فارس :- وهو بيقرب ليها اكتر انا كويس مع اللى يستاهل وزباله مع الزباله وبص على شـ,ـفايفها وقرب عليهم جومانه :- اتوترت اكتر وغمضت عينيها فارس :- فاجئه بعد عنها وقال ههههههههه انتى مفكره أن هبوسك ده ميشرفنيش
جومانه :- فتحت عينيها مصدومه من كلام فارس وقالت مين قالك ان انا منتظراك تبوسنى ده انا بقرف منك ومن قربك ليا انت اخر واحد افكر اسيب نفسى ليه حتى لما تبقى جوزى ده اكبر عقاب ليا عارف ليه علشان انت بنأدم اقل أن يتقال عليه وقح وزباله والقرب منك هو اللى ميشرفنيش وياريت يكون عندك شوية كرامه وتكلم بابا وتلغى موضوع الجواز علشان مش حابه يكون اسمى مرتبط بأسمك وبعدين انا اصلا بحب واحد وهو بيحبينى بس ظروفه متسمحش أن يتقدم ليا دلوقتى علشان كده وافقت اتجوزك وقلت اهو حجه انتظر بيها حبيبى من غير لح بابا على دماغى علشان
اتجوز والصراحه ملقتش مغفل غيرك فارس :- اتغاظ من كلام جومانه ومسكها من دراعها وقال كده طب ودينى لأكون متجوزك وهندمك على كل كلمه قولتيها وابقى ورينى هتتجوزى اللى بتحبيه ازاى جومانه :- اااااه دراعى لو سمحت ااااااه اوعى كده وزقته وقالت ماشى يا فارس يا انا يا انت ورمت ليه الفستان فى الارض وخرجت تجرى من الفيلا ركبت عربيتها ومشت تجرى بيها فارس :- كلكم خاينين كلكم صنف واحد ماشى يا جومانه هعرفك مين فارس المنشاوى وداس برجليه على الفستان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ب الفصل التاسع والعاشر اشرقت شمس صباح يوم الجمعه فى سماء الاسكندريه فتحت جومانه عينيها بصعوبه بعد ليله طويله حزينه عليها بعد ما فارس جـ,ـرحها قامت من على سريرها دخلت حمامها واخدت شاور واتوضت وخرجت لبست هدومها وأدت فرضها وبصت على الدولاب فتحته ووقفت قدامه
جومانه :- بحزن انهارده اتعس يوم فى حياتى كان نفسى اعيشه وافرح بيه زى كل البنات بس للاسف وقعت مع بنأدم معندهوش قلب ولا رحمه متكبر وشايف نفسه وبعدين قالت ماشى يا فارس هتشوف برعى ده هيعمل فيك ايه ومسكت فستان فى قمة الشياكه وبصت عليه وابتسمت وقالت هو ده حطته على السرير وجهزت بقيت حاجاته وفتحت الباب ونزلت عز :- صباح الخير يا حبيبتى جومانه :- صباح النور يا بابا عز :- ايه مستعده للخطوبه بليل
جومانه :- بحزن ايوه يا بابا عز :- لاخر مره يا حبيبتى هسألك انت موافقه على فارس جومانه :- ايوه بس ليه بتسألنى كل شويه وتأكد عليا عز :- علشان اللى انا شايف انك مش مبسوطه وعلطول شايفك حزينه جومانه :- بكدب اصل ماما واحشتنى وكان نفسى تكون جنبى فى يوم زى ده عز :- الله يرحمها يا حبيبتى اكيد هى حاسه وفرحانه دلوقتى جومانه :- الله يرحمها ووقفت وقالت عن اذنك عز :- رايحه فين
جومانه :- هشم شوية هوا عز :- بس متتأخريش علشان تلحقى تجهزى جومانه :- حاضر وخرجت من الفيلا ومشت فى الشارع من غير عربيه وافتكرت كلام فارس ليها قعدت تجرى فى الشارع بسرعه جنونيه وكانت بتاخد نفسها بصعوبه وقفت لما حست بروحها بتخرج من جسمها لاقت كرسى قعدت عليه وكانت بتنهج جامد ودموعها نزلت منها فجأه سمعت صوت شابين بيقولوا ليها الشاب 1:- ايه يا جميل مين بس مزعلك تعالى فى حضنى وانا انسيكى اى حاجه حصلت
جومانه :- بغيظ انت بنأدم سافل ولسه هتمشى الشاب 2:- مسكها من دراعها وقال الحلو زعلان ليه بس كده ومالو متعصب جومانه :- شدت دراعها وقالت انت ازاى يا وقح يا زباله تمد ايدك عليه كده الشاب 1:- وقف فى ضهرها وطلع مطوه وحطها فى ضهرها وقال امشى معانا من غير ولا كلمه جومانه :- بخوف ا.ا.انت فاكرنى ه.ه.هخاف من حتة مطوه انا مستحيل امشى من هنا وهصوت والم عليكم الناس لو مبعدوش من هنا
