محمود: هي المانجا اللي في التلاجه راحت فين؟ رحمه: انت بتبصلي كده ليه!! انا مشوفتش حاجه محمود: انا حطيتها ب ايدي قبل ما انام ومحدش بيسهر في البيت ده غيرك رحمه: انت قصدك علي المانجا الصفرا!!! محمود: ايووه هي دي رحمه: دي كانت هتبوظ محمود: وطبعا هي صَعبت عليكي فاكلتيها صح؟؟ رحمه بضحك: الله ينور عليك محمود: ده اللي هحطك مكان النجفه واخليكي تنوري البيت كله دلوقتي هاله: يارب هو انا مربيه قط وفار ما تحترمو سنكم بقا
رحمه: انا لسه صغيره محمود: نعم؟؟ 23 انتي اللي زيك متجوزين ومخلفين رحمه: فين الانجاز يعني؟؟ انا مبسوطه هنا معاكم محمود: بس احنا مش مبسوطين يا اختي رحمه: ما انت 28 سنه واحنا سايبينك عايش معانا وساكتين محمود: بس انا خاطب وبكون مستقبلي انتي بقا بتعملي إيه رحمه: قاعده بسلي ماما وبقول ل خطيبتك علي تحركاتك وبخلص الباقه في نص الشهر ها عاوز إيه تاني محمود: كتر خيرك مشغوله والله رحمه: يلا ربنا يعوضني بقا
امهم اتكلمت من الاوضه: اعملو حسابكم هنروح فرح بنت عمكم بكرا ولازم نتحرك بدري علشان المكان بعيد رحمه: لولولولي انا بحب الافراح اوي هروح اختار الفستان اللي هحضر بيه محمود: وانتي ايه مفيش اي احساس!! مفيش اي حاجه جايه من ناحيتك خااالص؟؟؟ رحمه: انا مش هرد عليك ولا هعصب نفسي عارف ليه؟ محمود: ليه يا اخره صبري رحمه: علشان خطيبتك هتنكد عليك علشان انت نسيت تحتفل بعيد خطوبتكم محمود بصدمه: هارسوح هو يوم الخطوبه بقا عيد وبتحتفلو بيه
رحمه: اوماااال ده انت هيتنكد عليك نكد مكثف كمان علشان انت مكلمتهاش بليل محمود: ده انتي عارفه حاجات في حياتي انا ذات نفسي معرفاش رحمه باستفزاز: هو انا عندي اهم منك اهتم بيه يا حودا محمود: اختفي من قدامي احسنلك انا ومحمود اصحاب مش بس اخوات وبنستمتع اوي بفقره القط والفار اللي بنعملها كل يوم دي بتخلي اليوم احلي بعد وفاه بابا من 4 سنين وهو بقا كل حاجه في حياتنا انا وماما ورغم ان ماما شديده ومتحبش الدلع الزياده بس بتسمعنا وبتحل اي مشكله بهدوء واكتر عقاب صعب علينا انها تتجاهلنا ومتكلمناش
____________________________________ رحمه: ها إيه رأيك في الفستان محمود: هو فيه جمال كده ده انتي قمر القمرات رحمه: المدح الاوڤر ده مش مطمني محمود: هو انا عندي اغلي منك علشان ادلعه يا رورو!! رحمه: بعد رورو دي تقر وتعترف عاوز مني إيه محمود: وانبي تهدي ندا شويه علشان نازله نكد عليا صبح وليل علشان نسيت يوم الخطوبه رحمه بغرور: تدفع كام محمود: لا انا اختي مش ماديه رحمه: لا انا ماديه عادي ولا اقولك هاتلي يجي 5 كليو مانجا وانا هفكر في الموضوع
رد وبهو بيجز علي سنانه: اه حاضر مفيش حاجه تغلي عليكي رحمه بضحك: ثانك يو حودا محمود: روحي ربنا ياخدك من البيت ده علي بيت جوزك اللي كلنا هندعليه رحمه رحمه: هراعي انك مرتبط بائس ومتنكد عليك كلنا جهزنا ونزلنا العربيه وقولت الشهاده 30 مره تقريباً علشان اخويا بيكون داخل مسابقه عربيات علي الطريق هاله بقلق: يابني سوق براحه عليت الضغط عليا محمود: يا ماما متقلقيش وبعدين الطريق مش زحمه رحمه: وانبي انا لسه صغيره وعاوزه اتمتع بحياتي
خد كل ما املك وسابني اعيش محمود بضحك: وانتي تملكي ايه يا دراما كوين رحمه: والله انا معيش غير تليفوني بس افتكر اني هصلح بينك وبين خطيبتك يا بائس محمود: بعد بائس دي انا ممكن ازود السرعه عادي واخيرا ربنا سترها علينا ووصلنا بالسلامه محمود: عاوزك تقعدي علي التربيزه متتحركيش رحمه: حاضر محمود: رقص الكتاف ده مش عاوز اشوفه هااا رحمه: حاضر محمود: ومش كل شويه تقومي ل اخر القاعه علشان تسلمي علي ناس انتي بس اللي تعرفيهم
