صحيت مها من نومها وبصت على اسر اللى نايم جنبها ومشت ايديها على وشه وقربت منه وباسته فى خده اسر :- شدها فى حضنه وقال صباح الدلع والجمال مها :- صباح النور يا قلبى اسر :- العيون الجميله صاحيه ليه بدرى مها :- امممم قلقت ومش عارفه انام تانى اسر :- مين شاغل بالك مها :- هو فى غيرك انت يا حبى شاغل عقلى وقلبى وكل كيانى اسر :- بغمزه صباح الرومانسيه مها :- انا بحبك فى كل اوقاتى فى ليلى ونهارى يا عمرى كله
اسر :- ضمها ليه وباس راسها وقال وانتى حب عمرى كله يا مها مها :- ربنا يخليك ليا اسر :- ويخليكى ليا يا قلبى مها :- تيلا تعباك ولا حاجه اسر :- لاء خالص كفايه سى روميو قايم بكل حاجه مها :- هههههههههه على يوسف اسر :- اه يوسف ده ناقص يشلها فوق دماغه ويمشى بيها ده ابنك واقع من الدور الاربعين مها :- هههههههه حبيب امه يا ناس طالع رومنسى لابوه
اسر :- مين ده اللى طالع لابوه لاء طبعآ ده غلبنى يا اما ده لسه مقفلش التسع سنين وعامل كده امال لما يكون شاب هيبقى ايه الحال ده هيبقى سوما العاشق مها :- ههههههههههههه انت غيران من ابنك اسر :- وانا هغير ليه وانا معايه احلى واجمل ست فى الدنيا دى بحالها مها :- حبيب قلبى بمووووت فيك وانت احسن راجل فى الدنيا دى كلها اسر :- اااااه يا مهون امته بقى مها :- هههههههه على ايه
اسر :- على كلام الدكتور مها :- ما انا قولتلك الدكتور ده مش بيفهم اسر :- والله طب نامى يا ماما نامى ربنا يهديكى وقام من جنبها مها :- رايح فين اسر :- هصحى الولاد للمدرسه مها :- اه ماشى اسر :- نامى انتى شويه مها:- حاضر اسر :- بعت ليها بوـ,ـسه فى الهوا وقال بحبك وخرج ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فى شرم فى اوضت مى صحيت مى من نومها وقعدت على سريرها وافتكرت اللى حصل بليل بعد الحفله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، فلاش باااااك بعد انتهاء الحفله خرجو الاربعه من الحفله باسم :- فهد روح انت ومليكه وانا هوصل مى فهد :- ماشى يا باسم وبص لمى وقال باسم هيوصلك يا مى مى :- بغيظ من باسم قالت ماشى يا فهد ومشى فهد ومليكه وركبت مى مع باسم فى العربيه باسم :- مكنش قدامى غير كده علشان توافقى تركبى معايه وأتكلم معاكى شويه مى :- بيتهيألى كده مفيش ما بنا كلام وسبق وقولتلك كده باسم :- لاء يا مها فى ما بنا كلام كتير فى أن انا بحبك ومستحيل أتنازل عنك وهفضل وراكى لحد ما توافقى تتجوزينى
مى :- انت حافظ مش فاهم قولتلك مش هتجوزك مش هتجوزك مش هاخد حاجه مش من حقى مراتك وبنتك هما أحق بيك منى
باسم :- لاء غلطانه يا مى انت محتاجنى اكتر من اى حد محتاجه حد يعوضك عن اللى فات حد يرجع الثقه تانى ليكى حد يشفى جرحك من مرض الكسره والحرمان اللى شوفتيهم على ايد البنأدم اللى كنتى عايشه معاه مش معنى أن هو طلع وحش كلنا كده لاء يا مها هو محبكيش علشان كده كان بيعمل كده فيكى لكن انا بحبك بجد يا مى مستعد اعمل اى حاجه علشان خاطر اشوف الضحكه على شـ,ـفايفك اما مراتى وبنتى انا مش هقصر معاهم فى حاجه مش هحسسهم بوجودك فى حياتى يمكن هبقى معاهم احسن من الاول لان الست اللى كنت مشغول بيها وبفكر
اربعه وعشرين ساعه فيها معايه
مى :- انت واعى لكلامك انت عارف بتقول ايه حتى لو عدلت ما بنا احساس مراتك هيبقى صعب وهتحس تملى بفرق معامله مفيش واحده فى الدنيا دى كلها تستحمل وجود جوزها مع واحده تانيه غيرها حتى لو الواحده دى مراته برضه بتبقى نار جواها هيبقى الليل طويل جدآ عليها من كتر التفكير جوزها بيعمل ايه دلوقتى صدقنى دى اصعب حاجه على الست بتبقى بتمـ,ـوت بالبطيئ المـ,ـوت اهون الف مره عن الراجل يتجوز على مراته وتقولى مش هتحسسهم بوجودى لاء يا باسم مش انا اللى ابنى سعادى على تعاست ناس تانيه حتى لو قلبى مجروح والشـ,ـفا فى ايدك انت مش عايزاه لان
