ام احمد المغسلة

روان انا عارفه اني غلط عارفة اني غلط وندمانه على اللي عملته في نفسي انا كان نفسي أفضل شوية عشان اتوب واكفر عن ذنوبي بس للاسف فات الأوان خلاص المغسلة لا اله الا انت سبحانك اني كنت من الظالمين يابنتي هو انتي كنتي بتعملي ايه عشان تقولي الكلام ده وبعدين انتي شكلك متعلمة يعني كنتي فاهمة وعارفه انه في حساب وعقاب وكنتي لازم تبدائي انك تتوبي روان انا كنت بصلي وعارفة ربنا كويس جدا بس الصحبة الوحشة اللي خلتني اعمل اللي اعمله ده انا مش عارفه انا عملت كده ازاى واللي قولته ده قولت ازاى انا ندمانة بجد ندمااانة

وبدات تحكي اللي حصل منها #فلاش باك روان سنها 18 سنة في المدرسة الثانوية وكانت في اليوم ده في الدروس وصاحبتها جني قالت لها جني شوفتي يا روان الطقم الجديد اللي انا جابته لسه نازلة مشترياه امبارح بس يعني دي اول لبسة ايه رايك حلو مش كده روان بحزن اه جميل اوي مبروك عليكي يا جنى بس انتي يعني جبتيه بكام هو انتي مش كنتي بتقولي أن مامتك مش معاها تدفع فلوس الدرس جني لا ماهو انا بقا بقيت بدخل على التيك توك واعمل فيديوهات وكده وبقا يجي لي مشاهدات وباخد بالدولار

روان . ايه انتي بتقولي ايه ازاى الكلام ده يعني ايه بتعملي تيك توك انا مش فاهمة حاجة جني ايه يا بنتي هو انتي مش بتدخلي على النت وتشوفي فيديوهات لناس كانت حالتها مكحرتة وبقوا حاجة تانية من التيك توك واليوتيوب والكلام ده روان لا انا اصلي مش متابعه عشان ماما مش مدخله نت في البيت اصلا واحنا مش بنتفرج على حاجة جني يخربيت عبطك يا روان هو لسه في بيت في مصر كلها مش مدخل النت دي مامتك دي قديمة اوي لا لا ياحبيبتي ده عالم تاني انتي لو عرفتيه مش هتسبيه ابدا

روان طيب هو انا كنت عايزة اشوف العالم التاني ده يا روان ما تعرفيني ووريني وازاي اصلا انتي بتعملي الفيديوهات اللي بتقولي عليها دي وبيجي لك فلوس جني لا انا مش بعمل فيديوهات انا بعمل لايفات وبيجي عليها فلوس بالهبل يا حبيبتي روان بجد يا جنى يعني الموضوع ده حقيقي فعلا انا كنت اسمع عن النت والحاجات اللي بتقولي عليها دي بس انا ماما مش بتخليني انا واخواتي تعمل حاجات من دي انتي عارفه ماما صعبة ازاى

جني ياختي ماهي امي كانت كده ما انتي عارفه اني حالي زيك بس انا ابويا بقا راح سابني لأمي هي اللي ربتني وكانت لةبرضو ماسكة في القيم والأخلاق دي بس انا حطيتها قدام الأمر الواقع وخلاص بقيت اعمل اللي انا عايزاة روان بجد طيب ما تعلميني ولا اقولك بلاش انا مش هينفع انا مقدرش اعمل كده دي كانت ماما تزعل مني جامد جني . خلاص يا حبيبتي براحتك خليني انتي بقا قاعده كده وبتروحي وبتيجي الهدوم اللي عليكي دي وبس بقولك ايه انتي اكيد جعانة صح ما تيجي اعزمك على بيتزا ولا مريب انا معايا فلوس كتيرة اهي

روان لا مش عايزة جني ايه اللي مش عايزة دي بقولك ايه يا رورو انا خلاص عزمتك واتحسبت عليكي عزومة يلا بقا قومي وراحت معاها روان واكلوا واتفسحوا ورجعت روان البيت وقالت لأمها روان هو انا بقا يا ماما هفضل كل يوم انزل باللبس القديم اللي عندي ده مش هيغيرة انا زهقت بقا ما الناس كلها عايشة اهي وبيلبسوا وبيتفسحوا وبيعملوا كل اللي هما عايزينو أشمعنا احنا بقا ابتسام. عشان ربنا رايد لنا كده يا روان ولازم نرضى باللي ربنا عايزة ونقول الحمد لله

روان بقولك ايه انا مليش دعوة بالكلام ده كله انا عايزة فلوس عشان انا تعبت بقا ونفسي اعيش زي اللي عايشين دول ولا انا يعني مش هينفع اعمل كده خرجت اختها هدير اللي اكبر منها بسنة وفي الجامعة وقالت لها هدير ايه اللي انتي بتعمليه ده يا روان انتي ازاى تتكلمي مع ماما بالشكل ده انتي اتجننتي ولا ايه روان لا ياهدير متجننتش بس انا شكلي هتجنن لو امك مسبتناش نعيش زي الناس اللي عايشة دي

هدير واحنا مالنا بقا ان شاء الله يا ست روان ما احنا عايشين وزي الفل اهو بناكل وبنشرب فيها ايه بقا روان ااه بناكل ايه وبنشرب ايه يا ختي انت عاجبك حالك لما تروحي وسط اصحابك باللبس ده كل يوم رايحة جايه معاهم بنفس اللبس مش بتغيري هدير والله احنا امكانيتنا كده وعادي انا بروح وباجي مع اصحابي وعادي عايشة ايه بقا انتي مشكلتك مش فاهمة انا بقولك ايه بطلي عبط وانتي عارفه ان ماما ربتنا لوحدها

