه ووصلت للمطبخ أخيرا ولا أجدعها حرامى غسيل وابتسمت بانتصار وفتحت التلاجة براحة وجبت شوية اكل وقولت اخد قطمة اصبر نفسى عما ارجع الاوضة وفجأة سمعت صوت اترعبت وبصيت ورايا وانا برمش بخوف واللقمة فى بوقى ومنظرى مسخرة زين وبيحاول يمسك نفسه وميضحكش /بتعملى اى بلعت اللقمة بصعوبة وقولت بتوتر واحراج /انا….. انا مش بعمل حاجة زين بعبث /مش بتسرقى اكلى يعنى
عشق بشهقة /انا….. لا ابدا دى بطنى ال سرقت مش انا زين ضحك بصوت عالى عليها ومنظرها وتعبيراتها وعشق تاهت فى ضحكته اول مرة تشوفه بيضحك وقررت تتسحب وتخرج ولسة بتمشى خطوة لقت زين وقف ضحك وقال /بتهربى فين…؟ عشق بتوتر /انا مش بهرب انا هروح غرفتى بص اكلك اهو انا مأخدتش حاجة ولسة همشى زين /استنى عشق بخوف /نعم زين وشاور على الطاولة /اقعدى عشق بخوف /لا انا هرجع غرفتى زين بصيغة أمر /قولت اقعدى
عشق قعدت بغيظ وجواها خوف منه واتفاجأت لما لقت زين جاب اكل جاهز كان متغطى وحطه ع الطاولة زين /كلى يلاا عشق بتوتر /لا مش جعانة زين بسخرية /وبطنك ال كانت بتسرق مش جعانة…. كلى يا عشق متعصبنيش عشق على مضض قالت بهمس رخم سئيل زين /بتقولى حاجة عشق /لا ابدا هاكل اهوو وبعد ما خلصوا أكل عشق كانت هتقوم بسرعة زين /استنى عشق /اى تانى مش أكلت سبنى فى حالى بقا يا أخى زين بحدة /قولتلك صوتك ميعلاش عليا
عشق الدموع جرت فى عيونها /آسفة زين بغضب وهو بيضر-ب الطاولة /يوووه كل حاجة دموع….دموع…انا عملت فيكى حاجة عشق بتبكى أكتر زين وبيحاول يهدا /خلاص اهدى انا آسف ياستى بطلى عياط عشق بتمسح دموعها زى الاطفال بايديها الاتنين وزين اتنهد ع الطفلة ال معاها زين بهدوء /بصى مش هتفضلى على طول محبوسة فى الاوضة وبتهربى منى كأنى هاكلك واحنا هنفضل مع بعض شهور يبقا تبطلى حركات العيال دى وخلينا صحاب لحد ما تنتهى 6 شهور
عشق /لا انت بتزعقلى وبخاف منك زين /مش هزعقلك بس مضايقنيش حاجة تانية عشق /اوعدنى انك هتطلقنى بعد 6 شهور زى مقولت زين ىتنهيدة طويلة /أوعدك عشق بفرح/اشطااا كدة نبقا صحاب زين بفقد للامل /طفلة وربنا عشق /انا مش طفلة يا أستاذ انا عندى 22 سنة زين بسخرية /اه انا عارف متاخديش على كلامى
ـــــــــــــــــــــــــ مر اكتر من تلات شهور زين وعشق بيتعاملوا كأصحاب وعشق بدأت تحس ان زين مش وحش زى ما هى مفكرة…وان القسوة والبرود ال بيظهرهم معظم الوقت ما هما الا قناع مزيف.. لكن دائما كانت بتسأل نفسها هو اتجوزنى ليه…..؟واستفاد اى طالما مش مصالح للشغل وليه دائما بتشوف نظرات غريبة منه مش قادرة تفسرها هى اى بالظبط……… وفى يوم ع الغدا عشق /زين زين /نعم عشق /ممكن أسألك سؤال وتجاوبنى بصراحة زين باستغراب /اسألى عشق /انت اتجوزتنى ليه…..؟
زين../بتسألى ليه….؟ عشق /اصل يعنى انت مش شخص وحش يبقا ليه اتجوزتنى وانت عارف انى مجبورة وكمان طالما مفيش مصالح بينك وبين بابا يبقا ليه….؟واى السببب…..؟ زين ببرود /مش مهم السبب ومتفتحيش الموضوع تانى عشق /بسس زين /مفيش بس يا عشق عشق بغيظ /طب سؤال تانى زين /اشجينى عشق /انت عندك انفصام فى الشخصية زين وهو بيرفع حاجب /نعمممم يا ختى عشق /قول قول متتكسفش ياراجل هندور على دكتور وهتتحسن وهقبل بيك على اى حال
