الفصل السادس سبحان الله وبحمده سبحان الله العظيم جاسر بصوت رجولي : انا بحبك اوي يا ريم .و لو انتي ف يوم بعدتي عني .هقرب انا منك .و لو ف يوم مكلمتنيش .هكلمك انا . جاسر بصوت لحن عذب : حبيبتي انتي متعرفيش انا بحبك قد ايه و ضغط ع جسمها ب رقه و ضمها لي اكتر و سند راسه بحنان ع راسها . ريم وهي دافنه راسها ف حــ,,ـــــضنه ريم بحنان وانا كمان بحبك اوي و ضغطت هي كمان ب ايدها الاتنين حوالين ضهره .
جاسر بعدها عنه بهدوء وايده القويتين ع كتفها جاسر : قوليلي بقا .مين اللي بيضــ,,ـــــربك و بيحبسك ؟ ريم ب تهرب : مفيش . بس انت بتتعصب عليا كتير .ف بقيت اتوقع منك كل حاجه جاسر بصوت حزين : لا يا ريم .متقوليش كده . انا بس ادايقت .ان ف حاجه عنك .انا معرفهاش . انا عاوز اعرف عنك كل حاجه ريم بخوف : ليه؟ عاوز تقيمني! جاسر باستياء : لا طبعا .اراقبك ايه ؟
جاسر بهدوء : بس انا عاوز اعرف ايه اللي حصلك ف يومك اكلتي ايه عملتي ايه كلمتي مين .ممم بحبك و عاوز اعرف كل حاجه عنك . ريم بتفكير : اها جاسر و حب يضحها : لدرجه عايز اعرف لبستي ايه و كده و ضحك ريم ب استياء : لا والله جاسر ببراءه مصطنعه : وفيها ايه ريم بتذمر طفولي : فيها قله ادب . ريم بمزاح : مكنتش اعرف انك قليل الادب يا جاسر
جاسر بزعل مصطنع : بقا كده؟ ريم بعدم رضي : ايوه .و انا ماشيه بقا جاسر بحنان : كنت بهزر معاكي يا روحي ريم : اشي .سامحتك يا بسكوتي . ريم بخضه : اه صحيح مين كان ع الباب جاسر : دي توأمك . ريم جريت بسرعه ع الباب . جاسر : رايحه فين ريم : رايحه عند بسمه جاسر : هتطلعي كده ! ريم : متقلقش محدش ف شقتنا .هروح اغيرهم هناك جاسر ب اطمئنان : ماشي .و ابقي طمنيني عليكي
ريم وقفت فجاه و بصتله ببراءه وقالتله ب رقه : حاضر و رمتله بوسه ف الهواء . جاسر بصوت رجولي: كده مش هتوصل! ريم بابتسامه : لا ان شاء الله هتوصل .و انا واقفه اهو ريم بتساؤل : وصلت ! جاسر : لا جاسر : استني انا هاجي اخدها بنفسي ريم ب شهقه : يا قليل الادب .و طلعت تجري ع باب الشقه بس جاسر خطواته كانت اسرع منها ريم وهي لسه بتفتح باب الشقه
جاسر قفشها جاسر : قفشتك ريم بخضه و صراخ ريم بصاله بتوتر و هو واقف قدامها و ساند ب ايده الاتنين ع الباب و بيبصلها بنظرات ذات مغزي جاسر : اخدها بقا ؟ ريم بتحدي : انسي جاسر بضحكه هاديه : مش تتحديني ريم بصرامه جاسر ابعد .عاوزه اطلع جاسر بتفكير : مممممم ريم بدفاع : مليش دعوه .انا رميتلك البوسه ف الهواء و كانت هتوصلك انت اللي جريت ع هنا و سيبتها تقع هناك
ريم وهي بتشاور جاسر مسك ايدها وقال بصوت رجولي: بتشاوري ع ايه بس .هتجننيني معاكي . ريم بتذمر : مليش دعوه .خرجني يلا جاسر بحنان : بس كده. حاضر و فتحلها الباب ريم بصتله بسعاده جاسر بصرامه : ايوه .عاوزك دايما مبسوطه كده ريم بتساؤل: يعني انت مش زعلان جاسر بهدوء: لا يا قلبي مش زعلان . وبعدين لما هتبقي برضاكي .هتبقي اجمل ريم بشهقه : ع فكره انت قليل الادب . ريم مسكت خده و قرصته وقالتله بتساؤل : قولي مين ف اصحابك .بوظ اخلاقك .ها ! قولي .ومش هضــ,,ـــــربك
محمد و لا احمد و لا الواد حمزه .ها! جاسر بدهشه : نعم؟ ريم : رد عليا جاسر : مين الناس دول اصلا .معرفهمش ريم بطفوليه: بغض النظر حضرتك .يلا قولي مين بوظلك اخلاقك جاسر : انتي ريم ريم : لا مش انا جاسر : متأكده ! ريم : بس اسكت ساكت .حسابك معايا بعدين و سابته ومشت جاسر ضحك ع اسلوبها المضحك دا و فضل باصصلها وهي بتتحرك قدامه ورايحه عند شقتهم تضــ,,ـــــرب الجرس و هي لابسه هدومه .
