صعيدى علمني الادب بقلم حنين عادل

بدر: ليه كده يا روح ليه ..
شاكر بعصبيه : مش خابر بتك عاوزة ايه من ولدي ليه مصممه تخليه يتعصب ويتضايق رايحه لاكتر حاجه بيحبها يونس وتعانده فيها يبقي تشرب االلي هايحوصل فيها..
بدر: قاصدك ايه يعني ؟!
شاكر: مـ,,ــاتستعجلش عاتعرف بعد شوي .
بدر: طب انا رايح له عشان اهديه
شاكر بحزم: لاه اطلع منها انت كفايه اللي حوصل .
بدر: بس
شاكر: مابسش ..انا اخوك الكبير واعرف عنك ..
……………………
عند الاسطبل ..
روح بضحك: ايه ده انت بتعيط يا مصطفي ؟!
مصطفي:

انا كان مالي ومال كده يا ربي ما تخافيش ياخيتي شويه وانتي كمان هاتبكي يونس هايمــ,,ـوتنا قلتلك دي اكتر حاجه بيعشــ,,ـقها يونس الخيل ده بيحبها اكتر مني انا.. حرااام عليكي ..
روح: يونس ده بوق وكل شويه هاجتلك هاجتلك وحتي مابيعرفش ينشن بالسلاح ..
مصطفي: ماعايعرفش ينشن انتي بتقولي ايه ؟!
روح: ايوه ماعايعرفش ينشن مستنياه عشان اشوف ردة فعله طب تصدق بتبسط لما يضايق
مصطفي: يلا ياروح فاته عرف يلا ننفدوا بجلدنا يلا
روح: نوو واي انا مستنياه .
صوت رجل خيل ..
مصطفي جري حوالين نفسه ..
مصطفي:

يونس جه استلقي وعدك بقا ..
وطلع يجري يستخبي ..
روح: يلا يا جبان اتشجعي ما تخافيش يا روح هايعمل ايه هايجري وراكي ويقعد يقولك ها.ك ها.ك ما تخافيش ومش هيعرف ينشن لانه مجرم فاشل..
طاااخ ..صوت ضرــ,,ـب ناــ,,ـر..
روح: عاااااااا…
الط.لقه بعدت عن رجليها سنتي واحد ..
بينزل يونس من علي الفرس وبيحط المسدس في جيبه
روح حاولت تقف بثبات قدامه..
يونس بعصبيه : ايه اللي هببتيه ده وليه ؟!
روح:

اللي هببته ده عشان عرفت انك بتحب الخيول وليه عشان اعصبك واحرــ,,ـق دمك يا نمر واظن نجحت وبقيت ح.ريقه اهو
يونس: انا حاولت كتير الجم نفسي عنك بس مافيش فايدة واخداها معايا عند وانا بعديلك عشان ست بس انتي تستاهلي وتستحقي اللي هايحصل معاكي ده ..
روح بتوتر: قصدك ايه..
بيقرب منها وبيجي جمب ودنها : ده ..
روح: ده ايه ؟!!
بيركب الخيل بتاعه ..
روح بتبص علي ايدها بتلاقيهم مربوطين في حبل والحبل مربوط في الحصان …
روح بخوف:

بااااااباااااا عااااااااا يونس ما تهزرش فوكني ده انا ست وما ينفعش كده يا مصطفاااااا الحقنيييي طب اي حد..
يونس: توك عرفتي انك ست ومن امتي بهزر معاكي ؟!
بيمشي يونس بالفرس وروح بتجري وراه ان وقفت هتقع..
روح: يا ابن المجنونه اقف اقف يا بابااااااا عااااااااا
يونس بيسمع كلامها بيتعصب اكتر بيخلي الفرس يزود سرعته ..
بتفضل تجري وراه وهيا بتصوت من وجع رجليها من الهيلز اللي لبساه بتتعنقل وبتقع والحصان علي اعلي سرعته وهيا بتصوت ..
مصطفي كان مستخبي وطلع وشاف اللي حصل: مش قلتلك ننفدوا بجلدنا كنت اتداري بس انتي بهيمه ..

