شمس في الحمام الخاص في جناحهم
ماسكة في ايديها شريط بلاستيكي وظاهر فيه خطين لونهم احمر وهي كمان وشها احمر
مبسوطة لكن خايفة
خايفة لكن قوية
قوية لكن مش مستعدة
مش مستعدة لكن هتواجه
هتواجه لكن ……….
المواجهه صعبة. حبيبها. عشيقها عمرها ودنيتها
هو
عاشق خايف على معشوقته ومن كتر اللي شافه خوفه أصبح مبالغ فيه وبقى زي الحبل اللي بيخنقها لكن حبل من حب من حنان مش قسوة وجبروت ونــ,,ـار
وهي
عاشقة. عشــ,,ـقاه بكل تفاصيله حتى خوفه وجنونه وغضــ,,ـبه. ولكن عندها حلم والحلم عيلة كبيرة و اولاد كتير يقولولها ماما ويعصبوها وهي تقولهم هقول لبابا
ابتسمت لكن لأول مرة من سنين تكون الثقة غايبة عن ابتسامتها خرجت شمس من الحمام وهي مخبية اختبار الحمل في ايديها كويس. وبسرعة البرق حطته في درج من ادراج الكوميدينو اللي مهاب مابيفتحهاش أبدا وقعدت على طرف السرير وبتفكر في طريقة توصل بيها الخبر لمهاب وبتفتكر اخر محــ,,ـادثة ليهم مع بعض علشان الحمل فلاش بااااااااااااااااااااااااااااااااك
مهاب بصرامة / انسي يا شمس انسي
حمل تاني لاء شمس برجاء / بليز مهاب وافق علشان خاطري. أنا نفسي أخلف تاني
مهاب بعيون مليانة خوف / لا يا شمس مستحيل أعيش التجربة دي تاني. أنا وافقت أول مرة علشان ما احرمكيش من الأمومة وربنا كان كريم معانا ورزقنا بالبنت والولد. يبقى احنا نحمده ونشكره على فضله ونرضا باللي غيرنا اتحرم منه شمس / يا حبيبي الوضع مختلف دلوقتي.
وأنا صحتي كويسة وطبيعية جدا يعني اقدر والحمل مش هيأثر عليها في حاجة مهاب / ومين قالك أنه مش هيأثر. لما يكون في بطنك وياخد من جسمك وصحتك وقوتك. حتى النوم مش هتعرفي تنامي كويس. ولا هتعرفي تاكلي كويس يبقى كل ده مش هيأثر. كل ده مش تعب
شمس / تعب بس تعب لذيذ. إي ست في الدنيا بتتمناه وبتحبه لأنه محبب ليها ولقلبها مهاب / لكن عذاب ليا ولقلبي يا شمسي شمس بيأس / يعني برضوه مش موافق مهاب / قولتلك حبيبتي مليون مرة مــ,,ـاتفتحيش الموضوع ده لان رأيي فيه مش هيتغير شمس / اللي يريحك يا حبيبي مهاب / اللي يريحني هو وجودك وسلامتك. وابتسامتك. اللي انتي حرماني منها طول اليوم شمس بأبتسامة/ عمرى ما اقدر يا عمري احرمك من اي شئ ابتسامتي انت سرها
وابتسمت شمس ومهاب اطمن
والموضوع اتقفل بااااااااااااااااااااااااااااااااك لكن بالنسبة ليها ما اتقفلش
بتهور وخطوات غير مدروسة. وقفت عن أخد برشام منع الحمل في فترة التبويض بتاعتها
والنتيجة حمل. حمل لسه مــ,,ـاتمش عمره شهر
وخبر منتظر لحبيبها لسه بتبحث عن وسيلة توصلهاله بيها. مهاب دخل الأوضة وهي انتبهت لدخوله
وقفت وابتسمت. وحاولت على أد ما تقدر ان ابتسامتها تكون صادقة ومن قلبها علشان هو مايشكش في حاجة
ونجحت لأنها صادقة ومن قلبها ولأن الحلم اللي بتسعى علشانه يستحق الابتسامة
قرب منها وحضـ,,ـنها بأشتيااااااق
وكأنها الصبح ماكنتش. في حضـ,,ـنه
وكأن شفايفه مالمستش شفايفها
هو عاشق مستحيل يمل من معشوقته مهاب / وحشتيني شمس / وانت كمان يا حبيبي
أنا حضرتلك الحمام علشان تاخد شاور وكالعادة رفع ايديها وبكل حب طبع بشفايفه على صوابعها بوسة بتحمل كل المعاني السامية مهاب / أنا بقول نأجل الشاور شوية. حبيبك مشتاااااااق شمس / وأنا بقول هنتأخر على العشاااااااا والدكتاتور مابيرحمش اللي بيتأخر يا حبيبي مهاب / هههههههههههههههههههههه مقبولة منك يا شمسي بس هتروحي مني فين
شمس / الأوضة اللي قصادنا علطول. أول مــ,,ـاتفتح الباب هتلاقيني في وشك بشوف آخر الكوارث اللي ولادك عملوها ############################### بيبعد بس مش بيخون
وهي عارفة ومتأكدة و واثقة
إن هو ملكها لوحدها.