جاسر برخامه : شفتي بقا يا ريم انتي مليانه عني ازاي . جاسر بتوضيح باسلوب مضحك: لان انا هدومي من ورا مش بتبقي ضيقه كده ريم بصتله بغيظ .ووشها احمر من الغضب. ع جرأته دي . و جاسر ضحك .ف اتغاظت اكتر و اديته ضهرها و ربعت ايدها ووقفت بغرور وتناكه . جاسر : يا واد يا خطير . يا جمالو يا ناس . حبيب امه . ريم ضحكت غصب عنها . ريم بصتله وقالتله برخامه: يوغتي كميله انت .ما تاخدني ع رجلك بالمره و ترضعني و لوت بوزها .
جاسر بملامح دهشه جاسر : شفتي بقا اني اتعلمت قله الادب .منك انتي ريم بغيظ : هس .اسكت ساكت . جاسر : ماشي. لما تجيلي برجليكي .هربيكي بسمه فتحت الباب ل ريم لقت ريم واقفه بهدوم غريبه و قصادها لقت جاسر واقف ب هيأته الضخمه و طوله اللي قرب يوصل ل اخر الباب . بسمه بدهشه : ايه داااااااا!!! ضحك جاسر غصب عنه ريم بصتله بغيظ . ريم بزهق : ادخلي يا بسمه و هفهمك و زقتها و دخلت وراها .
و جاسر واقف بتحدي . ريم بهدوء : ادخل بقا علشات اقفل الباب جاسر : لا . ريم وهي بتقلده : متعاندنيش يا جااسر جاسر واقف لسه بتحدي . ريم راحت عليه بهدوء و قربت منه و وقفت ع طراطيف رجليها و باسته ب رقه من خده ريم ب طلب بأدب و رقه ‘ : اقفل بقا يا بسكوتي جاسر ضحك ضحكه رجوليه هاديه : حاضر وبالفعل قفل الباب و ريم جريت بسعاده ع شقتهم .
ف شقه حسن بسمه بغضب. ايه اللي عملاه ف نفسك دا .و ايه اللي لبساه دا وايه اللي موداكي عنده .و … ريم حطت ايدها ع بوءها ريم : هوسسس. هفهمك كل حاجه بسمه. ياريت .يلا فهميني .بتروحي عنده ليه . ريم ب هيام : علشان هو حبيبي . بسمه لا والله ؟ و كمان لحقتي تحبيه ريم ب اندفاع هو كمان بيحبني بسمه يا سلام . ريم. بقولك بما ان حسن مش هيجي النهارده و هيبات ف الشغل .تعالي نعزمه
بسمه بدهشه : نعم ياختي .نعزم مين ؟ ريم ببراءه : نعزم حبيبي جاسر . بسمه : ريم انتي كويسه ؟ بقا دا هيحبك ….دا حسن بيقول انه غني اوي ريم بغضب : و ايه يعني .قصدك ايه . بسمه : متزعليش انا بس….. ريم قاطعتها : بس .مش عايزه اسمع حاجه . ريم : لو مش عايزاني ازعل .وافقي اننا نعزمه النهارده و يقعد معانا شويه بسمه و حبت تراضي اختها ؛؛ حاضر ريم بسعاده : هروح اقوووووله .