مش هقدر اعيش بتأنيب الضمير باسم :- حتى لو جبت نورهان تقول الكلام ده ليكى بنفسها مى :- تقولى ليه باسم :- تقولك انها موافقه على جوازى منك مى :- انت اكيد مش طبيعى اقسم بالله ازاى عايز مراتك تيجى وتقولى وافقى اتجوزى جوزى باسم :- انا مش هغصب عليها فى حاجه انا هسألها موافقه تعيش معايه ولا لاء لو موافقه تيجى تقولك الكلام ده بنفسها مى :- ولو مش موافقه باسم :- يبقى هى اللى اختارت هطلقها واخد بنتى تعيش معانا
مى :- باسم انا مش عايزه اعرفك تانى واول ما ارجع اسكندريه هطلب من فهد ينقلنى لاى مكان تانى أو حتى اسيب الشركه واروح اى شغل تانى مستحيل اشتغل مع واحد انانى زيك ازاى عايز تحرم ام من بنتها ازاى عايزنى اشارك معاك فى جـ,ـريمه زى ديه والمشكله انك مش واخد بالك أن انا ام واقدر احس بأحساس واحده هيتاخد منها ضنها اكيد هتوافق تعيش معاك غصب عنها علشان متبعدش عن بنتها انتو ايه كلكم كده ملكمش قلب كلكم بتوع مصلحتكم ومفكرين أن الست تقدرو تبيعو وتشترو فيها
باسم :- مى محدش ليه تحكمات فى قلبه وانا مستعد ابيع عمرى كله علشان خاطر لحظه واحده اعشها معاكى مى :- انا كواحده ست وام فى نفس الوقت حاسه بأحساس كل ست زى وبحس بشعورها وشعور طفلتها علشان كده عمرى ما هقبل اعيش حد نفس اللى عشته مش هقدر وفى الوقت ده وصل باسم للفندق باسم :- مى انا مش هييأس انا هستناكى وياريت تفكرى فى كلامى و تدى نفسك وتدينى فرصه تانيه مى :- عن اذنك ونزلت وقفلت الباب وراها وطلعت على اوضتها بس وهى طلعه على اوضتها قبلت مازن
مى :- مازن انت جاى هنا ليه مازن :- انا من بدرى مستنيكى كنتى فين مى :- وانت مالك مازن :- رجعه متأخر وتقوليلى انت مالك مى :- ايوه انت مالك انا حره ارجع بدرى ولا ارجع متأخر انشالله انام بره ده يخصك فى ايه مازن :- مى انا بحبك وبخاف عليكى ومش عايز حد يقول علشان مطلقه عايشه حياتها وانتى عارفه كلام الناس مى :- محدش ليه عندى حاجه مدام مش بعمل غلط وبخاف ربنا وياريت تبعد عن سكتى وزقته وجت تطلع
مازن :- كنتى معاه صح مى:- وقفت وبصت ليه وقالت مع مين مازن :- مع الولا الملزق ده اللى اسمه باسم مى :- ملكش دعوه مازن :- مى ابعدى عنه وبلاش تسمحى ليه أن يقربلك علشان انا مش هسمح بكده انا بحبك ومستحيل اخلى حد يخدك منى فاهمه وسبها ومشى مى :- بصت بصدمه ليه لحد ما اختفه واول مره تحس بخوف من طريقة كلام مازن دمعه نزلت منها مسحتها بسرعه وطلعت على اوضتها ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باااااااك مى :- بدموع يا ترى يا دنيا مخبيه ليا ايه تانى انا تعبت بجد الشئ الوحيد اللى مصبرنى على الدنيا دى بناتى
لكن انا خلاص مش قادره كل شئ بقى فوق احتمالى يارب ادينى الصبر وقوينى على متاعب الحياه أنا عارفه ان كنت متنمرده على عشتى وانا بنت بس اخد اللى استحقه وزياده يارب اكتبلى الفرح من عندك احسن روحى تعبت من العذاب والحزن نفسى اعيش حياه طبيعيه مفهاش حزن ولا دموع نفسى افرح بجد من قلبى انا عندى سته وعشرين سنه بس حاسه ان عندى تسعين سنه خلاص فقد لذة الحياه ومحتاجه المـ,ـوت وبس وبعد كده مسحت دموعها وقامت من على سريرها دخلت حمامها اخدت شاور واتوضت وخرجت لبست هدومها وأدت فرضها وخرجت من اوضتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،