روان بقولك ايه يا ختي يا عاقله انتي عارفاكي هتفضلي في التخلف ده وانتي مش عارفه مصلحتك فين بس انا بقا خلاص عرفت مصلحتي فين وهعملها ابتسام وناوية تعملي ايه بقا ان شاء الله ياست روان ايه ناويه تنزلي تشتغلي وتصرفي على البيت روان بس متتريقيش عليا يا ست ماما بكرة تشوفي بنتك وهي بتلعب بالفلوس لعب ابتسام انتي بتقولي ايه يابت انتي ليه هو انتي ناوية تعملي ايه بالظبط انطقي روان

هاكون ناوية اعمل ايه يعني هو انتي فهمتي ايه انا هدخل نت على موبايلي واعمل فيديوهات تيك توك و هعمل كمان لايفات كتيرة عشان يجي لي عليها فلوس كتير بالدولار ابتسام يانهارك اسود انتي بتقولي ايه ده انا كنت اخلص عليكي يا حيوانة بقا انتي عايزة تمشي في الطريق ده لا انتي بتحلمي يابت بقا انا مش عايزة اسمع الكلام ده تاني في البيت ابدا انتي سامعة ولا لا روان وانا طبعا مش هسمع منك هعمل اللي انا عايزاه يا ماما انا مش صغيرة واعرف اعتمد على نفسي كويس

قالت كلامها ودخلت اوضتها وكانت اختها اللي اصغر منها ياسمين قاعده وقالت لها ياسمين روان انا عايزة اعمل معاكي لايفات انا بتفرج عليهم على تليفون مريم صاحبتي في المدرسة وبشوف الناس وهي بتقول كبسوا كبسوا وبياخدوا فلوسة كتيرة اوي روان بجد يا ياسمين يعني انتي شوفتي الحاحات دي ياسمين ايوه بشوفهم ماهي مريم صاحبتي معاها موبايل فيه نت واحنا بنتفرج معاها اصل هي أهلها اغنية اوي دي معاها ايفون روان كمان ايفون خلاص يا ياسمين انا هاشوف الموضوع ده يا حبيبتي وهشتغل فيه ومش هخليكي محتاجة لأي حاجة ابدا

ياسمين بفرحة ماشي بس تجيبي لي ايفون زي بتاع مريم عشان اغيظها زي ما هي بتغظني روان من عنيا الاتنين ياقلبي وعند ابتسام قالت لهدير ابتسام وبعدين يا هدير اعمل ايه في البنت دي انا خلاص مش عارفه اتصرف معاها ازاى بس هدير سيبها يا ماما وهي اكيد يعني مش هتعمل حاجة دي بوق على الفاضي سيبك منها وتاني يوم راحت روان عند جنى وقالت لها روان بصي بقا يا جنى انا عايزاكي تعلميني اعمل ايه بالظبط في التيك توك والحاجات اللي انتي قولتي لي عليها دي

جني ليه يا رورو ناوية تشجعيني انتي كمان ولا ايه روان لا انا ناوية اعمل زيك بس انتي تعمليني كل حاجة وتعملي لي بقا ايميلات وحاجات زي دي بس انا كنت محتاجة منك سلفه كده ووالله انا هرجعهم لك علطول جني اااه ابتدينا بقا وهندخل في سلفه ومش عارف ايه وانا الصراحة يا روان مش بحب اسلف حد خالص ده حتى امي نفسها روان عشان خاطري يا جنى ده هما بس سلفة بسيطة كده اجيب كارت فيه نت عشان اقدر استخدمة براحتي وهرجعهم لك صدقيني والله

جني امممم خلاص ماشي يا روان وانا موافقه ولو ياستي جالي أسد اللايف اللي جاي انازمش هاخدهم منك بس انتي تدعي لي بقا ماشي وبعدها جني فضلت تعلم روان في النت والسوشال ميديا اللايفات وعرفتها تعمل ايه بالظبط وروان اتعلمت بسرعه جدا وفي يوم كانت فاتحة لايف وواحد بيقول لها الراجل تعرفي انك حلوه اوي بس انا نفسي اشوف شعرك انتي عارفه لو قلعتي الحجاب ده هبعت لك اسد روان ماشي انا هقلعة قدامك دلوقتي

الراجل لا بس تخليكي بشعرك علطول متلبسيش الحجاب تاني ها موافقه ولا لا في اللحظة دي كانت جني قاعده جنبها بس متدراية وقالت لها جني بصوت واطي واقفي واقفي انتي لسه لحد النهارده مدخلكيش أرباح كتيرة والأسد ده اللي هيزودك علطول واقفي روان بارتباك ردت عليه في الكاميرا وقالت له روان خلاص انا موافقة اني اقلع الحجاب وامشي بشعري وهبدا من دلوقتي اهو ابعت بقا زي ما قولت وفي اللحظة دي بعت لها الأسد وفي اللحظة دي فضلت تتنطط وترقص هي وجنا وكانت فرحانة جدا ورجعت البيت ابتسام قالت

ابتسام انتي كنتي فين يابنت وايه اللي اخرك لحد دلوقتي روان كنت بعمل لايف انا وجنى اسكتي يا ماما مش انا جالي فلوس هما مش مبلغ كبير اوي بس لسه التقيل جاي جاي ابتسام انتي برضو عملتي اللي في دماغك ومشيتي في السكة الهباب دي يابنت انتي ازاى تعملي كده ازاى