سيلين / ايه يا رامي جهزت الأوراق اللي قولتلك عليها رامي بأستغراب / أوراق ايه سيلين بنبرة معينة / الأوراق يا رامي الأوراق. اللي قولتلك عليها الصبح. مش عارفة ايه الزهايمر بتاعك ده أومال انت شاب ازاي لما تكبر وتبقى 60 سنة هتعمل ايه
بص لرفعت بيه واتعلم رفعت بتوتر/ أنا بقول نأجل الاجتماع لوقت تاني تكونوا بقيتوا كويسين وجهزتوا الأوراق كلها
سيلين/ لا الأوراق جهزة دا بكلمه على أوراق حاجة تانية. بس كالعادة نسي. اهو زي ما حضرتك شايف كدة. الواحد دماغه وقفت بيحسبونا عدد وخلاص ويقولوا شباب ورجالة كبار وماسكيــ,,ـن شركات وعاملين ومايعرفوش أن احنا ماشيين ببركة ربنا
مفروض نتعلم من حضرتك لأن خلاص مافيش زيك دلوقتي خااااالص رفعت / هاه لاء فى كتير. البركة في عادل بيه وسامح بيه دول اد الدنيا
سيلين / يا اختييييي فعلا هما الخير والبركة. بس ربنا يشفيهم يارب وماشوفش فيهم حاجة وحشة ويبعد عنهم الأمراض. حاكم الأمراض المزمنة عاملة عاميلها معاهم
مش بقولك اللي زي حضرتك انقرضوا من زمان هو في زي صحتك وشبابك وذكائك رامي / ولا زي لياقتك البدنية وقوة جسمك الفولاذية يا رفعت بيه رفعت / أنا. أنا آسف بس مضطر امشي ورايا شغل ضروري وأن شاء الله هبقى ابعتلكم المحامي يكمل العقود وقت تاني رامي / بس لسه ما اتنقشناش بخصوص الصفقة
رفعت وقف / اللي أنتوا شايفنه صح اعملوه انا بثق فيكوا. وانتوا أهل ثقة سيلين / دا علشان مافيش زي حضرتك والله. احنا محظوظين اننا بنتعامل معاك
بس لو سمحت يا رفعت باشا نمضي العقود على السريع هي جاهزة اهي علشان مانضيعش وقت حضرتك وانا عارفاك راجل نشيط و رفعت بسرعة / هاتي الورق امضي عليه علشان مشغول ( رفعت مضى على الورق وجري بسرعة وخرج من الشركة
أما سيلين ورامي فطسوا من الضحك مكانهم. وأسر ومحمود ومحمد دخلولهم وهما بيضحكوا والموظفين مستغربين من شكلهم وهما ماشيين في الشركة بيضحكوا )
محمد / هههههههههههههههههههههه يخربيت دماغك دا خلتيه يطير من الشركة مش يمشي سيلين بضحك / علشان بعد كدة هو اللي يخاف ييجي مش احنا اللي نخاف من عينيه المدورة دي رامي / هههههههههههههههههههههه أحسن اهو كل مرة من ده لحد مايتوب محمد / دا اذا دخل الشركة تاني اساسا محمود /هههههههههههه والله أنتوا الاتنين مجانين. سيلين / ههههههههه إذا عمى سامي سمعنا هيقول بتبشروا عليا أسر / هههههههههههههههههههههه لما بتحطي حد في دماغك يلا السلامة
رامي / خاف على نفسك بقى سيلين/ ويخاف ليه ان شاء الله. هو كدة كدة في دماغي وفي قلبي كمان أسر / حبيبتي ربنا يباركلي فيكي ومايحرمني منك ابدا يا أغلى ما عندي سيلين/ تسلملي حبيبي محمد / ايه في ايه أنتوا ماصدقتوا احنا هنا في الشركة أسر / شركة ولا شارع دي مراتي وكفاية ان احنا جينا مع اننا لسه راجعين امبارح من شهر العسل محمود / طيب يلا نشوف شغلنا كفاية تضييع وقت