رحمه: لا كده كتير بقا ما تروحني احسن محمود: لا ادخلي بس اسمعي الكلام واليوم هيعدي بسلام رحمه: بص هبهرك محمود بضحك: والله قلقت دخلنا وسلمنا علي كل الاهل ومحمود راح مع الشباب وانا اندمجت مع بنات عمي نور: بعد اذنكم هروح اكلم خطيبي رحمه بتوجه كلامها للبنات: والله انا بتحلو في عيني فكره الخطوبه دي لما اروح فرح ياسمين اخت العروسه: طب وبعد كده رحمه: بعد كده بشوف خناقتهم بقول الحمدلله على راحه البال واشيل الفكره تاني
ياسمين بضحك: مصيرك يا حلو تقعي علي وشك رحمه: بالكعب اللي انا لابسه ده هقع علي وشي فعلاً روحي يا ياسمين شوفي اختك روحي المفروض دلوقتي العريس والعروسه يرقصو لوحدهم ف معظم الناس راجعت للتربيزات قعدت علي اقرب تربيزه علشان الكعب وجع رجلي ف قلعته ولبسته تاني وقومت لان التربيزه عليها حاجات ناس هاله: كنتي فين رحمه: كنت بسلم علي بنات عمي تليفوني رن كانت ندا خطيبه محمود ف قومت اكلمها بعيد عن الدوشه رحمه بهزار: مساء الخير علي عروسه اخويا ومراته والمستقبليه
ندا: بلا خطيبه اخويا بلا بتاع انا هفسخ الخطوبه دي اصلا ده مبقاش مهتم بيا رحمه: انا عارفه ان اخويا دبش ومش بيعرف يقول كلام حلو ومش بيفكر يعمل حاجات مختلفه ندا: هو فيه الصفات دي بس حنين والله رحمه: هو ده اللي انا عاوزه اوصله انك عارفه عيوبه ومميزاته ف خلي المميزات الحلوه اوي زي الحنيه وطيبه القلب والتقدير والاحترام تشفع ل انه مبيعرفش يقول كلام حلو ندا: والله بحبه دبشبه بكله علي بعضه
رحمه بهزار: يبقا كفايه نكد الواد جاب اخره ندا: حاضر # مسكتك يا حراميه رحمه بخضه: ايه اللي بتقوله ده # ايوه حراميه انا شوفتك وانتي بتقومي من علي التربيزه بتاعتي رحمه بخوف: انا مش فاهمه انت عاوز ايه # هما الحراميه بيتعمل معاهم إيه؟؟ رحمه: انا هكلم اخويا # لا هو هيجي لوحده لما اقول انك سرقتيني في المايك وسابها وراح ناحيه الميك فعلاً #يتبع قصه مختلفه وبإذن الله تعجبكم وهنزل بكرا البارت التاني إن شاءلله
#موني omnia hateem#البارت #الثاني رحمه: انا هكلم اخويا # لا هو هيجي لوحده لما اقول انك سرقتيني في المايك وسابها وراح ناحيه الميك فعلاً # انا عاوز اقول حاجه مهمه اوي كل اللي موجدين في القاعه انتبهو لكلامه # انا كنت حاسس ان اليوم ده هيمر عادي وهفرح زي اي واحد بيفرح ل اخته بس فجاءه حسيت ان فيه جزء مني هينقص، فيه روح حلوه وشقاوه وهزار هينقصو من بيتنا ف عاوز اقول ل مصطفي خلي بالك منها ده انت واخد جمال و روح بيتنا
كلهم سقفو وهو حضن اخته ومحمود راح حضنه وانا واقفه بستوعب ان ده اخو العروسه اللي هي بنت عمي… يعني ده ابن عمي!!!! محمود: مالك واقفه بعيد كده ليه؟ رحمه: هو اللي كان بيتكلم دلوقتي ده كريم ابن عمي!!! محمود: اه رحمه: ده الواد اللي كان بيرخم عليا وبيجي يقعد معاك كتير؟؟ محمود: ايوه انتي مستغربه كده ليه!! رحمه: ده انا معرفتهوش محمود: يمكن علشان بقاله سنتين مسافر مع عمه رحمه: ده اتغير اوووي محمود: اه فعلا
رحمه: ده طلع ان الشعر والدقن اخطر من المكياچ والله محمود بهزار: بس علي الاقل ده بيكونو طبيعي رحمه: طبيعي ايه بس ده انت لما بتحلق دقنك وبتخفف شعرك خالص كل شويه ابصلك علشان اتأكد انك اخويا محمود: طب بطلي تنمر تعالي نقعد مع ماما كريم كان لسه بيرقص مع اخته وده اول مره اشوف الحاجات دي علي الطبيعة انا كنت بشوفها علي الفيس بس في الواقع شعورها مختلف رحمه: شايف زعلان علي فراق اخته ازاي
