فهد :- مع السلامه وقفل التليفون وقال اه يا مليكه لو كنتى قدرتى حبى ليكى ومظنتيش فيا الخـ,ـيانه كان زمانه عايشين مع بعض مبسوطين وقام من على مكتبه ومسك مفاتيحه وتليفونه نزل من الشركه ركب عربيته وراح على الفيلا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى شقة مازن روح من الشغل ودخل الشقه شم ريحة غاز دخل يجرى على المطبخ لاقه نفسه سايب الغاز مفتوح من الصبح فتح الشبابيك ونزل من الشقه حس نفسه جعان دخل مطعم وطلب سندوتشات اخدها وراح قعد على البحر ياكل
مازن :- هتعمل ايه يا مازن هتفضل كده مقضيها اكل فى الشوارع ده انا كده مش هصد على مصاريف الاكل طيب اعمل ايه وبعدين قال ارجع مى تانى وسكت فاجئه وقال لالالا ارجعها ايه دى بومه ده انا استريحت من شكلها بس هتعمل ايه يا مازن امممم هشوف صرفه مش انا مازن اللى واحده تتحكم فيه واكل السندوتشات وقام روح البيت ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى فيلا اسر وصل اسر الفيلا وقف يبص عليها وهى فاضيه وافتكر مها لما كان بيرجع من الشغل وهى فى المطبخ افتكر كلامهم وهزارهم وضحكهم
اسر :- ليه يا مها عملتى كده كان زمانه عايشين مبسوطين استفدى ايه دلوقتى طلع اوضه ودخل بص فيها وبص على السرير واتخيل مها نايمه على السرير وبتضحك ليه ابتسم بس فاجئه صورتها بدءت تختفى من على السرير مستحملش يقعد فى الفيلا نزل ركب عربيته وراح لفيلت ابوه دخل وقعد على الكنبه سوزى :- بصت لأسر وقالت مالك يا ابنى اسر :- مفيش يا ماما سوزى :- انت متخانق مع مراتك ولا ايه اسر :- ممكن يا ماما بلاش واصلت الاسئله دى انا هدخل اوضى القديمه اريح شويه وسبها ودخل الاوضه
سوزى :- اقطع دراعى لو مكنش متخانق مع بنت فايزه رهف :- هاى يا ماما انتى بتكلمى نفسك سوزى :- ها ل.ل.لا عملتى ايه رهف :- ولا حاجه روحت النادى قعد شويه وجيت سوزى :- امته بقى يجى ليكى ابن الحلال وياخدك رهف :- مش عارفه يا ماما اتعمو والصراحه من بعد فهد مش عارفه اشوف راجل غيره علطول بحس أن فيهم حاجه نقصه مش زى فهد كده مفهوش غلطه سوزى :- بلا نيله بنات فايزه فازو بكل حاجه وانتى اللى قعدى جنبى ادخلى اوضك غيرى هدومك وتعالى علشان نتغدا
رهف :- حاضر ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى شقة عبدالرحمن كانت مليكه ومها ومى قاعدين مع بعض مى :- يابنات احنا هنقعد كده وحطين ايدينا على خدنا مليكه :- قصدك ايه مى :- يعنى احنا واطلقنا الحمدالله نشوف حالنا بقى ونعمل لنفسنا كيان وشخصيه مها :- الشر بره وبعيد انا لسه مطلقتش حد لو عملها هفضل فى العده التسع شهور الحمل مليكه :- واو انتى حامل يا مها مها :- اه يا اختى ما هو السبب فى اللى انا فيه كنت هنزله من وراه اسر وعرف وجبنى هنا بس الحمدالله مطلقنيش
مليكه :- استغفر الله العظيم انتى تعملى كده يا مها حرام عليكى ده ليه حق يقـ,ـتلك بس حبه ليكى منعه مها :- يا اختى انا ما صدقت يوسف وسمر كبرو ارجع تانى للزن وقلة النوم واغير وارضع ده ايه الغلب ده معايه الولد والبنت اجيب تانى ليه مليكه :- يا بنتى استغفرى ربنا هو رايد كده متعتارضيش على أمره مى :- المهم منك ليها قولته ايه مها :- على ايه مى :- يا دين النبى شكل الحمل طخن مخك على الشغل
