– هذا بيتي و الرجل الذي معك آجره مني و انتهي الوقت هيا اخرجي .
نادية بخوف :
– انت راجل مجنون انا هنادي تامر يشوف صرفة في الموضوع ده .
ذهبت لغرفتها لكي لا تجده فتحت خزانة الملابس لكي لا تجد اي ملابس له…
وجدت ظرف و وردة بيضاء امسكت الظرف بتوتر و فتحته لتجد
“حبي نودي خلاص انا دلوقتي مش محتاج منك حاجة احب اقولك اني دلوقتي في مصر ام الدنيا بس سيبلك شوية فلوس حوالي 200 لا سوري ده انا حسيت اني محتاجهم معلش بقي ملكيش نصيب في الاربعة مليون ابقي شوفي هتشتغلي فين بقي تصرفي علي نفسك بس متنكريش اني خليتك عايشة احلي ايام في حياتك سلام يا حبي متزعليش مني”
تركت الورقة لتصرخ بصدمة و تصفع نفسها بسرعة..
تركها في بلد اجنبيه لوحدها ليس معها مال و لة مأوي ليس معها الا بعض الملابس..
ظلت تتذكر ماذا فعلت في حياتها لتبكي اكثر و هي تضرب فخذيها بقوة..
***
بعد سنتين..
تصرخ في غرفة العمليات لينظر آسر لمي و يقول بتوتر :
– هي هتصرخ كدة كتير .
مي بضحك :
– بس اسكت ديه لسة عاضة الدكتور و هو عايز يمـ,ـوتها ..
آسر بضيق :
– طب خليكي في كرشك .
مي بغيظ :
– عبدو بص بقي بيتريق علي ابننا .
و وضعت يدها علي بطنها الذي تحمل جنين اخر ليقول عبدالرحمن بمزاح :
– معلش يا بطيخة .
مي بضيق :
– يا مستفز .
ثم سمعت صوت طفلتيها تجذب شعر سما لتصيح سما :
– ما تلمي نفسك يا بت انتي و هي عشان ملكمش بالشبشب .
فتضحك الطفلتين لتنظر سما بغضب لمي :
– ما تلمي عيالك يا مي .
فتضحك مي قائلة :
– احسن ديه انتي كنتي مجننانا تستاهلي .
فتحت الطبيبة باب العمليات لتقول و هي تنهج :
– الحمدلله ولد زي القمر .
زغرطت مي بسعادة ليقول عبدالرحمن بغضب :
– مي الواد الي بطنك .
مي بدلال :
– قولي بحبك و انا هسكت .
– لا لا كملي .
ضحكت بدلال و قالت :
– طب انا بحبك .
امسك يدها و قبلها بحنان لتضحك و تتمسك يده بقوة..
دلفوا كلهم لـحور التي تحمل طفلها الرضيع..
آسر بسعادة :
– ادم حبيب بابا .
حور بفرح :
– زي القمر يا آسر ما شاء الله .
عبدالرحمن :
– ربنا يحرصه يتربي في عزك يا آسر .
ابتسم آسر بسعادة لتدخل ممرضة ترتدي جيبة قصيرة لمحها آسر بالصدفة ثم نظر للارض لتقول حور بضيق :
– لا ونبي .
آسر بتعجب :
– ايه .
حور بغيظ :
– علي اساس اني مشوفتكش .
آسر بدهشة :
– هو حصل ايه .
ضحكت مي و عبدالرحمن علي غيرة حور الجنونية..
لتقول حور بغضب :
– انا شيفاك و انت بتبصلها يا آسر .
– يختااااي والله ما بصتلها .
– لا بتصلها .
آسر بمزاح :
– ملحقتش اشوف .
حور بعصبية :
– كمان .
ضحك و هز رأسه معترضاً ليقترب و يسحب غضبها بقبلة حانية علي الجبين و همسة صغيرة لا يسمعها الا هما :
– بحبك .
ابتسمت و احتضنت رأسه لصدرها بذراعها و بالذراع الاخر تحمل طفلاً من صلبه..
اشتدت بالضمة ليصبح آسر آسير في قلب حورية.. ❤❤❤تــــــــــــــمــــــــــــت❤❤❤
الاهداف :-
❤❤❤❤❤❤❤
– الغيرة الكتيرة وحشة..حبي و غيري ماشي لكن متبقيش غيرة لدرجة انها توصل لشك و عدم الثقة .
– علفكرة بردة الغيرة بدل علي الحب ❤
– في حب بيجي بالعشرة و بالمودة و الرحمة و ده بيبقي انقي و افضل حب بيدوم طول العمر .
– الخيانة و عدم الاهتمام كفيلة بأنها تخلي نصك التاني يمـ,ـوت و خصوصاً لو حبك بجنون .
– في اللحظة الي هتحس فيها انك هتمل من مراتك او زوجك قرب منه و هتلاقي الملل الي حصل لما بعدت خليك قريب خلي “زوجك/مراتك” هو/هي كل حاجة لانه/ا فعلاً كل حاجة في حياتك .
– حب الجسم مش بيدوم .
– الخيانة ساعات بتبقي اننا نخبي و نبعد و نقول اسرارنا لحد مش لازم يعرف حد اجنبي زي مي و مصطفي و طبعاً شوفته عقابها كان قوي ازاي بس عشان التوبة و القرب من ربنا..ربنا كافئها ..
– اسرار البيت الزوجية متطلعش برة البيت و لة حتي لصحبتك او لصحبك خليها بينك و بين مراتك/جوزك عشان لوحدكوا هتقدروا تحلوها افضل..
– مفيش قلب بعد ما حب بيكره .
– هي فرصة في حياتك مضيعهاش من ايدك طبعاً الخيانة حاجة صعبة بس فعلاً الحب بيتغلب علي حاجات كتير .
– قول لمراتك انك بتحبها علطول عشان ميحصلش زي ما حصل مع مي و تجنن..بس قولها بإحساس فعلاً .
– الاعتذار مش عيب..مش لازم عشان راجل عيط يبقي مش راجل ما ممكن تبقي فعلاً الي هيضيع منه حاجة كبيرة .
– متكسرش ثقة حد قالك في يوم انت كل حياتي . ❤❤❤النهاية ❤❤❤