الشاب2:- تصدقى عجبتينى اكتر ومصمم اخدك معانا دلوقتى وبص للشاب التانى وقاله هات التوكتوك بسرعه البت دى هتكون معايه فى حضنى النهارده جومانه :- بخوف مش هيحصل ولسه هتضـ,ـربه الشاب مسكها من ايديها وقال الشاب 1:- خلى المعافره دى ساعة ما امـ,ـوتك فى السرير جومانه :- على جثـ,ـتى تلمس شعره منى وفى الوقت ده وصل الشاب 2 بالتوكتوك الشاب2:- يلا هاتها جومانه :- ا.ا.اوعى ابعد عنى الشاب 1:- طلع منديل وحاطه على مناخير جومانه جومانه :- فقدت الوعى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى فيلا فهد المنشاوى صحى فهد من نومه وبص جنبه على السرير مكان ما مليكه بتنام وحط ايده على وشه وقال
فهد :- مليكه مليكه مليكه مش قادر اعيش من غيرك ولا متقبل فكرة بعدك عنى وفى نفس الوقت مش قادر انساه قلة ثقتك فيا وشكك فيا اعمل ايه دلوقتى انا تعبت بجد بعدك عنى شئ صعب جدآ ااااااااه يا مليكه حبك بيكوى فى قلبى مسك تليفونه بص فيه على صورة مليكه وقال واحشتينى واحشنى كل حاجه فيكى ضحكتك حنيتك عليا كلامك الحلو كسوفك منى وخدودك اللى بيحمرو من اقل كلمه بقولها ليكى ليه ليه ليه وحدف التليفون فى الارض وقام وهو متعصب دخل الحمام وشغل الميه ووقف تحت الدش وسند أيده على الحيطه وخلى الميه تنزل على وشه واخد نفس وكتمه
وبعدين طلعه مره واحده وخبط بأيده على الحيطه وقال كفايه تفكير فيها بقى كفايه انا تعبت قفل الميه ولبس البورنص واتوضه وخرج لبس هدومه واده فرضه ونزل سهير :- صباح الخير يا ابنى فهد :- صباح النور سهير :- اقعد افطر فهد :- لا مليش نفس سهير :- يا حبيبى انت مش بتاكل خالص هنا انت زعلان مع مليكه صح فهد :- ماما ماما ابوس ايديك بلاش نبدء الوصله سهير :- ماهى واضحه زى عين الشمس يا ابنى
فهد :- ماما علشان ترتاحى مفيش مليكه تانى انا طلقتها ارتحتى دلوقتى سهير :- بصدمه ايه طلقتها ليه يا فهد تعمل كده فهد :- خلاص يا ماما انسى مليكه سهير :- مقدرش انساها مليكه مش مجرد مرات ابنى مليكه بنتى اللى مجبتهاش بطنى ليها جمايل كتيررررررر اوى عندى فهد :- والنصيب خلص لحد كده ممكن بقى متجبيش سيرتها تانى وسبها ومشى سهير :- هو ايه اللى بيحصل لينا ده ياربى واحد يخطب والتانى يطلق هو مش مكتوب لينا الفرح ابدآ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى شقة عبدالرحمن صحيت مها من نومها مها :- مسكت تليفونها واتصلت على تليفون اسر وانتظرت الرد بس زى كل يوم مش بيرد عليها رمت التليفون على السرير وحطت ايديها على وشها وقعدت تعيط وقالت مها :- بدموع كده يا اسر بقى اهون عليك كده حتى تشوف رقمى على التليفون ومتردش عليا انا نفسى بس اسمع صوتك واحشتينى اوى اوى يا اسر بس برضه مش هيأس غير لما تسامحنى وترجعنى تانى لحضنك قامت دخلت الحمام واخدت شاور واتوضت وخرجت لبست هدومها وأدت فرضها وخرجت من الاوضه وكانت مليكه ومى وفايزه قعدين مستنينها على الفطار
مها :- صباح الخير الكل :- صباح النور مها :- معلش اتأخرت عليكم فايزه :- لا يا حبيبتي ولا يهمك مى :- تلاقيكى كنتى بتحاولى توصلى لأسر بس طنشك زى كل يوم يا بت خلى عندك شوية كرامه مها :- ملكيش دعوه خليكى فى حالك مى :- انتى حره انا عايزه مصلحتك مها :- مصلحتى عارفها مع اسر وبس مليكه :- ربنا يهديه ليكى يا حبيبتى