أحمد / وانت حد جابك يا تنح رامي / مش سيلين هنا يبقى أنا هنا. وبعدين اتلم دا انت بقيت 24 ساعة لاجئ عندنا أسر / ولاّ انت وهو. كفاية. بدل ما اقوملكوا أنا أحمد / لا يا كبير خليك أنا كفاءة لوحدي دا عيل سيس اصلا محمود / ههههههههه. بس يا احمد وانت يا رامي اسكت شوية. بطلوا تهييس بقى سيلين بضحك / اوعاااااااااا يا معلم. محمود بيه بيقول تهييس اوبا بقى أسر / يه دا سيلين. دا انتي العاقلة اللي فيهم هتتجنني مع الثنائي المشاكس ده
( قعدوا يضحكوا شوية وبعدين اتعشوا وقعدوا يشربوا الشاي مع بعض ) أحمد / طيب ايه تجهيزات الحفلة هتبدء امتى سيلين/ أنا ابعدوني عن الحوار ده خالص. تجهزوها تخربوها ماليش دعوة بالتفاصيل بتاعتها. أنا عليا أحضر وخلاص غير كدة. ماعطلكوش رامي / لحظة بس لحظة. الحفلة طبعا هتتعمل في قصرنا احنا أحمد / انت بتخرف تقول ايه طبعا هتتعمل هنا زي كل سنة رامي / لا يا ابن عمي. سيلين دلوقتي علية هناك يبقى تتعمل هناك
محمد بحدة بسيطة / طيب ماهي السنة اللي فاتت. سيلين كانت عايشة في الكمبوند. تفتكر كنا هنعملها هناك محمود / ايه يا أسر مابتتكلمش ليه أسر ببساطة / لأن ببساطة هنا أو هناك واحد.
والقرار ده خاص بسيلين. واللي يريحها تعمله ومكان مايعجبها تكون الحفلة محمد / طبعا. دا قرار سيلين. اتكلمي يا سيلين سيلين بهدوء / أنا وافقت ان الحفلة تتعمل لأن دي عادة بابا وهي هتتعمل زي كل سنة.وبنفس التفاصيل الأساسية. ولو أنتوا شايفين غير كدة. عادي مش فارقة معايا. اللي يريحكوا اعملوه وزى. ماقولتلكم أنا عليا أحضر وبس
أسر بأبتسامة / راحتك انتي اهم يا قلبي محمد / تمام من بكرة التجهيزات هتبدء ############################# في قصر مهاب العدلي مهاب ساعد شمس وخرجها من الحمام. واخد اذدال الصلاة من الدولاب بسرعة وبيلبسهولها مهاب بخوف / خلاص يا حبيبتي. 5 دقايق وهنوصل المستشفى شمس بأعياء / مهاب أنا كويسة. مــ,,ـاتقلقش مافيش لزوم للمستشفى مهاب وهو بيساعدها تلبس / مــ,,ـاتتكلميش حبيبتي مــ,,ـاتتكلميش خالص
وعرفت شمس ان خلاص مافيش فايدة من الكلام معاه وهو في حالته دي
بس في اللحظة دي شمس حست بالندم انها اخدت قرار الحمل وخبت عليه. لأنه بالفعل مرعوب عليها وهي عارفة حالته دي كويس لأنه قبل كدة اخدها المستفي اكتر من مرة في نص الليل والفجر و مرتين اخدها من الشركة على المستشفى لمجرد أنها حاسة بصداع أو برد
وكمان وقت الحمل الأول. لما كان معاها 24 ساعة في الشغل وفي البيت وفي آخر كام شهر لما منعها تروح الشغل وكمان هو ماكنش بيروح وبيقعد معاها يتابعها
خوفه عليها خوف مرّضي
بعد 15 دقيقة كان وصل بيها المستشفى والعيلة حصلتهم لما عرفوا من الخدم أن مهاب اخد شمس على المستشفى وهي تعبانة مهاب رفض يسيب شمس لوحدها في غرفة الفحص مع الدكاترة اللي بمجرد دخول مهاب بالطريقة دي أسرعوا عليه. لأنه من أصحاب المستشفى ( مهاب ساهم في المستشفى دي من وقت ما شمس كنت تعبانة. وبيساعد فيها الناس في القسم الخيري ) الدكتور / مهاب بيه ممكن حضرتك تهدا شوية. النبض كويس جدا وطبيعي وكمان الحرارة طبيعية و
