ام احمد المغسلة

روان بقولك ايه بقا متنكديش عليا وسبيني مبسوطة ياماما يلا اخرجي من الاوضة يلا ابتسام وكمان بتطرديني من اوضتك ده انتي عيارك فلت خالص وكمان مش لبسة حجابك ده انا ماخدتش بالي ياحيوانة انتي عملتي في نفسك كده ليه يابنت روان يووووه بقولك ايه دماغي وجعاني اخرجي بقا وسبيني خلاص نكدتي عليا وقفلتيني روحي بقا ابتسام كده طيب ابقي وريني يا روان هتخرجي تاني من البيت ازاى انا هوريكي وسبتها وخرجت من الاوضة وروان قالت

روان عادي ولا بيهمني تبقا افتح لايف من عندي من الاوضة هنا عادي جدا ودخلت عندها ياسمين وقالت ياسمين روان انتي فعلا جالك فلوس لما عملتي اللايفات روان ااه يا حبيبتي جالي فلوس حلوه ولسه هيجي لي كمان وكمان وخلي بالك انا مش ناسية الايفون اللي هجيبهولك انا بس مستنية اجمع تمنه واجيبه علطول ياسمين ايوه بقاااا هو ده الكلام انا بحبك اوي يا روان ياحبيبتي وبعدها فضلت روان تعمل لايفات كتيرة ومش بتسمع كلام امها واختها هدير وفي يوم كانت فاتحة لايف في اوضتها وبتكلم واحد وبتشرب سجاير وقال لها

الراجل انا بقا هبعت لك كاش بس تنفذي اللي انا هطلبه منك وانتي لازم تنفذي عشان تاخدي الفلوس روان وانا موافقه ياسمك ايه الا هو انت اسمك ايه عشان ابقي عارفه انا بتكلم مع مين ولا انت هتفضل مخبي وشك وكمان هتخبي اسمك هو انا اسمي مختار بس انا مش عايز أظهر وشي عشان انا شخصية معروفة ومش عايز حد يعرفني المهم خلينا بقا في الطلبات اللي هطلبها منك روان انت تؤمر طبعا عايز ايه بقا

وبدأ يطلب منها تعمل حاجات قدام الكاميرا وهي كانت بتنفذ وبعدها بعت لها فلوس وجنى بقت تعرف كده وبدات الغيرة منها وقالت لها جني ما انتي بقا عملتي بالمثل اللي بيقول علمناهم الشحاتة سبقونا على الأبواب جرا ايه يا حبيبتي ما تخفي شوية كده اومال انتي واخده الجو كله ناحيتك ايه هو مش انا اللي ليا الفضل عليكي ولا انتي زي القطط بتأكلي وتنكري روان وانتي بقا متغاظة ليه أن شاء الله يا حلوه ولا عشان اللي بقيت مطلوبة اكتر منك فانتي بقا الغيرة ق-تلاكي

جني انا محدش يقدر ياخد مني حاجة ابدا ااه صحيح احب ابشرك بالنتيجة بتاعتك أصلها ظهرت النهاردة وانتي سقطتي هههههه اصلك بقيتي مدمنة لايفات ونسيتي خالص التعليم وانك في ثانوية عامة روان وايه يعني ملكيش دعوة انتي سقط سقط انا بقا هشتغل وهكبر نفسي بنفسي وانتي خليكي في حالك يا حلوه انا اصلا مش عايزة اعرفك تاني انا خلاص بقا ليا معجبين وحياة تانية جني

ومين اللي عرفك الحياة التانية دي يابت انتي يا عره هو مش انا اللي عرفتك كل حاجة بعد ما كنتي عره ولا تعرفي السما من العما بس اقول ايه بقا ما انتي كنتي في جرة وطلعتي لبرة وبعدها هدير رجعت تعيط من الكليه امها قالت لها ابتسام ايه ده في يا هدير مالك يا بنتي ايه اللي حصل هدير اتفضحت يا ماما اتفضحت في الكليه كل اصحابي اللي يعرفوا بنتك روان فضحوني في الجامعة وفرجوا عليا الطلبة كلهم بسبب عمايلها السودة

ابتسام يلهوي يعني الناس كلها بتتفرج عليها قولي لي يا هدير البتاع ده بيوصل لحد فين كده هدير بيوصل لحد فين ده العالم كله بيشوف الفيديوهات والتيك توك وكل اللي الهانم بتعمله العالم كله يا ماما كله وانهارت من العياط وابتسام دخلت لروان وهي كانت نايمة وقالت لها ابتسام قومي يا بنت قومي بانت قيامتك قومي يا زفتة ياللي عرتينا في وسط الناس والدنيا كلها بقت تتفرج على قرفك واللي بتعمليه بقا كده وصلتينا للدرجة دي بعد ما كنت محدش يعرف عني حاجة بقينا سيرتنا على كل لسانك بسببك يامقصوفة الرقبة انتي