سيلين مكتبك القديم جاهز ليكي ولا عندك اعتراض اسيبلك مكتبي وارجع أنا
سيلين بتنهيدة / لا أنا هرجع مكتبي. خليك انت في مكتبك محمود قرب عليها وحضـ,,ـنها بحنان اخوي وباس جيبينها وخرج
وكل واحد راح يشوف شغله. وأسر وسيلين قعدوا يظبطوا موضوع شركة الأمن الجديدة اللي قرروا يعملوها الحلقة(3)رواية ( مملكة العشاق)
بقلم:- أسماء أبوشادي Ana Amera Habeby
___________________________________________ اللهم صلي وسلم وبارك على سيدنا محمد وعلى آله وصحبه أجمعين بتمر الأيام وتفوت
وحبك جوايا مستحيل يمــ,,ـوت
هنعيش ونتــ,,ـحمل مع بعض ونتشارك نتألم ونفرح
المهم مع بعضنا
أنت وعيلتي وأنا
هو دا الترتيب عندي. أنت أهم وعيلتي أهم وبعدين انا ومش مهم أنا خالص طلاما أنتوا بخير فات شهر على ابطال مملكة العشــ,,ـق في شركة نور عز سما قررت تروح الشركة لنور وتتكلم معاه هناك. طلاما مش عارفة تتكلم معاه في البيت سما بتوتر / أستاذ نور موجود السكرتيرة بترحيب / أهلا بشمهندسة سما. أيوة موجود اتفضلي ابتسمت سما بأصطناع وخبطت ودخلت لما سمعت صوت نور / أدخل سما بتوتر / سلام عليكم
نور اتفاجئ من وجودها في الشركة وقام وقف / انتي جيتي هنا أزاي سما / يعني جيت أزاي. بالعربية نور بحدة / وازاي تخرجي من غير أذني والبهايم اللي على البوابة والسواق ماحدش بلغني ليه سما بضيق / لأن أنا طلبت منهم كدة. وقولتلهم هعملك مفاجئة وخرجت زي مابخرج دايما بسواق وحراسة يعني لا أنا ولا هما خالفنا اوامرك نور ببرود / وجيتي هنا ليه. ليه مصرة تعيشي دور الزوجة اللي بتحب جوزها وعايزة تفاجئه وتفرحه
سما اتنهدت بحزن / نور أنا جيت اتكلم معاك هنا يمكن نعرف نتفاهم وعلشان كمان أنا مش بشوفك في البيت غير الصبح والبنت بتبقى موجودة وماينفعش اتكلم ادامها نور بحدة / وعلشان ما ينفعش نتكلم ادام البنت جيتي هنا نتكلم ادام الموظفين صح سما بحزن / نور أنا تعبت. والله العظيم تعبت هتفضل تعاملني بالأسلوب ده لحد امتى. هتفضل هاجرني لامتي. قولي مدة عقابي اد ايه نور بحزن وــ,,ـسخــ,,ـرية / غلطك أكبر من اني احددله مدة يا بشمهندسة
سما برجاء / طيب مش مفروض قبل مــ,,ـاتحكم وتقرر وتهجرني تسمعني نور بخفوت عنيف / طيب ما اأنا سمعتك. سمعتك وانتي بتقولي أيوة رفضت. أيوة منعتي أبويا يرتاح قبل ما يمــ,,ـوت أيوة وقفت في طريق آخر أمل يسعده في الحياة سما بدموع محبوسة في عيونها / بجد حرام عليك. أنا تعبت 4 شهور على الحال ده. طريقتك دي مش قادرة استحملها. لا أنا ولا بنتنا وهسيبك براحتك يا نور لأني زي ماقولتلك مش هقدر اتحمل انك تكلمني كدة ولا هتحمل نظراتك دي. ومعاملتك كأني عدوتك مش حبيبتك ومراتك وأم بنتك
