الي في الدولاب لغايت ما لقت الدهب ملفوف في هدوم ورد اتصدمت في مامتها معقول تعمل كدا وتخبي الدهب في الاوضه وتتهمها بالسرقه عشان تمشيها … بس مكنش في وقت للصدمه وسمعت صوتهم بيقربو من الباب حاولت تخبي الدهب في هدومها وجريت استخبت ورا الباب وفي لحظه كان الباب اتفتح ودخلو كلهم ومن غير ما حد ياخد باله طلعت من ورا الباب كانها لسه داخله معاهم.. وبعد ما رجعت ناصره اوضتها وفي وسط خناقة شمس وجاد طلعت الدهب ورمته جنب الدولاب)
ريم بهمس وحز.ن:
لي تعملي كدا ي ماما وهتستفادي اي لو ورد مشيت معقوله فكرا انك بكدا تقدري تجوزيني من جابر بس دا عمره ما هيحصل
شمس بصت ليها: بتقولي حاجه ريم فاقت من سرحانها: لا مقولتش حاجه
وبصت لورد وراحت قعدت جنبها من الناحيه التانيه.. وكانو مستنينها الاتنين تفوق
________وبعد فتره طويله________
اخيرا فاقت ورد وبصت لشمس وريم: في اي
شمس ببتسامه: اخيرا فوقتي قلقتيني عليكي يشيخه
ريم: مساء الخير يستي كل دا نوم
ورد بستغراب: نوم! لي انا نايمه من امته
ريم: طول النهار نايمه
شمس قامت: طب طلما صحيتي واطمنت عليكي همشي بقا عشان بابا زمانه راجع هعمله اكل وياخد العلاج (وباست ورد من جبينها) هبقي اجي اطمن عليكي ي حبيبتي
ورد بصت ليها ببتسامه: سلميلي علي بابا
شمس حركت راسها بالايجاب وبصت لريم ببتسامه:
باي ي ريم
ريم بصت ليها ببتسامه ومشيت شمس واول ما فتحت الباب لقت جاد في وشها دخل اوضته (ريم وجاد اوضهم جنب بعض بالظبط) بصتله بقر.ف ومشيت وهو بصلها بقر.ف ودخل اوضته وقفل الباب
ورد: هو فين جابر
ريم لسه هترد لقت جابر بيخبط علي الباب: جه اهو
فتحت الباب اتكلم جابر بسرعه : ورد فاقت
ريم ببتسامه: ايوا ولسه كانت بتسال عليك كمان
ورد ظهرت من وراها وهي بصه في الارض: انا اهو
جابر ابتسم لريم ومشي هو ورد لغايت ما وصلو اوضتهم: انت لي دفعت عني
جابر بص لورد بتركيز لما سمع منها الكلام دا: عشان انتي مراتي ي ورد
ورد بصتله بستغراب: مراتك! لا ي جابر انت قولتهالي بلسانك اني مجرد خدامه ليك هنا مش مراتك يبقا لي تدافع عني.. مشكتش اني ممكن اكون انا الي خدهم
جابر ببرود:
لا (ولسه هيمشي ويدخل الحمام)
ورد مسكته من ايده وبدات تبكي: انا بكلمك انت لي علطول بتعاملني كدا طلما مش عايز تتجوزني لي وافقت من الاول طب علي الاقل انت كان ليك حرية الاختار انما انا مكنش عندي حريه اختار لما ابوك طلبني من ابوي… ابوي مقدرش يرفض قالي ان خيره علينا ومقدرش ارفضله كلمه ابوي خاف يرفض يخسر شغله الي معيشنا منه عشان كدا كنت مجبوره اتجوزك لكن
انت مين جبرك توافق طلما مش عايز… طول الوقت بتقولي خدامه..خدامه طب انا ذنبي اي في اني اتولدت خدامه وانت اتولدت كدا محدش اختار عيشته ي جابر بيه انا كان دا قدري والي انت فيه دا قدرك (وخدت نفسها وسط عياطتها الي كان ظاهر فيه القهر والحزن والحسره) ست ناصره قالتهالي اول ما رجلي خطت الاوضه دي مش عشان بقيت مراتك افكر اني هبقا واحده من صحاب البيت وانت قولت الفرق بين زمان ودلوقتي اني دلوقتي خدامه بس ليك انت وبس
ورد كانت حرفيا منهاره من العياط مكنتش قادره تتكلم اكتر من كدا… قعدت علي الارض وكملت عياط…
عياط وبس كان صوت عياطها مالي الاوضه جابر حس فعلا انها مكسوره من جواها قعد علي الارض جنبها
جابر بحز.ن علي حالتها: انا اسف ي ورد
ورد بصتله بصد.مه مكنتش متوقعه انه يتاسف