هيبعد شهر شهرين تلاتة سنة
في النهاية هيرجع ليها ولحضـ,,ـنها
هي كل اللي عليها أنها تصبر والصبر مفتاح الفرج
الصبر مفتاح السعادة
الصبر مفتاح الرضا هو يستحق أنها تصبر علشانه
حبه ليها يستحق أنها تتحمل
وجع قلبه يستحق أنها تتحمل
إخلاصه ليها يستحق أنها تتحمل
اتنهدت سما وهي على سرير بنتها أخيرا نامت
نامت بعد أسئلة كتير من بنتها اتعودت هي أنها تسمعها
واتعودت بنتها على الاجابة الاعتيادية والتهرب
برغم أنها طفلة. لكن ذكية
شايفة ابوها بيبعد كل يوم اكتر من اليوم اللي قبله
بعد ما كان هو كل حياتها.
أصبح بتشوفوا كل يوم الصبح دقيقة واحدة قبل ما يمشي على شغله واوقات بيمشي قبل ماهي تصحى من نومها
لا بقى بيستناها لما تركب باص المدرسة
ولا بقى بيفطر ويتغدا ويتعشا معاها
ولا بقى يحكيلها حكاية قبل النوم
وبعد ما كانت خسرت جدها وحنيته وحكاياته
خسرت قرب ابوها كمان
والسبب
هي السبب …… لازم تلوم نفسها على كل اللي بيحصل
ولمين الملامة لو ماكنتش ليها
قامت سما بهدوء من جنب بنتها بعد ماشافت أن الساعة قربت على 12 نص الليل
ميعاد وصول جوزها حبيبها نور حياتها
لازم تخرج من الأوضة وتطفي النور علشان هو يعرف أنها خرجت من الأوضة ويدخل يشوف نورسين بنته
ولأنها لو فضلت موجودة هو مش هيدخل وبكدة تكون حرمت بنتها من لحظة حنان ابوها. حتى ولو كانت نايمة ومش بتحس بيه وهو بيملس على شعرها ويبوسها من جيبينها وخدها ****************** وصل الأب في ميعاده زي كل يوم وعمل الواجب اليومي وبص على أوضة مراته. اوضتهم سابقاً
بألم بوجع. بأشتياق يــ,,ـه الحزن والكبرياء ############################# العيلة كلها متجمعة
احلى وقت واحلى لمة
في دفا وفي ضحك ومرح وحب وترابط
بس في خوف جواها
العيلة دي هي أغلى حاجة عندها. هما اللي ليها
عمرها ما اهتمت بمال أو سُلطة المهم العيلة
معقول في يوم من الأيام كانت ممكن تخسر حد فيهم او تخسرهم كلهم
الحمد لله دا بقى ماضي
صحيح هي أصغر أخواتها وكمان بنت. لكن ابوها علمها يعني ايه عيلة يعني ايه ترابط
الفلوس مش كل حاجة وماينفعش تشغلنا عن أهم ناس في حياتنا
الفلوس اتخلقت علشان ننبسط بيها
مش علشان نعيش طول عمرنا نجمع فيها
هي جزء من حياتنا
مش كل حياتنا
وفي وسط المرح والهزار مرة واحدة اتكلمت سيلين بجدية / انتوا عملتوا ايه في موضوع الحرس والأمن عادل / موضوع ايه يا سيلين سيلين لمحمود / محمود اوعى تكون نسيت أو أهملت الموضوع ده محمود / لا مانسيتش ولا اهملته. و زودت الحراسة زي ماقولتي