زين بضحك /انت بتقولى اى يا حجة عشق بفقد للامل/وربنا معايا حق شوف نفسك شوية تبقا بارد وشوية حنين…شوية تبقا قاسى ومحدش يطيقك وشوية تبقا كيوت و… زين وهو بيقرب منها وحاصرها فى الحيطة وهى اتوتر سكتت/هااا واى كمان عشق بتوتر /ولا حاجة انا قولت حاجة هتتبلى عليا زين /ومحدش يطيقك دى اى بدلعينى عشق /لا ما انا قولت بعدها كيوت زين /اعمل فيكى اى بس منظرى اى وانت بتقولى عليا كيوت وبيقرب بخبث عشق بسرعة /عااااااااااا صرصار
زين بسرعة وهو بيبعد /فين عشق وهى بتجرى وبتضحك /لا دانا كنت بتخيل وطلعت تجرى على غرفتها بسرعة ــــــــــــــــــــــــــــــــــــــــــــ عدت الايام بسرعة ودائما كنت بسأل نفسى ليه اتجوزنى وليه فى حزن فى عيونه وفى نظرات مش مفهومة لحد ما فى يوم صحيت بليل قبل الفجر اشرب وخرجت من غرفتى…..سمعت صوت من غرفة زين ولقيت نفسى من غير ماحس بتجه ليها وصدمت لما شوفته بيصلى وبيدعى ودموعه نازلة…اول مرة اشوفه بيبكى وحسيت بألم بقلبى معرفش ليه…
زادت صدمتى لما سمعته بيقول …….ياااارب ساعدنى انت اعلم بيا وبحالى وبالنار ال جوايا….انا عملت كل حاجة…عشان انقذها من والدها ومن جبروته بعد ما كان عايز يبيعها لواحد اكبر منه ويقبض تمنها..مستحملتش ولغيت سفرى وشغلى برا ووجيت من السفر جرى عشان الحقها قبل ما تضيع…يارب هى متعرفشش انى بحبها من 5 سنين وكنت مستنى الوقت المناسب…متعرفش انا بتألم ازاى وهى مجبورة تكون معايا وجنبى وقد اى بتعذب وانا بشوف دموعها وانا السببب فيها….والنار ال جوايا لما وعدتها انى هطلقها وانا مقدرش ابعد عنها يارب ساعد قلبى يستحمل بعدها
محستش بنفسي غير ودموعي نازلة شالات معقولة زين بيحبنى لدرجة دى وانا كنت عامية وغبية ومشوفتش حبه وهضيعه من ايدى….رجعت غرفتى وانا اخدت قرارى بكرة لازم اقوله انى مش عايزه اخسره وانه خلانى أحبه…. فى صباح اليوم التالى صحيت وجهزت الفطار وكانت السعادة والابتسامة مالية وشى عشان اتاكدت ان بحب زين واتفاجأ لما لقيته قدامى بيبتسم بحزن عشق /زين انت كويس لقيته حضنى جامد قوى وكأنى ههرب وحسيت بدموعه على كتفى وسمعت اكتر كلمة مكنتش اتمنى أسمعها
زين /انت طالق …. #يــتـــبــع #أرهقنى_حب_طفلة #الـجـزء_الاول #أمــنــيــــة_محـمـداسكريبت #أرهقنى_حب_طفلة #الـجـزء_التانى_والاخير #أمــنــيــــة_محـمـد زين بدموع/انت طالق محستش بنفسي غير ودموعي نازلة شالات ومش مستوعبة زين طلقنى فعلا.. لقيت زين بعد عنى ولف بضهره وبيهرب من انه يشوفنى وقال بدموع /سألتينى اتجوزتك ليه….؟ عشان بحبك وطلقتك عشان بحبك وميهمنيش غير سعادتك حتى لو كانت فى بعدك عنى… انا وعدتك ونفذت وعدى
وسابنى ومشا وانا من الصدمة متكلمتش بعيط وبس ومش مستوعبة ال حصل مش مستوعبة ان زين طلقنى ههههه وبعدها اعترف بحبه وانا السبب انا ال خسرته بغبائى وبوعد سخيف… رميت الكوبيات ال جنبى وكسرتها بغضب وانا بعيط وافتكرت ان النهارده اخر يوم فى 6شهور ال اتفقنا عليهم…. حسيت بألم بقلبى جامد وشعور قاتل لما سمعت الكلمة منه وقولت بغضب وانا برمى الفطار بغضب /
غبى………غبيييييييي……كنت اصبر….. كنت اعترف بحبك ليا الاول وبعدين شوف انا عايزة اى……مشوفتش حبى ليك ولا كنت اعمى زى ما كنت عامية ومشوفتش حبك ليا……بالسهولة دى بتقولها وبطلقنى وانا متأكد انك بتمو-ت من جواك…..ومفكر انى مش بحبك….انا عرفت معاك ازاى اعيش بعد ما كانت حياتى ملهاش معنى. انا طلبت منك الطلاق بس قبل ما اعرفك وقبل ما احبك…قبل ما قلبى فتح ابوابه ليك…قولتها وانا مكنتش عايزة اسمعها مسحت دموعى بسرعة….