مهاب بعصبية / لما كل ده كويس و طبيعي هي مالها. ليه وشها أصفر كدة وليه بتستفرغ. رررررد الدكتور / يا فندم هو ضغطها بس واطي شوية شمس بأعياء / شوفت يا مهاب قولتلك الموضوع بسيط. مهاب / والضغط اتزفت وطي ليه الدكتور / احنا هنسحب عينة دم ونعملها تحاليل شاملة يا فندم. لأن ممكن تكون انمية ودكتورة النسا هتكشف عليها ونعملها اختبار حمل. شمس / لا تحاليل لاء. أنا كويسة اهوه هو ضغط بس
مهاب / لا لازم نعمل التحاليل. بس ملهوش لازمة اختبار الحمل لأنها بتاخد حبوب منع الحمل الدكتور / بس يا فندم أنا شاكك بنسبة 80 % أن في حمل لأن دي أعراضه و ( مهاب ماسمعش باقي كلامه لأنه بص لشمس نظرات هي فهمت معناها كويس. وهو فهم توترها وخوفها وتعبيرات وشها ) مهاب بص للدكاترة / اطلعوا برة لو سمحتوا. وشوية وابقوا كملوا الفحوصات. سبحانك ربي لا إله إلا انت إني كنت من الظالمين
الأمل
لو املي فيك مــ,,ـات أنا همــ,,ـوت
أنا حاسة اني اتوجدت في الدنيا علشان أكون حبيبتك
ما ينفعش أكون غير حبيبتك
ولو ده منصب وانت قررت ترفدني منه
يبقى انت كدة بتعلن نهاية حياتي وبداية مآساتي سما روحت البيت وعيطت كتير. كتير جدا
طلعت كل اللي جواها على هيئة دموع بتحــ,,ـرق عينيها وبتزيد من ذبولها وقررت انها هترجع تروح الشركة وتهتم ببنتها وتتجاهله زي ماهو بيتجاهلها. أما تحت في أوضة نور. كان نايم على السرير
مش مرتاح.
وهيرتاح أزاي وهو بعيد عن سماه.
مشتاقلها
ريحتها وحشته
ريحة شعرها. دفا أنفاسها و نبض قلبها اللي بيسابق نبض قلبه
ولا نعومة بشرتها تحت ملمس ايديه
مشتاق لكل حاجة فيها ولكل حاجة تخصها
هو مشتاق
أصله عاشق والعاشق لازم يشتاق لمعشوقته
مش عارف هو لسه بيحبها ولا لاء
بس لو مابقاش بيحبها.
طب ليه اشتاقلها
وازاي يشتاق.
دي جرحته وآذيته في أقرب الناس له
هو ياما قالها. إلا أبويه
استحمل منها كتير. لأنه بيحبها ومايقدرش على بعدها
لكن غلطها المرة دي كبير.
كبير لدرجة أنه مش قادر يسمعلها.
هي النهاردة قدرت تشوف نظرات الغضــ,,ـب في عينيه
بس ماركزتش
ماهي لو كانت ركزت كانت قدرت تشوف ان ورا الغضــ,,ـب ده في شوق كبير مستخبي.
شوق ممزوج بحزن أكبر
وعتاب اللسان خايف ينطق بكلمــ,,ـاته لا يظهر اد ايه هو ضعيف.
ومايعرفش أن الضعف ادام معشوقته مش إهانة له
لا دا كسرة قلب ليها هي داري يا قلبي شوقك وحنانك. وبلاش تحن وتضعف
اصلك كل مرة بتسامح بترجع تجرحك جرح أكبر من اللي قبله نور لنفسه / استحملي شوية وجع ما انتي ياما وجعتيني
وكل مرة بتثبتي ليا انك أنانية
اتحملي نتيجة قرارك @@@@@@@@@@@@@@@@@@@ في المستشفى مهاب بخفوت/ انتي حامل شمس بتبص في الأرض ومش قادرة ترفع عينيها في عينيه
هو قرب عليها ورفع وشها بأيديه
مهاب بأصرار / انتي حامل يا شمس.كنتي عارفة صح. شمس بخفوت / أيوة مهاب بهدوء / أزاي. أزاي وانتي بتخدي حبوب منع الحمل شمس / ا. أنا. لأني. لأني وقفتها في فترة التبويض الشهر اللي قبل اللي فات مهاب بصوت خافت جدا / يعني انتي حامل في شهرين. شمس / والله كنت هقولك بس مهاب / بس ايه. بس مستنية لما تتعبي وبعد كدة تبقي تعرفيني صح
. ( صوته ارتفع مرة واحدة )
صححححح سكتي ليه دلوقتي. كام مرة اتكلمنا في الموضوع ده قبل كدة ورفضت. أزاي تعملي كدة. وليه.