…………………….
في البيت الكبير
الغفير: يا حضره العمده يا حضره العمده ..
شاكر: فيه ايه يا واد؟!
بدر بقلق: استرها يا رب..
الغفير: يونس بيه جارر الست روح وراه رابط ايديها في الخيل وماشي باعلي سرعه..
بدر بخوف: ايه ؟!
شاكر: وهوا فين دلوك..
الغفير: في الارض القبليه..
شاكر: جهزلي الفرس بتاعي ..
بدر: وانا هاجي معاك ..
شاكر: جهز فرسين يلا بسرعه ..
الغفير جري يجهز الخيول ..
…………………..
روح وهيا بتتجرجر وراه وهدومها كلها بقت طينه وجسمها وجعها:

فكني يا غبي وربي لاسجــ,,ـنك هيا البلد مافيش فيها قانون…
يونس بيوقف الفرس وبينزل ..
روح بانتصار: فكني ولخص .
يونس بيمد ايده في الارض وسط استغرابها ..
روح: انت بتعمل ايه ؟!
يونس: دلوقتي تشوفي ..
بيحفر يونس كذا حفره …
روح: ايه هتدفــ,,ـني وانا حيه ولا ايه ..
يونس: لاه هاعذبك الاول وبعدين ادفــ,,ـنك
روح بلعت ريقها …
يونس كان عاطيها ضهره حاولت تفك في الحبل ببوقها لحد ما فكت حته منه …
بيلف يونس بتنزل ايدها وبتتفاجئ من اللي في ايده..
روح:

باباااااا عاااااا ايه التعبان ده
يونس: ماقلتلك هاعذبك الاول واربيكي عشان تروحي لربنا متربيه.
روح بصويت : حد يلحقنييييي من المجنون ده والنبي ..
بيقرب يونس منها وبيحط التعبان علي رقبتها ..
وبيركب فرسه …وهوا سامع صويتها ..
وبيكمل جر فيها وهيا بتصوت بيقرصها التعبان وهيا بتصوت وبيبعد عنها بتحاول تكمل فك ايدها بسنانها ..
……………………….

بعد خمس دقايق تقريبا ..
والحصان علي اعلي سرعته مش بيلاقي صوتها بيفكر ان اغمي عليها بيوقف يونس الحصان وبيشوفها مش بيلاقيها…
بيلف الحصان تاني وبيرجع من نفس الطريق مش بيلاقيها بيكمل وبيدور عليها بس مش بيلاقيها..
بيقابله عمه بدر وابوه..
شاكر: فينها بت عمك يا ولدي ؟!
بدر: عملت فيها ايه يا يونس دي الامانه اللي مأمنهالك ..
يونس بعصبيه: ما عرفش راحت فين
بدر بعصبيه: كيف ما عاتعرفش بتي فين يا ناس انا اللي جبتها هنا بايدي عشان تمــ,,ـوتها
شاكر: اهدي يا خوي
بدر بعصبيه:

بتقولي اهدي وانا مش عارف بتي فين
يونس: هارجعهالك يا عمي ولو تحت الارض هاجيبها
بدر بعصبيه: لاه كفايه اوي اللي حوصل لحد اكده بعد عنها
شاكر : هوا عايعرف يرجعها يا بدر اهدي .
بدر: اهدي لما يمــ,,ـوتها قصاد عيني يجرجرها وراه كيف البهيمه ليه مالهاش اب
يونس بيركب حصانه وبيسيبهم وبيمشي..
بدر : ياتري انتي فين يابتي
بيركب بدر حصانه بعصبيه وبيروح يدور عليها ..
……………………..
بعد ساعتين …
بتفتح روح عنيها بتلاقيها علي سرير وجمبها ست كبيره باين عليها الطيبه ..
روح :

انا فين …وانتي مين
..انا ام كرم ولدي جابك هنا وانتي مغمي عليكي والطين معبي خلجاتك ..
روح: اه ..
..انتي مش من هنا صوح
روح: ايوه مش هنا انا من القاهره ..
قامت روح من علي السرير لقتها لابسه قميص .
روح باستغراب وخجل: مين اللي غيرلي؟!
..انا يا بتي طبعا وغسلتلك خلجاتك وــ,,ـفاتها نشفت كمان
روح: شكرا يا خاله ممكن تجيبهم لي عشان لازم امشي
..اكيد يا بتي بس انتي بت مين هنا ..
روح: انا روح بدر النمر ..

