مها :- ماما فايزه :- امم مها :- ما تحاولى تكلمى اسر هو بيحبك وبيسمع كلامك فايزه :- أكلمه أقوله ايه تعال يا ابنى اتأسف لمراتك اللى هى اصلا غلطانه وتستاهل كل اللى بيحصلها مها :- عارفه أن انا غلطانه بس مفيش حد معصوم من الغلط احنا مش ملايكه يعنى فايزه :- ربنا يسهل ابقى احاول أكلمه مها :- بجد يا ماما فايزه :- ايوه بس على الله تكونى اتعلمتى الدرس وتسمعى كلام جوزك وتفكرى الف مره قبل ما تعملى الغلط
مها :- اقسم بالله توبه اعمل كده تانى ولا ازعله منى تانى فايزه :- ربنا يهدى سيركم يارب مها :- اجيب ليكى التليفون طيب فايزه :- مش لما ناكل طيب مها :- ماشى مى :- ههههههههه اما عجيبه والله مها :- ملكيش دعوه يا مى مى :- اياكش تولعى وبصت لمليكه وقالت وانتى يا مليكه عند كلمتك وهتنزلى معايه بكره ولا رجعتى فى كلامك مليكه :- لا عند كلمتى فايزه :- تنزلو فين مى :- هننزل نشتغل
فايزه :- يعنى ايه تشتغلو مش الاوله دلوقتى تشوفه رجالتكم وترجعوهم ليكم مليكه :- لا يا ماما كرامتنا اهم من اى شئ هما مفكروش فينا يبقى ميستهلوش نفكر فيهم فايزه :- انتو غلطانين وليكم عين تتكلمو كمان
مى :- هههه غلطانين ازاى يعنى انتى تعرفى ايه عن اللى شوفته ده انا شوفت زل ومرار مع مازن محدش شافه قبل كده ولا يقدر يستحمله ده انا كنت بمـ,ـوت فى اليوم الف مره وانا عايشه مع مازن اتحرمت من أبسط حقوقى كواحده ست وعشت ايام كنت بتمنى ميطلعش عليا نهار وتقولى غلطانين هه انا مع مازن خلصت الصبر كله علشان خاطر بناتى وفى الاخر تيلا طلعت معقده نفسيآ من اللى شافته مع ابوها لا يا ماما والف لا انا عيشت بناتى بعيد عن ابوهم احسن الف مره من العيشه جنبه انا خلاص اخد قرارى هعيش لنفسى ولبناتى وبس هعوضهم المرار
اللى شافوه على ايد ابوهم وهشتغل ومش هخلي نفسهم فى حاجه ابدآ لو مليكه بتفكر ترجع لجوزها زى مها هى حره لكن أنا عند رأى وسابتهم ودخلت اوضتها مليكه :- اعتقد يا ماما أن اللى مى قالته عندها حق فيه وانسب قرار اخدته هو الطلاق مى عاشت حياه مختلفه عننا انا ومها مازن مكنش هو الزوج المناسب ليها فايزه :- طيب هى شافت كتير فى حياتها وعندها حق فى الطلاق طيب وانتى يا ست هانم
مليكه :- انا ايه انا منكرش أن بحب فهد وبتعذب فى بعدى عنه بس انا كرامتى فى اى شئ فهد غلطان ورفض يعترف بغلطه وفوق كل ده باع عشرة عمرنا بسهولا يبقى صعب افكر انزل من نفسى واترجه يرجع ليا ده لو بنسبالى كل الحياه عمرى ما هعملها واروح ليه واطلب منه يرجعلى
فايزه :- انتى طول عمرك متمرده بس لما قبلتى فهد فكرته كسر ليكى تمردك ده لكن الظاهر كده كنت غلطانه واللى فيه طبع عمره ما يعرف يغيره عمومآ عقلوكم فى راسكم تعرفو خلاصكم بس متجوش بعد كده وتقوله ياريت علشان كلمة ياريت عمرها ما هترجع اللى راح منكم وسابتهم ودخلت اوضتها مها :- بصت لمليكه وقالت ماما عندها حق انتى مش حاسه بحاجه دلوقتى بس بكره لما جاكلين وفريد يكبرو ويحتاجوا ابوهم وميكنش موجود معاكم هتتمنى الزمن يرجع لواره وتصلحى امورك مع فهد علشان خاطر اولادك
مليكه :- بدموع يعنى انتو مفكرين أن انا مبسوطه باللى انا فيه لا يا مها انا بتقطع من جوايا وبحاول اكون طبيعيه علشان مظهرش ضعيفه قدامكم انا نفسى فهد يخدنى فى حضنه ويضمنى ويحسسنى تانى بالامان انا طول ما انا بعيده عنه وانا مش حاسه بالامان حاسه ان فى حاجه نقصانى بس برضه مش قادره اتقبل فكرت أن هو اتخلى عنى بسهولا محاولش يتمسك بيا مع اول مشكله حقيقيه قابلتنا فى حياتى بعنى وطلقنى انا من جوه بتقطع بس متعودش أظهر اللى جوايا لحد
مها :- صعبت عليها وقالت إن شاءالله يا مليكه ربنا هيهديه وهيحس بغيابك ويرجعك تانى مليكه :- وانا مش تحت امره وقت ما يحب يبعد يطلقنى ووقت ما يحب يرجع يردينى ليه انا مش لعبه فى أيديه يا مها انا بنأدمه لحم ودم وعندى احاسيس ومشاعر واللى عمله فهد صدمنى بجد مها :- بس ارجع واقولك مهما يكون برضه رجالتنا مش زى مازن لا يا مليكه كانو بيحبونا وتملى كانو بيحاولو يفرحونا ويسعدونا مش زى اللى اختك شافته يعنى احنا كنا فى نعمه