مها :- انا عن نفسى اخاف انزل الشغل اسر يزعل منى اكتر انا مش موافقه على الشغل مى :- اولعى بجاز وسخ وبصت لمليكه وقالت وانتى مليكه :- هى فكره حلوه اينعم لو فهد عرف هيولع فيا بس انا حره مش هو طلقنى مى :- يعنى موافقه مليكه :- ايوه بس فين الشغل ده مى :- انا كنت شوفت شركة طالبه سكرتيره ومحاسبه تعالى ننزل نجرب حظنا مليكه :- امممم موافقه وبصت لمها وقالت ما تيجى معانا
مها :- لا يا اختى انا بعمل بكل طريقه علشان اسر يسامحنى مش عايزه اخرب الدنيا انا مش قادره اعيش من غيره مى :- سبيها دى موكسه مفكره أن الدنيا جواز وراجل وحب ودلع مليكه :- الصراحه يا مى مفيش احلى من حضن جوزك وهو بيضمك بحب وحنيه ويحسسك انك ملكة زمانك وان الدنيا من غيرك متساويش مى :- بضحكت انكسار اهى دى عمرى ما حستها خالص مع مازن مها :- ليه مع أن مازن كان باين عليه اول ما عرفنا أن هو فرفوش ورومانسى
مى :- هههههههه فرفوش ورومانسى انا مازن جوزى فرفوش مع الكل الا انا اما الرومانسيه مقولكيش عليها اسكتى والنبى خلينى كتمه فى قلبى وساكته مليكه :- معلش يا مى بكره ربنا يعوضك بواحد احسن منه مى :- ومين قالك ان انا هفكر فى الجواز تانى انا هعيش لنفسى ولبناتى وبس مليكه :- ليه يا مى انتى لسه صغيره والعمر قدامك مى :- انتى عارفه ساعات ببقى قاعده مع نفسى وافكر واجيب الذنب كله عليكى انك لو مكنتيش زعلتى مع فهد ونزلتى مكنش حصلك اللى حصل وخلاكى قبلتى مازن ولا كان شافنى ولا اتجوزنى وكنت زمانى دلوقتى عايشه حياتى وكملت تعليمى
مليكه :- بس انا مقولتش ليكى توافقى عليه انتى اللى كنتى فرحانه بي وبعدين انتو اتسرعتو كنتو استنو شويه لما تعرفيه لكن انتو اتخطبتو واتجوزتو فى اقل من شهرين مى :- كان حاجه تانيه قبل الجواز مكنتش اعرف ان هو هيتغير 180درجه كده مليكه :- يا حبيبتى ده قدر ونصيب ربنا كاتبوه ليكى علشان تجيبى بناتك منه ومحدش عارف الخير فين مى :- مسحت دموعها وقالت سيبك منى انتى قوليلى ايه حصل ما بنكم انتى والاسطوره فهد ده حبكم كان يتكب عنه فى الروايات
مليكه :- اسكتى يا اختى الاسطوره طلع فى الاخر عبده مـ,ـوته مها ومى :- هههههههههههههههههه مها :- هههههههه ليه مليكه :- ابن المبقعه مقعد واحده فى الشقه قال ايه كانت من الستات الشمال وعايزه تتوب فا طلبت حماية الصقر بتاعى وانا جوزى قلبه حونين الصراحه ما صدق مى :- ههههههههههههه طيب يا بنتى بيقوم بدور وطنى ده بطل مليكه :- هههههههههه وطنى جدآ جوزى ربنا يحميه ويحرسه مها :- ههههههههههههه مشكله ده لوسمعك كان زمانه معلقك من قفاكى
مليكه :- بلا هم اى واحده مكانى كانت هتعمل زى واكتر لكن ازاى فهد المنشاوى يتنازل ويعترف بغلطه عملى بلوك علطول مها ومى :- هههههههههههههه مى :- اللهم بلك رجالتنا يارب مها :- لا يا اختى بعد الشر على اسو حبيبى مى :- بت انتى هتنقطينى اقعدى ساكته مليكه :- ههههههههه المهم انتى اعملى حسابك يوم السبت هننزل نشوف الشغل ده بكره الجمعه مى :- ماشى هقوم اشوف امك وقفه من بدرى فى المطبخ لواحدها
مها :- شوف مين بيتكلم الله يرحم ايام ما كنتى مش بترضى تعملى معاها حاجه مى :- مع مازن مش هتقدر تغمض عينيك وقامت دخلت المطبخ لامها مها ومليكه :- ههههههههههههههه مها :- مشكله الاوزعه دى مليكه :- بس صعبانه عليا والله وراه ضحكها وهزرها ده قلب مجروح ومكسور من جوه صغيره على اللى هى فيه ده مين كان يقول مى هتبقى كده طول عمرها كانت مدلعه وورده مفتحه جى مازن كسرها وخلها ورده دبلانه
مها :- بس مى قويه وهتقدر تخرج من اللى هى فيه مليكه :- يارب قومى نساعد امك فى المطبخ مها :- يلا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،