جابر حرك راسه بالايجاب: انا اسف علي اي كلمه قولتها ووجعتك وبوعدك عمري ما هقول اي حاجه توجعك تاني..ورد انتي بقيتي مراتي وبقيتي واحده من اهل البيت واهم واحده كمان ومش خدامه هنا ولا ليا ولا لحد انا اسف (اتنهد ببتسامه) انا عايز ابدا حياه جديده معاكي مستعده تكوني مراتي بجد ي ورد
ورد كانت لسه مصدومه من كلامه جابر كمل: انا عارف انك مصدومه دلوقتي من الي بقوله دا بس انا بجد عايز ابدا حياه جديده تكوني فيها مراتي بجد ي ورد
(وجذبها في حـ,ـضنه): مش عايز اشوف دمو.عك تاني وطول ما انا معاكي محدش هيقدر يإذيكي ولو بكلمه هكون جنبك ديما بوعدك
ورد كانت حسه ان كلامه من قلبه فعلا وحست بالامان وهي في حـ,ـضنه رفعت ايديها بتردد وحـ,ـضنته هي كمان
في اللحظه دي جابر ابتسم: معني كدا انك وافقتي
وبص لورد في عيونها وهي اتكسفت وبصت في الارض: احمم تصدقي بتبقي حلوه لما بتتكسفي وخدوتك بتحمر كدا(وطبع بو.سه علي خدوها)
ورد شهقت واتخضت كمل جابر وهو بيضحك: اتخضيتي من اي دي بو.سه احنا لسه عملنا حاجه
ورد بقت مكسوفه منه اوي:
انا عايزه انام تصبح علي خير
ولسه هتمشي جابر مسكها بسرعه: تنامي! تنامي اي ي وردتي دا احنا ليلتنا صباااااحيي(وبعد شويه وهو بيبصلها ورد بصتله بستغراب وهو غمز ليها ) اممم ما تدخلي تلبسلنا من الحاجات التانيه دي انا لسه عريس جديد
ورد بسرعه بصت في الارض بكسوف: لا لا انا هنام
جابر شدها من وسطها ليه: خدي بس هقولك (ورد كان وشها كله بقا احمر من كسوفها) ما بلاش الكسوف دا بقا بتحلو اكتر واكتر
وفجاه شالها ورد اتخضت: ن… ن.. نزلني ي جابر بيه جابر وهو بيتجه ناحية السرير بصلها بغ.يظ: جابر بيه تاني انا هعودك تقوليلي جابر من غير بيه دي تاني
وحطها علي السرير………..
شمس كانت سرحانه في كلام جاد وزعلانه اوي
مصطفي: مالك ي بتي مبتاكليش لي
شمس فاقت من سرحانها: هاا ما انا باكل اهو ي ابوي
مصطفي خد العلاج بتاعه وشرب مايه: طب انا هدخل انام ي شمس عشان ورايا شغل بكرا بدري
شمس حركة راسها بالايجاب: تصبح علي خير ي ابوي
وفعلا مصطفي دخل الاوضه بتاعته وشمس قامت عشان تشيل الاكل وبعد فتره لقت الباب بيخبط استغربت:
مين الي هيكون جاي في وقت زي دا (افتكرت ناصره والي عملتو في اختها) ورد اكيد ناصره عملت حاجه تاني
راحت علي الباب بغضب وتكلمت وهي بتفتح: اكيد الوليه ناصره عملتلك حاجه تا…..
ووقفت مصدومه: جاد وووووووووو.
شمس وقفت مصدومه اول ما شافت جاد فضلو واقفين بصين لبعض شويه لغايت ما شمس اتكلمت : ج.. جاد انت اي الي جيبك هنا في الوقت دا
جاد بصلها بجديه: انا اسف علي كلامي
شمس بصتله بحز.ن: ملوش فايده الاعتذار ي جاد بيه انت قولت الي في قلبك
جاد اتنهد بز.هق: مكنش من قلبي دا كان وقت عصبيه
شمس بتو.تر : لو سمحت ممكن تمشي من اهنه ابوي لو شافك هيحصل مشاكل (وبصتله بسخر.يه) وبرضو مينفعش واحد زيك يعتذر لخدامه برضو
جاد: شمس انا اتعصبت من اسلوبك مع ماما
شمس:
ومش هي(وخدت بالها من صوتها العالي اتكلمت بهمس)هي الي اتهمت اختي بحاجه معملتهاش
جاد اتنهد: ان عارف انه كان غلط الي حصل دا
شمس لسه هترد حست ان باباها جاي قفلت الباب بسرعه وجاد وقف مصدوم من الي عملتو لسه هيخطب سمع صوت مصطفي
مصطفي: مالك ي بتي واقفه اكده لي
شمس بتو.تر: لا لا مفيش ي ابوي محتاج حاجه
مصطفي حرك راسه بالرفض وشرب ميه ودخل الاوضه تاني…شمس فتحت براحه لقت جاد لسه واقف