( سما خلصت كلامها وخرجت بسرعة من المكتب قبل مادموعها تنزل وخرجت وهي بتتماسك وبترسم الجمود على ملامحها علشان الموظفين والناس ) ############################# مساءا
في قصر مهاب العدلي شمس لسه ماقالتش خبر حملها لجوزها مهاب حاسس ان شمس حياته بتداري عنه حاجة وقلقان عليها لأن وضعها الصحي مش تمام لكن هو عارف ان خوفه بيزعجها وبيحسسها أنها مش طبيعية. بس غصب عنه يعمل ايه ماهو اللي شافه مش شوية بعد ليله جميلة
ليلة عشــ,,ـق جمعتهم مع بعض
شمس نامت في حضـ,,ـنه وهو بيضمها بحنان وبيملس على شعرها وقلبه قلقان جدا عليها
لأنها وهي معاه كانت مختلفه عن كل مرة. صحيح كانت بتحاول تكون طبيعية بس اكيد هو حس بأختلاف لأنه بيفهمها اكتر من نفسها
وخصوصا أنها طول الشهر اللي فات كان حاسس أنها بتبعد عنه وبتهرب منه بنظراتها مهاب لنفسه / يا تري مخبية ايه عني يا شمسي. شمس فتحت عينيها وبترمش بيها علشان تشوف كويس شمس بخفوت / حبيبي انت لسه صاحي
مهاب بحنين واشتياق / أيوة يا شمسي. اصلك وحشاني اوى ومش عارف أنام عايز أفضل ابصلك كدة علشان اروي عطشي منك شمس / بحبك اوى مهاب / لوفضلت أقول بحبك لحد اخر لحظة في عمري. هيكون ظلــ,,ـم لحبي ليكي لأن حبي مافيش كلام يوصفه. لا حب ولا عشــ,,ـق ولا هوا. دا كل إحساس جميل اتخلق في الدنيا موجود جوايا ليكي ( وكالعادة سكتت شمس. لأن مافيش كلام ترد بيه على اللي قاله
لكن عينيها فيها كلام كتير اوى والاهم م الكلام فيها سعادة. فيها عشــ,,ـق فيها اماااان )
قرب منها مهاب وخطف أنفاسها في بوسه كانت أبلغ من قُبلة الحياة
وبلمساته الحنونة على جسمها سحبها معاه لعالم العشــ,,ـق من تاني وهي ماقدرتش تعترض أو تنتبه.
هي اصلا تاهت معاه
الشوق لا يقابله إلا الشوق
الحنين لا يقابله إلا الحنين
العشــ,,ـق لا يقابله إلا العشــ,,ـق وبعد ساعة من العشــ,,ـق مهاب بيبص لشمس ونظراته كلها توتر وقلق مهاب / شمس لون وشك بقى أصفر. ردي عليا انا حاسس انك مش طبيعية شمس بخفوت / حبيبي والله انا كويسة
مهاب بحدة بسيطة وحيرة / كويسة ايه بس. طيب انا اذيتك وجعتك . أنا تعبتك صح شمس بحنان / يا حبيبي والله ابدا دا أنا أصلا كنت مرهقة من الشغل واليوم كان طويل معايا عادى يعني مهاب / وماقولتليش ليه انك مرهقة. ليه سيبتيني أقرب منك بالشكل ده وانتي اصلا تعبانة. بس انا اللي غلطان مش انتي. لأني كان مفروض اراعي ا شمس / مهاب بلاش مبالغة ارجوك والله انا كويسة. بالعكس كلامك ده اللي بيتعبني. أنا هنام ولما اصحا هبقى كويسة جدا