روان هو في ايييه ابعدي عني ملكيش دعوة بيا ابعدي عني محدش ليه دعوة بيا ولو مش عايزاني في البيت انا ممكن اسيب البيت وامشي خالص واريحكم مني . ابتسام ما انتي بقيتي بجحة وتعمليها ليه يا بنتي تعملي فينا كده ليه يا بنتي الله يهديكي انا مليش غيرك انتي واخواتك ليه بقت عايزة الناس تتكلم علينا روان الناس اللي بتتكلم دي لو انتي رميتي لهم شوية فلوس هيخرصوا ومش هيتكلموا عليكي بكلمة الناس دلوقتي بقت بتدور على الفلوس وبس

ابتسام انتي خلاص الفلوس لحست مخك خلاص يابنت انا بتكلم عن أخلاقك عن دينك عن حياتك اللي جايه ازاى هتتجوزي وتبقى ام ومين اصلا ده اللي هيوافق على نفسة انه يتجوز واحدة زيك كده روان ومين قالك اني انا عايزة اتجوز انا هفضل عايشة كده حرة نفسي واعمل اللي انا عايزاة ومش هخلي راجل يتحكم فيا ابتسام ماهو انتي خلاص ضيعتي مستقبلك بالقرف اللي انتي بقيتي تعمليه ده وكمان بعد سقوطك في الثانوية العامة عايزة ايه تاني عليه العوض ومنه العوض فيكي

ودخلت هدير وقالت هدير يعني برضو معرفتيش تخليها ترجع عن اللي هي بتعمله ده يا ماما هي ازاى كده ازاى تسمح لنفسها انها تسؤ سمعتها روان انا حره ياست انتي ملكيش حاجة عندي ابدا انتي سامعة ولا لا ويلا بقا اتفضل ا برة الاوضة انا دماغي وجعاني هدير يعني انتي مش عايزة تبطلي اللي انتي بتعمليه ده يا روان حرام عليكي بقا ياشيخة سيبي الزفت ده بقا روان مش هسيبة ومش هبعد عنه ده انا لو مت ورحت خلاص وروحي طلعت وعرفت اني اتصور لايف وانا بتغسل انا هعمل كده فريحي نفسك بقا انتي وهي

ابتسام استغفر الله العظيم من كل ذنب عظيم بقا انتي بتقولي الكلام ده ليه كده يا بنتي الله يهديكي يا حبيبتي هو انتي عشان ما ابوكي رمي طوبتك انتي واخواتك وسابكم في رقبتي وهو عارف اني لا ليا لا اخت ولا اخ ولا حتى عم ولا خال تعملي فيا كده الله يهديكي روان انا خلصت كلامي وانتو بقا روحوا شوفو انتو رايحين فين يلا بقا امشوا من هنا وخرجت امها وهدير من الاوضة وامها منهارة من العياط

وبعدها واحد صاحب ابوها مراتة شافتها وقالت فايزة الحق يا مجدي الحق مش دي بنت صاحبك جمال مش دي البت بنتة برضو مجدي ايوه هي انا عارفها وفاكرها كويس بس هي ايه اللي هي بتعمله ده وازاي امها تسيبها تعمل كده ياساتر ايه ده فايزة انت اول مره تعرف يا حبيبي دي أشهر واحده على التيك توك دلوقتي وأشهر من نار على علم وبتعمل كل حاجة مجدي يعني ايه بتعمل كل حاجة يا فايزة انا مش فاهمة وبعدين اصلا هو ايه اللي هي شغاله فيه ده انا مش فاهم حاجة

فايزة اقعد يا حبيبي وانا هفهمك كل حاجة اقعد وحكت له فايزة عن كل اللي روان بتعمله قدام الكاميرا وهو انصدم وقال مجدي ياخير مش فايت ده ايه المسخرة وقلة الأدب دي ده اللي هو ازاى يعني يحصل كده وابوها وامها فين على كده فايزة طيب ما انت عارف ان ابوها مطلق امها يعني بنت زي دي هتعمل ايه في الحاله اللي هي فيها دي يا مجدي مجدي هو العيب يعني من عندهم عشان اطلقوا يا فايزة لا يا حبيبتي ده الرك على البنت وانها اكيد ملقتش اللي يعرفها الصح من الغلط وبعدين امهم لوحدها والله يكون في عونها بقا

فايزة اه والله طيب ماهي ممكن يا حبيبي برضو امها تكون قايله لها تعمل كده عادي يعني وموافقه عليه بقولك ايه يا حبيبي احنا ملناش دعوة مجدي ازاى بقا يا فايزة ملناش دعوة وفي حديث شريف عن الرسول بيقول “من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان” فايزة صدق رسول الله صلى الله عليه وسلم طيب احنا هنعمل ايه بس يا مجدي احنا هنقدر نعمل ايه انا مش عارفه

مجدي انتي تروحي لأمها وتتكلمي معاها او انتي اتكلمي مع البنت وعقليها يمكن ترجع عن الطريق ده يا فايزة فايزة حاضر يا مجدي انا هحاول اعمل كده وان شاء الله خير والبنت ترجع عن اللي بتعمله ده ربنا يهدي البنات كلهم يارب