مليكه :- وانا اخد قرار ومش هرجع فيه هنزل اشتغل واعتمد على نفسى مها :- انتى حره بقى وقامت وسابتها مليكه :- قامت لمت الاطباق من على السفره ودخلت المطبخ وغسلتهم وخرجت من المطبخ دخلت اوضتها ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، عند جومانه فاقت وبصت حاوليها لاقت نفسها نايمه فى اوضه غريبه قامت مفزوعه وبصت على نفسها لاقت نفسها نايمه بهدومها جومانه :- بأستغراب ازاى نايمه بهدومى معنى كده محدش عمل ليا حاجه طيب أنا فين وقعدت تبص على الاوضه وفى الوقت ده باب الاوضه اتفتح
جومانه :- بصدمه انت ا.ا.انت بتعمل ايه هنا وانا بعمل ايه فارس :- هههههههه هكون بعمل ايه يعنى جومانه :- يا نهارك اسود ومنيل ا.ا انت خطفنى وفى الوقت ده خل عز جومانه :- بأستغراب بابا هو ايه اللى بيحصل بالظبط عز :- اللى حصل انك انتى خرجتى من الفيلا ومأخديش التليفون معاكى وفارس كان بيرن عليكى ومحدش رد اتصل على تليفون الفيلا وانا رديت عليه وسألنى عليكى وانا قولت ليه انك بتتمشى شويه تشمى هوا وبعدين بص لفارس وقال كمل انت بقى
فارس :- كنت جاى وجايب معايه حاجه ليكى ولما قلى انك بتتمشى وعلى رجلك ومش فى العربيه قولت ادور عليكى قرب الفيلا وانا ماشى شوفت اتنين شباب بيثبتو واحده وهياخدوها روحت أنقذها اتفاجئت انك انتى ضـ,ـربتهم واخدك فى العربيه وجبتك هنا واتصلت بعمى عز وبلغته وهو جه وقعد معايه يستناكى لحد ما تفوقى من البنج بس هو ده كل اللى حصل جومانه :- ش.ش.شكرآ فارس :- بأستفزاز عامله فيها انك سبع رجاله فى بعض ومعاكى الحزام الأسود وحتة عيلين سيكى ميكى كان هيخطفوكى لولا انا جيت فى الوقت المناسب
جومانه :- وقفت وقالت بعصبيه ما قولنا شكرآ يا عم على شهمتك مش حكايه هى خلصنا عز :- يا بنتى عيب كده كتر خير الراجل لولا كان الله اعلم ايه حصل فيكى جومانه :- بطريقه كوميديه شكرآ على شهامة حضرتك اردها ليك يوم جنازتك أن شاءالله وبصت لابوها وقالت حلو كده وسابتهم وخرجت فارس :- هههههههههه عز :- بحرج انا اسف ليك يا ابنى مش عارف بجد اقولك ايه بس انا تعبت كتير علشان اغيرها وهى زى ما هى مش بتغير طريقة كلامها
فارس :- لا ولا يهمك يا عمى وسيب تغيرها على أيدى انا ان شاءالله جومانه :- من تحت بصوت عالى ما يلا يا بابا ولا ناوى تبات عندك عز :- بص بقلة حيله لفارس ونزل فارس :- بتوعد كسرك على أيدى يا جومانه عز ،،،،،،،،،،،،،،،،،،،،،،،،،،،،،،،، الفصل العاشر جاء الليل وبدء المعازيم التجمع فى فيلا عز فى اوضت جومانه جهزت نفسها ولبست فستان فى قمة الروعه ولبست الطرحه وحطت ميكاب خفيف جدآ برز جمال ورقة ملامحها ولبست الشوز الخاص بالفستان وفى الوقت ده الباب خبط ودخل عز
عز :- اول ما شفها انبهر بجمالها وحضنها وقال مبروك يا حبيبتى النهارده اسعد يوم فى حياتى اليوم اللى عشت عمرى كله بتمناه من يوم ما جيتى الدنيا اشوفك عروسه وافرح بيكى جومانه :- يا بابا بلاش افوره دى كلها خطوبه يعنى مش فرح عز :- ضـ,ـربها على دماغها وقال يابت بلاش لسانك الطويل ده حتى يوم خطوبتك جومانه :- بهزر معاك يا عم الحاج ايه مبتهزرش يا رمضان هههههههههه عز :- هههههههه لا بهزر يا اختى
جومانه :- انت عارف يا بابا اليوم نقصه ايه عز :- بأستغراب ايه جومانه :- ماما الله يرحمها واحشتنى اوى وكان نفسى تكون جنبى فى وقت زى ده عز :- يا حبيبتى ربنا يرحمها هى دلوقتى حاسه بيكى وفرحنا بيكى يلا بقى علشان العريس عامل ليكى مفاجئه جومانه :- مفاجئه ايه هى عز :- ولو قولتها ليكى هتبقى مفاجئه ازاى جومانه :- بزعل طفولى قالت يا بابا انت عارف ان مش بحب المفاجئات وفضولى بيقتـ,ـلنى لحد ما اعرف
عز :- بضحك والله ده طلب العريس هو عايز يعملك مفاجئه جومانه :- لنفسها حتى مفاجئاته ليا بتعصبنى عز :- بتقولى حاجه يا جومانه