شمس ماردتش عليه لكن الدموع اتجمعت في عينيها وهو بمجرد ما شاف الدموع في عينيها.قلبه وجعه مهاب / اوعك. اوعك تعيطي أو دموعك تنزل. ( وخرج مهاب من غرفة الكشف بسرعة علشان مايأذيهاش بكلامه. وبعدها سمح لدكتورة النسا تدخل تكشف عليها ويعملوا اللازم وجميلة دخلت مع شمس لما مهاب خرج ) مهاب لاخوه / خليك معاهم ولما يخلصوا روحهم على البيت مازن / طيب انت رايح فين وهتسيب شمس مهاب بعصبية / مالكش دعوة اسمع الكلام وانت ساكت
شمس خلصت الفحوصات واطمنوا عليها وعلى البيبي اللي عمره شهرين و اتأكدوا أن حالتها كويسة وأن اللي حصل. إرهاق بس وتعب حمل طبيعي ولما شمس خرجت زعلت جدا ان مهاب مشي وزعلت اكتر من نفسها. وخرجت معاهم علشان يرجعوا على القصر أما مهاب كان واقف تحت وشايفهم وهما بيركبوا العربيات. وحبيبته معاهم شكلها حزين جدا وماشية بتبص حواليها كأنها عارفة انه مستحيل يمشي من غير ما يتطمن عليها بعد ما مشيوا. طلع مهاب تاني واتكلم مع دكتور القلب اللي كشف عليها من شوية
والدكتور طمنه عليها جدا وعلى حالتها. بس طلب منه انها تستمر في الفحوصات طول فترة الحمل وخصوصا رسم القلب مهاب خرج من المستشفى ورجع على القصر لأنها وحشته جدا ولأنه عايز يضمها. عايز يخبيها في حضـ,,ـنه
عايز يطمن نفسه وقلبه انها كويسة وهتفضل كويسة وفي حضـ,,ـنه طول العمر ########################### في قصر عادل تاج الدين رامي اقترح أنهم يسهروا ويتفرجوا على فيلم اجنبي كلهم. مع بعض والكبار طلعوا يناموا. لكن أسر وسيلين ورحمة و ليلى سهروا مع رامي
ورحمة اتصلت بأحمد وهو كمان قعد يسهر معاهم
وقاعدين مستمتعين بالفيلم وبياكلوا فشار وأسر مش مستمتع زيهم بالعكس دا عايز يولع في رامي بسبب فكرته دي
لأنه كان عايز يسهر مع سيلين في الجناح الخاص بيهم
لأنهم الفترة اللي فاتت كانوا مشغولين جدا في تأسيس شركة الأمن اللي هو هيديرها وماكنوش بيقعدوا مع بعض كتير.
يعني طول النهار شغل و وقت الغدا أو العشا بيكونوا مع العيلة ومش بياخدوا راحتهم غير بالليل في جناحهم وبس
وبسبب رامي الليلة طارت
وهو مش عايز يضايق سيلين ولما شافها مبسوطة ومتحمسة للفكرة ماقدرش يرفض
رحمة بحماس / يالهوي على البطل يخربيته عسول اوى ورومانسي. سو كيوت أحمد بحدة / هو مين ده اللي عسول يا رحمة هانم.
وبالنسبة للي مرزوع معاكي ده رامي / ايه يا أبا في ايه انت بتتكلم مع اختي كدة ليه أحمد / انت مش سامع هي بتقول ايه رامي / عادي يعني ايه المشكلة. البطل عاجبها أحمد بخبــ,,ـث / صحيح الكلام ده يا لي لي. هو البطل حلو اوى كدة ليلى ببراءة / أيوة فعلا يا أحمد أمور اوى و
رامي / ايه يا أما هو انتي دايسة في إي حاجة كدة علطول أحمد / ايه يا ابو لسان بيئة شايفك اعترضت دلوقتي أسر / أنا اللي شايف ان أنتوا الاتنين عايزين تتضــ,,ـربوا دلوقتي على دماغكوا علشان شكلكوا كدة نسيتوا اني قاعد معاكوا يا زبالة منك له رامي / احم احم. منور يا ابو نسب أسر / لا يا اخوية لسه مابقتش ابو نسب واتلم بدل ما طربقها فوق دماغك انت وهو أحمد / وبتجمعني مع البيئة ده ليه يا عمنا
رامي / عمنا. وبتقولي بيئة. خليك فى حالك يا سياحة. دا انت هتدمر سياحة العالم كله أحمد / عجبك كدة يا سيل…. ( وبصوا كلهم على سيلين لما أحمد ماكملش كلامه. ولقيوها نامت وهي قاعدة ومريحة راسها على الكرسي اللي قاعدة عليه ) أسر بخفوت / هششششششش. أخرس خالص انت وهو. ويلا كل واحد على اوضته السهرة خلصت ليلى / بس لسه الفيلم ماخلصشي أسر / كملوه بعدين. يلا على النوم رامي / يا عم خد سيلين واطلع انت واحنا نكمل
أسر / لا وحيات أمك. أنا مش طالع غير لما كل واحد فيكوا يغور من هنا. يلا يا بت انتي وهي كل واحدة على أوضتها ( مركزين أنتوا اوى. أسر خايف يسيبهم مع بعض يصحا يلاقيهم متجوزين 😂😂 ) أحمد مشي وكل واحد طلع اوضته
وأسر شال سيلين بشويش بين ايديه وطلع بيها على الجناح بتاعهم سيلين صحيت وهو بيرفعها سيلين بخضة / ايه دا ا