سيلين بأنفعال بسيط / بس انا كلامي ماكنش في زيادة الحراسة
أنا قولت يتعمل ليهم كلهم جرد. والمقصر يمشي وتيجي ناس ثقة ويتضاعف العدد على أي مكان بيتواجد فيه اي فرد من أفراد العيلة. حتى النادي الرياضي. وكمان طلبت أجهزة استشعار واجهزة حديثة للمراقبة تتحط على القصرين و سامح / حيلك حيلك. ايه كل ده. محمد / ليه المبالغة دي يا سيلين سيلين/ دي مش مبالغة دي حماية. وضروري. لأن أحنا عندنا منافسين كتير ومش عارفين هما بيفكروا ازاي
فلازم نكون اخدين احتيتاطنا كويس بحيث مايكنش في فرصة لأي كلب يغدر بينا
آسر / مــ,,ـاتقلقيش يا سيلين. أنا هشوف الموضوع ده بنفسي وهزود الحراسة زي ما انتي عايزة اطمني يا حبيبتى صافي / هو في ايه هى حرب ولا ايه أحنا مش هينفع نتــ,,ـحرك بحراسة اكتر من اللي بنتــ,,ـحرك بيها اصلا وكمان في حراسة كتير على القصر وكاميرات مراقبة
سيلين/ أيوة احنا في حرب ولا هو حضرتك مــ,,ـاتعرفيش ( وبصت لكل الموجودين )
أحنا عندنا في شغلنا اكتر من 1000 منافس في كل مجالات شغلنا ودول بس الموجودين في مصر. والله أعلم هما كدة ولا اكتر كمان وربنا أعلم هما بيفكروا ازاي ومش كل الناس نضيفة وبتنافس بشرف
في اوساخ كتير مستنين بس فرصة علشان يكسرونا أو يتغلبوا على اسم تاج الدين
ياريت مانسمحش لحد يعمل كدة طلاما كله بأيدينا عادل بحكمة / سيلين معاها حق ماحدش عارف الأيام مخبية ايه ولا النفوس شايلة ايه
سيلين سابتهم بيتهامسوا ويتناقشوا وخرجت الجنينة وأسر خرج وراها فورا وحضـ,,ـنها من ضهرها وهي واقفة آسر / عدت خلاص. عدت ومش هترجع تاني وهنفضل طول العمر مع بعض وكلنا عيلة واحدة سيلين/ الحمد لله الحمد لله ( ولفت وشها علشان تبصله )
كلمت اللوا عبدالله آسر / أيوة كلمته وما اقتنعش بكلامي سيلين/ دا شئ يخصه هو مايخصناش يقتنع ولا لاء آسر / أنا بعتبره زي والدي لأنه أستاذي واتعلمت منه كتير
سيلين/ حبيبي انت فاهم وجهة نظري
أنا بقولك لو عايز ترجع أنا مش معترضة دي حريتك الخاصة. وأنا مش بمنعك أو بمنع نفسي عن خدمة وطنا لاء أنا بقولك إذا احتاجوا مننا حاجة نساعدهم زي ما أنا ساعدتهم قبل كدة وده هيكون بدون مقابل. بس علشان دا واجبنا مش اكتر
إنما انتسابنا ليهم لاء. دا خطر ومش بس علينا وعلى العيلة كمان. وطول ما احنا بعيد هنقدر نساعدهم أفضل لكن نتوظف وحد يأمرنا وتحت امرك يا فندم والحوارات دي. صراحة انا مش متعودة عليها ومش متقبلة أن حد يأمرني بحاجة وأنا انفذها بدون نقاش حتى لو مش عايزة اعملها
آسر بأبتسامة/ مــ,,ـاتبقيش سيلين تاج الدين لو ماقولتيش كدة
عمتاً أنا قولتلك من الأول أنا أصلا رافض الموضوع ده وخلاص قررت
انتي عندي أهم من كل الدنيا وراحتك هي غايتي يا سيلين سيلين/ بحبك اوى يا آسر آسر قرب منها ولمس شفايفها بشفايفه وقال بصوت خافت / وأنا بعشــ,,ـقك يا دلوعة آسر وسرحوا الاتنين في دنيا تانية وكأن البوسة بتنقلهم لعالم غير العالم بتاعنا لكن مش كل حاجة بتدووووم رامي وهو خارج رايح عليهم / سيلووووووو يا سيلوووووو