مش انت كل ما تشوف وشي تقولي امته تمشي علشان تاخد اوضتي محمود بضحك: ما بصراحه البلكونه اللي في اوضتك حلوه رحمه: طب سمعت الكلمتين اللي قالهم في الاول بيقوله هتاخد جمال و روح البيت محمود بضحك: انا هقوله هتاخد حراميه التلاجه اللي في البيت رحمه: مفيش ب اتنين جنيه رومانسيه ولا دلع ياشيخ منك الله محمود بهزار: سبتلك انتي الرومانسيه الفرح كان جميل ومحمود قام تاني مع الشباب كريم: بقالنا كتير متقابلناش لدرجه إنك نستيني
رحمه بخضه: حد يخض حد كده كريم بضحك: انا بتكلم عادي انتي اللي علي طول مخضوضه رحمه: الناس بتقول احم، مساء الخير، اي حاجه يعني كريم: حاضر المره الجايه رحمه: اه صح انت جاي تقولي يا حراميه هي دي اهلاً بتاعتك يا ابن عمي كريم: عارفه التربيزه اللي انتي قعدتي عليها دقيقه وقومتي دي رحمه: اه مالها كريم: وانتي قايمه بقا عملتي نفس حركه محمد هنيدي في عندليب الدقي وشنطتك جرت مفرش التربيزه ووقعت المفاتيح والحاجات بتاعتي وبهدلتي الدنيا ف قولت اخد حقي بصراحه
رحمه: نهار ابيض انا مخدتش بالي اصلا كريم: اه عارف شوفتك لما قومتي ورجعتي للتربيزه مع طنط منغير ما تبصي وراكي رحمه: سوري بس برضو مكنش ينفع تخضني كده كريم: من زمان وانتي عامله نفسك قويه ولما اجي ارخم عليكي تزعلي ويكون فاضل تكه وتعيطي رحمه بصوت واطي: مشاء الله وانت من يومك رخم كريم: نعم؟؟ رحمه: بقول دايما كنت ترخم عليا وده مش جديد عليك كريم: ما انا متغيرتش وانتي برضو متغيرتيش يا رحمه
ياسمين: كريم كلم مامتك ضروري كريم: بعد اذنك دلوقتي هشوف ماما محتاجه ايه رحمه في سرها: انت متغيرتش ازاي ده انا معرفتكش اصلا.. وجاي يقولي بثقه متغيرتيش و… محمود: انتي بتكلمي نفسك؟؟ رحمه: انت بتختفي وتظهر مره واحده كده ليه محمود: علشان اطمن عليكي خدي الجاتوه ده جبتهلوك شكولاته علشان عارف إنك مش بتحبي الكريمه رحمه بهزار: والله فيك بذره رومانسيه بس محتاج تتطورها شويه محمود بضحك: لا انا حابب نفسي كده رحمه: المشكله بقا ان كلنا بنحبك كده
خلصنا الفرح وربنا كتبلنا عمر جديد وروحنا بسلامه عشان روح المغامر اللي جوا اخويا بتخليه يطير علي الاسفلت ___________________________________ هاله: جهزي نفسك يا رحمه هنخرج نتمشي شويه وهنتشري حاجات رحمه بفرحه: ثواني هكون جاهزة يا ست الكل بعد 5 دقايق هاله: رحمه خلاص احنا مش هنخرج رحمه: إيه إيه!!!! هاله: خليها بكرا رحمة: لا انا خلاص فضيت نفسي و قولت ل عقلي اننا هنهرج ولبست اهو هاله: ده علي اساس انك كنتي بتعملي حاجه!! رحمه: انا قعطت حبل افكاري وسبت المسلسل واستعديت نفسياً ودي حاجه كبيره علي فكره
هاله: طب روحي اربطي حبل افكارك وكملي المسلسل علشان هدي صحبتي اتصلت وقالت انها جايه تقعد معايا شويه رحمه برفزه: والله ده ظلم ربنا ياخدني الساحل علشان استريح هاله: لا ناصحه مبتعديش علي نفسك رحمه: والله ل اخلصلكم الفاكهه اللي في التلاجه وهتصل علي ندا تجي تقعد معايا هاله: روحي اعملي اللي تعمليه ___________________________________ ندا: هو محمود اتاخر كده ليه؟ رحمه: انتي جايه تقعدي معايا انا وتفرفشيني ولا حاجه ل محمود؟؟ ندا: ما انتي قاعدة زي القرده اهو وبتتنمري عليا وعلي نفسك
رحمه بتمثيل: علشان مشيلكمش همي وبكتم جوايا وبضحك في وشكم بتقولو اني كويسه ومحدش فيكم حاسس بيا