( وفجأة قامت شمس جري وهي بتسحب الروب من جنبها وبتحطه على جسمها وهي داخلة الحمام علشان تستفرغ بسرعة
ومهاب دخل وراها علطول وهو مفزوع ) ############################# في قصر يوسف تاج الدين
وتحديدا في غرفة المكتب محمود قاعد هو ومحمد وأحمد بيتناقشوا مع سيلين بخصوص الحفلة السنوية
( الاحتفال بيوم عيد ميلاد سيلين العام ) سيلين بعصبية / قولت لاء يعني لاء. الحفلة مش هتتعمل محمد / يا قلبي براحة بس احنا بنتناقش بهدوء
سيلين / حفلة ايه اللي تتعمل كفاية بقى. كل سنة الحفلة بتخلص من هنا والمصايب بتيجي فوق دماغي من هنا
أنا مش هتحمل قرف تاني ومصايب تاني أحمد / وهي الحفلة مالها بالمصايب بس يا سيلين. ما احنا من وقت ما وعينا على الدنيا والحفلة بتتعمل كل سنة سيلين/ تتلغي مش لازم مش إجبار يعني نستمر طول العمر نعملها محمد / يا سيلين دا لما بابا مــ,,ـات. مامنعنهاش واستمرينا نعملها نيجي دلوقتي نلغيها
( وبص لمحمود ) مــ,,ـاتتكلم يا محمود انت ساكت ليه
محمود ببرود / مستني لما تخلصوا كلام وتهدوا وبعدين اتكلم. ولو أنتوا مش شايفين لازمة لكلامي يبقى خلاص مش لازم اتكلم وكفاية اوى انى اسمعكوا ومش مهم رأيي سيلين بتنهيدة / أنا آسفة صدقني مش قصدي اتكلم بالأسلوب ده معاكوا أو أرفع صوتي على حد فيكوا وف وجودك بس. بس انا مش عايزة أحتفل بعيد ميلادي أنا محمود / طيب مش أنا سمعتك وفهمت وجهة نظرك. ممكن تسمعني وتفهمي وجهة نظري سيلين/ حاضر اتفضل محمود بهدوء/ احنا كل سنة من وانتي طفلة. قبل الحفلة بيوم أو ليلة بنعمل ايه
أحمد بأستغراب / بنعمل ايه محمود بنظرات تحذيرية لأحمد علشان مايتكلمش/ بنحتفل بعيد ميلادك وبنقدملك الهداية صح سيلين/ صح محمود / معنى كدة ان احنا بنحتفل بيكي قبل الحفلة وبنعملك حفلة تانية وبرغم بساطتها إلا أننا بنكون عاملينها بأيدينا ومجهزنها بنفسنا وبنكون مبسوطين وبنتجمع مع بعض مافيش حد غريب ودي بالنسالنا كلنا احلى من مليون حفلة كبيرة ومنظمة زي اللي بنعملها متفقين معايا كلكوا في الرأي ولا لاء محمد وأحمد وسيلين / متفقين.
محمود / نيجي بقى للحفلة اللي بتتعمل دي
أولا احنا بندعي فيها كل كبار الدولة والمسؤولين ورجال الأعمال وكبار موظفين شركاتنا وشخصيات مشهورة ومهمة جدا في المجتمع.
ودا يعتبر تنمية للعلاقات العامة والاجتماعية وبرضوه بيفيد البيزنس بتاعنا في كل المجالات
ثانيا بقى وده الأهم طبعا
وصية بابا
إن الحفلة دي تفضل تتعمل كل سنة وبنفس الترتيباب حتى الصدقات اللي بنطلعها في اليوم ده تطلع. والمعونات المخصصة اللي كان بيبعتها للمستشفيات في اليوم ده بالذات تتبعت.