بسمه. ماشي .بسرعه .بس غيري هدومه دي اصل حد يشوفك بيها تبقي كارثه ريم عندك حق .طب بصي .انا هروح اقوله و اجيبه معايا و انتي حضريله حاجه حلوه كده اي حاجه ساقعه فاكهه حلويات .كده بسمه طيب ياختي ريم جريت ع اوضتها بسرعه غيرت هدومها جاسر ف شقته كان بياخد شاور و رايح ع اوضته يغير هدومه فجاه باب الشقه خبط ف طلع يفتح الباب وهو لافف الفوطه حوالين وسطه وبس جاسر فتح الباب من غير ما يظهر هو
ف ريم دخلت ب باندفاع و ثقه و سعاده جاسر لما عرف انها ريم . قفل الباب بسرعه جاسر : عووو ريم بصراخ : خضتني يا جاااسر جاسر فضل يضحك بقوه عليها ريم واقفه وفجاه لما ركزت فيه وشها احمر اوي و حطت ايدها ع بوءها بصدمه . جاسر ب ابتسامه : مالك يا قطتي ريم بكثوف : ايه رايك تيجي عندنا تتعرف عليا انا و اختي و نعزمك ع حاجه ساقعه جاسر بضيق : خساره يا ريم .مش هعرف .عندي ضيوف هيجوا كمان شويه
ريم بملامح حزينه !!! يعني مش هتيجي ؟ انا واختي مستنينك . جاسر بزعل : معلش بجد .مش هينفع ريم باندفاع خرجت من شقته وراحت عند بسمه جاسر قفل الباب يحزن و راح يلبس هدومه ريم راحت ع شقتهم بحزن بسمه بسعاده : خلصت اللي قلتي عليه .هو فين بقا ريم بانهيار و غضب : مش هيجي .قال مش هينفع .مش فاضي . ريم راحت ع بسمه و مسكت كتفها ريم بحزن : كده معناه انه مش بيحبني يا بسمه .صح ؟
بسمه ب أسف : ايوه ريم ب انزعاج : بس بس هو قالي بحبك بسمه : خلاص فكك منه .اساسا شكله رخم فجاه سمعوا صوت غريب ع السلالم ف راحت بسمه تبص و ريم راحت وراها .ممكن يكون جاسر و جايلها .وعملهالها مفاجاه .ايوه .هو اكيد هو .هو بيحبني فجاه لقوا بنت باين عليها بنت ناس اوي و لبسها فخم و ع الموضه و اخر موضه . لميس بتناكه : ايه القرف دا .ايه العماره البيئه دي
بصت لقت بسمه وريم فقالتلهم بتناكه : و مين دول . !! بسمه بصتلها بغضب وقالت بنفس التناكه: انتي مين يا بتاعه انتي . لميس بغضب : انا بتاعه ؟؟ يا بيئه يا جربانه بسمه بغضب : انا جربانه يا عره ريم بهدوء : بس يا بسمه عيب بسمه بغضب : انتي مش سمعاها ريم : معلش يا بسمه ..هو حضرتك عاوزه مين لميس بغرور : عاوزه مستر جاسر ريم بصدمه : نعم ؟؟؟؟؟ لميس ببرود : موش فاهمه يا انتي .
ريم بغضب : عايزه جاسر ليه ياختي ؟؟؟ لميس بزهق : ايه دا .هو ف كده .انا هعرفكم مقامكم . و طلعت لميس الفون ورنت ع جاسر بعد دقايق طلع جاسر من الباب ع اساس ان لميس جات العماره و ف بنتين بتاعتين بيرخموا عليها باب جاسر فتح . و خرج منه جاسر و هو لابس بدله. زي رسمي و ف قمه الاناقه و الجمال و الرجوله . جاسر اندهش لما لقي ريم و بسمه و لقي كمان لميس
ريم باصه ل جاسر .مستنيه تشوف منه اي رده فعل جاسر : لميس انتي هنا . انا بحسبك لسه تحت . و بص ع البنتين و استغرب و قاعد يفكر يا تري ريم انهي واحده و الاتنين باصينله نفس نظرات الغضب .مش عارف يحدد لميس بتناكه : يلا يا جاسر ندخل جوا .بدل الاشكال دي . بسمه ب اندفاع : بقا احنا اشكال يا بتاعه انتي وهجمت عليها جابتها من شعرها ف صرخت لميس .
جاسر فكر ان دي ريم اللي اندفعت علشان تضــ,,ـــــرب لميس ف راح عليها بسرعه جاسى بصوت قوي : ريم ؟ ف ريم بصتله بسرعه بس هو ماخدتش باله جاسر راح مسك بسمه بعدها عن لميس جاسر بعد ما بعدها عن لميس . جاسر : ريم ! ايه اللي عملتيه دا ؟ بسمه بصتله بدهشه وريم اتصدمت مكانها ووقفت متحركتش مقطعش اللحظه دي غير لميس وهي بتجري تستخبي ناحيه جاسر و استخبت وراه جاسر ساب ايد بسمه وقال بصرامه حسابي معاكي بعدين
ف اللحظه دي ريم اندفعت بسرعه ناحيه باب شقتها لحد ما وصلت اوضتها . بسمه وهي بتبص ل جاسر بغضب: انا مش ريم .انا بسمه جاسر تلقائي بص ع المكان اللي ريم كانت واقفه فيه و بص بوجع وخضه و فضل باصص ف الفراغ اللي من ورا ريم .يمكن يلمح طيفها و سرح جاسر ف سره : يا ويلي .ازاي معرفش افرق بين ربم و توأمها .