سيلين بعدت بسرعة عن آسر وزقته وبتحاول تظبط نفسها. وأسر لعن رامي في سره واتضايق جدا. سيلين/ إحم ايه يا رامي انت بتنادي كدة ليه رامي / الحقيني ابوس ايدك ألحقيني سيلين بخضة / في ايه مالك رامي / عايز يبعتني للهلاك برجليا آسر / هو مين ده علشان أشكره رامي / سامعة جوزك بيقول ايه يا سيليو سيلين/ بيهزر معاك فهمني بقى في ايه رامي / اخوكي عنده اجتماع بكرة وعايز يخلع وأنا احضر مكانه
آسر بغيظ / وهو ده اللي خلاك تنادي بالشكل ده وتقطع علينا ال … الهدوء سيلين/ طيب وفيها ايه يا رامي جايز هو مشغول رامي / لا مش مشغول دا عايز يرميني في التهلكة. عايزني احضر مع الكيلاني بكرة وكل مرة يخلع هو وأنا اللي بروح فيها. دا أنا دراعي لحد دلوقتي بيوجعني آسر بضحك / يلا المرة دي هتكون رقبتك رامي حط ايده على رقبته بخوف مضحك / نهار احوس. لاء اتصرفي يا سيلين ابوس ايدك. أنا ماليش في الكلام ده. أنا مهندس أجهزة كمبيوتر مش ميكانيكا سيارات
سيلين / مــ,,ـاتقلقش يا قلبي سيب الموضوع ده عليا انا رامي / عليكي ازاي يعني اوعي تكوني ناوية تحضري بدالي لا. أنا مش هضحي بيكي علشان نفسي آسر / اصيل يا رامي خلاص احضر بقى وسلم امرك لله رامي / لا طبعا مش هحضر تولع الصفقة وتخرب الشركة. مايلزمنيش الحوار ده سيلين/ يا ابني قولتلك خلاص انا هحل الموضوع ده. واوعدك بعد كدة هخليه هو اللي مايحضرش الاجتماع ويبعت مندوبين ومش بعيد يبطل يتعاقد معانا
آسر / انتي ناوية تعملي ايه سيلين بجدية مرحة / هعمل معاه الجلاشة رامي / هيييييييه حلاوووووتك اسيلووووووو ############################# صباحاً في قصر نور عز شمس قاعدة مع سما في الجنينة بيتكلموا شمس / وآخرتها هتفضلي ساكتة لحد امتى
مش هينفع تستمروا بالوضع ده. لو مش علشانكم يبقى علشان نورسين بنتكم سما بدموع / طيب قوليلي اعمل ايه. أنا عارفة انه ما ينفعش وأن ده بيضر بنتي ونفسيتها بس انا بأيدي ايه اعمله شمس / واجهيه اتكلمي معاه فهميه كل حاجة
سما / أواجه وأتكلم وافهم. ماشي هعمل كل ده. بس فين وامتى ولمين
دا مابيسمعنيش ولا حتى بيبص ناحيتي لو حصلت صدفة وشافني في البيت. بيمشي كأنه ماشفنيش ولما حاولت اتكلم معاه في مكتبه مابيسمعش. ولا بيهتم وبيجرحني بطريقته ومابقدرش اتكلم شمس / اجبريه يسمع ماهو أنتوا مش هتفضلوا على الحال ده كتير
اتصرفي بأي طريقة وبعدها يحصل اللي يحصل سما / أن شاء الله
طب ايه انا حساكي مش طبيعية في ايه شمس بأبتسامة/ أنا الحمد لله مافيش حاجة مــ,,ـاتقلقيش نفسك كفاية اللي انتي فيه
سما / شمس انتي كدة كدة هتتكلمي فامتتعبيش قلبي واخلصي قولي في ايه. شمس / مافيش سما / للدرجة دي. اوعي يكون مهاب زعلك مع أن دي حاجة مستحيلة شمس / لا مازعلنيش سما / طيب زود الحراسة عليكي تاني شمس / لا هيزودها ايه اكتر من كدة. دا أنا بتحرك بجيش معايا سما / طيب ايه انطقي قلقتيني شمس دموعها انفجرت وحست ايديها على وشها / أنا حامل سما / ايه. حامل.