..وه وه انتي بت اخو العمده اللي كان غايب من اكتر من عشرين سنه ..
روح: ايوه بالظبط..
..بس يابتي ممكن اعرف مين اللي عمل فيكي اكده
روح: الظروف يا حجه هاتيلي هدومي بعد ازنك..
كانت ام كرم ماشيه وقفها صوت روح..
روح: يا خاله..انا في تعبان قرصني ..
..ايوه ما اناــ,,ـريته بس ما تخافيش ده تعبان ميه مابيسممش..
روح: اه ..شكرا يا خاله..
..العفو يا بتي
طلعت الحاجه وجابتلها الهدوم دخلت الحمام ولبستها..
وفتحت باب الاوضه وطلعت ..
كرم: انتي بقيتي بخير ..
روح: هوا انت تبقي ؟

كرم: انا صاحب مصطفي ولد عمك كنت راكب عربيتي شوفتك مغمي عليكي في الارض فاجبتك اهنيه
روح: شكرا كتر خيرك..طيب ممكن خدمه يا …
كرم: اسمي كرم ..
روح: عاشت الاسامي ممكن خدمه
كرم: اتفضلي …
روح: عاوزه ………..
…………………………
في البيت
بدر قاعد وحاطط ايده علي دماغه : بتي فين يا ناس ..
شاكر: ما تخافش يا خوي يونس هيلاقيها
بيدخل يونس متعصب
شاكر: فينها بت عمك يا يونس
يونس: ما خبرش قلبت البلد عليها مش لاقيها ..
بيقوم بدر وبيمسك يونس من لياقته بعصبيه..
بدر:

تاويت بتي فين يا يونس دي اخره ثقتي فيك
يونس: هاجيبها ياعمي ما تخافش ولو في بطن الحوت بس هملني دلوك عشان الم الرجاله وندوروا عليها ..
بيسيبه بدر بعصبيه
شاكر: عاتدور عليها فين يا ولدي
يونس: عادور عليها في كل دار في البلد مش هاهمل خن
بدر: بتي ان مارجعتش هاندمك يا يونس
شاكر: استهدي بالله يا بدر
بدر: لا اله الا الله …
بيلم يونس الرجاله وبيمشي وهما وراه وبيفتشوا بكل بيت في البلد…يتبع..
ولسه اللي جاي تقيل مع كاتبه الجيل
ياتري روح طلبت ايه من كرم ؟!!

توقعاتكم مع ان انا محدش يتوقعني بيلم يونس الرجاله وبيمشي وهما وراه وبيفتشوا بكل بيت في البلد…
بيخبطوا علي بيت بيت وبيفتشوه ..
ويونس اول واحد بيدخل..
وماحدش قادر يمنعنه لانه النمر ابن العمده اللي ماحدش يعرف يقف قدامه في عصبيته وعقيد في الشرطه..
يونس بعصبيه: هيا فين …انت فين يا روح؟!
……………….
طلع روح وكرم من البيت وركبوا العربيه ..
كرم: ليه عاتبكي دلوك عاد؟!
روح: حيوان ربطني بالحصان وشدني وراه وكمان خلي التعبان يقرصني تفتكر ده بني ادم.
كرم: اهدي كل حاجه هاتبقي تمام بس مش الحل انك تهربي ..
روح:

مش الحل بس حل موقتا استني لحد ما يمــ,,ـوتني يعني.
كرم: لاه بعيد الشر عنك ياقمر
روح: من ساعه ما كنت في البيت عندكم وانت بتقولي يا قمر انا اسمي روح ..
كرم: قمر لايق عليكي اكتر ..
روح: خليها روح احسن ..
كرم: طيب انا هاوديكي محطه القطر عاتعرفي تروحي القاهره لوحدك ..
روح: ايوه هاعرف بس المهم اطلع من البلد دي .
…………………
يونس بعصبيه: ازاي يعني الارض انشقت وبلعتها ..
الغفير: دورنا عليها في كل البلد يا يونس بيه عانعمل ايه دلوك..
يونس:

مفيش عربيه تخرج ولا تدخل الا ما تتفتش ..ودوركم انتهي لهنا وانا اللي عليا الباقي .
الغفير: امرك يا بيه
………………….
في محطه القطر..
كرم: حجزتلك تذكره القاهره تحبي اجي اوصلك
روح: لا كتر خيرك..
كرم : هتسافري اخر كلام مـ,,ــاتشوفي حل تاني مش لازمن السفر
روح: ده اللي عرفت افكر فيه دلوقتي شكرا يا كرم كتر خيرك ..
بيطلع كرم ورقه وقلم وبيكتب فيها..
كرم: ده رقمي ان عوزتي حاجه
بتاخد روح الورقه بابتسامه
بيطلع من جيبه فلوس .
كرم: خلي دول معاكي ..
روح:

كتر خيرك يا كرم بس انا ماقدرش اخد منك فلوس
كرم:انا عارف انك مش معاكي دلوك وماعملتيش حسابك وعالعموم اعتبريهم سلف ..
روح باحراج: شكرا يا كرم.
القطر بيجي وكرم وروح واقفين…
بتدخل روح وكرم بيطمن عليها وبيفضل واقف..
خمس دقايق والقطر بدأ يمشي وبيزمر …
روح بتفكير: كان اكبر غلطه في حياتي اني جيت هنا انا ماشيه يا بابا عشان ان فضلت هامــ,,ـوتلك النمر الحيوان ده
كرم بعد ما اطمن عليها والقطر طلع ..مشي..
القطر مشي وروح غمضت عينها وارتاحت ..لقت القطر وقف مره واحده ..
روح استغربت ….وبصت ناحيه الشباك..

هربانه علي فين يابت عمي ؟!
اتسعت عيونها من الصدمه وبصت جمبها ..
لقته واقف مربع ايده ببرود..
روح بعصبيه: انتي عايز ايه انت مالك بيا انت بارد سيبني في حالي بقا..
يونس بعصبيه: صوتك مايعلاش …
بيشدها من ايدها وبيمشي وبتمشي وراه بتحاول تفك ايدها مش بتعرف..
روح بعصبيه: سيب ايدي يا حيوان …
بيضغط علي ايدها جامد بعصبيه ..
بتوطي دماغها وبتعضه جامد في ايده ..
بيشد ايده بيلاقي انها بتطلع دم من عضتها..
بتجري منه..وهوا بيجري وراها .
يونس:

روووووح وقفي وقفي احسنلك
بتفضل تجري كل همها انها تهرب منه وبتدخل في الزحمه عشان مايشوفهاش ….
……………………..
شاكر: ما خلاص بقا يا بدر خبرتك ان يونس عايرجعها ..
بدر: انا اللي غلطان من البدايه وعايز اغير طباع في يوم وليله صدقني ان حوصل لبتي حاجه مش هسامحك انت وولدك ولا عاسامح نفسي ..
………………….
روح فضلت تجري وتجري ومش عارفه هيا فين لحد ما قرأت لوحه مكتوب عليها مركز شرطه ..
اتنهدت بارتياح .. ودخلت …
العسكري: رايحه فين يا انسه..
روح بتنهيده:

عا..عاوزه اعمل بلاغ عايزه حد كبير هنا انا عايزه حقي يا حكومه ..
العسكري: طب اهدي اسمك ايه
روح: روح بدر النمر..
العسكري بيقوم من مكانه …
العسكري: اتفضلي في المكتب اهنيه لحد ما الظابط ياجيكي ..
بيمسك العسكري تليفونه ..
لقت روح ميه علي المكتب فتحت الازازه وشربت …
بعدها ب 10 دقايق دخل الظابط
روح قامت وقفت..
الظابط: اتفضلي اقعدي ..
روح قعدت ..