لا يا زين مش هسمحلك تبعد عنى وتسبنى بعد ما حبيتك…..استنى بس شوف انا هعمل فيك ايه…عشان بطلقنى بالسهولة دى ان ما خليتك تندم انك نطقتها وقلبك طاوعك تقولها…كنت امسك فيا عشان حبك….كنت حاول تانى ومتستلمش بالسهولة دى…..استنا وشوف انا هعمل فيك ايه…..ان ما جننتك مبقاش انا عشق. ….. ـــــــــــــــــــــــــــــــــــــــــــ
رجعت البيت متأخر وانا بم-وت من جوايا وقلبى بيتقطع بعد ما طلقتها…معرفش قولتها ازاى بس ال كنت بفكر فيه..ان مستحيل اجبرها تفضل معايا وكل ال يهمنى سعادتها…….حتى لو سعادتها من غيرى ومبنية على حزنى…وافتكرت دموعها لما طلقتها مش عارف ليه شوفت الصدمة فى عيونها مع انها دا ال عايزاه وليه بتبكى معقولة فرحت اووووى كدة لدرجة بتبكى لما طلقتها….انا هتجنن من التفكير….ولقيت نفسى بتجه لغرفتها اطمن عليها ولو لاخر مرة…اطمن على قلبى ال بحوزتها…دخلت الغرفة براحة وصدمت لما لقيتها مش موجودة…وتساءولات كتير بدأت تحاسرنى وقلبى بينبض بخوف طلعت اجرى فى الشقة ادور عليها ومش لايقيها….راحت فين….؟….مستحيل ترجع لبوها….اتجهت لغرفتى وفتحت الباب
وصدمت ودقات قلبى ذادت…. لقيتها فى غرفتى… بتعمل اى….؟ وال صدمنى اكتر لبسها…. من اول جوازنا كانت بتلبس ترنجات زى بتاعت الاطفال بالظبط ودلوقتى لابسة فستان ووسايبة شعرها ال يجنن وشكلها يخطف الانفاس…كنت عايز اخبيها فى حضنى…بس بعد اى … بلعت ريقى بتوتر وحاولت أسيطر على مشاعرى زين بتوتر وبيحاول يتجنب النظر ليها /انت اى ال لابساه دا….وبتعملى اى فى غرفتى عشق وقفت قدامه وبصت فى عنيه /انا فى غرفة جوزى عندك مانع زين /نعم… احنا مش اط…
عشق /وفى شهور عدة المفروض اقضيها فى بيتك وطول شهور العدة هنام هنا زين بصدمة /ثوانى بس افهم… هنا ال هو ازاى عشق /هنا… يعنى هنام معاك فى نفس الغرفة زين بصدمة اكتر /لا معلش فهمينى… انت قصدك هتنامى هنا وبلبسك دا… بصى صلى ع النبى واغذى الشيطان وارجعى غرفتك عشق بتصتنع الحزن / ليه هو انا لبسى وحش…. وشكلى وحش… زين بسرعة /ما هى دى المشكلة.. ان لبسك وشكلك.يجنن…. بصى من الاخر لبسك دا هيخلينى اعمل حاجات وحشة… فارجعى اوضتك احسن يا شاطرة
عشق بدلع /توء توء هنام هنا وبعدين دى مشكلتك انك مش واثق فى نفسك مش مشكلتى زين بصدمة من اسلوبها ال اتحول /انت مين يا بت.. فين عشق…؟ عشق بضحكة /سلامتك يا حبيبى انا اهو قدامك . زين تاه فى ضحكتها ومنتبهش لكلامها وقرب منها زين بسرحان /ضحكتك حلوه اوووى وقرب منها واخطلطت انفاسهم عشق بتوتر وخجل من قربه/زيين فاق لنفسه وبعد بسرعة زين بتوتر /أ نـ ا…. انـ ا…. يووووه بصى انا هخرج انام برا احسن
وخرج جرى بعيد عنها عشق بخجل وخبث /هههههههههه ههههههه منظرك مسخرة ههههه صبرك عليا انت لسة شوفت حاجة ان ما خليتك تلف حاولين نفسك وكدة خطوة شوقنى ولا تدوق خلصت… نتجه بقا للخطوة التانية… تمثيل وجنان نهائى ههههه ــــــــــــــــــــ فى صباح اليوم التالى زين صحا بدرى ومعرفش ينام طول الليل من ال عملته عشق ومش مستوعب هى دى الطفلة ال اتجوزها واى حصلها… ولى بتعمل كدة… دخلت المطبخ اشرب صدمت اكتر… عشق رجعت لشكلها الطبيعى…. ولبسها الطفولى.. بصتلها بصدمة هو فى اى
عشق /زين لا رد عشق /زيييييييين…….. زييييييين زين /اى فى اى….؟ عشق /مفيش انت متنح كدة ليه وليه نمت ع الكنبة… زين /ما انت السبب عشق بصدمة /انا… وانا مالى انا اصلا مشفتاكش من بعد ما مشيت امبارح