شمس / مش عارفة انا عملت كدة ازاي. بس والله غصب عني ما علي يدك هو قفل الموضوع ده خالص ومش بيديني فرصة اتكلم. وأنا اتهورت وما اخدتش البرشام كذا مرة سما / ليه يا شمس. ليه عملتي كدة. دا كان المفروض يكون قراركم أنتوا الاتنين. كنتي اصبري شوية. ولادك لسه ماكملوش 3 سنين شمس / ماعرفش بقى هي جت كدة. سما / طيب وانتي قولتيله ولا لسه شمس / هو أنا لو قولتله كنت أبقى ادامك دلوقتي
دا كان زماني بجهض في المستشفى
سما / لازم تقوليله. هو كدة كدة هيعرف. يبقى بدل مــ,,ـاتتعبي ويعرف بالصدفة. قوليله انتي أحسن شمس / ازاي. ازااااااي بس سما / ماهو انتي لو بتنسي كنا قولنا نسيتي تاخدي البرشام إنما الكارثة انك الله أكبر. ذاكرة حديدية. فأنتي توكلي على الله وصارحيه بكل حاجة ومهاب بيحبك أوي وبيخاف على زعلك. واكيد هيسامحك طلاما اصلا مافيش ضرر ليكي ومافيش ما يمنع انك تحملي دلوقتي شمس / أنا مش هعرفه حاجة دلوقتي. مهاب لو عرف وأنا لسه في شهر هيخليني اجهض
سما / لا لا مش للدرجة دي مستحيل يهون عليه يا بنتي شمس / ماهو هان قبل كدة يا سما. سما / لا طبعا دي غير دي. الأول كان امتحان من ربنا ودا نصيبه إنما دلوقتي مافيش اضطرار لكدة وانتي بقيتي طبيعية وزى الفل كمان شمس / روحي قوليله هو بقى الكلام ده. يمكن يقتنع منك انتي
طلاما الدكاترة وأنا مش قادرين نقنعه سما بمرح / أيوة وأنا بقى اللي يا سبحان الله هقنعه. كنت أقنعت جوزي يا اما
شمس / يا اختي اتلهي. وكسة عليكي انتي وهو في يوم واحد سما / وكسة غير اللي احنا فيها دي. حرام عليكي والله شمس وسما / هههههههههههههههههههههه سما / هم يضحك وهم يبكي والله. ############################## في شركة تاج الدين
رفعت الكيلاني قاعد في غرفة الاجتماعات ومعاه موظفين من شركته ومن شركة تاج الدين سيلين دخلت الاجتماع وكلهم وقفوا علشان يسلموا عليها
وهي قعدت على الكرسي ترأس الاجتماع سيلين / ااااه آسفة بس مش قادرة أقف أسلم عليكوا اعذروني
رفعت / ليه يا بشمهندسة. خير حامل ولا ايه سيلين بتمثيل / لا حامل ايه دا ضهري بيوجعني والله ما أنا عارفة ايه ده لسه ماكملتش 28 سنة وبعاني من قرف المرض. رفعت بسماجة / مرض ايه بس ما انتي زي الفل اهوه هو انتي في زيك دا انتي ا قاطعته سيلين / هو حضرتك فاكر الناس كلها زيك يا استاذ رفعت
عندك محمد اخوية. شاب لسه وتشوفه زي الورد. بس بعيد عنك تعبان اوى. اقوله بص لرفعت بيه اللي مافيش زيه في صحته ابدا ولا في ذكائه
بس للأسف مش هنعرف نبقى زي حضرتك
رفعت بتوتر / الله أكبر. لا دا زي الفل. دا المرة اللي فاتت كان سيلين / اسكت دا عنده الضغط. شوف اهو اللي زي الفل ادامك ده عنده الضغط. وحضرتك عندك 60 سنة اهوه واللي يشوفك يقول شباب مايكملش 30 سنة ومابتشتكيش من أي حاجة رفعت بخوف / أنا بقول نركز فى الشغل بقى علشان انا حاسس اني تعبان شوية سيلين / تعبان ايه بس هو في فصحة حضرتك ونشاطك دا احنا لو في حد في عيلتنا زي حضرتك كنا بقينا حاجة تانية خالص
إنما أفراد عيلتنا محتاجين مستشفى نعيش فيها
( رامي ومحمد كانوا في مكتب محمود ومعاهم أسر بيتفرجوا على الاجتماع من خلال كاميرات المراقبة. وسامعين كلام سيلين وتقريبا فطسوا من الضحك ورامي قرر يشارك في الحوار وراح لسيلين غرفة الاجتماعات ) رامي / سلام عليكم اسف على التأخير يا جــ,,ـماعة بس كنت باخد مسكن علشان دماغي مصدعة اوي والانيمية عاملة معايا عمايلها رفعت فى نفسه / بعد الشر أعوذ بالله دا الواحد شكله مش هيخرج سليم من هنا