شمس بخو.ف: جاد امشي من هنا بسرعه الله يخليك
جاد بإصرار: مش همشي غير لما اتاكد انك مش زعلانه
شمس بصتله بستغراب من إصراره استغربت لي مصمم يصلحها معقوله زعلها فارق معاه اوي كدا
قاطع تفكرها جاد:
هااا لسه زعلانه
شمس حركة راسها برفض: لا خلاص مش زعلانه
جاد ابتسم ابتسامه عريضه: ماشي انا ماشي تصبحي علي خير
شمس ابتسمت: وانت من اهله
ومشي جاد وبعدها شمس قفلت الباب وفضلت واقفه مكانها وعلي وشها ابتسامه بسيطه من اهتمام جاد انه يصالحها وبعدها دخلت اوضتها ونامت
وجاد مشي وافتكر لما مكنش عارف ينام وطول الوقت يفكر في كلامه مع شمس لغايت ما قرر يجلها البيت استغرب هو كمان من فعله دا وإصراره انه يصالحها: مالك ي جاد معقوله يكون ضميري صحي لدرجه دي (وابتسم لما افتكر ان شمس مبقتش زعلانه) اخيرا هنام
ورجع البيت هو كمان ونام وهو مبسوط
________في صباح يوم جديد______
جابر صحي من النوم وهو حاسس بحركه جنبه اتكلم بنعاس: اممم في اي
ورد بكسوف: ممكن تسبني عشان اقوم
جابر جذبها في حـ,ـضنه اكتر: تؤ
ورد غمضت عيونها وخدت نفس عميق وطلعته براحه كانت مبسوطه وطمنه وهي جنب جابر اتكلمت ببتسامه: ي جابر خليني اقوم بقا
جابر فتح عيونه وبصلها: عايزه تقومي يعني
ورد حركة راسها بالايجاب وهو قرب خده منها ورد فهمت هو عايز اي اتكسفت وقربت منه وطبعت قب.له رقيقه علي خده جابر بصلها ببتسامه وهو شايف كسوفها ووشها الي احمر وفجاه قرب منها وطبع قب.له طويله علي شفا.يفها وبعد فتره بعد عنها
جابر: انا برضو بقول انك لازم تمشي دلوقتي
ورد ضحكت ضحكه خطفت قلب جابر
جابر: قومي ي ورد بسرعه لقول مفيش خروج من الاوضه النهارده وانا صراحه عايز كدا
ولسه هيمسكها ورد قامت بسرعه وهي بتضحك ودخلت الحمام وقفلت الباب بسرعه وفضلت واقفه قدام المرايا وهي شايفه ابتسامتها الي فعلا طلعه من قلبها وصوت دقات قلبها العالي مكنتش مصدقه ان اكتر واحد كانت بتخا.ف منه بقا اكتر واحد بتحس جنبه بالامان والراحه اتنهدت براحه كبيره وخدت شاور وبعد ما خلصت وقفت مصدومه…..
عدي: صبااح الخير وحشتيني ي ريم
ريم ببتسامه وهي باصه للشاشة التليفون وبتكلم عدي فيديوكول: صباح النور ي حبيبي
عدي بحز.ن مصطنع :
حبيبك فين بقا انتي مكلمتنيش من امبارح.. خلاص ي ريم ارجعي بقا
ريم ببتسامه: مينفعش ارجع دلوقتي ي عدي
ولسه هتكمل جاد دخل الاوضه.. ريم بسرعه قفلت مع عدي ورمت التليفوت علي السرير: مش تخبط ي غ.بي
جاد بغ.ضب : انا غ.بي
ريم حركة راسها بالايجاب: ايوا غ.بي قولتلك مية مره مينفعش تدخل عليا الاوضه بالطريقه دي
جاد ببرود: وفيها اي يعني
ريم: تصدق بالله انك واحد بارد
جاد جري نحيتها: انا غ.بي وبارد طب تعالي بقا
وريم جريت وهي بتصرخ: حددددد يلحقنااااااااااااااي
عدي بخ.بث: هانت ي ريم وتبقي معايا وساعتها هاخد حقي من اخوكي جاد
محمد صحبه: انا مش معاك خالص في الي هتعملو دا
عدي بض.يق: وانا مطلبتش انك تبقا معايا اصلا انا هعرف ارجع حقي منه لوحدي مش محتاجك
محمد:
الراجل ميخدش حقه في بنت ي عدي انت مشكلتك مع جاد مش مع اخته
عدي: واكتر حاجه بيخا.ف عليها هي ريم (وكمل بخ.بث) وبعدين انا مش هعمل حاجه يعني دا هي ليله واحده مش اكتر
محمد بغ.ضب: اعقل ي عدي… جاد سمعك وانت بتعا.كي ريم فطبيعي يضر.بك
عدي قام وقف: وانا حقي هاخده لما يعرف ان اخته هي الي جاتلي برجليها