ومــ,,ـاتنسيش أنه حتى لما مــ,,ـات في نفس السنة عملنا الحفلة وأن شاء الله هنفضل نعملها علطول وكأنه لسه عايش معانا وهتفضل الحفلة السنوية لمجموعة شركات تاج الدين ################################################# في قصر عادل تاج الدين
وتحديدا في مكتب عادل عادل / طيب تمام يعني كدة الافتتاح بتاع شركة الأمن هيكون بعد حفلة سيلين أسر / أن شاء الله. طلاما كل حاجة جاهزة ليه نتأخر
وصحيح يا بابا. سيلين عايزة تلغي الحفلة السنة دي سامح / ايه تلغي ايه ما ينفعش طبعا
عادل / ليه بس يا ابني آسر / هي مش متحمسة ليها. وشايفة أن مش ضروي نعملها سامح / أزاي بس. ومحمود عرف القرار ده أسر / عرف وهي حاليا هناك معاهم في البيت بيتناقشوا مع بعض وأخواتها بيحاولوا يقنعوها عادل بأبتسامة/ طيب خلاص طلاما محمود بيتكلم معاها يبقى هيقنعها وهتوافق بأذن الله أسر / أنا برضوه شايف كدة ومااتدخلتش لأني عارف انها تتغير رأيها. وكمان لأن عمي يوسف الله يرحمه كان مستحيل يلغيها قبل كدة. ومحمود كمان مش هيقبل بحكم العادة يعني
سامي/ سيلين اتغيرت خالص
طريقة تفكيرها وقرارتها وحتى الشغل أهميته عندها مش زي الاول. بحس انها باردة اوى عادل / اللي شافته مش قليل أسر / لا سيلين مابقتش باردة يا عمي. دي اتجوزت ودا مختلف جدا
يعني طبيعي حياتها تتغير
واهتمامــ,,ـاتها واولوياتها يتغيروا
مش كل حاجة شغل عادل / معاك حق. وبعدين كدة أحسن بكتير كنا فين وبقينا فين. أسر / طيب استأذن أنا علشان هتعشا هناك. معاهم رامي دخل وأسر كان بيقف وبيتكلم / سمعت ان في عشا.
أسر / هههههههههههههه هو انت ظابط نفسك على وقت الكلام في الأكل بس رامي / طبعا يا بوص دا الأكل هو الحياة أسر / المهم أنجز في موضوع الأجهزة اللي طلبتها منك لأني هفتتح الشركة بعد أسبوعين رامي / كنت لسه داخل اكلمك في الموضوع ده. كله تمام وهجيلك بكرة علشان تشوف بنفسك على الطبيعة. وكدة الموضوع يبقى عند سيلين علشان تظبطلك السيستم وتعملك برامج حماية متطورة عن أي شركة تانية و قاطعه أسر / طيب طيب عارف كل ده. أنا ماشي علشان ما اتأخرش
رامي / استنى أنا رايح معاك هتعشا هناك ******************* في قصر يوسف تاج الدين أحمد / انت جاي هنا تعمل ايه يا ابني رامي / ايه السؤال الغبي ده جاي اتعشا طبعا أحمد / أنا غبي يلاّ رامي / أنا ماقولتش انك غبي. أنا قولت سؤال غبي والفرق واضح سيلين / والحدء يفهم ( الزكي يفهم ) رامي / بالظبط الكل / هههههههههههههههههههههههه
سناء / هو أنتوا مش هتبطلوا نقار ابدا محمد / لا دول مدمــ,,ـنين لو بطلوا يمــ,,ـوتوا
رامي / بعد الشر. عليا وعلى حواليا وأعيش لحد ما اخش دنيا أحمد / ايه جو خلتي اللتاتة ده رامي / قديم اوى على فكرة أحمد / يا ابني عيب أنا اكبر منك رامي / يا عم ماكنتش سنة اللي هتقرفنا بيها سيلين/ بسسسسسسسس صدعتونا كفاية بقى. ماما هو الأكل لسه ماجهزش أنا جوعت رامي / يا بنتي دول جايبنا يجوعونا هنا